Komentet Rama i bëri teksa është pyetur lidhur me qëndrimin që do ta mbaj përballë ofensivës ruse, duke marrë në konsideratë edhe faktin se Shqipëria sapo ka arrestuar “dy shtetas rusë dhe një ukrainase që tentuan të hynin në një uzinë ushtarake”.

Rama shtoi se Shqipëria është shumë më pak e varur nga Rusia, ndryshe nga ç’ndodh me Europën, pasi vendi ynë nuk e ka të rrjetëzuar dhe lidhur sistemin energjetik me prodhimet e gazit rus.

“Ishim të fundit që u larguam nga perandori Otomane, dhe të fundit që e rrëzuam bustin e Stalinit edhe kur vetë Perandoria Sovjetike e kishte hedhur, ndaj do të jemi të fundit që do të largohemi nga perandoria perëndimore. Si e shpjegoni këtë ju? Se ne jemi njerëz të mirë. Se në kodin tonë në Kushtetutën e parë të Shqipërisë, fjala e dhënë është nderi dhe ne ja kemi dhënë fjalën BE-së dhe do e mbajmë.

Shqipëria është unike se nuk ka gaz, nuk ia kemi nevojën Rusisë. Historia jonë ka qenë e tillë  që ne nuk kemi asnjë lloj ndjesie ndaj Rusisë, sepse në perandorin sovjetike, Stalini u rrëzua me hijeshi, ndërkohë e e mbajtëm edhe pas rënies së Murit të Berlinit. Ne jemi 100%  me energji të përtëritshme. Ne jemi të lumtur kur Zoti qan, sepse ka burime uji. Ne po e mbulojmë këtë diferencë që është shumë i dhimbshëm për buxhetin shqiptar, që është edhe më i vogël se ai i Kristiano Ronaldos. Kemi inflacionin më të ulët tani në rajon. Problemi që unë shoh është sepse ju përmendët pasi unë fola Scholz, por s’po flisja për Scholz kur përmenda Gjermaninë. Sepse reagimi i Gjermanisë tani ka qenë perfekt. Po flasim për opinionin publik, sepse opinioni e rrëzon Scholzin por jo Putinin. Këtu propaganda ruse edhe pse janë marrë disa masa mund të rrjedhë gjatë gjithë kohës, dhe debati mes palëve mund të dërgojmë armë apo jo ka nisur./albeu.com/

The post “Shqipëria s’ia ka nevojën Rusisë”, Rama flet nga Sllovenia për qëndrimin ndaj Rusisë appeared first on Albeu.com.

Komentet Rama i bëri në edicionin e 17-të Forumit Strategjik të Bledit në Slloveni, ku ka marrë pjesë.

Shefi i qeverisë theksoi se mbështetja e Shqipërisë për Ukrainën do të vijojë.

“Nëse do të flisnin për rrezikun e lodhjes duhet të kishit ftuar vende të tjera këtu. Në vend të Kroacisë, duhet të kishit ftuar Gjermaninë. Në vend të Shqipërisë, duhet të kishit ftuar Italinë.

Na duhet të flasim për të tjerët sepse nuk mendoj se rreziku i lodhjes është në Shqipëri. Ne e kemi parë luftën gjatë jetës dhe e dimë çfarë është.

Unë besoj që po ka një rrezik të madh. Kufiri i dhimbjes është shumë i lartë. Ukrainasit janë njerëz të fortë. Lajm i mirë është që Ukraina nuk e ka humbur luftën dhe Rusia nuk e ka fituar.

Në pjesën më të vjetër të BE, ata nuk kanë parë luftë, përveçse në Netflix. Lexova sot që rritja ditore e shpenzimeve për familjet italiane është 5 euro. Italianët janë një vend shumë tragjik kur vjen fjala e të ngrënit e të pirit.

Ne jemi gati me zemër të mbështesim Ukrainën deri në fund. Nuk jam i sigurt që Shqipëria mund ta ndihmojë Ukrainën të fitojë luftën”, tha Rama./albeu.com/

The post Rama nga Sllovenia: Ne e dimë çfarë është lufta, një pjesë e evropianëve e kanë parë vetëm në filma   appeared first on Albeu.com.