Gjithashtu, kreu i shtetit u shpreh se, aktivistët dhe qytetarët që kundërshtojnë projektin janë duke jetuar në një botë “ideale”, ndërsa ai pretendon se po vepron mbi bazën e fakteve dhe zhvillimit.

Deklarata e Ramës:

“Dua ta nis këtë bllok shënimesh me një histori të shkruar nga një prej ustallarëve më të mëdhenj të letërsisë botërore, Stendal, (Stendhal), i cili i dha një personazhi të jashtëzakonshëm, Fabrice del Dongos, një nga zhgënjimet më mbresëlënëse dhe më tragjike të historisë së letërsisë. Fabrice del Dongo ishte një i ri i dehur nga legjenda e Napoleonit, që u nis drejt Waterloo-së me zemrën në zjarr. Në imagjinatën e tij, beteja ishte skena ku historia shkruan për heronjtë, ku nderi fitohet me guxim dhe ku njeriu ngrihet mbi vetveten dhe ai ëndërron lavdinë, ëndërron madhështinë, ëndërron pjesëmarrjen në një epope të paharrueshme dhe natyrisht ëndërron edhe shkëlqimin e tij. Beson se do të prekë me dorë atë që deri atëherë ai e kishte vetëm ëndërruar, por kur mbërrin në Waterloo, gjithçka shembet. Përballë tij nuk ka asgjë nga bukuria e ëndrrës. Ka baltë, tym, pluhur, ulërima, erë gjaku, plagë të hapura, këmbë të këputura, koka të shpartalluara, njerëz që vriten dhe nuk kuptojnë asgjë.

Ushtarë që ikin po aq të tmerruar sa ata që sulmojnë dhe pse-ja humbet çdo mundësi për të marrë një përgjigje. Një heroizëm imagjinar tretet në kaosin e realitetit brutal. Ëndrra romantike për historinë përplaset me historinë e vërtetë. Dhe historia na kujton pikërisht këtë. Jo sa e rrezikshme është të kesh ideale. Të kesh ideale është e jashtëzakonshme, është e shëndetshme, është energjia e mirë që të çon përpara, por e rrezikshme është që idealet t’i lësh të ndërtohen mbi iluzione apo, më keq akoma, t’i lësh në duar që mund të kthehen në pengmarrëset e tua.

Sepse atëherë, kur ëndrra nuk bëhet më një dritë që ndihmon të kuptosh botën, por një perde që të pengon ta shohësh atë, ajo nuk është më një ëndërr, ajo është një makth dhe ky është edhe makthi dhe mallkimi i epokës sonë, ku iluzionet nuk prodhohen më vetëm nga propaganda apo fanatizmi si dikur, por ato prodhohen edhe në hapësirën e lirisë, me pakufishmërinë e mundësisë për të përzgjedhur dhe shumëfishuar nga algoritmet, të cilat nuk kanë asnjë interes për të vërtetën, por vetëm për vëmendjen tonë, narrativa të rreme, rrugë të gabuara dhe shembje të dhimbshme iluzionesh”, tha Rama.

The post Rama në podkastin “Flasim”: Një heroizëm imagjinar në kaosin e realitetit brutal, mos lejoni që idealet të ndërtohen mbi iluzione appeared first on Albeu.com.

Detyrat e lëna nga BE më 26 maj kur nisi mbyllja e çeljes së negociatave dhe grupkapitujve për integrimin, ai i cilësoi domosdoshmëri që të gjithë të jenë të barabartë para ligjit, ku shteti bën për qytetarin dhe qytetari për shtetin.

Gjithashtu, kreu i shtetit, e cilësoi edhe si një ironi të fatit datën 26 maj kur u zhvillua konferenca ndërqeveritare në Bruksel, pasi korespondoi me datën e zgjedhjeve të 26 majit 1996 kur opozita socialiste e asaj kohe u dhunua dhe zgjedhjet u manipuluan.

“Javën që lam pas, më 26 maj, si për ironi apo buzëqeshjes së fatit, të dhunës dhe grabitjes së votave dhe vulosjes së një sundimi autokratik dhe me tipare diktatoriale në Shqipëri erdhëm në ditën ku Shqipëria hyri në fazën e re dhe të fundit të rrugës së integrimit evropian duke mbyllur fazën e çeljes dhe hapur fazën e mbylljes së integrimit”, tha kryeministri mes të tjerash.

Kryeministri shtoi se tani ka nisur edhe ngjitja e majës së malit për të vendosur flamurin shqiptar në BE. Një moment që e cilësoi se vjen me satiskafksion dhe përgjegjësi.

“Shqipëria si ndonjëherë u ngjit në majën dhe maja ku do ngjisim flamurin shqiptar, është më afër se ndonjëherë, është një moment kuptimplotë i kësaj rruge drejt anëtarësimit dhe certifikimit absolut i një pune të palodhur për anëtarësimin në BE. Moment që vjen me shumë satisfaksion e përgjegjësi. Nuk është një dat në kalendarin e integrimit por një rezultat i detyrave të realizuara dhe domosdoshmërisë së detyrave”, vijoi ai.

Dhe teksa ndoqi rekursin e rrugës së integrimit të Shqipërisë në BE, shprehu besimin se 2027 do arrihej për mbylljen e plotë të negociatave.

“Përpjekja e barazisë përpara ligjit është detyra kryesore. Kjo fazë e fundit nuk është më e lehta, por më e vështira, detyrat që na ka lënë BE për të mbyllur negociatat me BE në fund të vitit 2027 dhe për anëtarësimin. Për ta përgatitur Shqipërinë, vendin e standardeve dhe përgjegjësive të shtetit në raport me qytetarin dhe qytetarit në raport me shtetin dhe të gjithëve bashkë”, shprehet Rama.

The post Rama në podkastin “Flasim”: Barazia para ligjit është detyra kryesore,26 maji ironi apo buzëqeshje fati, nga dhuna diktatoriale, te faza e fundit e integrimit appeared first on Albeu.com.

Gjithashtu, ai theksoi se, Shqipëria ka probleme dhe kemi punë për të bërë, jo çdo punë e kemi bërë si dhe sa duhet, por Shqipëria punon dhe punë ne saj në tërësi janë në vijë.

“ Është bërë e vështirë të marrësh informacion të drejtë për drejtë, aq më tepër kur ka nga ata që bëjnë çmos që punët e Shqipërisë të mbulohen me ziftin dhe baltën e dëshpërimit dhe mllefit të tyre. Shqipëria ka probleme dhe kemi punë për të bërë, jo çdo punë e kemi bërë si dhe sa duhet, por Shqipëria punon dhe punë ne saj në tërësi janë në vijë. Siç është në vijë procesi më I rëndësishëm historik i integrimit ë BE. Deklaratat për bllokimin e negociatave janë një gënjeshtër e madhe”, u shpreh Rama.

The post Rama shpërthen ndaj opozitës: Përpiqen të na mbulojnë me ziftin dhe baltën e mllefit të tyre appeared first on Albeu.com.

I ndalur tek zgjedhja Endri Shabanit, si Avokat i Popullit, ku ai u betua mes tensioneve në Kuvend, Rama tha se “opozita iu rikthye avazit të vjetër”.

“Pra e mbeshtetën Endri Shabanin, i dhanë firmat e kërkuara nga ligji, e sollën në buqetën e tyre të kandidatëve, ku për hir të së vërtetës, ky zotëria ishte i vetmi me një sy mes ca qorrave të ububushëm dhe sapo panë që ne, – që thamë që në krye të herës, nuk do të mbështesim asnjë kandidaturë, por do presim që të mbështesim një nga kandidaturat që do të na sjellë opozita – do ta mbështesnim zotin Shabani, u hodhën përpjetë sikur po bënim avokat të popullit ndonjë kandidatin tonë”, tha Rama.

Qëndrimi i plotë i kryeministrit Rama

Një tjetër zhvillim i ndodhur këtë javë, ka qenë edhe betimi në Kuvendin e Shqipërisë i z.Endrit Shabani si Avokati i ri i Popullit. Opozita iu rikthye vesit që del me shpirtin, rivuri në punë muskulaturën e krahëkëmbëve, rindezi pishtarët e ecjes qorrazi nëpër pyll dhe rifilloi avazin e kërcënimeve për llogari të një dordoleci thuajse 100 vjeçar.

Pra e mbeshtetën Endri Shabanin, i dhanë firmat e kërkuara nga ligji, e sollën në buqetën e tyre të kandidatëve, ku për hir të së vërtetës, ky zotëria ishte i vetmi me një sy mes ca qorrave të ububushëm dhe sapo panë që ne, – që thamë që në krye të herës, nuk do të mbështesim asnjë kandidaturë, por do presim që të mbështesim një nga kandidaturat që do të na sjellë opozita – do ta mbështesnim zotin Shabani, u hodhën përpjetë sikur po bënim avokat të popullit ndonjë kandidatin tonë.

Qesharak deri në fund domethënë, po përveçse qesharakë edhe të lodhur deri në fund nga mendja, që nuk ua nxjerr e nuk ua nxjerr mësimin se me pahir e me budallallëk, mua dhe kësaj shumice popullore që quhet Partia Socialiste e Shqipërisë, jo ata, po askush në këtë vend nuk na imponon dot asgjë.

Pahiri dhe budallallëku janë një gjuhë që ne nuk e kuptojmë.

Endri Shabani ka thënë shumë gjëra kundër nesh e kundër meje personalisht sa të duash, por ne e zgjodhëm si kandidat të opozitës, duke respektuar parimin e ndjekur edhe më parë, pavarësisht se këtë herë i kishim edhe mbi 84 votat e nevojshme e po të ishim ata që nuk jemi, por që ata thonë se ne jemi, mund të zgjidhnim kë të donim, por nuk e bëmë.

Kurse ata që u bënë pishman, mend për herë tjetër.

The post Rama flet për tensionet në Kuvend: Endri Shabani, i vetmi me një sy mes ca qorrave appeared first on Albeu.com.

Ai u shpreh se shumicën e kohës e kalon mes katër mureve dhe kontaktin me natyrën e ka shumë të paktë.

‘Djalli nuk është aq i zi sa duket’, tha Rama në potkastin e tij “Flasim”, ndërsa teksa pas u pyet nëse ka menduar që të lejë politikën, ai u shpreh se; “ka pasur edhe momente qe ka menduar, por kane qene siperfaqësore”.

Ai e konsideroi rrugëtimin e tij politik me një histori “ngjitjeje, zbritjeje dhe rrëshqitjeje”, ku shpesh ndihesh i vetëm, edhe kur je i rrethuar nga njerëz.

“Ajo ‘lerë këtë punë’ vjen, por është sipërfaqësore. Nuk ka qenë ndonjëherë e zëshme brenda meje. Nëse do bëhej e tillë, do ishte shenjë që zjarri ka mbaruar. Por zjarri, për mua, nuk ka dhënë asnjë shenjë rënieje”, tha Rama.

Rama: Kjo është një histori ngjitjeje, zbritje, rrëshqitje, në momente të caktuara ndihesh edhe i rrëzuar. Ka shumë presion, stres, ka momente dhimbje fizike, sepse është shumë e vështirë që tja shpjegosh dikujt që kur arrin në majë je vetëm. Pavarësisht se nuk je vetëm në kuptimin fizik, ke disa, ke dikë që ke afër, sic kam unë gjysmën time më të mirë, por në fund kur duhet të marrësh një vendim je vetëm. Ti do përballesh me pasojat apo me ato të papriturat që mund të sjellë ai vendim. Kjo është një punë vendimesh të panumërta në ditë. Për ty mund të jetë një vendim i vogël, por për dike është moment i rëndësishëm i jetës së vet dhe tio duhet të dish të thuash, jo. Kur thua jo do marrësh përsipër edhe energjinë negative që nuk ta kupton atë jo.

Patjetër që ka momente të caktuara mund të vij të plasësh, por ajo që kam vënë re është që ajo “lerë ketë punë” është sipërfaqësore. Pra vjen në një moment, por që ta kem insistuese, jo. Kur bëhet insistuese ti duhet të kuptosh që ka mbaruar zjarri. Kur zjarri ka mbaruar në atë moment duhet të thuash “deri këtu ishte”. Për mua zjarri nuk më ka dhënë shenja rënie.

The post A keni menduar ta lini ndonjëherë detyrën? Rama: Në momente të caktuara ndihesh edhe i rrëzuar, por “zjarri” nuk më ka mbaruar appeared first on Albeu.com.

Rama foli për ministren “Diella” të cilën e quajti një histori suksesi.

“Nuk ka pasur asnjëherë më shumë kërkesa në adresën time p[ër një intervistë më shumë se sa ka pasur për Diellën.

Nuk ka pasur një lajm tjetër nga Shqipëria që ka kapur të gjithë antenat dhe faqet e internetit. Ka kuriozitet të madh për ministren tonë dhe çudira që Diella ka 6 gishta.

Diella do të jetë një histori e bukur suksesi por në kaq pak kohë ka bërë aq shumë për imazhin e Shqipërisë në botë sa do të mjaftonte për ta bekuar edhe nëse nuk do të bënte asgjë tjetër”, tha ai.

The post Rama rinis podcastin “Flasim”: Diella, histori suksesi, ka bërë shumë për imazhin e Shqipërisë në botë appeared first on Albeu.com.

Zgjedhjet e 11 Majit nuk janë vetëm prova e zjarrit për 11 partitë/ koalicionet, por po paralajmërojnë edhe fundin tragjik të televizionit si pushtet i katërt.

Dhjetë ditë para heshtjes zgjedhore dhe njëmbëdhjetë ditë para ditës së votimit, Kryeministri Rama nuk është shfaqur në asnjë studio televizive. Zero. Debat jo e jo, por as intervistë/bisedë. Nuk ka pse. Nuk ka nevojë.

Nuk është thjesht Rama që ka zgjedhur ta braktisë median tradicionale, është vetë televizioni që ka hequr dorë nga misioni i tij.

Fushata nuk raportohet më nga gazetarët, por nga partitë. Rama komunikon me publikun direkt dy herë në javë në Facebook dhe Instagram, përmes rubrikës “Sy më sy”. Fundjavave, me “Flasim”, podcastin e tij personal. Po televizionet? Ritransmetojnë.

Bën copy-paste. Bëjnë sikur bëjnë lajme dhe sot ngrenë duart lart si një notar pa ujë.

A janë këto zgjedhjet e para ku televizioni është në koma?

E kemi parë gjatë këtyre javëve: fushatë, pa gazetarë në terren, pa studio me protagonistë e debate reale.

Televizionet po kthehen në limonë të shtrydhur gati për t’u flakur në kosh.

Por, e vërteta është edhe më e hidhur: televizionet nuk janë viktima, janë bashkëpunëtorë. Humbën besueshmërinë duke u kthyer në megafonë të politikës, duke i shërbyer pushtetit, në vend që ta sfidonin atë.

TV shpërdoroi besimin kur të gjithë nga mëngjesi në mëngjes “zbuluan” bisedat në studio…, ku i papuni pyetet si kryeministër dhe firauni si të jetë profet.

Ç’është sot një emision politik? Marrim dy “andej”, dy “ketej”, u japim nga një gotë ujë dhe presim cirkun pa akrobatë. Fjalë të mëdha, akuza bajate, të revoltuar me telekomandë, por asnjë ide, asnjë përplasje të vërtetë mendimi, asnjë debat ku fiton logjika, asnjë analizë, asnjë koment për të qenë. Llomotitje.

Në një mjedis të tillë, llokoçitje liderët politikë, logjikisht, nuk kanë më nevojë për televizionet. I bëjnë vetë të gjitha: edhe fushatat, i montojnë vetë videot, i shpërndajnë vetë në rrjetet sociale, ndërsa televizioni bëhet thjesht pasqyrë e sheshtë që reflekton vetëm atë që pushteti dëshiron të tregojë.

Lideri raporton për veten. Gazetarët raportojnë për liderin.

Është një fakt brutal: sot partitë dhe kandidatët shpenzojnë më shumë para për reklama dhe prezencë në rrjetet sociale, sesa në TV. Jo aq për faktin se platformat online janë më të lira, por sepse televizioni ka humbur besimin dhe për rrjedhojë edhe pushtetin që kishte!

Në shumicën e edicioneve të lajmeve, sot sheh “lajme” që i ngjajnë deleve që i qeth një bari: “Lajme” me të njëjtin këndvështrim, me të njëjtin sinkron, me të njëjtin titull, me të njëjtën narrativë!

A ka më shpresë?

Nëse ndonjë ende ka ndërmend të mbijetojë, ka vetëm një rrugë: të refuzojë servilizmin dhe të rifitojë të drejtën për të pyetur, për të vënë në siklet, për të kërkuar llogari. Të heqë dorë nga modeli i talk-show-t fast-food dhe të kthehet te gazetaria e vërtetë.

Ose shoshit premtimet dhe hulumton, ose përfundon si një relikë muzeale, një “dekor” që vjen nga koha kur fjala kishte peshë dhe media pushtet.

Në të kundërt, duhet të pranojmë: pushteti i katërt është në vdekje klinike. Dhe vdekja nuk po vjen nga një atentat brutal. Është më shumë tentativë vetëvrasjeje. E ngadaltë. E turpshme. Pa asnjë tentativë për shpëtim.

The post Fushata dhe funerali i TV appeared first on Albeu.com.

Ai ka shpjeguar se ky hap do të ndihmojë në mbylljen e një historie të turpshme dhe do të mundësojë që shqiptarët të kenë më shumë mundësi, për të punuar dhe studiuar në vendet e Bashkimit Europian.

Rama gjithashtu, shprehet se për të arritur këtë qëllim, PS ka nevojë për një mandat më të fortë se ato të mëparshmet, duke nënvizuar se një votë e bashkuar mund të çojë në realizimin e këtij plani, duke eliminuar diskriminimin ndaj shqiptarëve dhe përmirësuar mundësitë për lëvizjen e lirë në Europë.

Edi Rama: Ne mund të mbyllim historinë poshtëruese. Mos të na shohin më si dele të zeza. Mos t’i japim llogari një polici në aeroport se pse po hyj në një vend të BE dhe kur do iki. Ne do i sigurojmë çdo shqiptari pasaportën europiane të Shqipërisë. Në pasaportë do të shtohet edhe Bashkimi Europian. Na duhet një mandat më i fortë se 3 mandatet e mëparshme. Me votën e bashkuar, mund të kemi mundësinë që të pajisim çdo shqiptar me pasaportën europiane. Do të jetë më e lehtë për shqiptarët të punojnë dhe të studiojnë në vende të BE-së. Shqipëria do të ketë njerëzit e saj në administratën e Brukselit.

The post Edi Rama: Votoni masivisht PS, që në 2030 të keni pasaportën europiane të Shqipërisë, mos të na shohin më si dele të zeza appeared first on Albeu.com.

Rama u shpreh se në Angli duhet të bësh dy punë, përndryshe është e papërballueshme për të jetuar.

Kryeministri theksoi se rrogat në krahasim me Shqipërinë kanë dallim të madh, por theksoi se “çfarë mbetet pas asaj page, kur vjen fjala për qiranë, taksat, faturat për të paguar, është e papërballueshme në Britani, apo kudo tjetër në Evropë”.

Gjithashtu, Rama u shpreh se “duhet vendosur në peshore”, ndërsa shtoi se “i kuptoj njerëzit që duan të sfidojnë veten, duke u përpjekur aty ku mendojnë se mundësitë janë më të mëdha”.

“Nuk di shumë për Britaninë, por kam ndjesinë se edhe nuk është e lehtë të gjesh atë ndjenjë komuniteti që ekzistonte dikur, është bërë shumë më i largët.

Isha në Londër për tu takuar me shqiptarët dhe historia e dëgjuar rëndom, shumë rëndom dhe po flas për njerëz që janë të stabilizuar, punojnë shumë, që nisi nga përpjekja për të bërë gjithçka dhe tashmë kanë familje, fëmijë. Ishte e njëjta gjë: Duhet të bësh dy punë, përndryshe nuk ia del dot.

Sigurisht që në disa aspekte është mirë për fëmijët, por nuk është kaq e mirë edhe fëmijët. Koha e lirë për të shpenzuar me familjen është zero.

Kam pasur këtu njerëz që kanë ardhur nga emigracioni dhe thonë të njëjtën gjë. Kur njerëzit i shohin pagat nga këtu dhe bëjnë krahasimin, sigurisht që është dallim i madh.

Por çfarë ka pas asaj page, kur vjen fjala për qiranë, taksat, fatura për të paguar, është e papërballueshme në Britani, apo kudo tjetër në Evropë.

Pra duhet vendosur në peshore, por megjithatë unë i kuptoj njerëzit që duan të sfidojnë veten, duke u përpjekur aty ku mendojnë se mundësitë janë më të mëdha. Kjo është normale”, tha Rama.

The post Duhet të bësh dy punë ndryshe nuk ia del dot, Rama: Në Angli koha zero për të shpenzuar me familjen, ja dallimi me Shqipërinë appeared first on Albeu.com.

Kryeministri shtoi gjithashtu se “problemi është që pastaj thua si do vazhdojë puna, këtu, puna atje”.

Edi Rama: Sa herë mendoj unë “ta lë këtë punë do të jem shumë i lumtur, problemi është që pastaj thua si do vazhdojë puna, këtu, puna atje.

Pjesën e artit e kam shumë më të relaksuar, e kam të thjeshtë, ose gjatë bisedës, ose kur ka një të shtunë, ose të dielë që është më e lehtë shkoj dhe futem në shpellën e Dules edhe aty kam bekimin që duke i pasur duart gjithë baltë dhe ngjyra nuk prek telefonin. Jam i shkëputur, bëj një detoks”.

The post Rama flet për largimin nga politika: Mendoj ta lë këtë punë, do jem shumë i lumtur appeared first on Albeu.com.