Gjykata e Apelit e ka lënë në fuqi masën e sigurisë duke i rrëzuar asaj kërkesën për zbutje mase.

E reja akuzohet për  “Ushtrim të ndikimit të pa ligjshëm” të funksionarëve publik duke rrëzuar kërkesën e saj për zbutje mase.

Beu është në hetim në të njëjtën dosje me ish-zëvendës ministren e Brendshme Rovena Voda.

Rikujtojmë se gjatë përgjimeve të kësaj dosje, Beu kërkonte të punësohej në administratë madje e kishte paguar zv.ministren Rovena Voda.

Kush është Florida Beu?

Zbulohet origjina e vajzës, Florida Beu, që synonte të hynte me çdo kusht si punonjëse civile, pranë Ministrisë së Punëve të Brendshme.

Florida Beu, është një avokate dhe biznesmene në Durrës, e cila prej vitit 4 korrik 2019 menaxhon së bashku me vëllain e saj, Emirjan Beun, një kompani peshkimi të quajtur “Adriatic Sea Transport”.

Florida Beu, ka hyrë në këtë kompani pas largimit nga 50 për qind të aksioneve të nënës së saj, Nerënxes.

Ndaj dhe arka me peshk të egër dhe të freskët deti, është dhënë tek zv/ministria e Brendshme Rovena Voda, pikërisht në ambientet e brendshme të portit të Durrësit.

Ndërkohë në 9 qershor 2021, Florida Beu, është bërë pronare me 50 përqind të aksioneve tek kompania “AuraFish” në Durrës.

Beu, bleu aksionet tek biznesmeni nga Elbasani, Emiljan Leka, prej vetëm 250 mijë lekë të vjetra.

Në këto kushte Florida Beu, u bë aksionere e kësaj kompanie që aktualisht e zotëron së bashku me vëllain e saj.

Gjithashtu vajza 30-vjeçare që sot ndodhet në masën e “arrestit në shtëpi” dhe që nesër pritet të dalë para gjykatës së posaçme për tu njohur zyrtarisht me masën e sigurisë, rezulton të jetë pronare dhe e një karburanti në qytetin e Durrësit.

Ky karburant quhet “Beu-Oil” dhe ka depozitat e naftës, brenda autoritet portual të Durrësit. Florida Beu është në këtë kompani në cilësinë e administratores dhe pronares me 50 për qind të aksioneve. Ndërsa pjesën tjetër të aksioneve e menaxhon, i afërmi i saj, Klaudio Beu. Kompania në fjalë është hapur në 7 gusht 2020 në qytetin e Durrësit. Ndërkohë qysh prej 24 prillit 2018, Florida Beu, punon dhe si avokate në qytetin e Durrësit, pasi ushtron aktivitet tregtar në një zyra, përballë prokurorisë dhe gjykatës së Durrësit.

Nga verifikimet e kryera  ka rezultuar se Florida Beu, është pronare dhe të një karburanti tjetër në Rrashbull të Durrësit, shkruan orasnews.

Ky karburant është i regjistruar me emrin “Harizi Petrol” dhe zotërohet plotësisht me 100 për qind të aksioneve nga vajza 30-vjeçare Florida Beu.

Pavarësisht kësaj pasuri të madhe, Florida Beu, me sa duket e ka pasur ëndërr të fillonte punë në dikasterin e Ministrisë së Punëve të Brendshme.

Ku megjithëse konkurroi në 11 vende, sërish nuk mundi që të fitojë asnjë vend pune në ministri. Por pavarësisht kësaj, prokuroria e posaçme SPAK, pretendon se Florida Beu, ka paguar tek zv/ministria Rovena Voda, 1 mijë euro, një aparat telefoni dhe një arkë me peshk deti. /albeu.com/

The post Korruptoi zv/ministren me 1 mijë euro e 1 arkë me peshk, merret vendimi për 30-vjeçaren me 5 biznese appeared first on Albeu.com.

Sipas dosjes hetimore të siguruar nga gazetari Ermal Vija për abcneës.al, Majlinda Hasani ka luajtur rolin e sekseres për të lidhur Florida Beun me ish-zv.ministren. Mes tyre zhvillohen një mori bisedash në lidhje me temën në fjalë, të cilat ndodhen në dosjen e SPAK.

Në njërin prej këtyre përgjimeve është fiksuar edhe momenti kur Florida Beu dhe Majlinda Hasani flasin nëse I kanë dhënë Vodës shumën e duhur të parave “për t’i gjetur një vend të mirë pune”, ndërsa ato flasin edhe për një shumë parash dhe një celular të markës “Samsung” me vlerë 550 euro që të jepen në formë rryshfeti.

Në dosje është interesant momenti i takimit të Vodës me Beun dhe Hasanin, ku kjo e fundit i zgjat ish-zv.ministres kutinë e telefonit, dhe pasi ajo e merr e hap dhe e sheh, e lë fillimisht në tavolinë dhe më pas e fut në çantë.

Në të gjitha këto takime, Rovena Voda kishte shkuar me makinën e shtetit, një “Toyota” me targa MB276AA.

The post “Mos thotë Rovena u këputën në b…” Çfarë flisnin Florida dhe Majlinda pasi i dhanë zarfin Vodës appeared first on Albeu.com.

Gjatë seancës që po zhvillohet sot, Beu është ndjerë keq dhe ka përfunduar në spital. Ajo po merr kujdes shëndetësor.

Senca në gjykatë po vazhdon pasi janë të pranishme Vodo dhe Hasani.

Kujtojmë se Vodo akuzohet për korrupsion, duke qenë se kërkonte para, celulare dhe ushqime për të dhënë vende pune  të administratë./albeu.com

The post Në gjykatë për masën e sigurisë, përfundon në spital avokatja që dha 2 mijë euro për t’u punësuar në Ministri appeared first on Albeu.com.

Zv/ministrja Rovena Voda u ka premtuar Majlinda Hasanit dhe Florida Beut vende pune në DAP (Departamenti i Administratës Publike), në këmbim të shumave monetare.

Përveç saj, mësohet se në “arrest shtëpie” janë vendosur edhe Majlinda Hasani dhe Florida Beu.

“Nga veprimet hetimore të kryera për këtë proçedim penal në bashkëpunim me policinë gjyqësore të Drejtorisë së Policisë së Shtetit, janë siguruar dhe janë mbledhur provat konkrete, nga të cilat janë krijuar dyshime të arsyeshme se shtetasja Rovena Voda, në cilësinë e Zëvendësministres në Ministrinë e Brendshme, ka pranuar dhe ka marrë përfitime monetare dhe përfitime materiale të padrejta nga shtetaset Majlinda Hasani dhe Florida Beu. Përfitimet monetare dhe materiale të padrejta në këtë rast janë dhënë dhe janë pranuar me qellim që shtetasja Rovena Voda te ushtronte ndikim të paligjshëm te persona të tjerë që ushtrojnë funksione publike, për të favorizuar në mënyrë të padrejtë shtetasen Florida Beu, në mënyrë që kjo e fundit të emërohej punonjëse në shërbimin civil në kategorinë ekzekutive…”-njofton SPAK.

vijon… /albeu.com/

The post SKANDALI/ Zv.ministrja e Brendshme merrte ryshfet për të punësuar në Administratë: Vetëm paguaj ti! (FOTO LAJM) appeared first on Albeu.com.