Në këtë aktivitet, Kreu i Shtetit nderoi brezat që kanë shërbyer ndër vite në Forcën Ajrore, duke kujtuar komandantin e parë Edip Ohri si edhe 43 Dëshmorët e Kombit që humbën jetën në krye të detyrës. Ai vlerësoi rrugëtimin e aviacionit ushtarak, duke e cilësuar atë si një histori transformimi që ka ndjekur zhvillimin e vetë Shqipërisë.

Begaj theksoi se Forca Ajrore ka kaluar nga një periudhë izolimi dhe teknologjie të kufizuar drejt standardeve të Aleancës së Atlantikut të Veriut, duke u kthyer në një element kyç të sigurisë kombëtare dhe asaj kolektive.

Sipas tij, modernizimi i Forcës Ajrore përmes pajisjes me helikopterë Black Hawk, zhvillimit të kapaciteteve të mbrojtjes ajrore nga toka, ngritjes së detashmentit të avionëve pa pilotë dhe ndërtimit të një sistemi të integruar të vëzhgimit ajror përfaqëson një kapitull të ri për mbrojtjen e vendit. Ai nënvizoi gjithashtu transformimin e bazës së Kuçovës në një bazë taktike ajrore të NATO-s.

Duke iu referuar situatës ndërkombëtare dhe konflikteve në Ukrainë dhe Lindjen e Mesme, Presidenti theksoi se mbrojtja kolektive është një domosdoshmëri dhe kërkon përkushtim dhe gatishmëri të vazhdueshme. Në këtë kuadër, ai rikonfirmoi angazhimin e Shqipërisë për të arritur objektivin e rritjes së buxhetit të mbrojtjes deri në 5 për qind të Prodhimit të Brendshëm Bruto deri në vitin 2035, në përputhje me vendimet e NATO-s.

Si Komandant i Përgjithshëm i Forcave të Armatosura, Begaj shprehu mbështetjen e tij të plotë për Forcën Ajrore dhe vlerësoi rolin e efektivëve, pilotëve, teknikëve dhe specialistëve të tjerë, duke i cilësuar ata si trashëgimtarë të denjë të një historie 75-vjeçare.

Në përfundim të ceremonisë, Presidenti ndoqi edhe një demonstrim ajror të Forcës Ajrore, ku u përfshinë fluturime të avionëve F-16 të NATO-s si dhe të flotës së helikopterëve të bazës ajrore të Farkës.

The post 75 vite Forca Ajrore, Presidenti Begaj nga Kuçova: Aviacioni ushtarak hyn në një kapitull të ri modernizimi appeared first on Albeu.com.

Ministria e Mbrojtjes shkruan se VDV është vënë në punë në misione më të përshtatshme për këmbësorinë e armatosur rëndë dhe ka parë “humbje të rënda” për shkak të “keqmenaxhimit strategjik”.

Ministria e Mbrojtjes rendit tre shembuj:

Përpjekja për të avancuar në kryeqytetin e Ukrainës Kiev përmes aeroportit Hostomel në mars

Përparimi i ngecur rreth Izyum në lindje që nga prilli

Përpjekjet e fundit “të dështuara dhe të kushtueshme” për të kaluar lumin Siverskyi Donets, kundër në lindje

VDV prej 45,000 forcash përbëhet kryesisht nga ushtarë profesionistë me kontratë, thotë MM, duke shtuar se anëtarët e saj gëzojnë “status elitar dhe tërheqin paga shtesë”.

“Punësimi i keq i VDV-së në Ukrainë nxjerr në pah se si investimi i rëndësishëm i Putinit në forcat e armatosura gjatë 15 viteve të fundit ka rezultuar në një forcë të përgjithshme të pabalancuar,” thotë ai./albeu.com

The post Inteligjenca britanike: Rusia keqmenaxhon forcat elitare ajrore appeared first on Albeu.com.