Sipas të dhënave të Drejtorisë për Kufirin dhe Emigracionin, nga ora 05:00 e datës 29 gusht deri në orën 08:00 të 30 gushtit, në Shqipëri kanë hyrë përmes Morinës 51.278 qytetarë të Kosovës, të shoqëruar nga 14.692 automjete dhe autobusë.

Lëvizjet kanë qenë të konsiderueshme edhe përgjatë periudhës 24–28 gusht, kur në territorin shqiptar, nëpërmjet kësaj pike kufitare, kanë kaluar 152.694 shtetas të Kosovës dhe 46.870 mjete.

Si rezultat, gjatë intervalit 24–30 gusht, numri i qytetarëve të Kosovës që kanë hyrë në Shqipëri përmes Morinës ka shkuar në 203.972, ndërsa numri i automjeteve ka arritur në 61.562.

Kjo lëvizje lidhet me ditët e fundit të sezonit turistik, kur qytetarët e Kosovës po shfrytëzojnë mundësinë për të kaluar edhe disa ditë në bregdetin shqiptar, para kthimit në Kosovë dhe fillimit të vitit të ri shkollor më 1 shtator.

Morina ka regjistruar një numër të lartë kalimesh gjatë gjithë sezonit veror. Vetëm në muajt maj, qershor dhe korrik, në Shqipëri kanë hyrë rreth 1.43 milionë qytetarë të Kosovës, një pjesë e madhe e të cilëve kanë vijuar drejt zonave bregdetare.

Në këtë total përfshihen edhe pjesëtarë të diasporës së Kosovës, të cilët gjatë qëndrimeve në vendlindje kanë zgjedhur Shqipërinë si destinacion për pushimet e verës.

Me afrimin e 1 shtatorit, pritet që pika e Morinës të vijojë të përballet me lëvizje të dendura, por tashmë kryesisht në drejtim të Kosovës, për shkak të kthimit të pushuesve dhe përgatitjeve për nisjen e vitit të ri shkollor.

The post Morina në kulmin e lëvizjeve verore, mbi 200 mijë kosovarë hynë në Shqipëri brenda një jave appeared first on Albeu.com.

Pritje janë krijuar në të dyja anët e kufirit, ndërsa qytetarët presin kryerjen e kontrolleve.

Gjatë 24 orëve të fundit, rreth 10 mijë shtetas shqiptarë dhe të huaj kanë hyrë ose kanë dalë përmes Qafë Botës. Të dhënat e pikës kufitare tregojnë se ngarkesa më e madhe është regjistruar në drejtim të hyrjes në Shqipëri.

Katër sportele po punojnë në palën shqiptare, ndërsa ajo greke ka vënë në funksion dy të tilla.

Kjo situatë lidhet me lëvizjet e shtuara të turistëve dhe pushuesve në sezonin veror, por edhe me qytetarët që nisen drejt Greqisë ose rikthehen në Shqipëri.

Autoritetet kufitare po vijojnë përpjekjet për administrimin e fluksit dhe përshpejtimin e procedurave, me synimin për të shkurtuar pritjen e udhëtarëve.

The post Rreth 10 mijë udhëtarë në 24 orë, fluks dhe radhë të gjata në Qafë Botë appeared first on Albeu.com.

Ndërkohë, vetëm në pesë ditët e para të gushtit, mbi 90 mijë pushues nga Kosova kaluan përmes Morinit për të hyrë në Shqipëri. Mes tyre kishte edhe pjesëtarë të diasporës.

Ngarkesa më e lartë u shënua në fundjavën e parë të gushtit, kur u regjistruan rreth 50 mijë hyrje.

Shtimi i lëvizjeve përkon me pikun e sezonit turistik veror, periudhë gjatë së cilës shumë qytetarë të Kosovës zgjedhin bregdetin e Shqipërisë për të kaluar pushimet.

The post Fluks në Morinë, mbi 422 mijë udhëtarë në korrik dhe 90 mijë hyrje në pesë ditët e para të gushtit appeared first on Albeu.com.

Shumë bashkatdhetarë janë nisur drejt vendlindjes për t’i kaluar pushimet verore pranë familjeve të tyre.

Ardhja e tyre ka sjellë rritje të qarkullimit të automjeteve në pikat kufitare.

Në përditësimin e fundit të Qendrës Kombëtare për Menaxhim Kufitar thuhet se ngarkesa më e madhe është regjistruar te Dheu i Bardhë. Në këtë pikë, pritjet për hyrje në Kosovë arrijnë deri në 80 minuta, ndërsa kolona e veturave shtrihet deri në 400 metra.

Në pikat e tjera kufitare, ndërkaq, pritjet nuk i kalojnë 10 minuta.

The post Fluks i shtuar i mërgimtarëve, deri në 80 minuta pritje te “Dheu i Bardhë appeared first on Albeu.com.

Me nisjen e muajit gusht është shtuar ndjeshëm edhe këtë vit ardhja e pjesëtarëve të diasporës, të cilët po kthehen për pushime në vendlindje nga shtete të ndryshme ku jetojnë dhe punojnë. Megjithëse udhëtimi është i lodhshëm, ata thonë se mbërritja në atdhe ua përmirëson disponimin.

Denis Elshani, bashkatdhetar që jeton në Danimarkë, tregon se udhëtimi në përgjithësi ka kaluar shumë mirë. Sipas tij, ka pasur disa vonesa, por ato janë të kuptueshme për shkak të sezonit.

Bekim Basha, i ardhur nga Gjermania, thotë se vështirësitë më të mëdha i kanë hasur në Kroaci, ku kanë pritur 2 orë e gjysmë së bashku me 20 kerre. Ndërkaq, kalimin nëpër Shqipëri ai e përshkruan si fantastik.

Një udhëtim prej 24 orësh ka bërë edhe Lumnie Bajramaj, bashkatdhetare nga Zvicra. Ajo tregon se në Kroaci kanë pritur dy orë, ndërsa në pikat kufitare me Shqipërinë kanë kaluar pa vonesa.

Edhe këtë vit, shteti po ua subvencionon bashkatdhetarëve policat e sigurimit të automjeteve. Në pikën e Vërmicës, pajisja me këtë dokument po kryhet brenda një kohe shumë të shkurtër.

Bekim Nexhipi, bashkatdhetar nga Zvicra, thotë se procedura i ka marrë vetëm dy minuta dhe se gjithçka ka qenë në rregull. Ai shton se kishte një kolonë të vogël, por sipas tij, radhë të tilla ka gjithmonë.

Përfaqësuesit e zyrës së Byrosë Kosovare të Sigurimeve bëjnë të ditur se fluksi i ardhjes së mërgimtarëve në atdhe arrin kulmin në fillim të gushtit.

Agron Berisha nga BKS deklaron se korriku është mbyllur me së paku 35 mijë automjete të diasporës që kanë hyrë në Kosovë dhe janë pajisur me sigurim në këtë pikë. Ai thekson se Qeveria po vazhdon edhe sivjet subvencionimin e diasporës për kategorinë e automjeteve të udhëtarëve.

Numri më i madh i bashkatdhetarëve vjen nga Gjermania dhe Zvicra, të pasuara nga Italia dhe shtetet nordike. Për ta përballuar fluksin, Byroja Kosovare e Sigurimeve është në funksion 24/7.

Sipas Berishës, mërgimtarëve nuk u nevojiten minuta për t’u shërbyer, por vetëm disa sekonda pritje në sportelet e BKS-së. Ai thotë se stafi është profesionalisht i përgatitur dhe në nivelin e duhur, ndërsa si qendra, ashtu edhe pika në Vërmicë, po punojnë me kapacitete maksimale dhe pa ndërprerje, 24/7.

Të dhënat e zyrës së BKS-së tregojnë se deri tani mbi 13 mijë automjete kanë ardhur nga Zvicra, 10 deri në 12 mijë nga Gjermania, kurse pjesa tjetër nga shtete të tjera evropiane.

Në ditët e ardhshme parashikohet që fluksi i bashkatdhetarëve që mbërrijnë nga Evropa të pësojë rënie.

The post Gushti hapet me fluks rekord, mijëra automjete të diasporës mbërrijnë në Kosovë appeared first on Albeu.com.

Numri i mërgimtarëve që po hyjnë në Kosovë përmes pikave kufitare ka shënuar rritje.

Të dhënat e publikuara nga Qendra Kombëtare për Menaxhimin Kufitar tregojnë se koha e pritjes për hyrje në vend është shtuar ndjeshëm, ndërsa janë përditësuar informacionet edhe për lëvizjet në dalje.

Sipas raportimit të orës 08:11, në pikën kufitare të Dheut të Bardhë automjetet qëndrojnë në radhë deri në 30 minuta.

Në Jarinje pritjet variojnë nga 20 deri në 30 minuta, ndërsa në Merdarë ato shkojnë deri në 15-20 minuta.

The post Rriten pritjet në kufi, mërgimtarët presin deri në 30 minuta për të hyrë në Kosovë appeared first on Albeu.com.

Të dhënat e fundit të Qendrës Kombëtare për Menaxhim Kufitar tregojnë se në disa pika kufitare janë krijuar kolona dhe pritje për automjetet që hyjnë në Kosovë.

Në përditësimin e orës 19:45, Muçibaba rezulton pika me ngarkesën më të madhe. Udhëtarët që presin të hyjnë në vend po përballen me vonesa deri në 60 minuta, ndërsa radha e automjeteve shtrihet në rreth 300 metra.

Fluks i shtuar është evidentuar gjithashtu te Dheu i Bardhë, ku pritja në hyrje arrin deri në 50 minuta dhe kolona ka një gjatësi prej afërsisht 200 metrash.

Në Bërnjak, hyrja po kërkon rreth 45 minuta pritje, me kolonën e automjeteve që shkon në afro 500 metra. Në Han të Elezit, ndërkaq, vonesat janë rreth 20 minuta në hyrje dhe deri në 40 minuta në dalje, ndërsa radha arrin rreth 300 metra.

Qarkullim më i lehtë raportohet në Kullë, Merdarë, Mutivodë, Qafë të Morinës, Qafë të Prushit, Stançiq dhe Vërmicë. Në këto pika, pritjet lëvizin nga 2 deri në 10 minuta dhe nuk janë krijuar kolona të mëdha.

Sa u përket mjeteve që transportojnë mallra, nuk evidentohen vonesa të ndjeshme. Në shumicën e pikave kufitare, kamionët kalojnë brenda 3 deri në 5 minutash, pa kolona të raportuara.

The post Fluks në kufi, pritje më të gjata në Muçibabë, Dheu i Bardhë dhe Bërnjak appeared first on Albeu.com.

Qendra Kombëtare për Menaxhim Kufitar ka publikuar informacionet më të reja për situatën në vendkalimet kufitare, ku disa pika raportojnë vonesa të konsiderueshme dhe radhë të gjata makinash.

Nga raporti i orës 13:26 të datës 23 korrik 2026, del se kolona më e gjatë është formuar në Muçibabë, ku udhëtarët që synojnë të hyjnë në Kosovë presin deri në një orë të plotë, ndërsa rreshti i automjeteve shtrihet në rreth 1000 metra.

Një fluks i lartë vihet re edhe në pikën e Dheut të Bardhë, me po aq minuta pritjeje për hyrje dhe një radhë që arrin 150 metra, teksa për ata që dalin koha e pritjes është rreth 25 minuta dhe kolona masë 90 metra.

Në anën tjetër, në Hanin e Elezit situata paraqitet më e lehtësuar: hyrja kërkon rreth 15 minuta me 100 metra radhë, kurse dalja zgjat afro 5 minuta.

Sa u përket vendkalimeve të tjera, si Bërnjaku, Jarinja, Kulla, Merdara, Mutivoda, Qafa e Morinës, Qafa e Prushit, Stançiqi, Vërmica dhe Glloboçica, pritjet lëvizin nga 2 deri në 15 minuta dhe nuk sinjalizohen formime të mëdha automjetesh.

The post Trafik i rënduar në pikat kufitare, deri në 60 minuta pritje në Muçibabë dhe Dheun e Bardhë appeared first on Albeu.com.

Në Pikën e Kalimit Kufitar në Vërmicë është shënuar një numër i lartë hyrjesh, ndërsa mijëra qytetarë nga Kosova kanë marrë rrugën drejt bregdetit shqiptar dhe zonave turistike të vendit për fundjavë dhe pushime.

Gjatë orëve të para të mëngjesit të së shtunës, për shkak të shtimit të automjeteve, në hyrje të Shqipërisë janë krijuar radhë. Fluksi i lartë lidhet me vikendin e parë të korrikut dhe me sezonin turistik.

Për menaxhimin e situatës, autoritetet në Pikën Kufitare të Morinës kanë aktivizuar të gjitha sportelet e kontrollit.

Për mjetet me targa të Kosovës po zbatohet procedura e kalimit pa kontrolle të hollësishme, në përputhje me marrëveshjet në fuqi. Ndërkohë, për automjetet me targa të huaja po ndiqen procedura të përshpejtuara, me synim shmangien e pritjeve dhe lehtësimin e qarkullimit.

Sipas të dhënave të Drejtorisë së Kufirit dhe Migracionit, vetëm nga ora 05:00 deri në orën 09:00, në Stacionin e Policisë Kufitare Morinë kanë hyrë në territorin shqiptar 11.725 shtetas nga Kosova me 2.740 automjete.

Të dhënat e fundit tregojnë se, brenda 36 orëve, në hyrje të Shqipërisë janë regjistruar rreth 30 mijë udhëtarë dhe 136 autobusë.

The post Radhë dhe lëvizje e shtuar në Vërmicë, mijëra pushues nga Kosova i drejtohen Shqipërisë appeared first on Albeu.com.

Qindra mjete i drejtohen zonave turistike për fundjavë, teksa juglindja mbetet destinacion i preferuar në ditët e nxehta.
Por po ashtu të shumtë janë ata që i drejtohen zonave bregdetare duke zgjedhur autostradën Tiranë-Elbasan, për shkak të punimeve në autostradën Tiranë-Durrës.

Fluksi i mjeteve është shtuar më tej edhe nga kthimi i emigrantëve në atdhe për pushime.

The post Fluks turistësh drejt juglindjes, ‘paralizohet’ qarkullimi në Elbasan appeared first on Albeu.com.