Në kërkim të më shumë krijimtarisë në mesfushë, Liverpooli po shqyrton mundësinë e transferimit të Paul Wanner nga PSV Eindhoveni. Interesimi i klubit anglez për 20-vjeçarin austriak është raportuar nga eksperti gjerman i futbollit, Christian Falk.

Wanner është formuar në akademinë e Bayern Munichut, ndërsa vitin e kaluar kaloi përfundimisht te PSV-ja. Që prej transferimit në Holandë, ai ka fituar titullin kampion nën drejtimin e Peter Boszit.

Mesfushori me këmbën e majtë është 1.85 metra i gjatë dhe dallohet për pasimet e sakta, me të cilat arrin të depërtojë përmes linjave kundërshtare. Transfermarkt e vlerëson kartonin e tij në rreth 22 milionë euro.

Marrëveshja e Wanner me PSV-në zgjat deri në vitin 2030. Për momentin, objektivi i tij mbetet të afirmohet mes mesfushorëve më të mirë të Eredivisie.

Liverpooli po e ndjek austriakun në një periudhë kur Florian Wirtz po e ka të vështirë të shfaqë formën e tij optimale në Ligën Premier. Ndërkohë, gjatë këtij sezoni, Andoni Iraola e ka përdorur Dominik Szoboszlain kryesisht në një pozicion më të tërhequr.

Në këto rrethana, Wanner konsiderohet një nga opsionet që mund ta shtojë kreativitetin e Liverpoolit në repartin e mesfushës.

The post Liverpooli piketon ish-talentin e Bayern Munichut si alternativë për Wirtz appeared first on Albeu.com.

Jurgen Klopp, përzgjedhësi i Kombëtares së Gjermanisë, i ka dalë në krah Florian Wirtz, duke kërkuar që paraqitjet e mesfushorit ofensiv me përfaqësuesen të gjykohen në mënyrë më objektive.

Sipas Klopp, ndaj Wirtz janë krijuar pritshmëri tepër të larta. Ai vlerëson se futbollisti duhet të ketë lirinë për të punuar në shërbim të skuadrës, pa u përballur vazhdimisht me presionin për të krijuar momente përcaktuese.

“Biseda me Wirtz është shumë e këndshme, por duhet të largohemi nga pritshmëria që ai duhet të na dhurojë momente të veçanta në çdo ndeshje. Ai është këtu për të na ndihmuar si ekip. Duhet të sigurohemi që Flo të ndihet mirë me ne”, deklaroi Klopp.

Trajneri gjerman kundërshtoi veçanërisht debatet që nisin pas ndeshjeve në të cilat Wirtz nuk arrin të shënojë ose të japë asist.

“Duhet të jeni të kënaqur kur Florian Wirtz luan një ndeshje në të cilën jep gjithçka, edhe nëse nuk është i përfshirë në një gol. Thjesht duhet t’i japim djalit ndjesinë: ‘Sot ishte më shumë se mirë’”, u shpreh ai.

Klopp drejtoi kritika edhe ndaj ekspertëve dhe opinionit publik, të cilët vënë në pikëpyetje paraqitjet e Wirtz sa herë që ai nuk regjistron gola apo asistime.

“Pastaj të gjithë ekspertët ulen dhe diskutojnë se pse ende nuk ka funksionuar. Por ka po aq arsye për të thënë: ai po funksionon në mënyrë perfekte. Tani le t’i bëjmë së bashku hapat e ardhshëm”, shtoi Klopp.

Përmes këtyre komenteve, Klopp kërkon të lehtësojë barrën mbi Wirtz, duke nënvizuar se vlera e një futbollisti nuk përcaktohet vetëm nga numri i golave dhe asistimeve.

Në këndvështrimin e përzgjedhësit gjerman, përparësi kanë loja e futbollistit dhe ndihma që ai jep për suksesin e skuadrës.

The post Klopp u përgjigjet kritikëve të Wirtz: Po funksionon në mënyrë të përkryer appeared first on Albeu.com.

Jamal Musiala, Florian Wirtz dhe Aleksandar Pavlovic janë vënë në shënjestër të ironisë së Toni Kroosit, ndërsa po diskutohej lista e parë e Gjermanisë nën drejtimin e përzgjedhësit Jurgen Klopp, e cila pritet të bëhet publike të enjten.

Gjatë podcastit “Einfach Mal Luppen”, që e realizon së bashku me vëllain e tij Felix, kampionit të botës të vitit 2014 iu kërkua të përzgjidhte tre futbollistë që nuk kishin qenë pjesë e Botërorit të fundit.

Kroos dha një përgjigje sarkastike, duke thënë: “Kam përmendur tre lojtarë që nuk morën pjesë në Botëror: Pavlovic, Wirtz dhe Musiala”.

Në të vërtetë, që të tre kishin luajtur për Gjermaninë në atë turne. Felixit iu desh pak kohë për të kuptuar ironinë dhe fillimisht reagoi me pyetjen: “Çfarë? Në cilin Botëror nuk morën pjesë?”. Pasi e kapi domethënien e komentit, ai shtoi: “Sepse nuk u vunë re, apo çfarë?”.

Me këtë thumbim, Kroos iu referua paraqitjeve të dobëta të treshes në kompeticionin ku Gjermania u eliminua nga Paraguai në raundin e 32-të.

Më pas, ish-mesfushori përmendi tre emra që e përmbushnin realisht kriterin e sfidës dhe që ai do të donte t’i shihte në grumbullimin e parë të Kloppit: Tom Bischof dhe Lennart Karl të Bayern Munichut, si edhe Said El Mala, talenti i ri i Kolnit.

The post Toni Kroos ironizon tre yjet e Gjermanisë: “Në Botëror nuk u vunë re appeared first on Albeu.com.

Chelsea ka shënuar një moment historik në merkato duke blerë Morgan Rogers nga Aston Villa për shumën e jashtëzakonshme prej 137.3 milionë eurosh. Ky operacion e ka futur talentin anglez në rradhët e pesë afrimeve më të shtrenjta të realizuara ndonjëherë në futboll.

Me këtë lëvizje marramendëse financiare, mesfushori me prirje ofensive ngjitet nga klubi londinez në një pozitë elitare, duke u radhitur menjëherë pas katër yjeve më të paguar të sportit.

Lista e blerjeve rekord vijon të kryesohet nga Neymar, i cili u transferua te Paris Saint-Germain për 222 milionë euro. Në vend të dytë qëndron Kylian Mbappe, gjithashtu te PSG, me një kosto prej 180 milionë eurosh. Pasohet nga Ousmane Dembele, që iu bashkua Barcelonës për 148 milionë euro, si dhe Alexander Isak, i cili kaloi te Liverpooli për 145 milionë euro.

Në vijim të dhjetëshes së parë, pas Rogers vijnë emra po aq të njohur: Elliot Anderson te Manchester City dhe Philippe Coutinho te Barcelona, të dy me nga 135 milionë euro secili. Më tej renditet Joao Felix, që i kushtoi Atletico Madridit 127.2 milionë euro, Jude Bellingham i blerë nga Real Madridi për 127 milionë euro dhe Florian Wirtz, i cili përfundoi te Liverpooli për 125 milionë euro.

Ky afrim spektakolar rikonfirmon politikën ambicioze të Chelseat në tregun e transferimeve. Investimi rekord e kthen Rogers në një shtyllë qendrore të projektit të ri, ndërsa pritshmëritë mbi supet e tij janë bërë tashmë po aq kolosale sa edhe shifra e investuar për kartonin e tij.

The post Morgan Rogers, transferimi i pestë më i kushtueshëm në historinë e futbollit; Chelsea shënon një rekord të ri appeared first on Albeu.com.

Sot Florian Wirtz vlerësohet si një nga lojtarët më premtues të gjeneratës së tij, por shumë përpara se të spikaste në elitën e futbollit evropian, ai ishte vetëm një 12-vjeçar që ushqente ambicie të mëdha.

Një letër e shkruar prej tij më 28 maj 2015 po qarkullon sërish me shpejtësi në rrjetet sociale, pasi tregon mënyrën se si ai e përfytyronte të ardhmen që në një moshë kaq të vogël. Ky dokument është ruajtur, është vendosur në kornizë dhe aktualisht ekspozohet në Muzeun Gjerman të Futbollit në Dortmund.

Në atë letër, Wirtz rrëfen përditshmërinë e tij si nxënës i klasës së gjashtë në shkollën “Abtei” në Brauweiler.

Në atë periudhë, lojtari gjerman shprehej i lumtur sepse në sezonin pasardhës do të aktivizohej me një skuadër të një grupmoshe më të madhe, diçka që ai e konsideronte një hap me peshë në rrugëtimin e tij.

Në përmbajtjen e letrës ai flet edhe për dëshirat personale. Wirtz shkruante se shpresonte të ndërtonte një familje të bukur me bashkëshorten dhe dy fëmijë, ndërsa objektivi i tij kryesor ishte të përfundonte shkollën e më pas të bëhej futbollist profesionist.

Një nga detajet që tërheq më shumë vëmendje është edhe emri i idhullit të tij. Kur ishte 12 vjeç, Florian Wirtz ëndërronte të luante në të njëjtin nivel me Neymar Jr., futbollistin që e frymëzonte më së shumti në atë kohë.

Letra e plotë e Wirtz:

“Përshëndetje! Sot është 28 maj 2015. Jam 12 vjeç dhe ndjek klasën e 6D në shkollën Abtei në Brauëeiler. Kam shokë shumë të mirë, si në shkollë ashtu edhe në futboll, dhe kaloj shumë kohë me ta”.

“Lënda ime e preferuar është Edukata Fizike. Nga lëndët kryesore, ajo që më pëlqen më shumë është anglishtja. Si hobi, luaj futboll, siç e përmenda më parë. Ndonjëherë ngas edhe biçikletën ose patina”.

“Për momentin, futbolli po më sjell shumë kënaqësi, sepse sezonin e ardhshëm do të luaj me një ekip të një grupmoshe më të madhe se e imja”.

“Ajo që më mërzit tani është se shokët e shkollës nuk janë më aq të sjellshëm sa kanë qenë më parë, por jam i sigurt se kjo do të ndryshojë së shpejti. Besoj se në të ardhmen do të kem një grua të mrekullueshme dhe dy fëmijë”.

“Sa u përket synimeve të mia, fillimisht dua të përfundoj shkollën e mesme. Më pas, shpresoj të bëhem futbollist profesionist dhe të luaj në të njëjtin nivel me idhullin tim më të madh: Neymar Jr”.//

The post Letra e Florian Wirtz nga mosha 12-vjeçare bëhet virale, ndërsa zbulon ëndrrat e tij të hershme appeared first on Albeu.com.

Sipas Football Insider, 23-vjeçari ka hyrë në listën e emrave që po vëzhgohen nga klubi londinez, ndërsa Xabi Alonso konsiderohet si një prej admiruesve më të mëdhenj të talentit të tij.

Trajneri spanjoll, që më herët pati një bashkëpunim shumë të suksesshëm me Wirtz te Bayer Leverkuseni, raportohet se do ta mirëpriste një ribashkim me lojtarin gjerman.

Gjithsesi, një hap konkret nga Chelsea do të kushtëzohej në masë të madhe nga situata e Enzo Fernandezit.

Argjentinasi vazhdon të përflitet për një kalim të mundshëm te Real Madridi, dhe një largim i tij do t’i krijonte Chelseat jo vetëm një boshllëk të rëndësishëm në skuadër, por edhe hapësirën financiare për të tentuar një marrëveshje të madhe si ajo për Wirtz.

Pavarësisht kësaj, raportimet për një lëvizje të mundshme ndaj futbollistit të Liverpoolit janë hedhur poshtë shpejt nga burime pranë klubit nga Londra.

Gazetari Bobby Vincent ka bërë të ditur se drejtuesit e Chelseat e kanë mohuar prerazi pretendimin se Xabi Alonso po punon për ta transferuar Wirtz në ‘Stamford Bridge’.

Sipas burimeve të klubit, këto raportime konsiderohen thjesht spekulime të merkatos, me theksin se në këtë moment nuk ka negociata dhe as kontakte konkrete për yllin gjerman.

Fokusi i drejtuesve mbetet te mbajtja e lojtarëve më të rëndësishëm dhe organizimi i kujdesshëm i afatit kalimtar.

Ndërkohë, me Kupën e Botës 2026 që po hyn në fazat vendimtare, edhe merkatoja e verës pritet të sjellë lëvizje të shumta.

Tani mbetet të shihet nëse emri i Florian Wirtz do të vazhdojë të përmendet në lidhje me Chelsean, apo nëse gjithçka do të mbetet vetëm në kuadër të spekulimeve të verës.

The post Chelsea mban në vëzhgim Florian Wirtz, por mohon kontaktet për yllin e Liverpoolit appeared first on Albeu.com.

Ylli i Gjermanisë është parë duke mbërritur në Manchester, ku pritet t’i nënshtrohet testeve mjekësore përpara se të zyrtarizohet kalimi i tij në “Anfield”.

Marrëveshja përfshin një shumë bazë prej rreth 117 milionë euro, ndërsa me bonuset arrin në 136 milionë euro, duke e bërë atë nënshkrimin më të shtrenjtë në historinë e futbollit britanik.

🔴✈️ Florian Wirtz and his family, on their way to Liverpool today as planned. pic.twitter.com/1dLXtqH9AW

— Fabrizio Romano (@FabrizioRomano) June 19, 2025

Liverpooli ka fituar garën për 22-vjeçarin ndaj rivalëve të mëdhenj si Bayern Munich dhe Manchester City, të cilët gjithashtu kishin shfaqur interes të madh për mesfushorin sulmues.

Ky transferim tejkalon rekordin e mëparshëm, i cili mbahej nga Moises Caicedo (i transferuar te Chelsea për afro 134 milionë euro) – një tjetër objektiv i dikurshëm i Liverpoolit.

Finalizimi i plotë i marrëveshjes pritet në ditët në vijim.

Bye, bye Flo #Wirtz! Hier fliegt der beste #Bayer04-Spieler aller Zeiten zum @LFC. Ein neues Kapitel beginnt. Good luck, Flo!
(Credits: Pippo Arens/BILD) pic.twitter.com/nOZobNrK8w

— BILD B. Leverkusen (@BILD_Bayer04) June 19, 2025

The post Florian Wirtz zbarkon në Angli për transferimin rekord te Liverpooli appeared first on Albeu.com.

Sipas gazetës gjermane Bild, marrëveshja me Bayer Leverkusenin është në fazat përfundimtare, dhe shuma totale e transferimit pritet të arrijë deri në 150 milionë euro, përfshirë bonuset fikse dhe të ndryshueshme. Ky do të ishte një nga transferimet më të mëdha të verës dhe ndër më të shtrenjtit në historinë e “The Reds”.

Një detaj interesant që ka tërhequr vëmendjen e opinionit publik është fakti se prindërit e Wirtz, Hans dhe Karin, të cilët menaxhojnë vetë karrierën e tij pa ndihmën e një agjenti profesionist, do të përfitojnë një komision prej rreth 10 milionë eurosh nga marrëveshja.

Kjo praktikë është e rrallë kur bëhet fjalë për lojtarë të këtij kalibri, por në rastin e Wirtz është qartësisht shumë e suksesshme.

22-vjeçari vjen pas një sezoni të jashtëzakonshëm me Bayer Leverkusenin, ku ka shënuar 16 gola dhe ka dhënë 14 asiste në 45 paraqitje, duke konfirmuar statusin e tij si një nga lojtarët më të kompletuar dhe premtues të brezit të ri.

Tashmë mbetet vetëm zyrtarizimi i marrëveshjes, ndërsa tifozët në “Anfield” mezi presin ta shohin Wirtzin me fanellën e Liverpoolit.

The post 10 milionë euro për prindërit e Wirtz, pra Liverpool nuk e “bleu” vetëm lojtarin nga Bayer Leverkusen appeared first on Albeu.com.

Sipas “The Times” bëhet me dije se talenti gjerman do të nënshkruajë një kontratë 5-vjeçare, e cila do ta mbajë të lidhur me “Anfield’ deri në vitin 2030.

Kalimi i Wirtz te “The Reds” është transferimi i dytë i Liverpool gjatë kësaj merkatoje vere, pasi më parë kanë marrë nga gjermanë edhe Jeremie Frimpong.

Në ditët e ardhshme talenti gjerman pritet t’u nënshtrohet edhe vizitave mjekësore dhe më pas pritet të firmos me anglezët në Premier League.

BREAKING: Liverpool and Bayer Leverkusen have come to an agreement on a British record deal for Florian Wirtz 🚨

The total package is £116.5m (€137.5 million), made up of a £100 m plus £16.5 million in potential add-ons. pic.twitter.com/HosbszL2r8

— Sky Sports News (@SkySportsNews) June 13, 2025

The post 137 milionë euro për Leverkusen, arrihet marrëveshja me Florian Wirtz appeared first on Albeu.com.

Sipas ekspertit të transferimeve Fabrizio Romano, Liverpool dhe Leverkusen më në fund kanë rënë dakord për një marrëveshje për të sjellë 22-vjeçarin në Anfield.

Wirtz tashmë ka rënë dakord për kushtet personale me kampionët e Premier Ligës, të cilët kanë thyer rekordin britanik të transferimeve për të siguruar shërbimet e tij.

Lojtari i kombëtares gjermane tani do të udhëtojë për në Angli për t’iu nënshtruar vizitave mjekësore dhe për të nënshkruar të gjitha kontratat e nevojshme.

Leverkuseni përfundoi i dyti në garën për titullin e Bundesligës sezonin e kaluar, me Wirtzin që shënoi 16 gola dhe dha 14 asiste në 45 ndeshje në të gjitha garat.

Arne Slot do të ketë një sensacion në skuadër për sezonin e ri, në tentimin e tyre për ta mbrojtur titullin kampion në Angli, por edhe për të synuar rikthimin në majat e futbollit evropian.

The post Transferim rekord, e kryer: Florian Wirtz tashmë është i Liverpoolit appeared first on Albeu.com.