FK Gabala ka zyrtarizuar emërimin e Jeton Beqirit si trajner të ri. Trajneri 44-vjeçar, pas mbylljes së etapës me Shkëndijën e Tetovës, ka vendosur të përqafojë një sfidë të re në drejtimin e skuadrës që garon në Premier Ligën e Azerbajxhanit.

Kontrata e nënshkruar me ekipin azberajxhanas ka një afat njëvjeçar, e vlefshme deri në verën e vitit 2027, me të drejtë rinovimi për dy vite të tjera.

Menjëherë pas largimit nga Shkëndija, emri i Beqirit u përfol për disa klube të Superiores, por ai zgjodhi të mos i pranojë ftesat dhe tani ka nisur tashmë aventurën e tij në Azerbajxhan.

Udhëtimi i Beqirit në karrierën e trajnerit nisi në Tetovë, te Drita e Bogovinës, teksa më pas ka drejtuar radhazi Gostivarin, Shkëndijën e Tetovës, Renovën, Strugën dhe Bylisin, si dhe ka kontribuar si asistent te Flamurtari.

The post Jeton Beqiri, ish-ndihmësi i Flamurtarit, merr frenat e klubit të Premier Ligës azere pas refuzimit të ofertave nga Superiore appeared first on Albeu.com.