Komentet Berisha i ka bërë gjatë një takimi që zhvilloi ditën e sotme me të rinjtë dhe intelektualët në Durrësi.

Berisha shtoi se Durrësit dhe Shqipërisë i kanoset një rrezik që nuk ia kanë bërë as pushtuesit.

“Shpreh kënaqësinë që jam sot këtu. Mblidhemi me qëllimin më kryesor për të vijuar misionin tonë. Sot në vlerësimin tim në bindjen time demokratët dhe jo vetëm ata janë në një mision të një rëndësie të jashtëzakonshme, misionin e shpëtimit të Shqipërisë, të Durrësit nga rreziqe të cilat, në disa aspekte, po të shohim Durrësin, nuk ia kanë bërë as pushtuesit e tij.

Ajo që ndodh në Durrës është një barbari. Ato janë vlera të cilat nuk janë as demokrate as socialiste, janë vlera të përjetshme. I kanë sjellë Durrësit dhe durrsakët në shekuj dhe mijëvjeçarë dhe tani për shkak të korrupsionit, të vjedhjes kërkohet që gjithçka të transformohet dhe të zhduket. Pra, një nga rreziqet e mëdha. Mirëpo ajo është historia e Durrësit, është investim shekullor i durrsakëve. Askush nuk ka autoritetin ta prekë atë, por ta ruajë dhe ta zhvillojë”, tha Berisha.

Kreu i PD-së deklaroi se nuk ka fatkeqësi më të madhe për flamurin e BE se ta mbante sot në dorë Edi Rama, i cili nuk lejon shqiptarët të votojnë.

“Edi Rama sot ngriti flamurin e BE-së para Kryeministrisë. Ai flamur është flamur vlerash, është flamur i vlerave, i thesareve kulturore në radhë të parë, është flamur i vlerave njerëzore të lidhura me lirinë. Fatkeqësi më të madhe për atë flamur se ta mbante sot në dorë Edi Rama nuk kishte.

Unë e kam deklaruar para jush, armik atë dhe ia kam thënë me bindjen më absolute, është armik sepse ai nuk lejon shqiptarët të votojnë. Liria votën ka, nëse nuk ke votën nuk ke dinjitetin. Edhe pushtuesit të lejonin të votoje, por të caktonin një përfaqësues të pushtuesit. Ky faktikisht pasi shkelmoi votën e shqiptarëve e përzuri nga PS. Nuk i konsideroj socialistët armiq, konsideroj Edi Ramën sepse dhe atyre ua hoqi votën”, u shpreh Berisha./albeu.com/

The post “Godet”Berisha: S’ka fatkeqësi më të madhe për flamurin e BE se sa ta mbajë në dorë një njeri si Edi Rama appeared first on Albeu.com.

Ndërsa foli për përparësitë dhe sfidat, Rama iu drejtua popullit shqiptar duke ju kërkuar ndjesë për gabimet e tij, për të cilat tha se në rast se ka, janë bërë jo me qëllim.

“Ju kërkoj thellësisht ndjesë qytetarëve shqiptarë për gabimet e mia, ato që di apo nuk di, duke siguruar që nuk është një gabim për të përfituar në kurriz të të tjerave. Kurrë skam qenë më I bindur dhe më i motivuar për ta merituar besimin e tyre”, tha Rama./albeu.com

The post Rama u drejtohet shqiptarëve: Ndjesë për gabimet e mia, nuk kam për qëllim të përfitoj në kurriz të të tjerëve appeared first on Albeu.com.

Kryeministri Edi Rama në ceremoninë zyrtare, ku të pranishëm ishin zyrtarë të BE-së, ambasadorja Yuri Kim dhe bashkëshortja e tij,  ka mbajtur një fjalim.

“Shumë të dashur qytetarë dhe qytetare, shqiptarë dhe shqiptare. Sot është një ditë e re për Shqipërinë dhe ju falenderoj ju që jeni këtu për ceremoninë e ngritjes, pas çeljes së negociatave. Prania juaj këtu është më shumë se një prani protokollare, pasi ju me institucionet që përfaqësoni jeni kontributorë për rrugëtimin evropian të Shqipërisë

Ngritja e këtij flamuri shënon ngritjen e Shqipërisë në një tjetër nivel.

Ky moment shënon ngritjen në një nivel tjetër detyrimesh të marrëdhënieve të shoqërisë dhe qytetarit shqiptar me rregullat dhe vlerat evropiane.

Do të kisha dashur sot që këtu të ishte dhe opozita, jo sepse pasi ky nivel i ri marrëdhëniesh kërkon edhe një nivel të ri marrëdhëniesh mes qeverisë dhe opozitës. Por sot opozita ndodhet në një hendek të madh mes një pjesë të identifikuar me gjithçka bie ndesh me frymën dhe logjikën e Bashkimit Evropian që nga minim i demokracisë dhe korrupsioni dhe një pjesë tjetër e cila nuk është damkosur, por edhe po i ftove nuk vijnë se kanë frika nga e para.

Unë e di se mes përfaqësuesve të vendeve mike dhe aleatë ka disa që i gëzohen kësaj arritjeje historike më shumë se disa syrre mes nesh që nxijnë si shpirti i tyre. Dua jo vetëm t’i falënderoj sot për gjithçka bënë që negociata të hapen dhe Shqipëria të ngjitet në rrugën drejt majës ku populli shqiptar meritor, dua edhe t’i kërkoj ndjesë për gjithçka që i kanë dëgjuar veshët nga gojët e shthurura të Shqipërisë.

Dikush me siguri mund të thotë se mund të evitoja disa fjalë, por ngritja e flamurit të BE-së në ballë të kësaj godine, nuk është sibolizim i fundit. Rruga jonë nuk bëhet më e lehtë, por shumë më sfiduese. Fryma e ndryshimit hyn në një thellësi të re”, tha Rama.

The post Ngrihet flamuri i BE në oborrin e Kryeministrisë, Rama: Pas hapjes së negociatave, rrugë bëhet edhe më sfiduese appeared first on Albeu.com.

Mësohet se të pranishëm do të jenë kryeministri Rama dhe përfaqësues të Bashkimit Evropian.

Ceremoni pritet të nisë në orën 10:00.

The post Çelja e negociatave, ceremoni te Kryeministria, do të ngrihet flamuri i BE-së appeared first on Albeu.com.