Balliu i ktheu përgjigje të drejtpërdrejtë Nokës, duke thënë se ajo që realisht ka ardhur pas 12 majit, nuk është era e shtetit, por era e dështimit dhe humbjes së tij madhështore.

Ajo vijoi më tej duke e cilësuar Nokën si përfaqësues të arrogancës, zhargonit të ulët dhe një qasjeje politike që qytetarët tashmë e kanë refuzuar.

Sipas Balliut, vota për Jorida Tabakun në Tiranë ishte një reagim i qartë qytetar ndaj modelit që përfaqëson Flamur Noka.

“Do vijë era shtet” ka qenë shprehja e famshme që Flamur Noka e tha këtu në Dritare TV. Dhe pikërisht nga ky vend dua ti përgjigjem: O Flamur Noka, ka ardhur era e dështimit dhe e humbjes tënde madhështore. Ka ardhur era e shuplakës së madhe nga qytetarët shqiptarë, të cilët nuk duan më ta shohin fytyrën tënde në parlament, sepse u vjen turp prej teje. Kjo erë e re erdhi më 12 maj. Erdha era e dështimit tënd madhështor, era e humbjes së thellë.

Sepse një person që ngre pesë gishtat lart në parlament në mënyrë provokuese nuk është shembull për qytetarët. Pikërisht për këtë arsye, qytetarët vendosën t’i japin votën zonjës Tabaku sepse ajo përfaqëson të kundërtën tënde Flamur.

Ti përfaqëson arrogancën, zhargonin e ulët dhe qasjen përjashtuese. Dhe qytetarët shqiptarë nuk e duan më këtë lloj politike”,- u shpreh Alesia Balliu.

The post Do të vijë era shtet/ Deklarata virale Nokës, Alesia Balliu reagon ashpër: O Flamur, erdhi era e dështimit madhështor appeared first on Albeu.com.

Në faqe kryesore është vendosur flamuri kuqezi në një sfond qielli dhe teksa hyn ka dhe një shpjegim për ditën e Pavarësisë.

“Sot Doodle feston Ditën e Pavarësisë së Shqipërisë ose Dita e Pavarësisë në shqip. Në këtë ditë të vitit 1912, kongresi shqiptar u mblodh në qytetin e Vlorës dhe votoi për shpalljen e pavarësisë nga sundimi osman.

Festimet nisin në kryeqytetin e Tiranës ku Presidenti dhe Kryeministri marrin pjesë në ceremoninë e ngritjes së flamurit. I paraqitur në veprën e sotme artistike, flamuri kombëtar i Shqipërisë përmban një sfond të kuq me një shqiponjë të zezë me dy koka në qendër. Flamuri u valëvit për herë të parë në këtë ditë në vitin 1912. Në ditën e Pavarësisë, ai mbulon ballkone, dritare, madje edhe njerëz si një simbol i krenarisë kombëtare.

Qyteti i Vlorës është gjithashtu një destinacion i preferuar. Shqiptarët vizitojnë Monumentin e lartë të Pavarësisë në Sheshin e Flamurit për të nderuar ata që luftuan për liri. I ndërtuar nga skulptorët e njohur kombëtarë Muntaz Dhrami dhe Kristaq Rama, monumenti përshkruan liderët e famshëm të lëvizjes për pavarësinë shqiptare.
Gëzuar Ditën e Pavarësisë, Shqipëri!”, është mesazhi në google.

The post “Google” vishet kuqezi, dhurata për 110-vjetorin e shtetit shqiptar: Gëzuar Ditën e Pavarësisë, Shqipëri! appeared first on Albeu.com.