Kreu i PD-së, Lulzim Basha ka deklaruar se do të kërkojnë ngritjen e një Komisioni Hetimor për  korrupsionin në lidhje me pezullimin e fondeve.

Përmes një postimi në Facebook, Basha shkruan se kryeministri i vendit ka ndërtuar një shtet të të korruptuarve.

Kreu i PD-së thekson se fermerët janë lënë në mëshirë të fatit pas pezullimit të fondeve dhe janë favorizuar klientët që me këto fonde ndërtojnë vila në komplekset luksoze të bregdetit.

Postimi i plote:

Nuk është hera e parë që propagandës dhe retorikës shtinjake i del boja. Kur arritjet imagjinare ndeshen me faktet, duket qartë se e vetmja gjë që ka ndërtuar Edi Rama është një shtet i të korruptuarve.

Kështu ka ndodhur me mega-aferën e Inceneratorëve, kështu po ndodh me fondet e Bashkimit Europian për bujqësinë.

Vendimi i Brukselit për pezullimin e granteve të programit IPARD tregon makutërinë e kësaj qeverie, që abuzon edhe me fondet e BE-së, duke lënë në mëshirë të fatit fermerët e ndershëm të këtij vendi, për të favorizuar klientët e zakonshëm që me këto fonde ndërtojnë vila në komplekset luksoze të bregdetit.

Për këtë skandal që nxiu faqen e Shqipërisë përpara partnerëve europianë dhe që pengon rrugëtimin tonë drejt BE-së, Partia Demokratike do të kërkojë ngritjen e një Komisioni Hetimor Parlamentar për të zbardhur shpërdorimin e fondeve për bujqësinë dhe për të garantuar transparencën që qytetarët meritojnë.

Lufta e pakompromis ndaj korrupsionit dhe fundi i pandëshkueshmërisë në nivelet e larta të politikës janë prioritete të Partisë Demokratike, arritja e të cilave garanton ndryshimin që shqiptarët presin.

/Albeu.com/

The post Pezullimi i fondeve për Bujqësinë, Basha: Do kërkojmë ngritjen e një Komisioni Hetimor appeared first on Albeu.com.

Përmes saj kryeministri prezanton programin e ri IPARD III në Shqipëri që pritet të financojë 146 milionë euro për zhvillimin e bujqësisë dhe zonave rurale në Shqipëri sipas tij.

Sipas kryeministrit, kjo është një shumë 50% më e lartë se shuma e financimit.

“Është një shumë 50% më e lartë se shuma e financimit. Hapet një rrugë e gjerë për të gjitha ata që do ndjekin shembullin e zhvillimit në sipërmarrje. Kjo që po ndodh është një risi e jashtëzakonshme në jetën rurale të vendit. U vonua, për shumë vite në fakt.”

“Sot është hapur rruga që duan të vrapojnë më shpejt. Është një transformim konkret. Si mund të behet sukses në bujqësi dhe nuk janë dëshira por fjalë që kanë mbështetje në fakte.”

“Ata që kanë prona në zona të vështira dhe infrastruktura e bën të kushtueshme nxjerrjen e produktit. Aty mund të ndërtohet një sipërmarrje që bën sukses. Aty mund të investohen kursimet dhe të fitosh dyfish apo pesë fish më shumë se puna në emigracion. Është konsumatori që vjen tek shërbimi dhe kërkon produktin. Realiteti i agroturizmit që është në një fazë të parë ende. Flet vetë realiteti”, tha Rama./albeu.com/

The post Rama ndan lajmin: Sa para do të ndajë qeveria për zhvillimin rural dhe bujqësor (VIDEO) appeared first on Albeu.com.