Flamurtari ka njoftuar zyrtarisht transferimin e mesfushorit portugez Paulo Estrela, duke e bërë atë pjesë të formacionit vlonjat për sezonin e ri.

Estrela nuk është i panjohur për futbollin shqiptar. Përgjatë dy sezoneve, ai ka luajtur me Skënderbeun, ku ka fituar përvojë në kampionatin vendas.

Me këtë lëvizje, Flamurtari vijon përforcimet në merkato, teksa objektivi i klubit është krijimi i një skuadre konkurruese që synon rikthimin në elitën e futbollit shqiptar.

The post Flamurtari afron Paulo Estrelën pas dy sezoneve te Skënderbeu appeared first on Albeu.com.

Ndeshja e së premtes mes Pogon Grodzisk dhe Stal Rzeszow u mbyll në barazim, me Aldrit Oshafin si protagonist. Sulmuesi shqiptar shënoi në minutën e 67-të dhe i dha avantazhin skuadrës së tij, megjithatë Listkowski rivendosi ekuilibrat në minutat shtesë.

Ky ishte goli i parë sezonal për Oshafin në aventurën e tij të re në nivelin e dytë të futbollit polak. Përpara transferimit te Pogon Grodzisk, ai luante me Flamurtarin, e cila ra nga kategoria në fundin e kampionatit të kaluar; sulmuesi e mbylli bashkëpunimin me klubin vlonjat dhe u largua pa kosto, si lojtar i lirë.

Në karrierën e tij në Superiore, Oshafi ka fituar dy trofe të rëndësishëm me Teutën: titullin kampion dhe Superkupën e Shqipërisë në sezonin 2020/21.

The post Nga trofetë me Teutën dhe rënia me Flamurtarin, te goli i parë sezonal në Poloni për Oshafin appeared first on Albeu.com.

Blerim Kotobelli pritet të jetë përforcimi i radhës i Flamurtarit. Sipas burimeve mediatike, ish-kapiteni i Teutës ka nënshkruar kontratën me klubin vlonjat, ndërsa prezantimi zyrtar pritet të bëhet së shpejti.

Mbrojtësi i majtë njoftoi vetëm pak ditë më parë përfundimin e bashkëpunimit me skuadrën durrsake, duke lënë të kuptohej se ndarja mes palëve erdhi pas ndryshimit të planeve.

Ardhja e Kotobellit i shton cilësi dhe përvojë repartit të prapavijës së Flamurtarit. Ekipi vlonjat drejtohet nga trajneri Oltijon Kërnaja dhe ka si objektiv rikthimin në Superiore vitin e ardhshëm.

The post Pas largimit nga Teuta, Kotobelli firmos me skuadrën që synon ngjitjen në Superiore appeared first on Albeu.com.

Flamurtari triumfoi 2-0 ndaj Istogut 03 në ndeshjen miqësore të zhvilluar në stadiumin e Tropojës. Golat e skuadrës vlonjate u shënuan nga Berisha dhe Llajaj.

Kuqezinjtë realizuan nga një gol në secilën pjesë, duke dhuruar një paraqitje pozitive. Ekipi ka pësuar ndryshime të shumta në organikë, pasi pjesa më e madhe e lojtarëve është zëvendësuar, ndërsa trajneri Oltijon Kërnaja ka për detyrë ta rikthejë Flamurtarin në Superiore.

Rezultati përbën një sinjal inkurajues për vlonjatët, të cilët duhet të punojnë shumë për të siguruar kthimin në elitën e futbollit shqiptar.

The post Flamurtari ndryshon ndjeshëm organikën dhe siguron fitore në miqësore appeared first on Albeu.com.

Flamurtari ka konfirmuar zyrtarisht transferimin e Filip Boshkovskit. Mbrojtësi i djathtë është futbollisti më i ri i skuadrës vlonjate, pasi marrëveshja ishte raportuar nga “Newsport.al” pak orë më parë, në çastin kur u hodh firma.

25-vjeçari konsiderohet një përforcim i rëndësishëm për repartin defensiv të ekipit të drejtuar nga Oltijon Kërnaja. Futbollisti maqedonas mbërrin në Vlorë si lojtar i lirë, pas eksperiencës së sezonit të fundit me Pelister Bitolan. Sipas “Transfermarkt”, Boshkovski vlerësohet 125 mijë euro.

Me këtë afrim, trajneri tropojan shton alternativat në një tjetër repart përpara nisjes së sezonit të ri në Kategorinë e Parë. Flamurtari synon që në edicionin pasardhës të rikthehet në Superiore, ndërsa Boshkovski bëhet transferimi i 11-të i realizuar nga klubi vlonjat gjatë merkatos së verës.

NJOFTIMI:

ZYRTARE | Filip Boshkovski bëhet pjesë e Flamurtari F.C.!

Flamurtari F.C. prezanton me kënaqësi përforcimin më të fundit të skuadrës. Mbrojtësi i djathtë Filip Boshkovski i bashkohet ekipit për sezonin e ri.

Datëlindja: 28 Tetor 2000

Kombësia: Maqedonia e Veriut

Gjatësia: 1.79 m

Pozicioni: Mbrojtës i djathtë

Mirë se vjen në familjen kuqezi, Filip!

The post Flamurtari zyrtarizon përforcimin e 11-të, Oltijon Kërnaja merr mbrojtësin me vlerë 125 mijë euro appeared first on Albeu.com.

Flamurtari ka siguruar një tjetër përforcim gjatë kësaj merkatoje. Sipas informacioneve të “Newsport.al”, Filip Boshkovsi ka nënshkruar kontratën, ndërsa zyrtarizimi nga klubi vlonjat pritet të bëhet shumë shpejt.

Mbrojtësi anësor 25-vjeçar nga Maqedonia ishte pa skuadër dhe kishte statusin e futbollistit të lirë. Ai është larguar vetëm pak minuta më parë nga zyrat e klubit, pasi hodhi firmën në marrëveshjen e re.

Trajneri Oltijon Kërnaja merr kështu një tjetër element të rëndësishëm për repartin defensiv. Flamurtari po ndërton një kontingjent konkurrues për një sezon mbresëlënës në Kategorinë e Parë, ku synimi do të jetë me çdo kusht rikthimi në “Abissnet Superiore”.

The post Flamurtari përforcon mbrojtjen, 25-vjeçari maqedonas firmos për skuadrën e Oltijon Kërnajës appeared first on Albeu.com.

Flamurtari ka zyrtarizuar Chigozie Kenneth si përforcimin më të ri të skuadrës. Klubi vlonjat e prezantoi sulmuesin nëpërmjet një postimi në rrjetet sociale, ndërsa ai bashkohet si futbollist i lirë pas eksperiencës në Superligën e Kosovës me Trepçën.

Ardhja e 22-vjeçarit përbën një tjetër lëvizje të trajnerit Oltijon Kërnaja për plotësimin e repartit ofensiv, teksa objektivi i Flamurtarit mbetet rikthimi në Superiore.

Përpara aktivizimit të fundit me KF Trepçën, Kenneth ka qenë pjesë edhe e Motorlet Prague dhe Dakkada FC.

The post Flamurtari synon Superioren, skuadra e Kërnajës prezanton 22-vjeçarin nga kampionati i Kosovës appeared first on Albeu.com.

Todor Todoroski do të vijojë aventurën e tij te Flamurtari. Klubi nga Vlora dhe mbrojtësi i djathtë kanë arritur marrëveshjen për zgjatjen e bashkëpunimit.

Futbollisti maqedonas ka nënshkruar një kontratë të re për 2 vite të tjera, e cila do ta mbajë në Vlorë deri në verën e vitit 2028. Në këtë mënyrë, trajneri Oltijon Kërnaja do të vazhdojë ta ketë në dispozicion 27-vjeçarin.

Todoroski iu bashkua Flamurtarit në korrik të vitit të shkuar. Gjatë karrierës së tij, ai ka qenë pjesë e disa skuadrave, mes të cilave Vardar, Osijek, Sibenik, Sumgayit dhe Poli Iasi.

The post Flamurtari siguron vazhdimësinë, rinovon deri në vitin 2028 me mbrojtësin maqedonas appeared first on Albeu.com.

Flamurtari ka marrë një fitore të thellë 3-0 ndaj Bylisit në një ndeshje miqësore, duke dhënë një paraqitje shumë autoritare.

Skuadra vlonjate kontrolloi çdo fazë të lojës dhe tregoi një paraqitje të fuqishme në repartin e avancuar. Keneth, Pjeshka dhe Diane ishin protagonistët që shënuan golat e suksesit, me këtë të fundit që vulosi rezultatin përfundimtar.

Ky triumf bindës shërben si një injeksion i fortë besimi për ekipin kuqezi, i cili po punon intensivisht për të qenë konkurrues dhe për të synuar rikthimin në elitën e futbollit shqiptar, Kategorinë Superiore.

The post Dominim absolut dhe tre gola, Flamurtari shkatërron Bylisin në miqësore appeared first on Albeu.com.

Skuadra kurbinase e Laçit ka regjistruar një fitore të pastër në transfertën miqësore ndaj Flamurtarit, me sfidën e zhvilluar në stadiumin e vlonjatëve që përfundoi në shifrat 0-2.

Ndeshjen e zhbllokoi mbrojtësi Arlind Kurti, i cili shënoi golin e parë për miqtë. Më pas, Sandër Kalaja dyfishoi rezultatin, duke vulosur suksesin dhe konfirmuar epërsinë e kurbinasve në këtë përballje.

Për trajnerin Qatip Osmani kjo paraqitje përbën një mesazh shumë pozitiv, teksa skuadra e tij mori një fitore me vlerë karakteri. Në anën tjetër, futbollistët vendës nuk iu përgjigjën dot urdhrave të Oltijon Kërnajës, i cili nuk arriti të dilte me sukses në këtë provë.

The post Laçi triumfon në Vlorë, mposht 0-2 Flamurtarin në testin miqësor appeared first on Albeu.com.