Hetimi, i cili u njoftua dhjetorin e kaluar dhe filloi në mars, është “aktualisht në fazën e dëgjimit meritor dhe unë jam në gjendje të konfirmoj se akuzat kanë të bëjnë me sjelljen e forcave speciale britanike”, thaWallace në një deklaratë në parlament.

“Ky konfirmim është bërë në rrethanat e jashtëzakonshme të hetimit në fjalë, ku aktivitetet e këtij organi përbëjnë fokusin e hetimeve”, shtoi ai, duke theksuar natyrën e jashtëzakonshme të thirrjes së veprimtarisë së forcave speciale.

Hetimi mbulon periudhën nga mesi i vitit 2010 deri në mesin e vitit 2013, kur dy familje në Afganistan – tetë persona përfshirë tre fëmijë – dyshohet se u vranë nga forcat speciale britanike gjatë bastisjeve në Afganistan në 2011 dhe 2012.

Një hetim i BBC-së i transmetuar një vit më parë që bëri bujë të madhe në Britani, kishte identifikuar 54 raste të personave të vrarë në Afganistan në rrethana të dyshimta nga një njësi e forcave speciale britanike, fakte që ishin mbuluar nga eprorët e tyre.

Në Australi, një hetim i brendshëm arriti në përfundimin se 39 civilë dhe të burgosur u “vranë në mënyrë të paligjshme” në Afganistan nga forcat speciale australiane. Një veteran ushtarak 41-vjeçar akuzohet për krime lufte dhe arrestohet në mars.

The post Forcat speciale britanike nën hetim, dyshohen për krime lufte në Afganistan appeared first on Albeu.com.

Mbretëria e Bashkuar ka qenë ajo që ka dërguar një numër të madh forcash ushtarake dhe armatimesh në Europën Lundore, ku përfshihen anijet luftarake të Marinës Mbretërore, trupat e Ushtrisë Britanike dhe Forcat Ajrore Mbretërore.

Anija HMS Trent ndodhet tashmë në Mesdheun lindor, sipas Ministrisë së Mbrojtjes, me helikopterë dhe avionë të shumtë patrullimi.

Tanke dhe njësi të blinduara nga Mbretëria e Bashkuar dhe 1000 trupa kanë mbërritur në Estoni nga Gjermania.

Kjo do të thotë se forcat ushtarake britanike do të dyfishohen, pas vendimit të Putinit për të pushtuar Ukrainën./albeu.com/

The post Rrethohet Rusia, forcat britanike zbarkojnë në Europën Lindore appeared first on Albeu.com.