Janë sekuestruar një sasi bizhuterish floriri dhe argjendi të cilat dyshohet janë përfituar nga veprimtari kriminale, që po futeshin në vendin tonë prej një autobusi që vinte në Shqipëri prej tragetit Durrës-Ankona.

‘Sekuestrohen një sasi bizhuterish floriri dhe argjendi, 2 celuarë dhe 2 pasaporta.’, thuhet në njoftimin e policisë.

Në vijim të kontrolleve ka nisur hetimi për dy shoferët e autobusit Ermal Nebiaj, 34 vjeç dhe Fation Ruko, 37 vjeç, për veprat penale “Mosdeklarimi në kufi i të hollave dhe i sendeve me vlerë” dhe “Përvetësimi i parave ose mallrave që rrjedhin nga vepra penale ose veprimtaria kriminale”.

Gjithashtu policia ka identifikuar edhe pritësin e këtyre sendeve me vlerë, M.T., 59 vjeç i cili u shpall në kërkim.

‘Nga kontrollet në vijë të dytë, në autobusin që kishte drejtues të parë dhe të dytë, përkatësisht  shtetasit E. N., 34 vjeç dhe F. R., 37 vjeç, u gjet një sasi bizhuterish floriri dhe argjendi, të cilat dyshohet se janë përfituar nga veprimtari kriminale. Në vijim të veprimeve procedurale për këtë rast, nisi procedimi në gjendje të lirë për të dy këta shtetas, për veprat penale “Mosdeklarimi në kufi i të hollave dhe i sendeve me vlerë” dhe “Përvetësimi i parave ose mallrave që rrjedhin nga vepra penale ose veprimtaria kriminale”.

Në vijim, si rezultat i hetimeve u identifikua dhe u shpall në kërkim shtetasi M. T., 59 vjeç, i cili dyshohet se do të priste bizhuteritë në Shqipëri. Punohet intensivisht për lokalizimin dhe kapjen e tij.’, njofton policia.

The post Durrës, u kapën në port duke futur bizhuteri floriri dhe argjendi, nën hetim 2 shoferët e autobusit! Shpallet në kërkim pritësi i këtyre sendeve appeared first on Albeu.com.

Mësohet se si pjesë e hetimit të përbashkët, agjentët francezë në ambientet e Strukturës së Posaçme morën në pyetje disa prej shtetasve shqiptarë të arrestuar me kërkesë të Prokurorisë së Posaçme në datën 16 Qershor. Hetuesit francezë kanë kërkuar të dhëna mbi rolin e gjithësecilit dhe njohjet që këta persona kanë me të tjerë shtetas të identifikuar në Francë.

Hetimi i SPAK nisi pas një letër porosie nga autoritetet francaze, duke lëshuar më pas 17 urdhër-arreste. Sipas SPAK, nga hetimet ka rezultuar se grupet kriminale që kanë vepruar në kuadër të aktivitetit të paligjshëm kriminal, si në territorin francez, ashtu dhe atë shqiptar janë dy.

Në lidhje me grupin e parë, rezulton se personat nën hetim pas grumbullimit të sendeve të vjedhura në territorin francez dhe shumave monetare që rridhnin nga veprimtaria kriminale, pasi i depozitonin në një hotel, ua jepnin ato në dorëzim për t’i transportuar në mënyrë të paligjshme në Shqipëri.

Në lidhje me grupin e dytë, rezulton se, personat nën hetim, në bashkëpunim me anëtarët e grupit të parë, kanë ushtruar veprimtarinë e tyre kriminale duke transportuar shuma monetare në sasi të madhe, dhe të padeklaruara nga Shqipëria-Francë. Këto shuma të përdorura për blerjen e sendeve të luksit, kapin një shifër prej 724,386 euro, shifër kjo që i përket vetëm transaksioneve bankare, pa përfshirë këtu shumat në cash të cilat janë transportuar nëpërmjet kufirit shtetëror në mënyrë të paligjshme që kapin vlerën e 2.113.000 Euro dhe 35.000 Franga. Përveç këtyre shumave monetare personat nën hetim kanë transportuar në mënyrë të paligjshme edhe rreth 3.4 kg sende të çmuara (flori).

Aktualisht gjykata ka lënë në arrest me burg 5 persona, mes të cilëve dhe Sokol Idrizajn, shoferin e ish-Drejtorit të Përgjithshëm të Policisë, Ardi Veliut. Ndërsa të akuzuarit e tjerë në arrest shtëpie. Filimisht SPAK arrestoi dhe bashkëshorten e Sokol Idrizajt, Elda Idrizaj, si dhe vajzën e tyre Egi Idrizajn.

The post Bënin kontrabandë floriri në Shqipëri, agjentët francezë “zbarkojnë” në SPAK appeared first on Albeu.com.