Gjumi është shumë i rëndësishëm për organizmin dhe ka lidhje të fortë edhe me jetëgjatësinë. Një studim shkencor mbi jetëgjatësinë dhe gjumin, shpjegon se njerëzit që flenë vonë janë 10 përqind më shumë të rrezikuar nga vdekja e parakohshme.

Ndërkohë, njerëzit që flenë herët janë më të shëndetshëm

Sipas studimit, njerëzit që bien për të fjetur herët dhe zgjohen në të gdhirë, janë më të mbrojtur. Studimi  tregon se të fjeturit vonë mund të shkaktojë pasoja shëndetësore në organizëm.

Studimi zgjati mbi 6 vjet mbi mënyrën dhe oraret e të fjeturit të plot 433,000 personave. Studiuesit synonin të zbulonin një lidhje reciproke mes të fjeturit dhe rrezikut të vdekjes së parakohshme dhe sëmundjeve.

Njerëzit që flenë vonë janë 25 përqind më të rrezikuar nga problemet nervore, 23 përqind nga problemet me stomakun dhe 22 përqind nga sëmundjet e rrugëve të frymëmarrjes.

Ata janë më të prirur ndaj pirjes së duhanit, ushqimeve të shpejta dhe alkolit. Për më tepër, ora biologjike e këtyre të fundit nuk është në përputhje me sjelljen e tyre apo mjedisin.

Sipas të dhënave, studime të mëparshme kanë konfirmuar se njerëzit që punojnë vonë janë më të rrezikuar nga vdekshmëria apo sëmundjet kardiovaskulare.

The post Njerëzit që flenë vonë, apo herët; kush janë më jetëgjatët? appeared first on Albeu.com.

Psikologia Ellen Vora shpjegon se pa “tiktakun” e vazhdueshëm, mund ta keni më të lehtë të bini në gjumë dhe të shqetësoheni më pak, pasi trupat tanë janë të programuar për të fjetur dhe e bëjnë këtë instinktivisht.

“Të kuptosh se tashmë është ora 2:35 e mëngjesit dhe ende nuk mund të biesh në gjumë, nuk do të të ndihmojë aspak, dhe mund të të zgjojë edhe më shumë dhe të vonojë kohën e gjumit”, tha ajo, shkruan Mind Body Green.

Kjo konfirmohet edhe nga një studim i vitit 2007, i botuar në Journal of Behavior Therapy and Experimental Psychiatry, në të cilin 30 njerëz me zakone të mira gjumi dhe 30 me pagjumësi u udhëzuan të ndiqnin ose të mos ndiqnin orën një natë ndërsa përpiqeshin të binin në gjumë.

“Në krahasim me ata që nuk monitoronin orën, ata që kontrollonin vazhdimisht kohën shqetësoheshin më shumë dhe kishin një vonesë më të gjatë të fillimit të gjumit”, tha një nga studiuesit, duke shtuar se ishte interesante që e njëjta gjë ishte e vërtetë për grupin. me gjumë cilësor dhe për ata që kanë probleme me gjumin.

Në një studim vijues që u fokusua vetëm tek ata që flinin keq dhe e zgjati studimin në tri net në vend të një, ora ishte ende burimi kryesor i shqetësimit, kështu që ekipi hulumtues arriti në përfundimin se orët nxisin shqetësimin e lidhur me gjumin dhe shpjegoi se një orë nuk duhet ta mbani kurrë pranë shtratit.

“Nëse kanë kaluar më shumë se 20 minuta dhe jeni ende zgjuar, ngritja për të bërë diçka tjetër derisa të ndiheni më të lodhur mund të ndihmojë. Në këtë mënyrë nuk do ta lidhni shtratin me pagjumësinë dhe ai do të mbetet zona juaj e pushimit; por as mos dilni nga dhoma për të kontrolluar kohën”, këshillon psikologia Ellen Vora.

The post Nuk flini mirë? Ekspertët thonë duhet ta hiqni këtë nga dhoma e gjumit appeared first on Albeu.com.

Pasi të lani dhëmbët, të vishni pizhamat dhe të niseni për në shtrat, mos harroni të bëni dhe një gjë të fundit: të mbyllni derën. Rreth 60% e njerëzve të marrë në studim nga Instituti Kërkimor Amerikan UL, flenë me derë hapur. Po pse duhet mbyllur dera? Arsyeja që qëndron pas kësaj është e thjeshtë.

Në rast se banesa juja përfshihet nga zjarri, dera mbyllur ngadalëson përhapjen e flakëve, redukton tymin toksik, përmirëson nivelet e oksigjenit dhe nuk lejon temperaturat përvëluese t’ju përfshijnë.

Me rritjen e përdorimit të materialeve sintetike në mobilimin e shtëpisë, mbyllja e derës bën diferencën kur është puna për të dalë nga shtëpia në mënyrë të sigurt. Koha mesatare për të shpëtuar nga një zjarr në banesë ka shkuar nga 17 minuta në 3 minuta në dekadat e fundit për shkak të materialeve të ndezshme me të cilat ndërtohet shtëpia.

Nuk ka të bëjë vetëm me mungesën e vëmendjes. Shumica e njerëzve flenë me derë hapur sepse gabimisht besojnë se kjo është më e sigurt, por është e kundërta e asaj që zjarrfikësit rekomandojnë. Instituti i Kërkimeve të Sigurisë së Zjarrit UL ndërmorri një fushatë ndërgjegjësimi publik gjatë Javës Kombëtare të Parandalimit të Zjarrit në SHBA. Fushata ‘Close Before You Doze’ kishte si qëllim të tregonte se si dyert e mbyllura mund të ndihmojnë në shpëtimin e jetës së njerëzve.

The post Pse duhet ta mbyllni gjithmonë derën para gjumit appeared first on Albeu.com.