Versioni më i fundit vjen nga Cape Advanced Vehicles (CAV) në Afrikën e Jugut. Kompania nuk e zbulon qartë se mbi cilën shasi është ndërtuar makina, por të dhënat e pakta të publikuara nga CAV lënë të kuptohet se poshtë trupit të ri fshihet një Audi R8, transmeton Telegrafi.

CAV GT MkII është i pajisur me një motor V8 4.2 litra me dy superkompresorë, si edhe me sistem tërheqjeje në të gjitha rrotat. Sipas kompanisë, agregati përdor pjesë të brendshme të farkëtuara, injeksion direkt, lubrifikim me karter të thatë, kolektor marrjeje prej fibrash karboni dhe sistem shkarkimi Inconel.

Ky motor zhvillon 800 kuaj fuqi dhe 627 çift rrotullues, ndërsa fuqia dërgohet te rrotat përmes njërit nga tre konfigurimet e transmisionit: një gjysmë-automatik me gjashtë shpejtësi ose një manual. Ford GT40 origjinal nuk ishte i pajisur me sistem tërheqjeje në të gjitha rrotat.

Sipas CAV, makina pritet të arrijë një shpejtësi maksimale mbi 330 kilometra në orë, ndërsa përshpejtimi nga 0 në 100 km/orë realizohet për 3.0 sekonda. /Telegrafi/

The post Një GT40 me pamje klasike, por pa lidhje të drejtpërdrejtë me Fordin appeared first on Albeu.com.