Në kufirin Shqipëri-Kosovë është shënuar një tjetër rekord lëvizjesh gjatë sezonit turistik të verës.

Fluksi u regjistrua në fundjavën e parë të gushtit, periudhë në të cilën pritet edhe numri më i madh i pushuesve që udhëtojnë nga Kosova drejt bregdetit shqiptar.

Të dhënat e Drejtorisë Rajonale për Kufirin dhe Emigracionin tregojnë se, më 1 dhe 2 gusht 2026, përmes Stacionit të Policisë Kufitare Morinë hynë në Republikën e Shqipërisë 18.329 automjete dhe 50.463 shtetas të Kosovës.

Lëvizje të shumta pati edhe në drejtimin e kundërt, me fluks të lartë në daljen nga Shqipëria drejt Kosovës përmes Pikës së Kalimit Kufitar Vërmicë.

The post Mbi 50 mijë shtetas të Kosovës hynë në Shqipëri gjatë fundjavës, fluks rekord në kufi appeared first on Albeu.com.

Aeroporti Ndërkombëtar i Prishtinës “Adem Jashari” ka ndërmarrë të gjitha përgatitjet e duhura në infrastrukturë dhe staf për të menaxhuar rritjen e numrit të udhëtarëve gjatë muajve të verës.

Këtë e konfirmoi zëdhënësja Valentina Gara, e cila theksoi se pritshmëritë janë që ky sezon të jetë po aq i ngarkuar, edhe pse tre muajt e fundit shënuan një tkurrje të fluksit.

Ajo njoftoi se korriku ka regjistruar një ngritje të lehtë të pasagjerëve, dhe se aeroporti është plotësisht i aftë për t’iu përgjigjur çdo volumi.

“Jemi gati të mirëpresim çdo sasi udhëtarësh. Vitin e kaluar e mbyllëm me 4.6 milionë pasagjerë. Në tre muajt e parë patëm rritje, ndërsa në tre muajt pasardhës kemi shënuar ulje. Megjithatë, korriku ka nisur me një rritje të vogël dhe shpresojmë që ky sezon të jetë i ngarkuar”, deklaroi Gara.

Sipas saj, rënia e numrit të udhëtarëve në muajt paraprakë u ndikua nga kriza në Evropë, e nxitur nga konflikti SHBA-Iran.

Lidhur me çmimet e biletave, Gara shpjegoi se ato përcaktohen nga linjat ajrore dhe variojnë në varësi të kërkesës së tregut, destinacionit dhe momentit të blerjes.

Ajo shtoi se tarifat që aplikohen nga aeroporti për çdo udhëtar mbeten fikse, pavarësisht se sa kushton bileta. Këto taksa arrijnë afërsisht në 20.53 euro për person dhe përfshijnë shërbimet e sigurisë, kontrollin e trafikut ajror dhe operacionet tokësore.

Nga ana tjetër, Gara njoftoi se Aeroporti i Prishtinës ka pasuruar ofertën me destinacione dhe rrugë të reja dhe se rrjeti i fluturimeve do të vazhdojë të zgjerohet.

Ajo veçoi shtimin e rrugëve nga operatorët GP Aviation dhe Wizz Air, si dhe vendosjen e bazës së Wizz Air në kryeqytetin kosovar, duke e quajtur këtë një hap historik për sektorin e aviacionit në vend.

Sipas Garës, në periudhën afatshkurtër do të shtohen destinacione të reja dhe do të rriten frekuencat e fluturimeve në linjat aktuale.

The post Aeroporti i Prishtinës gati për valën e verës: miliona pasagjerë në pritje dhe linja të reja fluturimi appeared first on Albeu.com.

Qendra Kombëtare për Menaxhim Kufitar ka publikuar të dhëna të përditësuara lidhur me qarkullimin në vendkalimet kufitare.

Sipas këtij përditësimi, në pikën kufitare te Dheu i Bardhë pritjet arrijnë deri në 40 minuta.

Në Jarinjë, koha e pritjes është deri në 20 minuta.

Në vendkalimet e tjera kufitare, pritjet për hyrje dhe dalje nga Kosova nuk i kalojnë 5 deri në 10 minuta.

The post Fluksi i mërgimtarëve rrit pritjet në pikat kufitare me Kosovën appeared first on Albeu.com.

Reagimi i Ballës:

“Gjatë festave shumë bashkëatdhetarë dhe turistë të shumtë vijnë në Shqipëri për të festuar Krishtlindjen dhe ndërrimin e viteve. Po ndjekim orë pas ore situatën në pikat e kalimit kufitar me Greqinë dhe Maqedoninë e Veriut (Kakavijë, Kapshticë, Qafëthanë) ku në momente të caktuara krijohen radhë të mjeteve që presin të hyjnë në Shqipëri kryesisht. Dëshiroj të falenderoj kolegët ministra të Greqisë dhe Maqedonisë së Veriut përkatësisht Giannis Oikonomou dhe Oliver Spasovski, me të cilët sapo kam komunikuar, për gatishmërinë dhe bashkëpunimin në shtimin e sporteleve dhe punonjësve të policisë në pikat e kontrollit kufitar. Nuk paraqiten vonesa të shumta në pikat e tjera të kalimit me Kosovën dhe Malin e Zi, por vijojmë të ndjekim dhe aty flukset”,  shkruan Balla.

The post Fluksi në pikat e kalimit kufitar, Balla: Po e monitorojmë appeared first on Albeu.com.