Shumë qytetar si nga Kosova, por edhe nga Shqipëria zgjedhin që pushimet e pas festave të fundvitit t’i kalojnë duke vizituar vendet turistike.

Lëvizja e mjeteve është shtuar edhe për arsye të largimit të emigrantëve kosovarë, në vendet ku jetojnë pas mbarimit të festave të fundvitit.

Ndërkohë, janë shmangur radhët e gjata dhe pritjet në kufi falë lëvizjes së lirë, duke punuar edhe me procedurë të përshpejtuar për mjetet me targa të huaja.

Aktualisht,  po punohet me 8 sportele në të dy kahet e kufirit. Këto ditë policitë kufitare po punojnë edhe me proçedurën pa kontrolle për mjetet me targa të Shqipërisë e Kosovës. Kujtojmë se festat e fundvitit, kanë shënuar një rritje të fluksit të hyrje-daljeve të udhëtarëve në pikat e kalimit kufitar në qarkun e Kukësit.

Shërbimet e Drejtorisë Vendore për Kufirin dhe Emigracionin Kukës, bëjnë të ditur se nga data 19 dhjetor e vitit që lame pas e deri më sot në pikat e kalimit kufitar të qarkut të Kukësit, kanë hyrë në vendin tonë mbi 90 mijë shtetas.

The post Fluks i lartë lëvizjesh në pikën kufitare të Morinës, autoritetet kanë shtuar sportelet appeared first on Albeu.com.

Nga shifrat e mbledhura gjatë 48 orëve të fundit nga Kapshtica, kanë hyrë 9629 shtetas dhe kanë dalë 6620.

Ndërkohë, një numër më i madh është regjistruar në Qafë Thanë në këto 48 orët e fundit.

Në hyrje janë regjistruar 14392 shtetas ndërsa në dalje 10815.

Për të përballuar fluksin pala shqiptare ka punuar me sportele maksimale, ndërsa ajo greke shpesh here me sportele të reduktuara aq sa herë pas here krijohej fluks në tokën neutrale.

Ndërkohë, policia bën të ditur edhe shifrat e 24 orëve të fundit.

Sipas tyre, gjatë 24 orëve të fundit në Kapshticë kanë hyrë 5214 shtetas dhe kanë dalë 3589.

Në Qafë Thanë kanë hyrë 8217 shtetas dhe kanë dalë 5611 shtetas.

The post Fluks lëvizjesh në pikat e kalimit kufitar të Kapshticës dhe Qafë Thanës appeared first on Albeu.com.