Qeveria deri më tani nuk ka bërë ende publik se sa do të jetë masa fikse e përfitimit, por eksperti i sigurimeve shoqërore Kujtim Hoxha, ka “zbërthyer” këtë skemë.

Teksa ishte i ftuar në emisionin “7pa5”, eksperti tha se një pensionist do të marrë 1190 lekë të rinj në muaj, duke bërë përllogaritje në bazë të numrit të pensionistëve dhe fondit që është parashikuar të vendoset në dispozicion.

“Hapi i parë për vitin 2024, është miratimi i buxhetit dhe për pensionistët janë parashikuar dy fonde. Fondi i parë është shpërblimi i fundvitit në masën 5 mijë lekë të rinj për çdo pensionist.

Fondi i dytë ka të bëjë me indeksimin e pensioneve. Në zbatimin e buxhetit 2024 është parashikuar 3.9 miliardë lekë dhe i bie për çdo muaj me 481 lekë.

Ky fond do zbatohet për tre muaj, Tetor, Nëntor dhe Dhjetor, i bie që mesatarisht që një pensionist të marrë 1910 lekë të rinj në muaj.

Unë prisja që me mbarimin e shtatorit, nga ana e qeverisë me paratë e grumbulluara të dërgojë në dikastere para për të shpërndarë sipas efekteve që do japë në ekonomi.

Të gjithë pensionistët pa përjashtim se kur kanë datë, në 1 tetor do marrin indeksimin. Aktualisht, nuk ka një shifër të përcaktuar. Ka hamendje se do jetë më e lartë se rritjet e kaluara. Me buxhetin që është, pensionet e ulëta do marrin më shumë nga indeksimi. Ndërsa sa i përket shtesës, është parashikuar të marrin nga 50 deri në 100 mijë lekë të vjetra bonus, përveç asaj që marrin si bonus”, shprehet eksperti Kujtim Hoxha.

The post Sa do të jetë rritja e pensioneve dhe kush përfiton më shumë, eksperti flet me shifra appeared first on Albeu.com.

Por çfarë po e vështirëson punën e prokurorisë për ta çuar çështjen në shqyrtim gjyqësore?

Eksperti i sigurisë Bedri Elezi, në një lidhje në Skype me “Breaking”, është shprehur se krimi që ka bërë Naim Murseli, merr një dënim të lartë dhe arsyeja e dënimit është pse gjykata ka shtyrë afatin e tij për paraburgim.

Bedri Elezi: “Është e mirë rregulluar me ligjin me kodin penal të Kosovës përsa i përket çështjes së hetimeve dhe çështjes së arsyetimit të mbajtjes në paraburgim për personat e dyshuar për veprat e rënda. Është një krim që merr një dënim të lartë dhe mendohet se dënimi mund të jetë një nga arsyet e mbajtjes në paraburgim. Pastaj është një çështje që kërkon hetime të tjera duke marrë në konsideratë se ka disa çështje të cilat nuk janë sqaruar deri tani dhe kanë nevojë për një qasje më shumë serioze. Kjo vrasje është është shumë komplekse dhe kemi të bëjmë me persona të dyshuar dhe persona dëshmitarë. Çdo veprim i cili do të kishte për pasojë mosvendosjen të personave përgjegjës para një situate, ku të njëjtit nuk do kenë mundësi për të pasur ndikimin tek dëmtimin e provave apo rrezikun e ikjes, qoftë edhe çështjet e tjera, prandaj në këtë aspekt besoj që gjykata ka marrë parasysh kërkesën e prokurorisë e cila është mjaft e rregulluar përsa i përket arsyetimit të mbajtjes në paraburgim të personave në fjalë”.

The post Vdekja e Liridonës/ Pse gjykata ka lënë në paraburgim Naim Murselin? Flet eksperti appeared first on Albeu.com.

Pavarësisht se pallati, në një deklaratë, bën të qartë se Kate është në gjendje të mirë shëndetësore pas operacionit dhe se nuk ka sëmundje malinje, gazetari Marc Roche, shpjegon se situata është “shumë e rëndë”.

Ky qëndrim specifik është mbështetur nga autori i librit “Les Borgia à Buckingham” për faktin se Princesha e Uellsit, do të duhet të qëndrojë për një kohë të gjatë, veçanërisht deri në Pashkë, larg detyrave të saj, daljeve publike.

Princesha e Uellsit, iu nënshtrua një operacioni abdominal në fillim të kësaj jave, ndërsa thashethemet flisnin se ajo kishte një sëmundje malinje.

Në të njëjtën kohë, ajo që saktësisht e çoi Kate në operacion mbetet gjithashtu një mister, me disa spekulime se mund të jetë diçka gjinekologjike, ose ndonjë sëmundje tjetër e rëndë.

Megjithatë, pallati nuk pranon të japë detaje dhe deklaron se princesha është në gjendje të mirë shëndetësore.

“Njoftimi për pranimin e saj në Klinikën e Londrës erdhi si një tronditje, jo vetëm sepse menduam se ishte në gjendje të shkëlqyer, por edhe për shkak të kohëzgjatjes së qëndrimit në spital dhe shërimit”, tha eksperti mbretëror britanik për Madame Figaro.

“Pallati ka shpallur në mënyrë transparente gjendjen e mbretit Charles, por për sa i përket Kate, gjërat janë ndryshe”, thekson Roche, duke komentuar edhe faktin se mbreti britanik është gati t’i nënshtrohet një operacioni në prostatë.

“Anulimi i paraqitjeve publike, vizitave apo udhëtimeve zyrtare nuk është i parëndësishëm. Kjo është një shenjë se situata është shumë e rëndë.

Ekziston një besim se princesha ka një problem gjinekologjik. Por këto janë vetëm thashetheme.

Nuk besoj se pallati gënjen kur mohojnë se Kate ka sëmundje kancerogjene, pasi herët a vonë do ta zbulojmë”, shtoi ai.

The post “Kate problem shumë të rëndë me shëndetin dhe po e fshehin”, çfarë po ndodh me princeshën? Flet eksperti appeared first on Albeu.com.

“Rasti i vrasjes së të ndjerës ishte një rast specifik dhe kompleks, referuar faktit se kemi një porositës, i cili është bashkëshorti i saj, i cili duhet të jetë dëshmitar i vrasësit dhe kemi një vrasës që është dëshmitar i porositësit”, tha Elezi.

Sipas tij, Policia e Kosovës është duke “i mbajtur shpresat” tek celulari i bashkëshortit të saj, njëkohësisht i dyshuari si vrasësi i Liridonës, Naim Murseli.

Elezi tha se telefoni i tij i është dorëzuar Shteteve të Bashkuara të Amerikës.

“Policia e Kosovës të gjithë fuqinë e tyre e kanë në gjetjen e pajisjes celular. Ka dërguar celularin e Naimit në SHBA, për të hapur iCloud dhe për të hapur të gjithë ato që ka brenda”, tha eksperti, ndërsa shtoi se nëse zbardhen të dhënat, do të dalin në pah edhe persona të tjerë të përfshirë, ku sipas tij, kjo ngjarje lidhet edhe me zhdukjen e një shtetaseje suedeze me origjinë shqiptare.

Ka mundësi të hapet telefoni i tij dhe të gjenden prova nëse ka persona të tjerë të përfshirë. Personalisht dyshoj se ka persona të përfshirë. Ka pasur denoncime që një grua shqiptare në Suedi ka pasur një komunikim të vazhdueshëm me të ndjerën Liridona, është zhdukur. Grupet të cilët mund të jenë përfshirë në rastin konkret mund të kenë marrë veprime që ajo mos ketë mundësi për të zbërthyer rastin konkret. Gruaja në fjalë që dyshohet se është nga Ferizaj është zhdukur dhe trajtohet si e tillë”, sipas ekspertit.

“Autoritet e Suedisë po bashkëpunojnë ngushtë me ato të Kosovës, mund të themi qasja se autoritet e zbatimit të ligjit janë sekrete për median dhe publikun, që tregon se rasti është kompleks”, shtoi Elezi.

The post Vdekja e Liridonës/ Flet eksperti: Zhdukja e një gruaje në Suedi, ҫfarë pritet të ndodhë appeared first on Albeu.com.

Historia është bërë e ditur nga raporti vjetor i Shërbimi Informativ Shtetëror. I ftuar në studion e Radar Informativ me Juli Xhokaxhi, eksperti i kriminalistikës, Ervin Karamuço zbuloi detaje.

Zyrtari shqiptar identifikohet nga SHISH si “Çelësi” dhe diplomati i huaj si “Rezidenti. Funksionari është kapur në përgjime, ndërsa ngjarja ka ndodhur vitin e kaluar. Karamuço zbulon se zyrtari i kabinetit qeveritar do t’i shiste sekrete shtetërore diplomatit, në këmbim të shkollimit të djalit të tij jashtë.

Sakaq, diploamti është dëbuar nga vendi, ndërsa funksionari është shkarkuar nga detyra, por nuk është arrestuar. Për këtë ngjarje, tha eksperti janë vënë në dijeni Presidenti i Republikës dhe kryeministri.

“Dyshohet që është një funksionar i lartë që vitin e kaluar që ka komunikuar me një diplomat, kanë pasur shumë kontakte. Ai ka marrë para i është dhënë edhe një bursë nga ai shtet dhe në këmbim të kësaj ka dhënë informata sekrete shtetërore. Pseudonimi  i tij është “çelësi” dhe i huaji është “rezidenti”. Është një histori që është mbajtur sekret.

“Çelësi” është një funksionar i kabineteve të larta qeveritare. Ka marrë para dhe ka çuar djalin në një shkollë jashtë vendit në këmbim të sekreteve shtetërore. “Rezidenti” është i huaji, e ka marrë në restorante jashtë Tirane. I ka qarë hallin, që unë kam vetëm një rrogë, dua të çoj djalin jashtë. Ky i ka thënë do të ndihmoj për djalin. Kanë rënë dakord. Deri këtu mbyllet historia e publikuar nga SHISH. Diplomati është larguar menjëherë dhe është shpallur non grata. Ndërsa zyrtari nuk e ka konsumuar si vepër. Presidenti dhe kryeministri janë në dijeni të kësaj ngjarje që ka ndodhur vitin e kaluar. Ai është lëvizur nga posti, por nuk është arrestuar. Bëhet fjalë për kabinetin e ngushtë”, tha ai.

Eksperti shton më tej se duhet të mësojmë se cili është “çelësi” i japur në përgjime. “Ne duhet të dimë kush është “çelësi”. Ky vend nuk mund të shitet për shkollim djali. Unë dua ai person që e ka bërë këtë gjë duhet të shkojë në burg. SHISH ka dashur ta bëjë në një formë skupi për të rritur edhe vigjilencën në shoqëri. Ne i dinim të vjetra këto. Do ketë të tjera tentativa dhe ne nuk duhet të kemi njerëz që shiten kaq lirë”, tha Karamuço./abcnews.al

The post Kush është zyrtari i lartë shqiptar që ka tentuar t’i shesë sekrete shtetërore një diplomati të huaj, flet eksperti appeared first on Albeu.com.