Fluturimi inaugurues nga TIA do të realizohet më 19 qershor 2026, në orën 15:00, ndërkohë që fluturimi i parë nga Toronto është parashikuar në 18 qershor 2026, në orën 22:00. Avioni që do të operojë këtë linjë do të jetë një Airbus A330-200, me një kapacitet prej rreth 350 vendesh. Fluturimet do të vijojnë gjatë sezonit veror deri më 9 tetor 2026, me një frekuencë javore.

Linja e re ajrore i përgjigjet kërkesave në rritje për fluturime direkte jo vetëm mes Shqipërisë, por edhe vendeve të rajonit dhe Kanadasë. Vlerësohet se rreth 60 mijë pasagjerë në vit lëvizin në këtë drejtim, kryesisht për turizëm, vizita familjare dhe për nevojat e komuniteteve të diasporës.

Në Kanada jeton një komunitet i gjerë i diasporës shqiptare dhe asaj rajonale, të cilët prej vitesh kanë pasur nevojë për një lidhje ajrore direkte me Shqipërinë. Fluturimi Tiranë–Toronto e thjeshton ndjeshëm udhëtimin, duke e bërë atë më të shpejtë dhe më praktik për pasagjerët.

Kjo linjë gjithashtu pritet të ndikojë pozitivisht për zhvillimin e turizmit, aktivitetin e biznesit dhe në shkëmbimet kulturore, ndërsa Tirana forcon më tej rolin e saj si një pikë lidhëse ajrore për rajonin.

Hapja e këtij destinacioni është rezultat i bashkëpunimit të ngushtë dhe efektiv ndërmjet Aeroportit Ndërkombëtar të Tiranës dhe Air Transat, duke reflektuar një angazhim të përbashkët për zgjerimin e lidhjeve ajrore dhe përgjigjen ndaj kërkesës së tregut me shërbime ajrore cilësore dhe të besueshme. Angazhimi i Qeverisë Shqiptare dhe koordinimi i ngushtë i autoriteteve shtetërore ishte vendimtar në finalizimin e marrëveshjes së lidhjes ajrore ndërmjet Shqipërisë dhe Kanadasë në një kohë rekord.

Hapja e linjës Tiranë–Toronto është bërë e mundur edhe falë investimeve të vazhdueshme të Grupit Kastrati në modernizimin e Aeroportit Ndërkombëtar të Tiranës, të cilat kanë siguruar kapacitetet infrastrukturore dhe operacionale të nevojshme për këtë destinacion ndërkontinental.

Drejtori i Operacioneve i Aeroportit Ndërkombëtar të Tiranës, z. Piervittorio Farabbi, u shpreh:

“Hapja e linjës Tiranë–Toronto me Air Transat është një arritje madhore për TIA-n dhe për Shqipërinë. Ky është shërbimi ynë i parë transoqeanik dhe lidhja jonë e parë direkte me Atlantikun e Veriut. Ne përgëzojmë Air Transat për besimin dhe falënderojmë të gjitha ekipet dhe palët e përfshira për bashkëpunimin e shkëlqyer. Së bashku, po hapim horizonte të reja për pasagjerët, turizmin dhe lidhjet ekonomike ndërmjet Shqipërisë, rajonit dhe Kanadasë.”

“Jemi krenarë që bëhemi linja ajrore e parë që ofron shërbim direkt pa ndalesë midis Amerikës së Veriut dhe Shqipërisë,” tha Sebastian Ponce, Drejtor i të Ardhurave në Transat. “Kjo linjë do të mbështesë rritjen e turizmit në Shqipëri dhe Ballkan, ndërsa do t’u ofrojë pasagjerëve në rajon akses të lehtë drejt Kanadasë dhe lidhje të mëtejshme në të gjithë Amerikën e Veriut përmes rrjetit tonë dhe partneritetit me Porter Airlines.”

Linja Tiranë–Toronto forcon më tej rrjetin në zgjerim të TIA-s dhe nënvizon fokusin strategjik të aeroportit në rritjen afatgjatë, përmirësimin e lidhshmërisë dhe zhvillimin e Tiranës si një nyje kyçe e aviacionit për rajonin.

Rreth Aeroportit Ndërkombëtar të Tiranës (TIA)
Aeroporti Ndërkombëtar i Tiranës është porta kryesore ajrore e Shqipërisë, duke shërbyer si një motor kyç për turizmin, zhvillimin ekonomik dhe lidhjen ndërkombëtare. I vlerësuar si aeroporti me rritjen më të shpejtë në Evropë, aeroporti mban lidershipin në rajonin e Ballkanit Perëndimor për nga lidhshmëria, numri i pasagjerëve dhe investimet.

Rreth Air Transat
E themeluar në Montreal në vitin 1987, Air Transat është një kompani ajrore lider, e votuar nga pasagjerët si Linja Ajrore më e Mirë për Udhëtime Rekreative në Botë 2025 në Skytrax World Airline Awards. Programi i saj ofron akses në destinacione ndërkombëtare, kryesisht në Evropë, Karaibe, bregun lindor të Shteteve të Bashkuara, Amerikën e Jugut dhe Afrikën e Veriut. Air Transat njihet për shërbimin e shkëlqyer ndaj klientit dhe operon me një flotë që përfshin disa nga avionët më efikasë për nga konsumi i energjisë në kategorinë e tyre. Me seli në Montreal dhe baza kryesore në Aeroportin Ndërkombëtar Montréal–Trudeau (YUL) dhe Aeroportin Pearson të Torontos (YYZ), kompania ka rreth 5,000 punonjës me një qëllim të përbashkët: të afrojë njerëzit me njëri-tjetrin. Air Transat është një njësi biznesi e Transat A.T. Inc. (TSX: TRZ).
www.airtransat.comA.T. Inc. (TSX: TRZ). www.airtransat.com

The post Historike, për herë të parë fluturime direkte Shqipëri–Kanada nga TIA përmes Air Transat appeared first on Albeu.com.

Në një fluturim Delta nga Salt Lake City në Amsterdam, turbulenca të forta shkaktuan lëndime dhe një ulje emergjente, ndërsa raste të ngjashme janë raportuar në mbarë botën, përfshirë edhe një vdekje tragjike në një fluturim Londër-Singapor.

Turbulenca ndodh kur rrjedha e ajrit në atmosferë shqetësohet nga pengesa si malet, stuhitë apo ndryshimet e shpejta të erës me lartësinë. Një ndër format më të rrezikshme është turbulenca në ajër të pastër, e cila ndodh pa ndonjë shenjë vizuale si re apo stuhi, duke e bërë të vështirë për pilotët ta parashikojnë.

“Turbulencat e forta të ajrit të pastër mbi Atlantikun e Veriut, një nga rrugët më të ngarkuara të fluturimit në planet, ishin 55% më të shpeshta në vitin 2020 sesa në vitin 1979”, thuhet në një studim të vitit 2023, i cili gjeti rritje prej 41% mbi SHBA-në kontinentale.

Dhe kjo sipas studimit pritet të përkeqësohet. Turbulencat mjaftueshëm të forta për të shkaktuar lëndime parashikohet të dyfishohen ose edhe të trefishohen në frekuencë globalisht deri në fund të shekullit, sipas një studimi të vitit 2017.

Sipas analizës së platformës Turbli, rrugët më të prirura ndaj turbulencës janë ato që kalojnë mbi vargmale të mëdha si Mendoza (Argjentinë) – Santiago (Kili): rruga më e trazuara në botë, mbi Andet; Natori – Tokoname (Japoni): ndër më të trazuarat në Azi për shkak të rrymave të fuqishme ajrore; fluturimet mbi Malet Shkëmbore në SHBA, veçanërisht nga/to Salt Lake City dhe Denver.

Ndërsa në Evropë, rrugët mbi Alpet janë ndër më problematiket, sidomos ato që lidhin Francën, Italinë dhe Zvicrën.

Studimet tregojnë se ngrohja globale po e përkeqëson ndjeshëm problemin. Ngrohja e atmosferës po krijon rryma ajrore më të paqëndrueshme, veçanërisht mbi rajonet ku përplasen masa ajri të ftohtë dhe të ngrohtë, si në Japoni, Atlantikun e Veriut dhe Bregun Lindor të SHBA-së.

The post Turbulencat po përkeqësohen, studimi: Ja rrugët më të ashpra të fluturimit në planet appeared first on Albeu.com.

Sipas agjencisë italiane të lajmeve ANSA, vullkani 3030 metra i gjatë në ishullin e Siçilisë ka pësuar rritje të aktivitetit vullkanik.

Instituti Kombëtar Italian i Gjeofizikës dhe Vullkanologjisë (INGV) raportoi se shpërthimi ka dërguar rrjedha lavash nga vullkani, të shoqëruar nga retë e hirit që arrijnë deri në 10 kilometra (18.6 milje) lartësi dhe që lëvizin në juglindje.

INGV ka lëshuar një paralajmërim të kodit “të kuq” për avionët që fluturojnë në afërsi. Retë e hirit kanë çuar në ndërprerje të konsiderueshme të fluturimeve në aeroportin Catania Fontanarossa.

Etna ka parë një aktivitet intensiv javët e fundit, duke nxjerrë hi dhe lavë të nxehtë në disa raste që nga fillimi i korrikut.

Dy herë muajin e kaluar, aeroporti pezulloi të gjitha fluturimet pasi shpërthimet hodhën hi vullkanik mbi pista. Të dielën, Instituti Kombëtar i Gjeofizikës dhe Vullkanologjisë i Italisë raportoi një “shatërvan llave” që buronte nga vullkani.

Mali Etna është vullkani më i lartë në Evropë, me një lartësi prej rreth 3,324 metra (rreth 10,900 këmbë). Edhe pse në një gjendje pothuajse të vazhdueshme aktiviteti, viktimat si pasojë e shpërthimeve në Vendin e Trashëgimisë Botërore të UNESCO-s janë të rralla.

Megjithatë, dy turistë u vranë në vitin 1987 nga një shpërthim i papritur pranë majës.

The post Itali: Shpërthimi vullkanik i malit Etna, ndalohen fluturimet në Siçili appeared first on Albeu.com.

“Në Rinas janë kryer 1493 ulje të avionëve, 1495 ngritje të avionëve, ndërsa 13054 kanë qenë mbikalime në qiellin shqiptar. Në total janë 16 042 fluturime”, shkruan Balluku.

The post Trafiku ajror, Balluku nxjerr shifrat: 16042 fluturime të menaxhuara nga Albcontrol në 2024-ën appeared first on Albeu.com.

Bëhet e ditur se Deti Baltik, Deti i Zi dhe Mesdheu Lindor, rajonet ku ushtria ruse ka qenë më aktive, janë përballur me një rritje të ndërprerjeve në Sistemin e Pozicionit Global (GPS).

Kjo ka bërë që aeroplani të mos jetë në gjendje të pranojë sinjale GPS.

Në mars, një aeroplani në të cilin ndodhej Sekretari britanik i Mbrojtjes, Grant Shapps, iu bllokua sinjali GPS ndërsa fluturonte afër territorit rus.

Ndërprerja e vazhdueshme bëri që linja ajrore Finnair të pezullonte fluturimet ditore për në qytetin e dytë më të madh të Estonisë, Tartu, për një muaj, shkruan BBC.

Kjo pasi aeorporti i Tartus mbështetet vetëm në GPS, ndryshe nga shumica e aeroporteve më të mëdha që kanë sisteme alternative navigimi që lejojnë aeroplanët të ulen edhe nëse sinjali humbet.

“Pilotët po raportojnë raste të shumta dhe ne marrim më shumë se 100 raportime në muaj”, tha Juho Sinkkonen, zëvendëspresident i Finnair.

Sipas Cyrille Rosay, eksperte e lartë e sigurisë kibernetike në Agjencinë e Sigurisë së Aviacionit të Bashkimit Evropian (EASA), ky problem ekzistonte edhe përpara pushtimit rus të Ukrainës në shkurt të vitit 2022, por tani po përkeqësohet.

Të pyetur se ku qëndron faji, shtetet baltike thanë se “burimi i ndërhyrjes është Rusia”.

“Ne kemi prova se ajo vjen nga Rusia e cila po i shkel të gjitha marrëveshjet ndërkombëtare”, tha Ministri i Jashtëm i Estonisë, Margus Tsahkna.

Ministri gjithashtu tha se burimet e ndërhyrjes ndodhen pranë qyteteve ruse të Shën Petersburgut, Kaliningradit dhe Pskovit.

Siç raportohet, ndërhyrje në GPS ka pasur edhe në trafikun detar.

Madje, thuhet se ka raste të shumta “të mashtrimit” kur sinjalet legjitime zëvendësohen me ato të rreme, duke i dërguar kështu anijet në një vendodhje të rreme.

Por, sipas drejtorit të Qendrës Kërkimore për Studimin e Konfliktit, Keir Giles, Rusia po ndërhyn për arsye sulmi dhe mbrojtjeje.

Giles thotë se ndërsa shteti rus po teston aftësitë për të destabilizuar Evropën në kohë krize, ajo po përpiqet edhe të mbrohet nga sulmet me dronë dhe raketa.

E ndërsa Rusia ndërhyn në navigimin ukrainas, e kundërta është më e vështirë të ndodhë pasi shteti rus ka sistemin e vet satelitor të quajtur GLONASS.

The post Ndërpriten mijëra fluturime – Rusia akuzohet se po ndërhyn në sistemet e navigimit të aeroplanëve në Evropë appeared first on Albeu.com.

Nisja e fluturimeve direkte drejt këtyre destinacioneve u lançua me bujë të madhe vetëm 3 muaj më parë, saktësisht në fillim të qershorit. Sipas njoftimit të atëhershëm, Wizz Air do të niste 10 rrugë të reja nga Tiranë, përfshirë dhe ato drejt Maltës, Palermos dhe Chanias, fluturimet drejt të cilave do të nisnin në mars të vitit të ardhshëm.

Por dy ditë më parë, kompania i hoqi të treja këto linja nga sistemi i saj duke mos pranuar prenotime biletash.

Shkurtime masive

Wizz Air po kërkon të ulë kapacitetin me 10% në të gjithë rrjetin e saj për shkak të një problemi global me motorët e prodhuar nga Pratt & Whitney. Transportuesi loë cost thotë se po punon për të minimizuar ndikimin në flotën e saj, por pret që shumë avionë të ndalen.

Wizz Air po pezullon një numër të linjave të saj gjatë sezonit të ardhshëm dimëror me Banja Lukën, Podgoricën, Prishtinën, Sarajevën, Nishin dhe Ohrin të gjitha të prekura. Aktualisht, nivelet e kapaciteteve për dimrin e ardhshëm janë ulur në Banja Luka, Podgoricë, Sarajevë dhe Tuzla në krahasim me sezonin 2022/23.

Flota e transportuesit përbëhet nga mbi 150 avionë të familjes Airbus A320, duke përfshirë avionë më të rinj A320neo dhe A321neo, të cilët fuqizohen nga motorët e Pratt & Whitney. Furnizuesi i hapësirës ajrore dhe kompania mëmë e Pratt & Whitney, RTX, tha se do të duhej të kryente kontrollin e cilësisë në motorët e instaluar në qindra avionë në të gjithë botën. Ai shtoi se midis 600 dhe 700 motorë turbofan me ingranazh Pratt & Whitney do të duhej të hiqen për t’u ekzaminuar midis 2023 dhe 2026.

Në një deklaratë, linja ajrore me kosto të ulët tha, “Wizz Air aktualisht po vlerëson implikimet për të kuptuar shkallën e ndikimit në flotën e saj, me vlerësimet fillestare që tregojnë një reduktim të mundshëm të kapacitetit prej 10% për gjysmën e dytë të vitit financiar 2024 ” . Ajo shtoi, “Wizz Air u informua nga RTX se motorët e tij Pratt & Whitney GTF do t’i nënshtrohen intervaleve të inspektimit, duke rezultuar në heqjen e motorëve për vizita në dyqan gjatë pjesës së mbetur të vitit 2023 dhe në 2024, gjë që ka të ngjarë të shkaktojë ndalimin e disa avionëve në këtë periudhë”.

Por problemet me furnitorin e motorrëve janë vetëm njëra anë e medaljes, që ka çuar në këtë vendim. Ana tjetër lidhet me konkurrencën nga Ryanair. Wizz Air duket se nuk është e kënaqur që Ryanair vendosi të hyjë fuqishëm në tregun shqiptar.

Menjehërë sapo CEO i Ryanair njoftoi nisjen e fluturimeve masive nga Shqipëria pak muaj më parë, Wizz Air njoftoi përfundimin e operacioneve të saj në aeroportin e Kukësit. Ndërsa tani, po shkurton linjat e parashikuara që do të shtoheshin nga Rinasi.

The post Ishin parashikuar të nisnin vitin e ardhshëm, Wizz Air anulon tri linja nga Tirana appeared first on Albeu.com.

Një zëdhënës i aeroportit ka thënë të enjten për agjencinë e lajmeve dpa se, akumulimi i madh i ujit në disa pjesë të aeroportit, në pistë, në zonën ku parkohen aeroplanët, dhe ku bëhen gati për fluturime, i ka detyruar autoritetet që shumë fluturime t’i anulojnë, apo t’ua ndërrojnë orarin.

Shërbimet tokësore në aeroportin më të madh të Gjermanisë janë pezulluar për më shumë se dy orë, çka nënkupton që më shumë se 34 aeroplanë nuk kanë mundur të nisen me kohë në destinacionet e tyre.

Shumë fluturime janë anuluar edhe prej vetë kompanive ajrore.

Shërbimi Gjerman për Motin, e ka lëshuar të mërkurën një paralajmërim për stuhi për gjithë landin Hesen, ku gjendet Frankfurti.

Ka pasur raporime për vërshime të izoluara në shumë bodrume të banesave të atij landi.

The post Anulohen dhjetëra fluturime si pasojë e stuhisë në Frankfurt appeared first on Albeu.com.

Për data të caktuara ishte e mundur që të gjeje një bilete vajtje ose ardhje për 20 euro, ose 40 euro vajtje-ardhje, sidomos në destinacionet drejt Italisë.

Mesatarisht, edhe në destinacione të tjera, si Gjermania, apo Franca mund të blije bileta vajtje-ardhje 50-100 euro. Vetëm në periudhat e sezonit, si në verë, apo për festat e fundvitit, biletat ishin më të shtrenjta.

Por, këtë vit, çmimet kanë shënuar rritje të ndjeshme. Sipas një vëzhgimi të “Monitor” në faqet zyrtare të kompanive ajrore në vend, është pothuajse e pamundur që të gjesh bileta të lira.

Me përjashtim të destinacioneve italiane në ditë të caktuara, përgjithësisht një biletë vajtje-ardhje tashmë kushton mesatarisht midis 110-200 euro.

Biletat më të lira janë në destinacionet italiane, ku mund të gjesh edhe me 70 euro-100 (dy drejtime) për në maj, por më pas në qershor çmimet dyfishohen.

Në gusht, nëse i pret sot arrijnë 400-500 euro (dy drejtime) për të gjitha destinacionet.

Por, burime nga “Wizz AIr”, operatori më i madh në treg kanë pohuar më herët për Monitor, se duke qenë se pas pandemisë ka ndryshuar algoritmi për blerjen e biletave, nëse shikon çmimet për një afat më të gjatë se 3 muaj, automatikisht ato janë më të shtrenjta, pasi supozohet që personi që do të presë biletën kaq herët e ka të sigurt që do të udhëtojë. Gjithsesi, përgjithësisht në gusht, çmimet shtrenjtohen ndjeshëm, kurdo që t’i presësh.

Shtrenjtohet ndjeshëm Gjermania

Me “Wizz Air”, – që është operatori më i madh në vend, me gati 60% të tregut – në Hamburg për datat 7 me 9 maj, bileta vajtje ardhje kushton 115 euro.

Në qershor, për vajtje në datën 10 dhe kthim në 13, çmimi rritet në 180 euro. Për në Baden po të Gjermanisë, – ku vitin e kaluar një biletë vajtje-ardhje në qershor e gjeje me 40 euro -, në 10 qershor 2023, vetëm vajtja është 310 euro dhe kthimi 80 euro!

Për në Berlin, në fillim të majit bileta po me “Wiiz Air” kushton 135 euro (vajtje-ardhje). Për në 9-13 qershor, çmimi rritet në 200 euro.

Vitin e kaluar, biletat drejt destinacioneve gjermane i gjeje dhe me 70 euro (dy drejtimet). Tashmë është e pamundur, që të blesh një biletë, që kushton më pak se 100 euro.

Për në gusht të këtij viti (vajtje me datë 5 dhe kthim në datën 8), bileta për në Berlin arrin në 485 euro.

Italia, pak më e lirë, por jo aq sa ishte më parë

Drejt Italisë fluturimet janë të shumta dhe çmimet pak më të lira, por gjithsesi dhe në këtë destinacion çmimet janë shtrenjtuar. Më “Wizz Air”, një udhëtim në Milano në datat 6-8 maj kushton minimalisht 70 euro. Një vit më parë bileta mund të gjeje edhe 40 euro. Për në qershor bileta shtrenjtohet në 80-100 euro, ndërsa në gusht arrin në 400 euro (5-7 gusht)!!!

Për në Romë, në maj bileta është 65 euro vajtje-ardhje. Në qershor arrin në 90 euro, ndërsa në gusht 170-180 euro.

Me “Air Albania”, – operatori i dytë më i madh në vend, me 8% të tregut-, në maj, bileta për Milano kushton 103 euro.

Destinacionet e tjera

Po me “Wizz Air”, për në Paris në datat 5-8 maj, një biletë vajtje-ardhje kushton 200 euro. Një vit më parë, në fund të prillit, një biletë vajtje-ardhje për në Paris kushtonte 55 euro.

Për në Barcelonë, bileta në maj është 115 euro, për në qershor arrin 180 euro.

Për në Eindhoven, në maj bileta kushton 120 euro, ndërsa në qershor arrin në gati 390 euro.

Londra është më e lirë, 70-80 euro në maj. Në qershor i kalon 100 euro, ndërsa në gusht arrin në 340 euro.

Për në London Stansted Airport, me “Air Albania”, në maj biletat janë të shitura, ndërsa në qershor janë mbi 200 euro,

Për në Vjenë, me “Wizz Air” në maj, duhen 135 euro. Me “Austrian Airlines”, po në Vjenë, në të njëjtat data, bileta kushton rreth 160 euro.

Biletat mos i lini për momentin e fundit, por mos i blini as shumë herët!!

Sa më shumë të afrohet data e udhëtimit aq më të shtrenjta bëhen biletat, përgjithësisht. Psh, për në Milano në datat 1-3 prill, bileta kushton 135 euro. Në Romë, po në të njëjtat data kushton 160 euro.

Por edhe nëse e programon në avancë në më shumë sesa tre muaj, sërish është e shtrenjtë, për shkak të algoritmit të ndryshuar të shpjeguar më lart për operatorët me kosto të ulët. Periudha më e mirë për të gjetur një biletë të lirë është të paktën një muaj përpara udhëtimit.

“Wizz Air” ka gati 60% të tregut, Milano-Bergamo destinacioni kryesor i fluturimeve

Sipas të dhënave të Autoritetit të Aviacionit Civil, në fund të tremujorit të tretë 2022, “Wizz Air” kishte 59% të tregut të fluturimeve, nga 42% në fund të vitit 2021. Operatori i dytë, “Air Albania” kishte një peshë shumë më të ulët, vetëm 8% (nga 11.6% në fund të vitit 2021) e ndjekur nga “Albawings” me 6% (nga 7.1% në fund të 2021-t).

Milano-Bergamo është destinacioni kryesor i fluturimeve, me 13% të totalit, i ndjekur nga Londra, me 9.6%, Bolonja me 5.6%, Roma me 2.3%, sipas të dhënave nga Tirana International Airport (TIA), që i përkasin shkurtit 2023.

Udhëtimet përmes ajrit janë shtuar ndjeshëm në dy muajt e parë të këtij viti. Sipas TIA, në janar-shkurt fluturuan nga dhe drejt Rinasit 755 mijë pasagjerë, me një rritje prej 63% në krahasim me të njëjtën periudhë të një viti më parë./monitor

The post Nuk ka më low cost; Rriten ndjeshëm çmimet e biletave të avionëve nga Rinasi, mesatarisht 100-200 euro appeared first on Albeu.com.

Aeroporti Pulkovo në Shën Petersburg ka pezulluar përkohësisht të gjitha fluturimet deri në orën 12:00 me orën lokale, tha qeveria e qytetit, pa dhënë një arsye për pezullimin.

Faqja ruse e lajmeve Baza tha se një objekt i paidentifikuar u pa në qiell dhe se avionët luftarakë ishin dërguar.

Agjencia shtetërore ruse e lajmeve TASS tha se hapësira ajrore brenda një rrezeje 200 km nga aeroporti ndërkombëtar ishte e mbyllur deri në orën 13:20 me orën lokale, sipas një burimi të panjohur.

Faqja e internetit për gjurmimin e fluturimeve Flight Radar tregoi disa fluturime të brendshme të drejtuara për në Shën Petersburg duke u kthyer në destinacionet e tyre.

Avionët që shkojnë drejt enklavës ruse të Kaliningradit gjithashtu duket të jenë të prekur nga mbyllja e hapësirës ajrore./albeu.com

The post Një objekt i paidentifikuar shfaqet në qiell, aeroporti rus pezullon fluturimet appeared first on Albeu.com.

Dëshmitë e hershme nga hetimi sugjerojnë se një skedar i dëmtuar i bazës së të dhënave shkaktoi probleme në sistemin primar dhe atë rezervë.

Deri më tani, nuk ka asnjë tregues se problemi është për shkak të një sulmi kibernetik.

Më shumë se 11,000 fluturime brenda ose për dhe nga SHBA u vonuan dhe të paktën 1,300 u anuluan. Megjithatë, situata u rikuperua shpejt dhe të enjten nuk pati asgjë të pazakontë.

Ndërkohë, linjat kryesore ajrore si Delta, United Airlines dhe Southwest Airlines nuk raportuan probleme. Disa madje nxituan të ofrojnë kompensim ose lehtësira të tjera për pasagjerët e prekur. /albeu.com

The post Problemet me fluturimet në SHBA, shkak ishte një gabim teknik appeared first on Albeu.com.