Sfida e luajtur në “Loro Boriçi” nisi mjaft mirë për shkodranët, të cilët kaluan në avantazh me Balajn në minutën e 4-të. Pas 20 minutash, ishte sërish kapiteni shkodran që dyfishoi shifrat, ndërsa në të 43-tën, Maksuti rihapi ndeshjen për Flamurtarin.

Një minutë nga starti i pjesës së dytë, Yago shënoi të tretin për ekipin e Edi Martinit, por vlonjatët reaguan sërish duke i shkurtuar shifrat për herë të dytë në këtë ndeshje, me Bangaly në të 56-tën.

Kështu Vllaznia merr fitoren e parë pas 6 ndeshjes radhazi, duke e mbyllur vitin 2025 në vendin e katërt me 30 pikë. Nga ana tjetër, Flamurtari nuk lëviz nga vendi i parafundit, me 14 pikë.

The post Vllaznia mundin Flamurtarin mes vuajtjesh, pas 6 ndeshjesh radhazi pa fitore appeared first on Albeu.com.

Në stërvitjen e sotme, futbollistët Idriz Batha dhe Cristian Nunez kanë debatuar me tone të ashpëra dhe më pas situata ka degraduar në konflikt fizik.

Nuk ka vonuar reagimi i Flamurtarit. Klubi vlonjat ka marrë vendimin ekstrem përmes njoftimit në rrjetet sociale, ndërprerjen e kontratës me Idriz Bathën, të cilit i ishte besuar edhe shirit i kapitenit. Ja njoftimi i plotë:

“Deklaratë zyrtare: Për shkak të ngjarjes së paprecedentë të ndodhur gjatë seancës stërvitore të datës 17.12.2025, Flamurtari Football Club ndërpret në mënyrë të menjëhershme bashkëpunimin me lojtarin Idriz Batha. Për Klubin tonë fanella, respekti dhe disiplina janë mbi të gjitha!”

The post ZYRTARE/ Përleshje fizike në stërvitje, klubi i Flamurtarit, përjashton përfundimisht kapitenin appeared first on Albeu.com.

Në minutën e 34-të, ishte Todoroski që kaloi në avantazh kuqezinjtë, por pas gjashtë minutash, Kasalla barazoi shifrat për vorakët.

Me këtë barazim 1-1, Flamurtari vijon të qëndrojë në vendin e parafundit me 10 pikë, ndërsa Vora ngjitet në vendin e 6-të me 15 pikë, një më shumë se Partizani dhe dy më shumë se Bylisi i zonës “play-out”.

The post “Paqe” në Vlorë, Flamurtari-Vora shtrëngojnë duart për një pikë që nuk i shërben askujt! appeared first on Albeu.com.

Mësohet se tifozët e Elbasanit kanë reaguar ndaj provokimeve verbale të tifozëve vendas dhe gurëve, duke thyer stolat e stadiumit dhe duke i hedhur drejt tifozëve kuqezi. Kanë ndërhyrë forcat e policisë për qetësimin e situatës që ka qenë e tensionuar për disa minuta.

Po ashtu edhe presidenti i Flamurtarit, Sinan Idrizi, u shfaq në skenë. Kreu i vlonjatëve shkoi pranë tifozëve verdheblu për të qetësuar situatën.

Përplasja mes tifozëve: (VIDEO)  /Panorama Sport

The post VIDEO / Plasin gurët dhe ndërhyn policia, përplasje mes tifozëve të Flamurtarit dhe Elbasanit! Në skenë shfaqet edhe Idrizi appeared first on Albeu.com.

Takimi i luajtur në Vlorë ishte i luftuar, por goli i vetëm i sfidës u shënua në minutën e 73’ nga Marku me penallti, e cila erdhi në mënyrë të çuditshme pas një goli të anuluar vetëm pak momente më parë.

Shkodranët tentuan të dilnin me pikë nga ky takim, por në fund, ata që festuan ishin vlonjatët.

Kjo ishte fitorja e parë e këtij sezoni për Flamurtarin, që tashmë e sheh si një pikë kthese për të dalë nga fundi, ndërsa Vllaznia vijon të jetë në vendin e parë, me rivalët që i afrohen.

REZULTATI:

FLAMURTARI 1-0 VLLAZNIA

Marku (P) 73’

The post Vendi i fundit mund kryesuesin, Flamurtari arrin fitoren e parë këtë sezon kundër Vllaznisë appeared first on Albeu.com.

TIRANA, MË E FORTË
Nga 63 takime të zhvilluara që nga viti 1998, Tirana ka dalë fituese në 32 ndeshje, duke konfirmuar statusin e saj si skuadër më e konsoliduar dhe me një traditë më të pasur suksesi. Flamurtari, nga ana tjetër, ka arritur të fitojë 20 herë, duke u mbështetur kryesisht te ndeshjet e zhvilluara në shtëpi. Ndërkohë, 11 sfida kanë përfunduar në barazim, çka tregon se rivaliteti ka pasur edhe momente të ekuilibruara. Analiza e ndeshjeve tregon një element të qartë. Flamurtari ka qenë më i fortë në Vlorë, ku ka marrë 14 fitore, ndërsa në transfertë është ndalur vetëm në 6 suksese. Tirana, përkundrazi, ka ditur të fitojë si në shtëpi ashtu edhe jashtë me 19 fitore në kryeqytet dhe 13 fitore në Vlorë. Kjo tregon qartë aftësinë e bardhebluve për t’u imponuar edhe në fushën e kundërshtarit, gjë që historikisht ka qenë një sfidë për Flamurtarin.

GOLAVERAZHI
Në aspektin e golave, Tirana shfaqet bindëse. Bardheblutë kanë shënuar gjithsej 86 gola, duke pësuar vetëm 57, një diferencë prej +29 golash. Ky tregues flet jo vetëm për forcën sulmuese të Tiranës, por edhe për një organizim më të mirë në mbrojtje gjatë viteve. Nga ana tjetër, Flamurtari ka treguar shpeshherë luhatje edhe pse ka arritur të shënojë në shumicën e përballjeve, numri i golave të pësuar është dukshëm më i lartë. Nëse përllogariten pikët sipas sistemit aktual (3 pikë për fitore, 1 për barazim), Tirana grumbullon 107 pikë, ndërsa Flamurtari ndalet në 71. Diferenca prej 36 pikësh konfirmon se bardheblutë kanë ruajtur një konsistencë të fortë në ndeshjet direkte, pavarësisht luhatjeve sezonale.

Një detaj tjetër i rëndësishëm është fakti që Tirana arrin të marrë rreth 1.7 pikë për ndeshje kundër Flamurtarit, ndërsa skuadra vlonjate qëndron në kuotën e 1.1 pikëve për ndeshje, tregues i qartë i balancës së prishur në favor të kryeqytetasve.

Që nga viti 1998, përballjet mes Flamurtarit dhe Tiranës kanë treguar një histori rivaliteti të fortë, por me një dominim të qartë të bardhebluve. Tirana ka ditur të fitojë më shumë, të shënojë më shumë dhe të pësojë më pak, ndërsa Flamurtari është mbështetur kryesisht te ndeshjet e zhvilluara në Vlorë për të ruajtur një bilanc dinjitoz.

Këto statistika e konfirmojnë Tiranën si një kundërshtar të vështirë për Flamurtarin, duke e vendosur në një nivel më të lartë jo vetëm në aspektin historik, por edhe në konsistencën e rezultateve gjatë dy dekadave të fundit.

The post Statistikat/ Tirana dominon sfidën me kuqezinjtë appeared first on Albeu.com.

Emri i De Biasit është i lidhur ngushtë me një nga kapitujt më të ndritur të futbollit shqiptar, pasi ishte ai që udhëhoqi Kombëtaren drejt kualifikimit historik në Kampionatin Evropian “Euro 2016”.

Megjithatë, përflitet se drejtuesit e klubit vlonjat, të cilët po punojnë për një projekt ambicioz rikthimi në elitë, po kërkojnë një figurë të njohur për të sjellë stabilitet dhe për të rritur profilin e skuadrës.

Në këtë kuadër, përmendja e De Biasit ndezi menjëherë interesin e opinionit publik.

Por, i kontaktuar nga gazetarja e A2 CNN, Dea Kozma, vetë trajneri italian i ka mohuar këto zëra.

“Nuk më ka kontaktuar askush nga Flamurtari. Nuk mund të them sesi do të shkojnë gjërat në të ardhmen, por tani nuk ka asgjë”, është shprehur ai për A2 CNN.

Ky reagim hedh poshtë për momentin mundësinë e një bashkëpunimi mes palëve, megjithatë lë një derë hapur për të ardhmen.

The post U përfol për një kalim te Flamurtari si trajner, De Biasi tregon të vërtetën appeared first on Albeu.com.

Në një ndeshje ku vlonjatët dominuan përballë një Vore me objektiva të arritura, gjithçka u zhbllokua në minutën e 33-të nga Ememe, i cili përfitoi nga një mosmarrëveshje e mbrojtjes vorake duke mposhtur portierin Ruçi.

Rastet nuk munguan në minutat në vazhdim, por rezultati mbeti i pandryshuar deri në fund, aty ku të dyja skuadrat kishin të gjithë të drejtën që të festonin.

Pas 33 javësh kampionat, Flamurtari e mbylli sezonin në vendin e dytë me 75 pikë, një më pak se Vora e vendit të parë dhe një më shumë se Besa e vendit të tretë.

Nderkohe, festa nuk ka të ndalur në qytetin e Vlorës, pas rikthimit të Flamurtarit në elitën e futbollit shqiptar pas plot 5 vitesh.

Lojtarët, tifozët dhe stafi janë grumbulluar për të vazhduar festën para stadiumit duke krijuar një atmosferë elektrizuese.

Në pamjet e siguruara nga “Panorama Sport”, shikohen lojtarët, tifozët dhe trajneri Pollozhani duke kërcyer me tifozët.

PËR MË TEPËR SHIKONI VIDEON

The post VIDEO/ Festa nuk ka të ndalur në Vlorë, shikoni çfarë ndodh para stadiumit “Flamurtari” appeared first on Albeu.com.

Sipas raportimeve, i riu nga Nigeria ka rënë pre e një grabitje. Mësohet se është transportuar drejt spitalit për ndihmë mjekësore.

Ende nuk ka detaje mbi autorët ndërsa policia ka nisur kërkimet.

The post Plagoset futbollisti i Flamurtarit, bie pre e grabitjes në Vlorë appeared first on Albeu.com.

Si vlonjatët ashtu edhe dibranët do të luftojnë “dhëmb për dhëmb” mes tyre për 3 pikët e kësaj jave që kanë shumë të rëndësishme për “Play-Off”. Aktualisht kuqezinjtë renditen në vendin e 4-të me 36 pikë, ndërsa ekipi nga Peshkopia mban vendin e 6-të me 10 pikë më pak.

Flamurtari duket favoritë, pasi edhe statistikat e përballjeve direkte mes tyre anojnë nga vlonjatët. Në 8 sfida të zhvilluara mes Superiores dhe Kategorisë së Parë, 4 ndeshje kanë fituar kuqezinjtë dhe 2 përballje kanë shkuar në favorin e dibranëve.

Ndërkohë dy të tjera janë mbyllur në barazim. Kujtojmë se duelin e fazës së parë mes të dyja skuadrave në këtë sezon e ka fituar Flamurtari me shifrat 2-1, teksa në Vlorë ditën e dielë Korabi do të tentojë “hakmarrjen”. /newsport.al/

The post Bëjnë llogaritë për “Play-Off”, Flamurtari di si fitohet ndaj Korabit appeared first on Albeu.com.