“Nuk e di pse vonohen mbledhjet, qoftë të kryesisë, qoftë të këshillit kombëtar. Nuk shoh asnjë lëvizje, jemi në një lloj qetësie”, tha Açka.

Ajo thekson se zgjedhjet janë njohur tashmë nga komuniteti ndërkombëtar, duke përmendur reagimin e ambasadës amerikane dhe kancelarive më të mëdha evropiane.

“Çfarë presim ne? Pse fshihemi pas gishtit?! Kjo është një gjë e kryer”, tha ajo.

Gjithashtu, Açka sugjeron një zgjidhje për situatën: “Partia të dalë në atë revolucionin që kemi tre vjet që bërtasim nëpër ekrane”.

Ajo propozon që Sali Berisha të marrë rolin e udhëheqësit jo si lider partie, por si pjesë e një grupi senatorësh brenda partisë, duke përfshirë figura me përvojë të gjatë politike.

“Ku janë këta njerëz që kanë qenë ministra e deputetë për 34 vite?! A kanë një fjalë për PD sot, apo do jenë korrekt me zotin Berisha? Këta duhet t’i thonë në sy: kështu nuk shkojmë dot, nuk ecim dot”, shprehet Açka, duke theksuar nevojën për diskutim dhe veprim të përditshëm për zgjidhjen e krizës brenda partisë.

Ajo nënvizon nevojën për një frymë të re brenda Partisë Demokratike: “Ne kemi nevojë për frymë. Të mos hyjmë më me frymë disfatiste apo oportuniste, por të rikthejmë besueshmërinë e shqiptarëve dhe të sigurojmë se kjo frymë do na sjellë në pushtet, jo rrotacioni”.

Flutura Açka: Nuk e di pse vonohen, që nuk ka asnjë mbledhje, qoftë të kryesisë, qoftë të këshillit kombëtar. Nuk shoh asnjë lëvizje. Jemi në një lloj qetësie. A është kjo një përligjje e të nesërmes dhe në shtator do të hyjmë në parlament sikur nuk ka ndodhur asgjë? Këtë nuk e di.

Zgjedhjet janë njohur, është një fakt i mbyllur, mos të fshihemi pas gishtit. Janë njohur, sic u pa edhe nga ai reagimi i ambasadës amerikane. Kancelaritë më të mëdha të Evropës janë shprehur, cfarë presim ne, pse fshihemi pas gishtit?! Kjo është një gje e kryer. Se çfarë do të vazhdojmë ne në aksionin politik është një gje tjetër.

Po duhet të ndalemi tek gjëja e parë. Nuk i pranojnë zgjedhjet?! Mos hyni në shtator në Parlament dhe hajde Partia të dalë në atë revolucionin që kemi tre vjet që bërtasim nëpër ekrane. Çfarë do të ishte, në sugjerimin tim fare modest dhe Berisha mund ta drejtojë këtë gjë, por jo si lider, por si pjesë e një klubi senatorësh të partisë.

Ku janë këta njerëz që kanë qenë ministra e deputetë për 34 vite?! A kanë këta një fjalë për PD sot, apo të gjithë këta do të jenë korrekt me zotin Berisha?!. Këta duhet tia thonë në sy, zoti Berisha kështu nuk shkojmë dot, nuk ecim dot. Këta njerëz duhet ta japin cdo ditë, të shpjegojnë si ta zgjidhim këtë çështjen e Partisë Demokratike.

Çfarë do të bëjmë ne? Si do ta sjellim këtë frymë, që të na kthehet besueshmëria e shqiptarëve dhe ne të jemi të qetë që fryma jonë do na sjellë në pushtet dhe jo rrotacioni. Ne kemi nevojë për frymë. Ne hymë më frymë disfatiste dhe tani po bëjmë frymë oportuniste, për të dhënë që na i kanë vjedhur.

Pakti i 27 korrikut 2024 i dha zotit Rama, të paktën nga këto 10 deputetë bishtrat e fundit të qarqeve, 7 i mori PS, 3 i mori PD. Që të dy grabitën votat e tjetër kujt. Që këtu nisi prapështia. Gjëja e parë që duhet të bëjë Parlamenti i ri është të ndryshojë kodin zgjedhor. Të bëjë një kod që nuk ka nevojë të riparohet. Të mendoni që komisionin e reformës zgjedhore e shkatërruam ne vetë. Çështja është se u bënë disa gabime fatale.

The post Flutura Açka: Zgjedhjet u njohën, mos të fshihemi pas gishtit, na duhet frymë për të kthyer besueshmërinë appeared first on Albeu.com.

Komentet Açka i bëri në një lidhje për një emision televiziv, ku tha se kanë qenë disa faktorë që e kanë çuar atë drejt marrjes së këtij vendimi.

Açka tha se largimi i saj nga PD erdhi pasi ajo kuptoi se nuk ka shanse më që opozita të reformohet, marrë shkas edhe nga mbyllja sipas saj e listave zgjedhore.

“Në fakt ka qenë një mendim i menduar gjatë, i pjekur. Ndoshta zhvillimet e mbrëmshme në Komisionin e Ligjeve. E gjithë ajo çfarë ndodhi, mënyra brutale e mbylljes së listave.

Premisat tona për të hapur pak Parlamentin, për të hapur mundësinë e zgjedhjes, për t’i dhënë shanc shqiptarëve, ai vendimi i djeshëm në Komisionin e Ligjeve më bëri të kuptojë që nuk ka shance të reformohet kjo opozitë. Unë nuk mund të bëj sikur vetëm se duhet të jem në listën e deputetëve të vitit 2025. Kjo bëri që unë të merrja vendim për ndarjen politike nga grupi parlamentar, por jo nga opozita.

Do të mbetem opozitare, por tani në një pozicion tjetër nuk ka më luftëra dhe beteja mes nesh që e kanë shpartalluar opozitën, por tani kam vetëm një kundërshtar dhe ai është kundërshtari jonë politik që kam përballë”, tha Açka.

The post U largua nga Grupi i PD, deputetja Flutura Açka tregon arsyen e këtij vendimi appeared first on Albeu.com.

Vendimi i saj vjen fill pak orë pasi PS dhe PD, arritën dakordësi për draftin për Reformën Zgjedhore.

Mes ironisë, Açka tha se dje ra maska e fundit, duke shigjetuar kështu marrëveshjen mes palëve që do t’i hapë rrugë votës së emigrantëve.

Postimi i plotë:

Nga dje ra dhe maska e fundit, tani ju ka mbetur edhe akti i fundit, Komisioni AntiSPAK
Por unë nuk dua të bëj sehir minën ndaj demokracisë, ndaj largohem nga Grupi i PD
KUVENDI
Nr. ______prot. Tiranë, më 24 korrik 2024
Lënda: ​
1. Dorëheqje nga Drejtimi i Komisionit Parlamentar për Edukim dhe Mjetet e Informimit Publik
2. Largim nga Grupi Parlamentar i Partisë Demokratike
Drejtuar: ​
Znj. Lindita NIKOLLA
​​​Kryetare e Kuvendit të Shqipërisë
​E Nderuara, zonja Nikolla
​
​Sikurse edhe jeni në dijeni, në mbledhjen e parë të këtij sesioni parlamentar (në janar të këtij viti) të Komisionit Parlamentar për Edukim dhe Mjetet e Informimit Publik, të cilin e drejtoj qysh prej vjeshtës së vitit 2021, ndodhi një incident i pakëndshëm me një grup kolegësh të Opozitës, mes tyre edhe drejtues të Grupit Parlamentar të Partisë Demokratike.

Nga ajo kohë, sulmet e fshehta dhe të hapura ndaj personit tim nuk lanë reshtur, me të gjitha format dhe mjetet dhe shkakun e vetë: qasjet e ndryshme të sjelljes politike opozitare.

Edhe pse në këto kushte të padrejta, jam përpjekur të përmbush detyrimin tim kushtetues në mbarëvajtjen e punës së Komisionit Parlamentar që drejtoj.

Ndaj, në respekt të çdo demokrati të ndershëm që kam njohur në jetën time dhe në detyrim të idealeve për të cilat u themelua Partia Demokratike në kapërcyell të 90’tës, jam e detyruar të mos e pranoj më gjendjen e pashëndetshme të krijuar nga presionet politike rreth meje.

Në marrëdhënien time politike me Partinë Demokratike, jam udhëhequr vetëm nga parime të larta dhe në shërbim të aksionit opozitar, pa prekur lirinë time vetjake. Ndaj: Që të mos jem më pjesë e alibisë së shkatërrimit të Opozitës, të cilën e ndanë dhe e shqyen para syve tanë personazhe me etje të pangopur politike;

Që të mos hesht përballë minimit që po i ndodh demokracisë shqiptare nga bashkëpunimi me pushtetin dhe në dëm të interesave demokrate e kombëtare, të një grupi të vogël opozitar me parime qokash dhe moral të dyshimtë politik;

Që të shfaq qartë dhe e pandikuar para demokratëve, votuesve dhe shqiptarëve – të cilët ende besojnë te politika e pastër – aksionin tim personal si opozitare ndaj kundërshtarit tonë të përbashkët politik, pa u ndikuar nga fryma që ka kapluar tashmë prej vitesh Grupin Parlamentar të Partisë Demokratike;
Që të mos hesht përballë intrigave e makinacioneve të paprincip të personave të caktuar në Opozitë, të cilët, me betejat e tyre të rreme, e kanë diskretituar shpesh aksionin opozitar;

Deklaroj nga sot:
-Dorëheqjen time si Kryetare e Komisionit Parlamentar për Edukim dhe Mjetet e Informimit Publik.
-Largimin nga Grupi Parlamentar i Partisë Demokratike.
Me respekt,
​​​​​​DEPUTETE
​​​​​​Flutura Açka

The post Pas konsensusit me PS-në për ‘Zgjedhoren’, Flutura Açka largohet nga grupi parlamentar i PD-së: Dje ra dhe maska e fundit appeared first on Albeu.com.

Përmes një reagimi në rrjetet sociale ajo shprehet se “vetëm në çmendinën tonë mund të ndodhë që ish-Presidenti i Republikës fyen rëndë publikisht Kryetarin e SPAK-ut dhe asgjë nuk mund të ndodhë”.

Reagimi i plotë:

Sepse Iliri nuk ēshtë çështje fiqiri

Vetëm në çmendinën tonē mund të ndodhë që ish-Presidenti i Republikês fyen rëndë publikisht Kryetarin é SPAK-ut dhe asgjë nuk mund të ndodhë.

Në një vend normal sot njëri prej tyre duhej të reagonte. Ose njëri të jepte dorëheqjen, ose tjetri të paditej në gjykatë.

Dikush tha sot me shpoti në Parlament se “Iliri nuk është mirë nga fiqiri”, kështu që i falet. Por, në këtë rast Iliri nuk është çështje fiqiri, por lajthitje politike harakiri.

Liria e fjalës ka kufi lirinë morale të fjalës.

Të shohësh shtetarët e tu që kanë pasur – dhe kanë – të gjitha privilegjet e mundshme me kushtetutë e pa kushtetutë, në këtë katandi, është keqardhje shumë e madhe.

Dhe pyesni akoma pse ikin shqiptarët!?

/albeu.com

The post “Iliri nuk është çështje fiqiri”, deputetja Açka reagon pas sulmeve të Metës ndaj Dumanit: Lajthitje politike appeared first on Albeu.com.

“Të jem e sinqertë ndjej jo vetëm fyerje të kësaj natyre, në lidhje me punën, por edhe çështje etike me ju. Unë i kam  kërkuar kryetarit të partisë time dorëheqjen nga ky Komision, sepse kam turp me njerëz të cilën nuk kanë minimum njerëzor. Dorëheqja nuk më është aprovuar dhe jam duke pritur”, tha Flutura Açka.

Kjo është dorëheqja e dytë në këtë komision, pasi edhe nënkryetari Petro Koçi ka dhënë dorëheqjen dhe priten zëvendësimet./Albeu.com

The post Flutura Açka jep dorëheqjen nga kryetare e komisionit të Edukimit appeared first on Albeu.com.

Sipas saj kullat po blejnë opozitën dhe i ka bërë thirrje SPAK-ut që të hetojë kullat në qendër të kryeqytetit.

Reagimi:

Njëherësh me namin që po qarkullon për fat Europës si një perlë e panjohur e Europës për bukuritë natyrore, po ulen me të njëjtën shpejtësi hapësirat e gjelbra, veçmas të qyteteve, e veçmas Tiranës.

Përtej entuziazmit të politikës së “klubit të barsetave” që ka ngulfat Tiranën politikisht, financiarisht, kulturalisht e moralisht, i tillë që do të mbetet përjetë objekt barcoletah, Tirana është sot një qytet i pajetueshëm, si nga cilësia e ajrit dhe mjediseve, nga trafiku e kushte minimale të jetës kolektive, nga mungesa e shërbimeve në raport me numrin e popullsisë, por edhe nga shëmtia që ia ka veshur si qysh babëzia e papëbajtshme që ka shoqërur sistemin e ndërtimeve, i vetmi sektor që siguron e pastron miliardat.

Tiranët dhe ‘tiranasit’ që po e ndërtojmë dhe shkatërrojnë njëherësh, po bëjnë krimin më të madh që i është veshur politikës, sepse është një krim, ndëshkimi për të cilin nuk ka asnjë vlerë, sepse i ka dhënë già fytyrën e tyre asaj.

Por këto kulla janë banka e pushtetit të PS-së me të cilat blejë votat që grabisin për të deformuar vullnetin e shqiptarëve, pasi kanë lënë nën minimumin jetik 43% të tyre; me të cilat blejnë edhe Opozitë për t’u shitur demokratë të mëdhenj europianë; me të cilën blejnë media që i kushton emisione të tëra këtyre bukurive phallo-ike të qendrës së Tiranës; me të cilat poshtëron administratën dhe korrupton të gjithë sistemin; me të cilat ble luksin e shfrenuar të pushtetit që riciklon me forcën e parasë kriminale sërish pushtet.

Kjo – banka në duart të klubit të barsetave – është e vetmja siguresë që mban miqësinë politike mes kreut të qeverisë dhe kreut të bashkisë. Juniori është vazhdim i sinjorit shkatërrues të Tiranës, urrejtësit më të mëdhenj të identitetit të saj, gjithaq i brishtë nga kohërat si kryeqytet jo shumë jetëgjatë.

Është detyrë e SPAK ta djegë atë siguresë e pastaj të shohim se ç’do të ndodhë. T’i marrë me radhë financat e këtyre kullave, le ta nisë nga kjo më e reja që ia mori qendrës së Tiranës një vendth të gjelbër.”

The post Flutura Açka: Kullat po blejnë opozitën appeared first on Albeu.com.

Açka shkruan në Facebook se sot nuk duhet votuar për emrin, por për ndarjen përfundimtare nga tranzicioni dhe politika pseudoeuropiane.

“Qiejt e pastër politikë në demokraci, nuk ndodhin prej natyre si çdoherë pas stuhisë. Për qartësinë e tyre duhet të lesh shenjën tendë: të vizatosh blu mbi blu. Dhe demokratët sot kanë shenjën e tyre. Sot nuk votohet emri, por procesi pa kthim i demokratizimit të Partisë Demokratike, votohet ndarja përfundimtare nga tranzicioni dhe politika pseudoeuropiane. Është një betejë e vështirë, shumë e vështirë, por jo e pamundur”, shkruan Açka.

The post Zgjedhjet për kreun e PD, Açka: Sot s’duhet votuar për emrin, por për ndarjen nga tranzicioni appeared first on Albeu.com.

Në debatin përsa i përket çështjes për zgjedhjen e kryetarit të ri të PD-së  janë përfshirë deputetët Saimir Koreshi, Bledion Ballbati, Lefter Gështenja dhe kolegia e tyre Flutura Açka.

Sapo ata kanë nisur që të ikin nga mbledhja, ka ndërhyrë Açka.

Flutura Açka: Ja u çuan dhe ikën këta palaçot.

Korreshi: Po si flet kështu, si nuk të vjen turp ty moj?!

Çfarë ndodhi në mbledhjen e kryesisë

Kryesia e Partisë Demokratike zhvilloi një mbledhje e cila zgjati 10 orë dhe doli me vendimin për apjen e garës për kreun e ri të partisë. Me 17 vota pro, 2 kundër dhe 3 abstenime, Kryesia vendosi që gara për kreun e ri të demokratëve të mbahet më 29 korrik.

Ky vendim, ka sjellë tensione në mbledhje, pasi deputetët, që njëherazi janë edhe anëtarë të Kryesisë, nuk kanë pranuar që zgjedhjet të mbahen tani. Me këtë situatë, vihet re një tjetër përçarje mes Partisë Demokratike, që pasoi edhe me dorëheqjen e Jorida Tabakut nga posti i nënkryetares. Në një deklaratë për mediat, Tabaku e cilësoi këtë vendim si nëj hap që e zvogëlon më shumë partinë.

The post Plas mes demokratëve në mbledhjen e Kryesisë, Açka ofendon deputetët: Po ikin palaçot. Korreshi: Si nuk të vjen turp! appeared first on Albeu.com.

Açka e ka kujtuar përmes një postimi në Facebook, ku shkruan:  Nëpër mungesën tënde prej pesē vitesh enden vetëm kotësitë. E vetmja që nuk lëviz, është një baule që mezi i nxë ëndrrat e tua të dritës.

Kujtojmë se djalit të saj, pas vdekjes, i ka dedikuar një libër me titull: “Biri”./albeu.com

The post “Endem vetëm kotësisë”, Flutura Açka kujton të birin që u nda nga jeta 5 vite më parë appeared first on Albeu.com.

Açka tha gjatë seancës plenare se seanca nuk nis asnjëherë në kohë dhe vetë kryeministri nuk paraqitet në orarin e duhur.

Ajo bëri gjithashtu thirrje të kthehen ligjet e miratuara nga 22 dhjetori, pasi janë votuar pa praninë e një pjese të deputetëve të opozitës.

Fjala e Açkës

Meqenëse jemi në kopsht zoologjik siç na e ka përcaktuar kryetari juaj, kontrolloni kafazin tuaj njëherë dhe niseni seancën në kohë.

Pse kryeministri nuk paraqitet në kohë, sa herë e kërkon kushtetuta? Kushtetuta është me ngjyrë të kuqe, është detyrim, nuk është për të trembur demin.

Mbase për ju kryeministri është Zeus, Prometeu, për ne është kryeministri i shqiptarëve.

Meqenëse ka thënë se jemi kopësht zoologjik dhe do vijë kur të dojë ai, zgjidheni vetë kush është pilivesa, kush është mushqerra dhe kush është qelbësi në këtë Kuvend. Për vete e di që vij erë njeriu dhe do flasim si njerëz këtu. Sa për kryeministrin, i bie që të jetë hiena. Siç thotë Jonathan Franzen, edhe hiena ka integritet, por hienë është prapë.

Ju keni përjashtuar 27 deputetë nga 22 dhjetori, i keni hequr ligjeve 27 vota. Nuk e keni këtë mandat Parlamenti. Mund t’i hiqni nga seanca, por në votim t’i ftoni në sallë dhe të vijnë të votojnë. Të gjitha ligjet nga 22 dhjetori janë nul. I bëj thirrje Presidentit t’i kthejë këto ligje.

/albeu.com

The post “Parlamenti kopsht zoologjik”, Açka i përgjigjet Ramës: Zgjidhni kush është pilivesa, kush mushqerra dhe kush qelbësi appeared first on Albeu.com.