Manovrat, e emërtuara “Northern/Interaction-2023”, janë një tregues i rritjes së bashkëpunimit ushtarak mes Kinës dhe Rusisë, që nga fillimi i sulmit të Rusisë në Ukranë. Ato po zhvillohen ndërsa Pekini vazhdon të refuzojë thirrjet e Shteteve të Bashkuara për rivendosjen e komunikimit ushtarak.

Flota kineze, e përbërë nga pesë luftanije dhe katër helikopterë, u nis nga porti lindor Qingdao dhe do të takohet me forcat ruse në një “zonë të paracaktuar”, njoftoi ministria kineze të dielën në llogarinë e saj zyrtare në WeChat.

Të shtunën, ministria kineze e mbrojtjes kishte njoftuar se forcat detare dhe ajrore të Rusisë do të merrnin pjesë në një stërvitje në Detin e Japonisë.

Sipas gazetës shtetërore kineze Global Times, e cila citonte ekspertë ushtarakë, kjo do të jetë hera e parë që marrin pjesë në stërvitje njëkohësisht forca ruse të detit dhe të ajrit.

Dy nga anijet ruse që marrin pjesë në stërvitjet në Detin e Japonisë, “Gromkiy” dhe “Sovershenniy”, kishin marrë pjesë më herët këtë muaj në një tjetër stërvitje me marinën ushtarake kineze në Shanghai, të përqëndruar tek lëvizja e formacioneve, komunikimi dhe operacionet e kërkim-shpëtimit.

The post Kina, Rusia stërvitje të përbashkëta detare dhe ajrore në Detin e Japonisë appeared first on Albeu.com.

Sipas saj, janë përdorur nëntë dronë, por Ukraina ende nuk i ka komentuar këto pretendime.

Pa dhënë prova, Rusia akuzoi trupat britanike për përfshirje në sulmin e së shtunës – dhe në hedhjen në erë të tubacioneve të gazit muajin e kaluar.

Në përgjigjen e saj, ministria e Mbrojtjes e Mbretërisë së Bashkuar tha se Rusia “po shpërndante pretendime të rreme në një shkallë epike”.

Sulmi i së shtunës vjen pasi trupat ukrainase rimorrën me sukses territorin e pushtuar nga trupat ruse që kur nisën pushtimin e tyre më 24 shkurt.

Rusia është përgjigjur duke nisur sulme në shkallë të gjerë në infrastrukturën ukrainase, veçanërisht në rrjetin energjetik të vendit.

Sevastopol është qyteti më i madh në atë rajon dhe shtëpia e flotës ruse të Detit të Zi.

Në prill, anija kryesore e flotës ruse të Detit të Zi, kryqëzori raketor Moskva, u mbyt pranë Krimesë. Rusia tha se një shpërthim municioni shkaktoi dëmin që fundosi anijen, ndërsa Ukraina pretendoi se e kishte fundosur anijen me një sulm raketash.

Më 9 gusht, një bazë ajrore ushtarake ruse në Krime u trondit nga disa shpërthime që shkatërruan të paktën nëntë avionë ushtarakë. Agjencia gjermane e lajmeve DPA më 19 gusht, duke cituar zyrtarë ushtarakë perëndimorë tha se sulmi në bazën ajrore Saky kishte nxjerrë jashtë funksionit më shumë se gjysmën e avionëve të Flotës së Detit të Zi dhe e detyroi flotën të ndërmerrte një pozicion mbrojtës./REL

The post Sulm “masiv” me dronë në Flotën e Detit të Zi appeared first on Albeu.com.