Sipas mediave të huaja, motra e tij, Kesmentina Topalli, ka filluar një fushatë për mbledhje fondesh në GoFundMe për të sjellë trupin e tij në Shqipëri.

“Me hidhërim të thellë në zemrat tona dhe pamundësinë financiare për ta sjellë trupin e vëllait tonë të dashur në familjen e tij ju drejtohemi për ndihmë, në mënyrë që Flori të mund të prehet pranë shtëpisë dhe popullit të tij. Çdo kontribut është një mbështetje e madhe për familjen tonë në këtë kohë të vështirë”,- shkruan ajo.

Aksidenti ndodhi më 1 mars në orët e para të mëngjesit në autostradën Naro–Camastra në Siçili, kur makina ku udhëtonte Topalli u përplas me një kamion të ngarkuar me fruta-perime.

Shoferi i makinës, 39-vjeçar, ndodhet në gjendje kritike dhe u transferua për trajtim më të specializuar nga spitali “Barone Lombardo” në Canicattì drejt Villa Sofia Hospital në Palermo.

Gjashtë të plagosurit e tjerë, të moshës nga 24 deri në 39-vjeç dhe gjithashtu shqiptarë, po marrin trajtim në spitalet e Canicattì dhe Agrigento dhe ndodhen jashtë rrezikut për jetën.

Ata kishin mbërritur së fundmi në Itali për të punuar në bujqësinë sezonale.

Rruga shtetërore 410 “Di Naro” u mbyll përkohësisht në të dyja drejtimet pas aksidentit, ndërsa autoritetet italiane po vazhdojnë hetimet për shkaqet e përplasjes.

The post Humbi jetën në aksident në Itali, familjarët e 24-vjeçarit Flori Topalli kërkojnë ndihmë për kthimin e trupit në Shqipëri appeared first on Albeu.com.

Viktima është identifikuar si Flori Topalli, i cili udhëtonte së bashku me disa bashkëkombas të tij në makinën që u përplas me kamionin, për arsye që aktualisht po hetohen.

Kamioni i ngarkuar me fruta e perime udhëtonte në drejtim të Canicattì, drejtuesi i të cilit gjithashtu mësohet se ka marrë dëmtime, por jo serioze.

Ngjarja ndodhi dy ditë më parë në rrugën shtetërore 410 “Di Naro” në Naro, në km 14. Në aksident janë përfshirë një makinë dhe një automjet i rëndë kamion që transportonte fruta-perime.

Bilanci ishte një i vdekur dhe 6 të plagosur.

Rruga u mbyll përkohësisht. Personeli i “Anas” dhe forcat e rendit iu përgjigjën vendit të ngjarjes për të menaxhuar trafikun dhe për të rivendosur sigurinë sa më shpejt të ishte e mundur.

Të plagosurit u transportuan në spitalet në Canicattì, Licata dhe Agrigento. Asnjëri prej tyre nuk është në rrezik për jetën. Shumica e tyre që morën lëndime raportohet se janë shqiptarë, informon media italiane.

Prokuroria Publike e Agrigentos, ka hapur një hetim për të përcaktuar dinamikën e saktë të aksidentit dhe çdo përgjegjësi, pasi deri tani nuk ka një arsye zyrtare për aksidentin.

Pas aksidentit tragjik të ndodhur mëngjesin e së hënës në Itali, ku humbi jetën 24-vjeçari shqiptar Flori Topalli, familja e tij ka hapur një faqe në “GoFundMe” për të kërkuar ndihmë financiare me qëllim kthimin e trupit në Shqipëri.

Mes dhimbjes së madhe dhe pamundësive ekonomike, familjarët po kërkojnë mbështetjen e bashkëkombasve për të përballuar shpenzimet e transportit të trupit drejt atdheut.

Në apelin e publikuar në GoFundMe, motra e tij, Kesmentina Topalli, shkruan:

“Me dhimbje të thellë në zemër dhe në pamundësi ekonomike për të sjellë trupin e vëllait tonë të dashur pranë familjes, ju drejtohemi me përulësi për ndihmë, sado të vogël, që ai të prehet pranë shtëpisë dhe njerëzve të tij. Çdo kontribut është një mbështetje e madhe për familjen tonë në këtë moment të vështirë”.

Familja thekson se çdo ndihmë, pavarësisht shumës, do të shërbejë për të realizuar dëshirën që i riu të prehet pranë të afërmve të tij në Shqipëri.

“Të gjithë ata që dëshirojnë të kontribuojnë mund ta bëjnë përmes platformës GoFundMe, e hapur nga familjarët”, theksohet aty.

The post Aksident i rëndë në Itali/ Makina përplaset me kamionin, humb jetën 25-vjeçari shqiptar (EMRI+FOTO) appeared first on Albeu.com.