Berisha u ndal te fjala e tij dhe te skandali i AKSHI, ku u morën peng dy biznesmenë vetëm që tenderët e AKSHI-t t’i merrte sipas tij baxhanaku i Ramës.

Më tej ai shtoi se ky regjim dhe cilado diktaturë nuk munden me anë të votës. Kush mendon kështu sipas Berishës është i mashtruar.

Berisha: Dy pengmarrje, dy biznesmenë janë marrë peng se guxonin të paraqisnin tenderë që duhet të fitonte baxhanaku. Nuk ka pse të ndalem gjatë, vetë jeni të vetëdijshëm në zinxhirin e pafund të krimeve që kanë kryer. Jemi në një moment kritik, të ekzistencës sonë. Të përmbushjes së misionit tonë. Asgjë nuk përcaktojë fatin e PD-së, se sa përmbushja e misionit tonë. Përmbysja e këtij regjimi.

Diktatura nuk janë të lehta të përmbysen. Janë shumë të vështira, por diktaturat autoritare përmbysen vetëm në revoltë popullore. Ata që besojnë se mund ta përmbysin me votë, mashtrojnë veten e tyre. Të harrojmë çdo gjë. Gjithçka, por të vijmë me datën 8 maj të 2025. Narko diktatori deklaron se fala të gjitha gjobat dhe kamatat.

Ishin 10 herë më shumë se imagjinoja unë që kam qenë kryeministër. Ishin 2 mld euro. Vetëm ato, interesonin 200 mijë familje. Nuk ka zgjedhje me diktatorët. Jo një popull me elektorat me 1mln 400 mijë. Por edhe me elektorat 3 mln votues, ja rrëzojnë zgjedhjet. Kurrë një kryeministër që beson në dinjitetin njerëzor, nuk mund të bëjë një akt të tillë.

The post “Ata që besojnë se regjimi përmbyset me votë, mashtrojnë veten”, Berisha: Dy biznesmenë u morën peng që tenderët e AKSHI-t t’i merrte baxhanaku i Ramës appeared first on Albeu.com.

Këto akse, do të jenë të bllokuara nga ora 18:00 deri në orën 20:00.

Njoftimi i policisë:

Tiranë/Në bazë dhe në zbatimit të ligjit “Për tubimet”, Policia e Tiranës ka ndërmarrë të gjitha masat për garantimin e rendit publik, zbatimin e të drejtave dhe lirive të qytetarëve dhe të pjesëmarrësve në tubimin e ditës së sotme, nga ora 18:00 deri në orën 20:00, para Kryeministrisë.

Në zbatim të këtyre masave, me qëllim garantimin e mbarëvajtjes së tubimit, ditën e sotme do të kufizohet lëvizja në disa akse/segmente rrugore, konkretisht:

Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.

The post Foltorja e opozitës, policia tregon rrugët që do bllokohen sot appeared first on Albeu.com.

Kjo protestë e 8 dhjetorit, përkon me lëvizjen studentore të organizuar 35 vjet më parë.

Kryetari i PD, Sali Berisha, sapo ka mbërritur në bulevardin para kryeministrisë bashkë me deputetë të tjerë të opozitës.
Të parët që kanë nisur fjalimet janë të rinjtë demokratë të cilët kanë denoncuar afera korruptive të qeverisë.

Ndërkohë Në protestën e thirrur nga opozita këtë të hënë, nuk ka munguar dhe anëtari i Kryesisë së PD, ish-deputeti demokrat Ervin Salianji.

Si organizator i tureve me strukturat e PD, e cila nisi nga Durrësi, lëvizje që synon rizgjimin e PD, Salianji ka kritikuar Foltoret, duke kërkuar revoltë për rrëzimin e qeverisë.

Sot ai ka qenë i pranishëm në këtë protestë që mblidhet në një ditë të rëndësishme për opozitën, 8 dhjetori i lëvizjes studentore të 1990.

The post VIDEO/ Nisin fjalimet në “Foltorja 2”, i pranishëm edhe Ervin Salianji appeared first on Albeu.com.

“Ndaj dhe ne në një dialog intensiv me shqiptarët duhet të përgatitemi për protestat më të fuqishme që ka njohur vendi“, u shpreh kreu i PD-së.

Teksa iu referua abuzimeve me tendera të zv.kryeministres Belinda Balluku dhe kundërshtimit të kryeministrit Rama ndaj vendimit te GJKKO-së për pezullimin e Ballukut nga detyra, Berisha tha se ka ardhur koha që opozita të organizojë protesta të fuqishme.

Sali Berisha: Ku ja heq Rama imunitetin Belinda Ballukut? Ky më parë rrëzon mandatin e tij se sa i heq imunitetin asaj, sepse ajo bëhet e penduar fill. Ajo është një, mos e pyet, një shtet të tërë te këmbët e veta e ka në mënyrëm më të paimagjinueshme…Ndaj dhe ne në një dialog intensiv me shqiptarët duhet të përgatitemi për protestat më të fuqishme që ka njohur vend.

The post Pas Foltores, Berisha paralajmëron protesta të fuqishme/ Kreu i PD thirrje qytetarëve: Duhet të përgatitemi… appeared first on Albeu.com.

Berisha theksoi se asnjë aktivitet jashtë forumeve, nuk mund të ketë ndikimin më të vogël në PD.

“Asnjë aktivitet jashtë forumeve të PD nuk mund të ketë ndikimin më të vogël në PD, është strikt privat pa asnjë lidhje me Partinë Demokratike. PD është parti me Statut, institucione dhe forume”, u shpreh ai.

I pyetur nëse lidhje me foltoren e vitit 2021 që Berisha krijoi, kryedemokrati deklaroi se: “E bëra brenda strukturave, pasi kreu i strukturave kishte tradhtuar kauzën e mbarë demokratëve, e bëra për të shpëtuar PD nga kontrolli mafioz i Ramës dhe sorosianëve. Rama i kishte hapur dy procese Bashës”.

The post Foltorja e Salianjit dhe Alimehmetit me demokratët, Berisha: Aktivitet privat, s’ka lidhje me PD appeared first on Albeu.com.

Nikolla i ka ndërprerë fjalën Flamur Nokës dhe Oerd Bylykbashit, duke i cilësuar deklarata e tyre si shkelje të etikës dhe fyerje të deputete gra në Kuvend.

Mënjehërë sapo ju është ndërprerë fjala të gjithë deputetët e opozitës janë afruar tek foltorja duke e bllokuar ata.

Kjo “skemë” e dputetëve të opozitës për bllokimin e foltores është e përsëritur në çdo seancë, sa herë ju ndërpritet fjala.

Pas këtij vepimi, Lindita Nikolla ka ndërprerë seancën duke kërkuar 5 minuta pushim.

The post Tension në Kuvend, deputetët e opozitës bllokojnë sërish foltoren! Nikolla ndërpret seancën appeared first on Albeu.com.

Kreu i grupit parlamentar socialiste, Taulant Balla në mbledhjen e sotme të grupit, u ka dhënë direktiva deputetëve si duhet të sillen.

Ai u ka thënë të vazhdojnë me votimin e rendit të ditës, pavarësisht veprimeve të opozitës.

“Në seancë plenare, në rast bllokimi nga PD, do të përsëritet i njëjti qëndrim i PS. Do të votojnë rendin e dites pavarësisht qëndrimit bllokues të opozitës”, mësohet të jetë shprehur Balla. /albeu.com

The post Socialistët marrin direktivat nga Taulant Balla, si do të sillen kur opozita bllokon foltoren appeared first on Albeu.com.

EDI RAMA NË TWITTER

“Pas 28 orësh seancë diskutimesh për #Buxhetin2023 as PD, as PF dhe as PL(Partia e Lekut) nuk pranuan që ka luftë, nuk folën për asnjë lidhje mes luftës së Putinit, krizës së çmimit të energjisë dhe inflacionit të luftës, nuk thanë asnjë llaf për 1/2milionë USD të marra nga rusët!

Seanca u mbyll me dy të dehur nga rruga e Foltores që shanë me libër shtëpie në emër të popullit dhe mbetën pa bërtitur “Shqipëria në Rrezik!” se harruan tekstin prej alkoolit! 3 parti bedelësh pa atdhe, pa din e as iman, me dy të shitur në ballë e dyzet të shkalafitur vërdallë!”/albeu.com

The post Paloka e Leskaj të dehur? Reagon Rama: Shanë me libër shtëpie, 3 parti bedelësh e dyzet të shkalafitur appeared first on Albeu.com.

I ftuar në emisionin “Radari Informativ” në ABC të gazetares Juli Xhokaxhi, deputeti demokrat Ervin Salianji tha se palët duhet të nisin sa më parë negociatat, por më parë duhet ngritur një komision për përfaqësimin e të dyja palave.

Ai tha që secila nga palët duhet të bëjë tërheqjen e saj, duke thënë se PD zyrtare i kërkoi dorëheqjen Lulzim Bashës, akt që erdhi të hënë që lamë pas, tani është radha e “Foltores” që të tërhiqet.

“Në PD u kërkua nga ne dorëheqja e Bashës në raport me zgjedhjet dhe betejën e pabërë. Tani duhet të kemi dhe një tërheqje nga Foltorja”, u shpreh Salianji./abcnews.al

The post Dorëheja e Bashës, Salianji: Tani radha e “Foltores” të tërhiqet appeared first on Albeu.com.

Kryetari i ri i komanduar i Partisë Demokratike, Enkelejkd Alibeaj, tha në një intervistë për gazetën “Panorama” se rezoluta e miratuar ditën e hënë nga Grupi Parlamentar është një shprehje e vullnetit politik për të zgjidhur situatën në PD.

Ai konfirmoi se gjatë mbledhjes kishte pasur kontestime për mënyrën e formulimit apo edhe për kohën e deklaratës, por sipas tij, ata ishin numri i vogël. Sa i përket numrit të deputetëve që ishin të pranishëm, ai garantoi se dokumenti i lexuar kishte mbështetjen e shumicës dhe se disa prej deputetëve ishte konsultuar dhe kishte dhënë dakordësinë më herët e disa të tjerë online.

Ndërkohë, për negociatat për të gjetur mekanizmin e përbashkimit të demokratëve, Alibeaj tha për herë të parë për gazetën “Panorama” se do të jenë deputetët e grupit ata të cilët do të negociojnë me pjesën tjetër të deputetëve të pezulluar mbi mekanizmin që do të gjendet dhe do të vijohet për bashkimin.

Sipas tij, çdo mekanizëm apo propozim do të kalohet me votë për vendimmarrje. Ndërkaq, Alibeaj nuk dha asnjë përgjigje të drejtpërdrejtë nëse është kusht dorëheqja e Berishës, por theksoi se zgjidhja duhet të vijë mbi parimet thelbësore të PD-së. Ndërmjetësimin e PPE-së për të zgjidhur krizën, kryetari i komanduar i demokratëve e sheh si ndërhyrjen e një prindi në familjen e madhe.

Z. Alibeaj, ka pasur pretendime se nuk ishte kuorumi i nevojshëm dje në miratimin e rezolutës që ju lexuat, keni dakordësinë e shumicës së grupit që si një nga kushtet kryesore para negociatave të dorëhiqet Berisha nga vendimmarrjet?

Në mbledhjen e djeshme (të ditës së hënë) të Grupit Parlamentar, është diskutuar fillimisht për çështjet e rendit të ditës në seancën parlamentare të së enjtes. Siç jeni në dijeni, është kërkuar nga ne një mocion me debat për situatën ekonomike dhe posaçërisht për çështjen e ngritjes së çmimeve, e që është shqetësimi kryesor i shoqërisë shqiptare sot. Në vijim, u diskutua edhe qëndrimi i grupit rreth zhvillimeve në PD. Në cilësinë e kryetarit të grupit, pas zgjedhjeve të 6 marsit, me kolegët deputetë kam zhvilluar biseda përgjatë gjithë kësaj kohe, rreth qëndrimeve të tyre, të cilat mesa ka qenë e mundur, u sintetizuan në dokumentin e qëndrimit të Grupit Parlamentar. Një pjesë e deputetëve nuk kanë qenë të pranishëm dje fizikisht për shkak edhe të lëvizjes në terren apo edhe jashtë vendit.

Atyre iu krijua mundësia që mendimin dhe eventualisht dakordësinë apo kundërshtimin e tyre mbi atë çka ishte përshkruar ta jepnin online. Ajo çka ju them me siguri, është se atë qëndrim e kanë mbështetur shumica e grupit të deputetëve. Jo vetëm për shkak të formimit tim në fushën e ligjeve, por mbi të gjitha për shkak të vlerave morale që besoj, do e kisha të pamundur të paraqisja një dokument që nuk kishte mbështetjen e të gjithë deputetëve.

Po ashtu, ju siguroj se qëndrimi është analizuar në çdo paragraf nga ne të gjithë bashkë dhe në tërësi. Po, ka pasur kolegë që kanë shprehur rezerva për fraza apo terminologji në tekstin e dokumentit apo rezerva edhe për kohën se kur duhet të dilej me një qëndrim. Çdo shqetësim i ngritur prej tyre është respektuar me rigorozitet të plotë, duke mos i përllogaritur në kuorum.

Edhe kolegët që nuk patën mundësinë të ishin të pranishëm fizikisht apo online, janë konsultuar paraprakisht nga ana ime, e megjithëkëtë përsëri, për korrektesë, pavarësisht shumicës së arritur, secili prej tyre do të ketë mundësinë të shprehë qëndrimin e tij. Të mos harrojmë që dokumenti është hapi i parë, shfaqje e vullnetit politik të grupit parlamentar për të realizuar bashkimin e PD-së, për të vënë të parin interesin e çdo demokrati të thjeshtë. Asnjë akt apo vendimmarrje nuk do ndërmerret pa konsultim me gjithsecilin. Siç ju thashë më sipër, qëndrimi nuk është gjë tjetër veçse një përmbledhje e qëndrimeve të tyre, të shprehura këto në disa mbledhje grupi dhe nga konsultimet që kam mundur të realizoj me ta.

Sot, ishte dita juaj e parë si kryetar i komanduar, keni vendosur kontakte të qenësishme me deputetët e Komisionit të Rithemelimit për të nisur bashkëbisedimet? Ndërkohë, në PD si do të zgjidhen negociatorët apo anëtarët e Komisionit të Përbashkimit nëse do të ketë, mekanizmi?

Nëse lexoni me kujdes qëndrimin, aty saktësohet se i gjithë Grupi Parlamentar shprehet i gatshëm të negociojë me kolegët e pezulluar, dhe kështu do të jetë: I gjithë Grupi Parlamentar do të jetë praktikisht pjesëmarrës në negociatë dhe sigurisht, vendimmarrës për gjetjen e një zgjidhje të pranueshme që synon bashkimin. Vullneti fillimisht e pastaj procesi.

Sa i përket procesit, vijues, është çështje që do të vendoset hap pas hapi. Ajo që dimë me siguri në këtë moment ka të bëjë me parimet që duhet të përshkojnë këtë proces, bëhet fjalë për ngritjen e një mekanizmi konsensual, luajal ndaj vlerave themelore të Partisë Demokratike, sigurisht në konsultim edhe me institucionet e tjera të partisë. Qëndrimi tashmë është publik, besoj falë medias i njohur nga çdokush. Është e kuptueshme që çdo proces, sikundër edhe ky, ka nevojë për kohën e duhur në mënyrë që secili prej atyre që iu adresohet, të formulojë qëndrimet respektive.

Një nga pikat e rezolutës ishte që një grup i PPE-së të jetë në mes. A duhen anglishtfolës për të zgjidhur një krizë brenda një familjeje politike? Dhe ka një ofertë konkrete nga ana e PPE-së për të asistuar këtë ngërç edhe pas vizitës së Brok?

Duhen miq të PD-së dhe demokratëve, pjesë e familjes së madhe të partive popullore. PPE-ja është familja e madhe jona ku PD-ja ka vendin e saj. Duke qenë kështu, ndihma, lehtësimi i komunikimit apo gjetja e një zgjidhjeje afatgjatë e të pranueshme, është pjesë e rregullave të familjes PPE, jo si një instrument fakultativ, jo si një dobësi, por si një mbështetje që vjen natyrshëm në kuadrin e marrëdhënieve në këtë grupi partiak.

Në rezolutë thuhet se komisioni me përfaqësues nga të dyja palët do drejtojë partinë deri në zgjedhjet lokale. Nëse kjo ndodh dhe PD-ja merr më pak njësi vendore, pra bashki, kush do të mbajë përgjegjësi? Ndërkohë, cilat do të jenë kriteret për kandidatin për kryetar të Partisë Demokratike?

Në qëndrim, shprehet gatishmëria e gjetjes së një mekanizmi konsensual, në konsultim me institucionet e tjera të Partisë. Se cila do të jetë forma apo modaliteti nuk mund t’jua them tani, se mbetet pjesë e dakordësisë.

Dakordësia dhe më pas, çdo angazhim apo aktivitet tjetër partiak apo elektoral, synon më së pari, bashkimin e demokratëve dhe përtej demokratëve. Kjo është premisa bazë, mbi të cilën përballet dhe zgjidhet çfarëdo sfide e së ardhmes. Nëse bëhet fjalë për përgjegjësi, unë besoj se nuk duhet të presim deri në zgjedhje, sepse koha është tani. Testi është tani: çdo gjë për bashkimin e demokratëve, dhënien e arsyeve dhe motiveve edhe atyre demokratëve të stepur paksa, e mbi të gjitha qytetarëve që janë kundër regjimit. Nëse kjo arrihet, në vetvete është sukses, e bashkë me të edhe çdo ngjarje elektorale e së ardhmes. Grupi Parlamentar yni është në unison rreth këtyre vlerave dhe synimeve.

The post INTERVISTA/ Kryetari i komanduar i PD zbulon kush do të negociojë me “Foltoren”, çfarë thotë Alibeaj appeared first on Albeu.com.