Nëna e 17-vjeçares së dhunuar, ka rrëfyer se si e mori vesh atë që kishte ndodhur, duke treguar me emocione edhe çastet e vështira kur e bija i tregoi gjithçka.

“Prej një muaji kam bërë denoncim, por nuk është zgjidhur asgjë. Prej një muaji nuk po fle nga frika dhe tmerri. Vajzën e çova në një kurs për parukeri. E prisja si çdo ditë, por më telefonuan dhe më thanë se vajza ishte sëmurë, kishte bërë serum, por nuk i kishte thënë askujt asgjë.

Burri më mori dhe më tha: ‘Goca ishte sëmurë.’ Thashë me vete, ndoshta ka kaluar diçka, si të gjitha vajzat e moshës së saj. U nisa ta merrja, sepse nuk doja të priste autobusin e orës 16:00. Ajo erdhi me vrap, e tmerruar. Në dorë mbante serum. I thashë: ‘Çfarë ke, moj të keqen mami, pse je vrarë? Kush të ka vrarë?’ Më tha: ‘Asgjë, thjesht bëra një serum dhe, ngaqë isha vetëm në spital, u çorra.’

“Po syrin pse e ke të nxirë, moj bijë”? – i thashë. “Po mjekrën pse e ke të nxirë”? i thashë. “Pse i ke flokët kështu”?– i thashë.

Sapo hymë në shtëpi, u përpoqa të merrja vesh diçka, por ajo nuk fliste.

Tha fillimisht se e kishin hapur nga rrjetet sociale. Më pas më tregoi: ‘Më dhunuan 3 goca.’“Pse moj bijë? Unë të çoj në kurs dhe të pres të kthehesh në shtëpi. Mos i ke ngacmuar ndonjëherë gocat”?- i thashë. “Jo moj mam, nuk kam asgjë me gocat. Thjesht më thanë: ‘Hajde me mua se kemi një surprizë’”.

Kanë qenë thjesht shoqe të njohura rastësisht. Me sa duket ishin parë një herë, ndoshta dy herë, nëse nuk gaboj. Ato i kishin dalë përpara pasi vajza kishte dalë nga kursi. Aty ajo u trondit. Ishte ora 6 e pasdites. I thashë: “Të ka ndodhur diçka. Mamin e ke pranë”. Atëherë filloi të qante dhe të dridhej. Më pas shkuam në polici, ku bëmë edhe denoncimin”, shprehet ajo.

The post “Eja me ne se kemi një surprizë”/ Dhuna ndaj 17-vjeçares në Fier, nëna tregon si e zbuloi ngjarjen: E zunë pritë pas kursit, vajza qante dhe dridhej… appeared first on Albeu.com.

Lidhur me këtë ngjarje të rëndë dhe shqetësuese, ka folur edhe nëna e 17-vjeçares, duke u shprehur se po i shkatërrohet jeta e vajzës dhe se ka shumë frikë për sigurinë e fëmijëve.

“Po më shkatërrohet jeta e vajzës”, thotë nëna e 17-vjeçares që u dhunua nga tre adoleshente më datë 8 qershor, por ngjarja u bë publike ditën e djeshme për mediat.

Nëna e 17-vjeçares, e kontaktuar nga Top Channel, me lot në sy shprehet se është thellësisht e shqetësuar për gjendjen psikologjike të vajzës së saj dhe kërkon ndërhyrjen e institucioneve përgjegjëse.

Ajo thotë se jeton me frikë edhe për sigurinë e fëmijëve të tjerë të mitur të familjes.

Ndërkohë, çështja është në shqyrtim nga Prokuroria pranë Gjykatës së Shkallës së Parë të Juridiksionit të Përgjithshëm Fier, e cila po vijon hetimet për zbardhjen e plotë të rrethanave të kësaj ngjarjeje.

Ngjarja ka ndodhur më datë 8 qershor, ndërsa mësohet se tre vajzat të moshave 15 dhe 19-vjeç, janë proceduar në gjendje të lirë.

Ngjarja është referuar në Prokurori më datë 9 qershor, pra një ditë pas dhunës.

Pamjet e publikuara në rrjetet, të filmuara nga njëra prej tyre, tregojnë të miturën duke u goditur me shuplaka dhe grushte, ndërsa vajza që filmon dëgjohet edhe duke i nxitur të vazhdojnë.

The post Dhuna ndaj adoleshentes ne Fier/ Flet nëna e 17-vjeçares: Po më shkatërrohet jeta e vajzës, kam frikë për sigurinë e fëmijëve appeared first on Albeu.com.

Në dëshminë e dhënë për mediat, mamaja e vajzës ka rrëfyer se nuk kishte asnjë dijeni mbi ngjarjen, ndërsa bën me dije se ka mësuar në polici se e bija është abuzuar që kur ishte vetëm një vogëlushe vetëm 5-vjeçare.

Ndërkohë 30-vjeçarja në këtë situatë të rëndë, ka mbetur edhe mes 4 rrugëve. Nënë e 7 fëmijëve, në një banesë në ruajtje, ajo nuk ka asnjë të ardhur financiare.

Mes lotësh ajo apelon për dënim të ashpër për bashkëshortin dhe për ndihmë nga institucionet.

“Dua një komunikim me vajzën, ma kanë çuar në Tiranë për një muaj, dua ta shoh ta takoj. Më ka rënë dhe një hall i madh sepse burri mbante familjen. Shtëpia ku banojmë nuk është e jona. Kërkoj ndihmë nga shteti për strehim, sepse unë nuk punoj dot sepse kam fëmijët, nuk kam asnjë të ardhur, jam të mbytem në lumë, jam mes katër rrugëve. Do bëhem e fortë për fëmijët e mij, por kërkoj ndihmën e shtetit dhe çdo shqiptari që ka dëshirë të ushqej fëmijët”, tha ajo.

Dëshmia e nënës së vajzës së përdhunuar:

“13 vite jam e martuar. Vajza nuk më tregonte por ishte agravuar sa iku nga shtëpia. Shkova në polici, atje i mora vesh të gjitha, më ra si bombë. Vajza ka kaluar ne depresion, ka thënë që 5-vjeçe në Gjermani. Burri mbante ekonominë e shtëpisë. Të kalbet në burg dhe të marri dënimin e duhur. Ngjarjen e mora vesh në polici.

Vajza ishte hedhur nga dritarja kishte shkuar te komshia, ishte lajmëruar policia. Nuk e dija arsyen pse kishte ikur. Vajza i kishte treguar të gjitha çfarë i kishte bërë babai. Ai mund të më vriste dhe në gjumë, ku dija gjë unë. Me mua vajza nuk fliste, vetëm ishte e agravuar me vëllezërit dhe motrën. E merrja me të mira por nuk tregonte. Kam 7 fëmijë, më ka ikur mendja për vajzën mezi i kam rritur.

Burri herë blinte herë jo, por shtyheshim. Më ra halli madh me vajzën, por edhe nuk kam strehë as të ardhura. Bukë nuk kam për fëmijët, ju lutem ju përgjërohem më ndihmoni të kem një strehë afër. Ai që më p*rdhunoi vajzën të marri dënimin e merituar, unë i dhurova 7 engjëj. Ishim në Gjermani dhe na kanë kthyer”, tregon bashkëshortja e 36-vjeçarit.

The post U abuzua nga babai/ Nëna e vajzës së mitur flet mes lotësh: Do bëhem e fortë për 7 fëmijët e mi, jemi pa strehë dhe bukë, jam bërë të mbytem në lumë… appeared first on Albeu.com.

Nëna e 15-vjeçarit të plagosur ka folur në emisionin “Me Zemër të Hapur” në News24, teksa ka theksuar se është tentuar të fshehet ngjarja.

Nëna e të miturit u shpreh se në sy të djalit është bërë gjithçka që të fshihet ngjarja. Autori dhe bashkëpunëtorët e tij madje kanë kthyer ambulancën e parë që kanë njoftuar, pasi nuk donin ta dërgonin në spital që ngjarja të dilte në dritë.

Gjithashtu, ajo shton se djali është dërguar në spital me ambulancën e dytë, pasi e kanë parë që po humb shumë gjak.

Sipas tij, ata i kanë thënë të miturit se ka plagosur një kapsoll dhe se nuk duhet të bëjë panik kot.

“Gjithçka që është bërë për të fshehur ngjarjen është bërë në sy të djalit. Djali ka dalë jashtë, por e morën e futën brenda që të mos e shiftë askush në përpjekje për të fshehur ngjarjen. Ambulancën e parë e kanë kthyer në përpjekje për të fshehur ngjarjen. Vetëm dy minuta larg ka qenë një spital privat, si të mos e marrë askush ta çojë. Vetëm kur djali ka humbur shumë gjak kanë njoftuar ambulancën e dytë që është vonuar 15 minuta. Djalit i kanë thënë plasi një kapsollë, mos bëj panik kot”, tha ajo.

The post Plagosja e 15-vjeçarit në Ali Dem, flet nëna: Çdo përpjekje për të fshehur ngjarjen u bë në sy të djalit appeared first on Albeu.com.

Nëna e të plagosurit, ka thënë se Martini është bullizuar për vëllanë. Ajo deklaroi se një burrë e ka goditur Martinin një ditë para ngjarjes së rëndë, duke shtuar se drejtësia duhet të vendoset në vend.

Nëna e adoleshentit të plagosur pranë shkollës “Fan Noli”: Djali ka nisur të lëvizë nga pak. Po, kam folur me djalin. Djali ka thënë gjithçka tek autoritetet. Dua që drejtësia të vendoset në vend. Isha në punë dhe më thanë që kështu ka ndodhur me djalin. Djali im ka qenë shumë i urtë. Martini dhe djali im ishin djem shembullor, se e njihja prej shumë vitesh. Djali im ka qenë në gjendje të rëndë. Të dy djemtë ishin në rrezik për jetën.

Ma tha një oficer policie. Ai thotë se ka parë dy vetë përballë tyre. Ata janë takuar për një “sqarim”, kishin ofenduar Martinin. Për vëllanë, pse më pe e pse të pashë, unë jam më i forti, për kështu muhabetesh janë zënë. Nuk ka lidhje fare me vajzat. Martinin e bullizonin për vëllanë. Një burrë e ka goditur Martinin. Luizi sapo ka dalë nga spitali ka shkuar tek babai i Martinit. Djali im është tepër i tronditur.

The post Martinin e bullizuan për vëllanë/ Flet nëna e të plagosurit: Një burrë e ka goditur viktimën një ditë para ngjarjes appeared first on Albeu.com.

Në studio ishte babai i tij, Artur Thomaraj, i cili ndër të tjera rrëfeu dhimbjen për humbjen e djalit të tij, që e konsideronte si bashkudhëtar dhe shok.

Ndërkohë nëna e tij, Luljeta Thomaraj me lot në sy rrëfeu ngjarjen e rëndë dhe faktin që çdo ditë shpreson t’i hynë në derën e shtëpisë djali i saj.

“Ne kemi 35 vite që jetojmë në këtë shtëpi. Kam vuajtur 5 vite me astma, më kanë ikur edhe dy fëmijë përpara këtyre, të vegjël. Nga që kam qenë me astma nuk jetonin. Pasa disa vitesh vendosëm të bënim një fëmijë dhe ai është Enea. Djali që sot nuk e kam më. Pas 8 vitesh vendosëm të bënin dhe një fëmijë tjetër. Ishin shumë të afërt derisa na ndodhi kjo. Ka qenë data 14 korrik, në orën 2:15, ngrihet për të shkuar në tualet, në atë kohë shpërthen tritoli te shtëpia përballë. U ngrita me vrap dhe e pashë në korridor.

Nga Elbasani ika në Tiranë dhe në Tiranë kam jetuar tre muaj e ferrit, për atë djalë. Edhe doktorët dhe infermieret qanin me mua. Filloi të reagonte, i mbante mend. Janë kujdesur shumë, prisja të merrja ndonjë haber të mirë. Ishte kësmeti i djalit tim të mos jetonte. Kudo ku shkoj shoh fytyrën e tij. Shoh derën mos më vjen djali. Më ka prerë krahët, se di si jetoj, zemra e nënës. S’ka dhimbje më të madhe. Të merret jeta brenda në shtëpi, se di çfarë të them unë e shkreta. Vetëm kjo më ka ngelur peng”, rrëfeu në sy Luljeta Thomaraj.

Nëna e Eneas: Në orën 2 e njëcerek ai ngrihet për të shkuar në tualet. Në atë kohë shpërthen tritoli tek komshia përballë. U ngrita me vrap… (qan) e shikoj djalin… nga Elbasani ikëm në Tiranë. Atje kam jetuar tre muaj e ferrit Edhe infermieret e doktorët qanin. Kur u zgjua, një grua që kishte të shoqin aty i tha do të shërohesh, ty të do gjithë shqipëria.

Ishte kismeti i çunit tim që të mos jetonte. Ngado që iki më del fytyra e tij. Tani që kam derën hapur, më duket sikur do të vijë djali. Unë nuk e di sesi jetoj pa atë. Nuk ka dhimbje më të madhe… të të merret jeta në shtëpinë tënde, çfarë t’ju them unë e shkreta, kjo më ka mbetur peng.

The post Dhimbje dhe lot/ I biri humbi jetën nga shpërthimi me tritol, nëna e Enea Thomaraj: Nuk e di si jetoj pa të, ngado më del fytyra e tij… appeared first on Albeu.com.

Sipas mediave greke, nëna ka treguar se vajza e saj i kishte larë makinën dajës, i cili më vonë do bëhej vrasësi i saj. Gjithashtu, ajo ka zbuluar se vajza e saj kishte kancer në mëlçi që në një moshë shumë të re.

“Vajza ime e vogël kishte një problem me mëlçinë kur lindi. Ajo kishte kancer. Më mirë Zoti të ma kishte marrë nga sëmundja, sesa nga kjo gjë. Nuk e besoj që fëmija im ka vdekur, si do e varros? Nuk kam fjalë të them asnjë gjë. Doja ndihmë nga e gjithë bota për ta gjetur atë të gjallë”, ishte deklarata rrëqethëse e nënës.

The post Dëshmia tronditëse e nënës së 11-vjeçares që u vra nga daja: Vajza ime kishte kancer në mëlçi… appeared first on Albeu.com.

Ajo tregon se vajza e saj ishte një tip i mbyllur, dhe se herë pas here ka pasur probleme me bashkëshortin, por se gjithçka është zgjidhur dhe ajo e ka falur dhunën për shkak të fëmijës.

“Kërkoj të dalë e vërteta. Kurrë nuk e bënte një gjë të tillë. Ajo nuk ka qenë në hotel, ka qenë duke punuar. Ajo nuk dilte, ishte tip i mbyllur. Dilte me motrën ose djalin. Nuk dilte kurrë veten. Nuk e kam pasur vajzën që shkonte nëpër hotele.

Si çdo çift ato kishin probleme, i thash eja qetësohu se keni një fëmijë të vogël. Shkova e mora në Kosovë. Ka qenë xheloze për burrin. I thash ai ka fëmijë me ty. Edhe djali më tha ta marrim motrën të qetësohet.

Më parë kanë pasur konflikte, vajza bëri denoncim, por vajza e Sibelës kërkonte të atin dhe vajza e fali për hir të fëmijës. Edhe bashkëshorti i kërkoi falje”, tha ajo.

The post Vajza u vetëvra pasi Altin Çoku i shpërndau fotot intime në TikTok, flet nëna e 27-vjeçares: Të dalë e vërteta, sepse vajza ime… appeared first on Albeu.com.

Foshnja ndërroi jetë në spital një ditë më vonë, ndërsa nëna e cila fillimish u vu në pranga, më pas u la e lirë.

Ditën e sotme në emisionin “Me zemër të hapur” ka rrëfyer se me babanë e foshnjës ishte njohur në rrjetet sociale dhe e kishte takuar vetëm një herë.

Pjesë nga biseda

-Në kohën që jeni njohur ai ishte vetëm?

“Po! Fillimisht marrëdhënia në fillim ishte serioze. Kohët e fundit jo! Keqkuptime. Gjëra pa vlerë. Llogari shumë, kërcënime.”

-Fillimisht nisi si një lidhje serioze?

“Po!”

-E donit për bashkëshort?

“Ndoshta! Nuk i dihet asnjëherë jetës. Kur i thashë që isha shtatzënë nuk mbajti përgjegjësi.”

-A ishte në dijeni familja?

“Jo! Mami kohët e fundit e mori vesh. Kisha frikë se çfarë do të ndodhte.”

-Si i realizonit takimet tuaja?

“Një herë e kam takuar atë person. Atje në Korçë. Kam qenë te dajat dhe në atë rrugë vajta e takova edhe atë. Kam folur në telefon pastaj. Në fillim u duk djalë i mirë, pastaj ndryshoi më mbrapa.”

-Kur ishit shtatzënë nuk e kishte vënë re askush?

“Jo! Kur erdhën dhimbjet shkova për të marrë taksi. Nuk kisha ndjerë asnjë shqetësim. Taksinë e mora për të shkuar në spital. Normal që do të zbulohej më mbrapa. Nuk ke nga e fsheh. Më kapën lindjet aty dhe aty e linda fëmijën. Isha vetëm. E linda në orët e para të mëngjesit. Thjesht e kam lindur, e kam vendosur në divan dhe jam larguar.”

The post “Me të dashurin jam takuar vetëm një herë”, 30-vjeçarja që braktisi foshnjën: Më kapën dhimbjet në bodrum, jam penduar appeared first on Albeu.com.

Sipas mediave greke, autoritet shqiptare kanë nisur hetimet për gjetjen e 45 vjeçarit.

Mësohet se autori shqiptar ka kaluar kufirin greko-shqipta nga Kakavia në orët e para të 27 tetorit.

Përdhunuesi me tatuazh ka lëvizur i pashqetësuar pasi fillimisht policia shqiptare nuk ka asnjë informacion për 45-vjeçarin.

Mirëpo, siç tha përfaqësuesi i Ministrisë së Rendit Publik të Shqipërisë, sapo kanë marrë sinjalin nga policia greke, kanë nisur kontrollet intensive për arrestimin e të dyshuarit për përdhunim.

Deri më tani, 45 -vjeçari mbetet i pa kapur ndërsa Policia greke është në komunikim të vazhdueshëm me autoritetet e vendit tonë, duke dhënë informacione për kriminelin.

Viktima kishte arritur t’i shpëtonte policisë, ndërsa nëna e të dyshuarit duket se e konfirmon ngjarjen.

Ajo foli për ERT për torturat që po kalonte pranë tij teksa 45-vjeçari po pinte dhe i vidhte paratë.

“Ai ka vdekur për mua. Nuk mundem. E ndjej se ka vdekur. Unë nuk e dua atë. Unë jam 70 vjeç. Unë them do marr pension, po më merrte lekët. Ai pi raki, pi birra, policia erdhi këtu, gjeti një cigare hashash. Nuk e dua një fëmijë të tillë ”, tha nëna e 45-vjeçarit të arratisur.

The post “Për mua si nënë ai ka vdekur”, kush është përdhunuesi shqiptar “me tatuazhe” që e kërkon Greqia appeared first on Albeu.com.