follorine Archives - Albeu.com

FOTO/ Kapet 68-vjeçari shqiptar me 55 kg drogë në makinë pranë kufirit greko-shqiptar, pakot ishin vendosur në çanta dhe thes

admin — Sat, 18 Jul 2026 12:53:04 +0000

Një shtetas shqiptar, 68 vjeç, u vu në pranga mëngjesin e djeshëm gjatë një operacioni të planifikuar dhe të bashkërenduar nga efektivët e Departamentit të Hetimit dhe Ndjekjes Penale të Krimeve në Follorinë, Greqi.

Sipas raportimeve të mediave greke, policia kishte ndërmarrë veprime të posaçme kundër futjes dhe shpërndarjes së lëndëve narkotike në vend. Pas shfrytëzimit të informacioneve të siguruara, efektivët identifikuan në një zonë të Follorinës një automjet privat që drejtohej nga 68-vjeçari.

Kontrolli në makinë zbuloi 2 çanta udhëtimi dhe 1 thes, brenda të cilëve ndodheshin 50 pako me marijuanë. Lënda narkotike kishte një peshë të përgjithshme bruto prej 55 kg e 422 gramë.

Gjatë operacionit, policia konfiskoi gjithashtu 3 telefona celularë.

The post FOTO/ Kapet 68-vjeçari shqiptar me 55 kg drogë në makinë pranë kufirit greko-shqiptar, pakot ishin vendosur në çanta dhe thes appeared first on Albeu.com.

Kapet marijuanë në kufirin shqiptaro-grek, në pranga dy persona

K Agaj — Fri, 20 Jan 2023 13:35:44 +0000

64 kg marijuanë janë sekuestruar në kufirin greko-shqiptar. Policia greke ka ndaluar në Follorinë një mjet brenda të cilit u gjetën dhe sekuestruan 3 çanta që përmbanin 45 pako me 64 kg 533 gram marijuanë. Në pranga ka rënë drejtuesi grek i mjetit, 48 vjeç. Po ndaluar edhe një mjet i dytë në Follorinë që [...]

Sa rrezikon Shqipëria nga tërmeti i djeshëm? Përgjigjet Specialistja

admin — Mon, 10 Jan 2022 12:30:17 +0000

Specialistja pranë Institutit të Gjeoshkencës, Anira Gjoni, është shprehur se Shqipëria nuk është e rrezikuar nga tërmeti i djeshëm.

Ajo shtoi se ka pasur disa pasgoditje pas tërmetit të djeshëm që “shkundi” juglindjen e vendit mbrëmjen e së dielës.

Komentet ajo i bëri në një lidhje për ABC News, ku tha se deri më tani nuk ka pasur raportime për dëme ndërsa shtoi se vendi ynë nuk rrezikohet nga kjo vatër sizmiologjike.

“Tërmeti i natës së mbrëmshëm 22:43, ka qenë i regjistruar 5.6 Rihter me thellësi 9 km, epiqendra ka qenë 40 km të verilindje të Bilishtit dhe 240 km nga qendra e Tiranës. Është ndjerë në Tiranë dhe në qarqet e lindjes dhe të jugut të vendit. Sipas raportimeve, nuk ka pasur dëme, duke qenë se konsiderohet dhe larg vendit tonë.

Që nga momenti i kësaj goditje ka pasur disa pasgoditje të këtij tërmeti, domethënë se nuk është se pritet të ketë diçka më të madhe. Vendi ynë nuk është i rrezikuar nga kjo vatër, nuk do të ketë pasoja për vendin tonë nga kjo pikë ku është zhvillohet aktiviteti sizmik i mbrëmshëm.”, tha specialistja./albeu.com/

The post Sa rrezikon Shqipëria nga tërmeti i djeshëm? Përgjigjet Specialistja appeared first on Albeu.com.