Pas barazimit pa gola ndaj Teutës, në takimin hapës të Abissnet Superiores të zhvilluar në stadiumin e Vorës, Partizani përgatitet për sfidën e radhës ndaj Laçit. Ndeshja e nesërme do të nisë në orën 18:30.

Edhe pse të kuqtë mbetën me një lojtar më pak pas kartonit të kuq të marrë nga Human, portieri Pano Qirko me ndërhyrjet e tij vendimtare shmangu një situatë edhe më të vështirë për skuadrën.

Trajneri i “Demave të Kuq”, Florin Bratu, foli para mediave për përballjen e javës së dytë dhe la të hapur formacionin që do të zbresë në fushë.

“Për formacionin do të presim deri nesër. Kemi disa probleme, ndërsa Human nuk do të jetë i gatshëm për shkak të kartonit të kuq. Ende nuk e kam përcaktuar 11-shen titullare, por kam edhe një ditë në dispozicion për të marrë vendimin e duhur”, u shpreh Bratu.

Sa i përket asaj që i pëlqeu më shumë në ndeshjen kundër Teutës, tekniku theksoi karakterin e treguar nga skuadra.

“Më pëlqeu shpirti i ekipit, diçka që për mua si trajner është shumë e rëndësishme. Për 60 minuta luajtëm me një lojtar më pak, ndërsa Human është një futbollist shumë i rëndësishëm për ne. Skuadra më pëlqeu dhe tregoi karakter”, deklaroi ai.

Bratu shtoi se ndaj Laçit objektivi është marrja e tri pikëve, pavarësisht respektit për kundërshtarin.

“Në takimin e radhës duam ta kontrollojmë ndeshjen dhe të fitojmë. E respektojmë Laçin, por luajmë sërish në shtëpi dhe kemi nevojë për pikë. Për këtë arsye duhet të luftojmë. Gjatë gjithë javës e kemi përgatitur këtë përballje. Çdo kundërshtar ka pikat e veta të forta dhe dobësitë, ndërsa nesër do të shohim se si do të jetë situata. Për ne është e rëndësishme të paraqitemi më mirë se ndaj Teutës”, tha trajneri i Partizanit.

Bratu u shpreh i kënaqur edhe për aktivizimin e Dion Vatës, një futbollist i formuar në akademinë e klubit.

“Jam shumë i kënaqur për të, sepse është rritur te Partizani. Shpresoj që të bëhet shembull për të gjithë lojtarët e tjerë të akademisë, në mënyrë që edhe ata të zhvillohen dhe në të ardhmen të kemi më shumë futbollistë të rinj që ëndërrojnë të jenë pjesë e Partizanit”, theksoi ai.

“Më pëlqen shumë t’u jap hapësirë të rinjve. Tashmë gjithçka varet nga Vata, i cili duhet të vazhdojë të stërvitet me seriozitet. Partizani, por edhe futbolli shqiptar, mund të fitojnë një lojtar të mirë”, shtoi Bratu.

Sa i takon Fadairos, trajneri bëri me dije se lojtari do t’i bashkohet ekipit në ditët në vijim.

“Fadairo është lojtari ynë dhe jam shumë i lumtur për atë që ka treguar deri tani. Në ditët e ardhshme do të bashkohet me skuadrën dhe do të vijojë programin tonë”, u shpreh ai.

Bratu pranoi se është i kënaqur me grupin që drejton, por kërkon më shumë në vazhdim.

“Në këtë moment jam i kënaqur, por dua që në të ardhmen të jem edhe më i kënaqur. Të gjithë lojtarët po përgjigjen shumë mirë gjatë seancave stërvitore dhe kemi dëshirën për të ndërtuar një Partizan shumë të fortë. Fillimisht duhet të krijojmë një skuadër që jep shpirtin, pasi kjo është shumë e rëndësishme edhe në stërvitje”, deklaroi trajneri.

I pyetur për merkaton, Bratu preferoi të mos japë detaje dhe e përqendroi vëmendjen te përballja e radhës.

“Nuk dua të mendoj për merkaton. Jam i fokusuar vetëm te ndeshja e nesërme kundër Laçit”, përfundoi ai.

The post Duam të ndërtojmë një Partizan shumë të fortë”, Bratu nuk zbulon formacionin para përballjes me Laçin appeared first on Albeu.com.

Partizani arriti të marrë një pikë ndaj Teutës në stadiumin “Vora”, në një ndeshje ku kryeqytetasit u përballën me një penallti kundër dhe me përjashtimin e Humanit.

Pas përfundimit të takimit, trajneri i “Demave të Kuq”, Florin Bratu, komentoi para mediave paraqitjen e mesfushorit dhe situatën në merkato.

“Humanit i jap shumë liri në lojë dhe e lejoj të afrohet pranë portës. Deri në momentin e kartonit të kuq, ai ishte, sipas meje, futbollisti më i rrezikshëm në fushë. Krijoi situata të veçanta në fazën ofensive.

Për sa i përket merkatos, deri tani jam i kënaqur me punën e bërë. Nuk kishim parashikuar afrimin e lojtarëve të tjerë deri në këtë moment. Jam i kënaqur edhe me Dijon Vatën. Duhet të dëshmojmë nivelin dhe talentin që ka futbolli shqiptar.

Besoj se Partizani mund të fitojë një futbollist shumë të rëndësishëm për të ardhmen. Dijon Vata duhet të jetë sa më punëtor. Jam i kënaqur me lojtarët dhe do të shohim se çfarë do të ndodhë deri javën tjetër. Tani jemi të përqendruar te ndeshja e radhës”, deklaroi Bratu.

The post Bratu: Human ishte më i rrezikshmi deri në përjashtim, te merkatoja do të presim deri javën tjetër appeared first on Albeu.com.

Partizani fitoi 2-0 ndaj Pogradecit në një ndeshje miqësore që ishte pjesë e përgatitjeve për sezonin e ri. Golat për “Demat e Kuq” u shënuan nga Bintsouka dhe Çelaj, ndërsa pas takimit trajneri Florin Bratu foli për mediat.

“Skuadra realizoi atë që i kërkova dhe kjo më kënaq. Synoj të shoh përkushtim, mentalitet dhe organizim, si kur kemi topin, ashtu edhe në momentet kur luajmë pa të. Pikërisht mbi këto elemente po punojmë gjatë kësaj faze, edhe pse bëhej fjalë vetëm për një miqësore”, deklaroi Bratu.

Tekniku shprehu krenarinë për paraqitjen e futbollistëve dhe konfirmoi se puna për përmirësimin e skuadrës do të vazhdojë. “Jam shumë krenar për lojtarët dhe për atë që treguan në fushë. Sa i përket merkatos, po bashkëpunojmë me drejtuesit e klubit për ta përforcuar ekipin. Pse jo, nuk do të ndalemi këtu. Më e rëndësishmja është që Partizani ta nisë kampionatin me një skuadër konkurruese”, u shpreh trajneri i të kuqve.

The post Florin Bratu krenar pas fitores së Partizanit, paralajmëron përforcime të tjera në merkato appeared first on Albeu.com.

Sonte në mbrëmje, Skënderbeu dhe Partizani do të përballen në një ndeshje kontrolli, pjesë e fazës përgatitore për edicionin e ardhshëm të “Abissnet Superiore”. Takimi është programuar të startojë në orën 18:00 dhe do të luhet në impiantin sportiv “Gjorgji Kyçyku” në qytetin e Pogradecit.

Kjo përballje shërben si një mundësi ideale për të dy trajnerët, Florin Bratu dhe Julian Ahmataj, të cilët do të udhëheqin për herë të parë ekipet e tyre në kampionatin shqiptar.

Me organikët që po marrin formë falë lëvizjeve të merkatos, ky test miqësor shihet si një barometër i rëndësishëm për të vlerësuar gjendjen reale të të dyja skuadrave, duke ofruar një provë konkrete të nivelit mes dy rivalëve.

The post Sfida miqësore mes Skënderbeut dhe Partizanit, Bratu dhe Ahmataj testojnë skuadrat para sezonit të ri appeared first on Albeu.com.

Partizani e ka nisur me humbje fazën përgatitore, pasi u mund nga Besa e Kavajës në testin e parë miqësor.

Në stadiumin “Luz i Vogël”, kavajasit triumfuan me rezultatin 1-2. Për të kuqtë, rrugën e rrjetës e gjeti Albers Keko në minutën e 13-të të ndeshjes.

Kjo sfidë shënoi një debutim larg pritshmërive për trajnerin rumun Florin Bratu. Tekniku do të duhet të punojë më tepër me grupin, për të vendosur idetë e tij në provat e ardhshme, përpara nisjes së sezonit të ri në Superiore.

The post Partizani bie ndaj Besës në miqësore, nisje me disfatë për Florin Bratun appeared first on Albeu.com.

Partizani do të zhvillojë sot miqësoren e parë në kuadër të fazës përgatitore për sezonin e ri të “Abissnet Superiore”. Të kuqtë do të përballen me Besën e Kavajës në stadiumin “Luz i Vogël”, me ndeshjen që nis në orën 18:00.

Përballja shënon edhe debutimin e Florin Bratut në pankinën e Partizanit. Trajneri rumun do të ketë kështu mundësinë e parë për të provuar skuadrën e tij në një ndeshje.

Nën drejtimin e Bratut, “Demat” kryen të premten seancën e radhës stërvitore në ambientet e “Shtëpisë së Futbollit”.

Pas miqësores ndaj Besës së Kavajës, Partizani do të udhëtojë më 20 korrik drejt Pogradecit, ku do të vijojë programin përgatitor në prag të sezonit të ardhshëm.

The post Partizani nis testet e verës, Bratu debuton sot ndaj Besës së Kavajës appeared first on Albeu.com.

Partizani ka startuar përgatitjet për edicionin e ri, ndërsa Florin Bratu ka hyrë menjëherë në punë sapo mori drejtimin e skuadrës dhe u prezantua si trajneri i ri i të kuqve për sezonin e ardhshëm.

Nga pamjet e publikuara, rumuni shihet teksa punon me grupin aktual të lojtarëve, të cilët kanë marrë udhëzimet e para taktike nga trajneri 46-vjeçar.

Bratu konsiderohet si një zgjedhje me potencial për pankinën dhe, nisur edhe nga deklaratat e bëra pas prezantimit te të kuqtë, la të kuptohet se Partizani do të luftojë fort për t’u shpallur kampion i Shqipërisë në sezonin 2026/27.

Klubi bëri të ditur gjithashtu edhe përbërjen e stafit teknik, i cili do të jetë në mbështetje të trajnerit për arritjen e objektivave të sezonit.

The post Bratu e nis menjëherë me intensitet te Partizani, të kuqtë hapin fazën përgatitore për sezonin e ri appeared first on Albeu.com.

Partizani ka vendosur trajnerin e ri të skuadrës, duke i besuar pankinën Florin Bratu.

Tekniku 46-vjeçar me origjinë rumune u prezantua sot në ambientet e klubit të kuq.

Vijon…

The post Partizani mbyll çështjen e pankinës, Florin Bratu inauguron fazën e re pas Kërnajas appeared first on Albeu.com.