ford Archives - Albeu.com

Ford rikthehet pas më shumë se 20 vitesh në Formula 1

Tau Lanti — Fri, 03 Feb 2023 15:54:08 +0000

Gjigandët amerikanë të Ford do të rikthehen në botën e Formula 1 prej vitit 2026. Kur kanë kaluar më shumë se 20 vite nga pjesëmarrja e fundit e Ford në pistat e shpejtësisë së Formula 1, marka e famshme amerikane do të bashkëpunojë me RedBull sa i takon fuqisë elektrike në makinë.

Rregullat e reja të vendosura nga FIA, shtyjnë RedBull në këtë bashkëpunim që do të nisë prej vitit 2026 me austriakët që kërkojnë të jenë skuderia më e mirëpërgatitur sa i takon njësisë “Poëer Unit”. Në lidhje me rikthimi në Formula 1, foli edhe shefi ekzekutiv i Ford-it, Bill, i cili u shpreh se ky është një kapitull i ri për markën amerikane.

“Është fillimi i një kapitulli të ri në historinë e Ford, do të rikthehemi në sport duke ndjekur traditën e inovacionit, qëndrueshmërisë dhe elektrifikimit në një nga skenat më të rëndësishme të botës së shpejtësisë”, u shpreh Bill.

The post Ford rikthehet pas më shumë se 20 vitesh në Formula 1 appeared first on Albeu.com.

Ford do të trefishojë prodhimin e Mustang Mach E elektrik

E S — Wed, 15 Dec 2021 14:22:05 +0000

Ford planifikon të rrisë prodhimin e Mustang Mach E elektrik vitin e ardhshëm, me synimin për të trefishuar kapacitetin e tij aktual deri në vitin 2023.

Sipas shefit të kompanisë, Jim Farley, kjo po bëhet për të përmbushur kërkesat e jashtëzakonshme.

Kjo është hera e parë që prodhuesi i automjeteve ka ofruar një perspektivë specifike për Mustang Mach E.

Ford tha në nëntor se do të rriste kapacitetin e tij të prodhimit të automjeteve elektrike në 600,000 njësi globalisht deri në vitin 2023.

Nëse Ford arrin shifrën e prodhimit në 600,000, do të dyfishonte numrin që pritej të prodhonte gjatë dy viteve të ardhshme.

“Është e vështirë të prodhosh Mustang Mach E mjaft shpejt për të përmbushur kërkesën e jashtëzakonshme, por ne jemi të sigurt që do ta provojmë. Pra, duke filluar nga viti 2022, ne po rrisim prodhimin dhe presim të arrijmë 200,000+ njësi në vit për Amerikën e Veriut dhe Evropën deri në vitin 2023. Kjo është sa 3 herë prodhimi ynë i vitit 2021”, ka shkruar Farley në Twitter.

Mustang Mach E pritet të jetë veturë plotësisht elektrike, dhe kompania beson se do të pritet shumë mirë.

The post Ford do të trefishojë prodhimin e Mustang Mach E elektrik appeared first on Albeu.com.

“Ford” do të ndalojë së prodhuari makina në këtë shtet

E B — Thu, 09 Sep 2021 13:52:38 +0000

Gjiganti amerikan i makinave “Ford” do të ndalojë prodhimin e makinave në Indi dhe do të mbyllë të dy fabrikat e tij në vend, sipas një deklarate të kompanisë.

Ford tha se do të mbyllte fabrikat deri në tremujorin e dytë të vitit 2022, por do të vazhdonte të prodhonte motorë makinash për eksport.

“Ford” është firma e fundit e madhe e makinave që është larguar nga India vitet e fundit.

Në 2017, General Motors (GM) ndaloi prodhimin e makinave për tregun indian.

Vitin e kaluar, Harley-Davidson ndaloi prodhimin dhe zvogëloi masivisht operacionet e shitjes në atë që është tregu më i madh në botë i motoçikletave.

Këto dalje kanë qenë një goditje për përpjekjet e kryeministrit indian Narendra Modi për të joshur ose mbajtur prodhuesit e huaj./albeu.com

The post “Ford” do të ndalojë së prodhuari makina në këtë shtet appeared first on Albeu.com.

Fordi krijon parfumin me aromë të benzinës

E S — Thu, 29 Jul 2021 18:07:20 +0000

Pothuajse 70% e blerësve te makinave elektrike kanë deklaruar se do t’u mungojë aroma e benzinës kur të mbarojnë veturat që furnizohen më produktet e naftës.

Për këtë arsye, kompania amerikane e prodhimit të makinave “Ford” ka krijuar një aromë të re e cila ka tendencën të ketë aromën e benzinës.

Sipas hulumtimit të kryer nga vetë Fordi, parfumi me aromë të benzinës është bërë shumë i famshme dhe ka aromën pothuajse si të librave të përdorur.

E quajtur “Mach-Eau”, Fordi ka thënë për parfumin e tij se “është dizajnuar për të kënaqur nuhatjen e kujtdo që e dëshiron një aromë të tillë”.

Fordi po ashtu ka bërë të ditur se ka punuar me kompaninë Olfiction me seli në Britani të Madhe për të krijuar flagrancën.

Gjithë këtë lëvizje, Fordi e ka bërë për të promovuar veturën e tij më të re, Ford Mustang Mach-E GT.

The post Fordi krijon parfumin me aromë të benzinës appeared first on Albeu.com.

Mban ende targën origjinale, del në ankand me shumën e çmendur “Fordi” i Princeshë Dianës

admin — Mon, 14 Jun 2021 15:01:42 +0000

Automjeti tip Ford Escort i Princeshës Diana pritet të dalë në ankand. Bëhet me dije se mjeti ka një vlerë rreth 30-40 mijë euro.

Makina iu dhurua Princesh Dianës nga Princi Charles në maj 1981, dy muaj para dasmës së tyre dhe u përdor nga Princesha për të udhëtuar në funksionet e shoqërisë dhe për të parë burrin e saj duke luajtur Polo.

E veçanta e kësaj makine është periudha në të cilën Diana e përdori. Ajo simbolizon kohën më të lumtur të marrëdhënies së saj me Princin e Uellsit.

Makina sipas shtëpisë së ankandit ka bërë 83,000 milje në orë dhe mban akoma targën origjinale. Një tjetër nga makinat e saj, një Audi 80 Cabriolet i vitit 1994, u shit për 58,000 £ në ankand vitin e kaluar.

The post Mban ende targën origjinale, del në ankand me shumën e çmendur “Fordi” i Princeshë Dianës appeared first on Albeu.com.