Egnatia do të shkruajë historinë duke marrë pjesë për herë të parë në fazën e ligës së Conference League, pasi përfundoi me sukses ndeshjet kualifikuese. Megjithatë, vetëm pak ditë pas përcaktimit të kundërshtarëve nga shorti, kampionët e Shqipërisë përballen me projeksionet që nuk i favorizojnë për vazhdimin e garës.

Parashikimet janë publikuar nga platforma e njohur mediatike “football.meets.data”, e cila ka ndërtuar edhe renditjen e pritshme pas zhvillimit të 6 ndeshjeve.

Sipas këtij projeksioni, skuadra e drejtuar nga Nevil Dede nuk ka shanse për t’u kualifikuar. Egnatia parashikohet të mbyllë renditjen në vendin e 26-të, me 6 pikë të marra në 6 takime, pas 2 fitoreve, asnjë barazimi dhe 4 humbjeve, ndërsa golavarazhi pritet të jetë -2.

I njëjti parashikim e vendos Midtjylland në krye të ligës, me 16 pikë. Pikërisht ndaj këtij ekipi Egnatia do të luajë ndeshjen e parë, më 15 tetor në stadiumin “Air Albania”.

The post Egnatia jashtë parashikimeve për kualifikimin në Conference League, ja pikët dhe renditja e kampionëve shqiptarë appeared first on Albeu.com.

Pas paraqitjes së mirë në ndeshjen e parë ndaj Pafos, të zhvilluar në “Elbasan Arena” dhe të përfunduar në barazim 1 – 1, Dinamo përgatitet për sfidën e kthimit, e cila do të përcaktojë fatin e kësaj përballjeje në fazën Play-Off të Conference League.

Skuadra e drejtuar nga Ilir Daja ndodhet përballë dy mundësive: kualifikimit në grupet e Conference League ose përfundimit të aventurës europiane.

Sipas të dhënave të publikuara nga “Football Meets Data”, shanset e Dinamos për të shkruar historinë dhe për të siguruar një vend në grupet e një kompeticioni europian llogariten në vetëm 16%.

Pafos, ndërkohë, shihet si favorite e qartë për të kaluar më tej, me 84% mundësi kualifikimi, një përqindje që e paraqet thuajse të sigurt praninë e saj në fazën tjetër.

Megjithatë, përgjigjen përfundimtare do ta japë fusha e lojës në takimin vendimtar të kthimit.

The post Parashikimet zbehin dominimin e Dinamos në “Elbasan Arena” dhe e nxjerrin jashtë Conference League appeared first on Albeu.com.

Megjithëse u mposht 3 – 1 në Irlandë, Egnatia synon të përmbysë rezultatin ndaj Shamrock dhe të sigurojë kualifikimin në fazën Play-Off të Europa League.

Takimi i kthimit është programuar më 13 gusht, në orën 21:00, në stadiumin “Arena Egnatia”. Sipas parashikimit në përqindje të gjigantit botëror të simulimeve, “Football Meets Data”, as Egnatia dhe as Shamrock Rovers nuk pritet të arrijnë në grupet e Europa League.

Skuadra që do të dalë fituese nga ky çift do të përballet me Lillestrom SK të Norvegjisë, ndërsa në këtë analizë të dyja ekipet vlerësohen pa shumë shpresa përballë rivalit nordik.

Simulimet e “Football Meets Data” parashikojnë që Lillestrom do të eliminojë fituesin e dueleve Egnatia – Shamrock dhe më pas do të renditet në vazon e 4-të të shortit për grupet e Europa League.

The post Football Meets Data” nuk i jep shanse Egnatias dhe Shamrockut për grupet e Europa League appeared first on Albeu.com.

Egnatia do të përpiqet të përmbysë humbjen 1 – 3 të pësuar në transfertë ndaj Shamrock Rovers, në ndeshjen e kthimit të raundit të 3-të të Europa League. Përballja do të zhvillohet më 13 gusht në stadiumin “Arena Egnatia” të Rrogozhinës.

Sipas vlerësimit të stimulatorit të njohur “Football Meets Data”, skuadra e Nevil Dedes ka vetëm 12% shanse për të kaluar në fazën Play-Off të këtij kompeticioni.

Ndërkohë, mundësitë që Shamrock Rovers të sigurojë kualifikimin llogariten në 88%, çka e bën ekipin irlandez favorit të qartë të paktën në letër.

Pavarësisht këtij parashikimi, kampionët e Superiores kanë treguar këtë sezon në Kupat e Europës se në shtëpi mund të shfaqin karakter dhe të shënojnë shumë gola, siç ndodhi ndaj Petrocub dhe Celje.

The post Egnatia kërkon përmbysjen ndaj Shamrock Rovers, por kualifikimi duket larg appeared first on Albeu.com.