Futbollisti tregoi se pas një periudhe prej dy vitesh e gjysmë me suksese te Trepça ’89, e kishte ndier se kishte ardhur koha për të bërë hapin e radhës në karrierën e tij.

“Prapë kemi qenë kandidat për titull, por dimrit pas dy viteve e gjysmë, vjen momenti me e bë hapin e radhës”, tha ai.

Sipas Hasanit, kalimi në një klub jashtë Kosovës doli të ishte më i komplikuar nga sa e kishte menduar, pasi futbolli kosovar në atë periudhë nuk kishte dukshmërinë e duhur në platformat ndërkombëtare të skautimit.

“Pse po them ka qenë e vështirë se gjatë bisedave kur i kemi pasur me 2-3 klube ata më thonin nuk po i gjejmë ndeshjet e Kosovës askund sepse janë disa platforma ku ti hyn e sheh lojtarin, e analizon ekipin, kurse këto ndeshjet e Kosovës nuk kanë qenë atë kohë”, rrëfeu Hasani.

Ai theksoi se rrugën drejt interesimit nga ekipet e huaja ia hapi më së shumti Kombëtarja U21 e Kosovës, sidomos përmes ndeshjeve ndaj përfaqësueseve të mëdha të Evropës.

“Edhe më së shumti m’i kanë hapur rrugët Kombëtarja U21, ato ndeshjet me Norvegjinë, me Gjermaninë, rezultate historike”, u shpreh ai.

Hasani bëri të ditur gjithashtu se momenti që e vulosi përfundimisht transferimin e tij në Hungari ishte vlerësimi individual si lojtari më i mirë në Kosovë.

“Edhe fakti i dytë që e ka vulosur transferimin në Hungari ka qenë ajo gala mbrëmja e Federatës ku shpallem lojtari më i mirë në Kosovë”, përfundoi Hasani.

Episodin e plotë me Florent Hasanin mund ta ndiqni në kanalin zyrtar të Telegrafit në YouTube.//

The post Florent Hasani rrëfen çastin kyç që i hapi derën e transferimit në Hungari appeared first on Albeu.com.

Në këtë bisedë, ai foli për hapat e parë në futboll dhe për periudhën e tij te Trepça 89’, skuadra ku, sipas tij, u formua si lojtar, duke sjellë në vëmendje edhe vështirësitë që e shoqëruan atë etapë.

“Trepça ’89 ka qenë njëra ndër periudhat më të mira të karrierës. Kam qëndruar dy vite e gjysmë. Viti i parë ka qenë problematik për mua, si lojtar i ri 18-vjeçar”.

Hasani kujtoi se sezoni i parë nisi mjaft mirë, me ekipin që për disa ndeshje mbajti vendin e parë dhe nuk pësoi humbje, por më pas situata ndryshoi.

“Ai sezoni pati përfunduar si përfundoi. E patëm filluar shumë mirë në vend të parë disa ndeshje pa humbje, pastaj kemi ra”.

Sipas tij, pas përfundimit të atij viti, klubi mori vendim që sezonin pasues ta ndërtonte kryesisht me futbollistë të rinj dhe me talentë.

“Përfundon viti i parë dhe klubi vendos që në vitin e dytë me hy vetëm me lojtarë të rinj, me talenta”.

Ai tregoi se në skuadër mbetën vetëm disa emra me përvojë, konkretisht Shpëtim Idrizi, Ilir Izmaku dhe Edon Pasoma, ndërsa pjesa tjetër përbëhej nga lojtarë 19-20 vjeç. Hasani shtoi se në atë kohë, sipas mediave, Trepça ’89 konsiderohej kandidati kryesor për të rënë nga liga.

“Na lanë lojtarë me përvojë vetëm Shpëtim Idrizin, Ilir Izmakun, Edon Pasomën dhe gjithë lojtarët tjerë 19-20 vjeç dhe e mbaj mend në të gjitha mediat kemi qenë kandidati i parë për të rënë nga liga”.

Megjithatë, ai theksoi se ekipi zhvilloi përgatitje shumë të mira dhe punoi fort çdo ditë. Më pas përmendi edhe ndeshjen e parë ndaj Gjilanit, ku rezultati ishte 1-1, Trepça ’89 mbeti me dy kartonë të kuq, por arriti të fitonte 1-2 me golin e tij rreth minutës së 85-të. Sipas Hasanit, që nga ajo përballje skuadra nuk u ndal më.

“Por kemi bërë përgatitje shumë të mirë, çdo ditë kemi punuar shumë edhe kur kemi filluar ndeshjen e parë me Gjilanin 1-1 ka qenë rezultati, kemi pasur dy kartona të kuq dhe fitojmë ne 1-2 me golin tim në minutën e 85-të diku. Që nga ajo ndeshje nuk kemi pasur të ndalur fare”, ka rrëfyer Hasani.

Episodin e plotë me Florent Hasanin mund ta ndiqni në kanalin zyrtar të Telegrafit në YouTube. //

The post Florent Hasani rikthen kujtimet nga Trepça ’89: titulli kampion dhe rruga drejt Evropës nga Mitrovica appeared first on Albeu.com.

Gjatë intervistës, Hasani u kthye te fillesat e tij në futboll, duke kujtuar titullin historik të kampionit me Llamkos Kosovën, një arritje që, sipas rrëfimit të tij, shënoi nisjen e afirmimit në skenën futbollistike.

Ai foli më pas edhe për periudhën te Trepça ’89, skuadër me të cilën fitoi një tjetër titull kampioni dhe siguroi pjesëmarrjen në garat evropiane, ndërsa evokoi me emocione vitet e kaluara në Mitrovicë.

Në këtë bisedë, futbollisti tregoi edhe për një ngjarje interesante që, sipas tij, pati ndikim të drejtpërdrejtë në transferimin e tij në futbollin hungarez. Ai shpjegoi se si një episod i veçantë i hapi rrugën një aventure të re në karrierë.

Mes rrëfimeve që tërhoqën më shumë vëmendje ishte edhe ai për kalimin te Diosgyor, ku Hasani pranoi se në fillim nuk kishte pasur dëshirë të largohej.

Reprezentuesi kosovar u ndal gjithashtu te eksperienca në Izrael, të cilën e cilësoi si një periudhë me dy anë: një nisje shumë premtuese dhe një mbyllje të vështirë. Ai sqaroi edhe arsyet që ndikuan në zhvillimin e asaj aventure.

Hasani ndau edhe përvojën e tij si kapiten i Bolusporit, duke theksuar respektin dhe besimin që fitoi brenda klubit turk, një rol që ai e konsideron ndër momentet më të rëndësishme të karrierës.

Episodi i plotë me Florent Hasanin mund të ndiqet në kanalin zyrtar të Telegrafit në YouTube. //

The post Florent Hasani rrëfen në “Arena e Yjeve” udhëtimin e tij nga suksesi në Kosovë te përvojat ndërkombëtare appeared first on Albeu.com.

Rapidi e nisi ndeshjen në sulm me të tre Rrahmanin, Hasanin dhe Krasniqin, ku që të tre ishin protagonist.

Ermal Krasniqit shënoi golin për 1-1 me një goditje nga distanca, që erdhi pas asistimi të Florent Hasanit.

Albion Rrahmani shënoi golin për 2-3 duke e kthyer në gol një penallti që e fitoi vet, ndërsa pastaj shënuan edhe dy herë për të fituar ndeshjen 4-3.

Tre lojtarët kanë qenë ndër më të vlerësuarit nga SofaScore, me Hasanin që kishte notën më të lartë 7.9.

Pas tij ishte Krasniqi që u vlerësua me notën 7-2, ndërsa Rrahmani mori notën 6.9.

Hasani dhe Krasniqi këtë afat kalimtar kaluan te Rapid, ndërsa Albion Rrahmani është në këtë klub që nga fillimi i sezonit. /Telegrafi/

The post Treshja shqiptare e Rapid Bukuresht me paraqitje të mirë në fitoren me rikthim spektakolar ndaj Craiovas appeared first on Albeu.com.