Fluks makinash Archives - Albeu.com

Radhe të gjata në Kakavijë, fluks i lartë hyrjesh në Shqipëri

M C — Sun, 10 Aug 2025 14:26:21 +0000

Radhe të gjata automjetesh janë krijuar në Pikën Kufitare të Kakavijës, si pasojë e fluksit të lartë të qytetarëve që udhëtojnë drejt Shqipërisë për të kaluar pushimet e verës. Kolona nga pala greke është shtrirë deri në 3 kilometra.

Për të përballuar këtë fluks, pala shqiptare po punon me tre sportele, ndërsa pala greke me dy, por vonesat vijojnë për shkak të numrit të madh të udhëtarëve.

Sipas të dhënave zyrtare nga PKK Kakavijë, gjatë 24 orëve të fundit janë përpunuar gjithsej 15,112 shtetas në hyrje dhe dalje, prej të cilëve 10,551 kanë hyrë në territorin shqiptar dhe 4,561 kanë dalë. Po ashtu, janë përpunuar 4,942 mjete, nga të cilat 3,578 në hyrje dhe 1,364 në dalje.

Ky fluks i lartë pritet të vijojë deri më 15 gusht, datë që përkon me festën e Shën Mërisë, një nga ngjarjet më të rëndësishme fetare për komunitetin ortodoks. Pas kësaj date, pritet që fluksi të rritet në dalje nga territori shqiptar, ndërsa muaji gusht konsiderohet si periudha më e ngarkuar për këtë pikë kufitare gjatë gjithë sezonit veror.

The post Radhe të gjata në Kakavijë, fluks i lartë hyrjesh në Shqipëri appeared first on Albeu.com.

Fluks makinash në doganat shqiptare, ja sa hyrje dhe dalje u regjistruan në Kapshticë dhe Qafë Thanë në 24 orët e fundit

E S — Tue, 16 Aug 2022 07:53:31 +0000

Një fluks i emigrantëve që kthehen në atdhe për pushime është regjistruar gjatë javës së fundit në pikat e kalimit kufitar me Greqinë, por edhe në portin e Durrësit ku mijëra bashkatdhetar janë kthyer në Shqipëri.

Sa i përket 24 orëve të fundit në pikën kufitare të Kapshticës kanë hyrë 3535 shtetas dhe 1186 mjete.

Gjithashtu bilanci në dalje është i lartë, pasi janë larguar drejt Greqisë 5573 shtetas dhe 2032 mjete, kryesisht emigrantë që pas pushimeve kthehen në vendet ku jetojnë dhe punojnë.

Ndërkohë në “Qafë Thanë” kanë hyrë 3809 shtetas dhe 1830 mjete. Gjithashtu kanë dalë 3328 shtetas dhe 1575 mjete./albeu.com

The post Fluks makinash në doganat shqiptare, ja sa hyrje dhe dalje u regjistruan në Kapshticë dhe Qafë Thanë në 24 orët e fundit appeared first on Albeu.com.

Fluks makinash në Kakavijë, mijëra qytetarë hyjnë në Shqipëri

E S — Sun, 14 Aug 2022 11:53:35 +0000

Foto ilustruese

Përgjatë 24 orëve te fundit kanë hyrë për ne Republikën e Shqipërisë rreth 9739 persona dhe kane dalë për në Greqi rreth 4444 të tjerë nga pika kufitare e Kakavijës.

Fluks është konstatuar në orët e para të mëngjesit. Mësohet se pala greke po punon me tre sportele ndërsa pala shqiptare me 4 sportele por fluksi gjate kësaj ore ka rene.

Kjo fundjave përkon edhe me pikun e sezonit turistik ndërsa te shumte janë qytetaret te cilët kishin zgjedh vendin fqinj dhe kthehen tashmë nga pushimet./albeu.com

The post Fluks makinash në Kakavijë, mijëra qytetarë hyjnë në Shqipëri appeared first on Albeu.com.