Ai tha se kam pritur 9 muaj, për të folur 9 minuta dhe për t`u dëgjuar pas një sage të gjatë zhgënjyese.

Gjithashtu, Veliaj u shpreh se po flet para Gjykatës Kushtetuese si kryetar i bashkisë së Tiranës, ndërsa ngriti pyetjen se çfarë ka bërë që të jetë i mbyllu në qeli.

Veliaj: Kam pritur 9 muaj për këto 9 minuta. Beteja ime për tu dëgjuar prej jush vjen pas një sage të gjatë, zhgënjyese me thënë të drejtën, për të dëgjuar çfarë paskam bërë që jam rrëmbyer nga zyra ku më kanë zgjedhur qytetarët dhe jam mbyllur në një qeli. Në një regjim burgosje më të rendë sesa vrasësit serialë. Kam më shumë policë në gjykatë kushtetuese sesa avokatë.

The post Fjalimi i Erion Veliajt në Gjykatën Kushtetuese: Jam këtu si kryetar i Bashkisë së Tiranës, kam pritur 9 muaj për të folur 9 minuta, jam rrëmbyer dhe jam mbyllur në qeli appeared first on Albeu.com.

“Na duhet një paqe e drejtë, një paqe ku e ardhmja jonë të vendoset vetëm prej nesh”, tha Zelensky, duke theksuar se Ukraina do të kundërpërgjigjet ndaj Rusisë “derisa thirrjet tona për paqe të dëgjohen”.

Ai shtoi: “Ukraina ende nuk ka fituar, por sigurisht nuk ka humbur”.

Deklaratat e tij erdhën pas njoftimeve nga Moska se Ukraina kishte sulmuar me dron objekte të energjisë në Rusi, duke shkaktuar një zjarr në termocentralin bërthamor në rajonin e Kurskut.

Sipas autoriteteve ruse, zjarri u shua shpejt, pa lëndime, ndërsa një transformator u dëmtua, por nivelet e radiacionit mbetën normale.

Agjencia Ndërkombëtare për Energjinë Atomike (IAEA) njoftoi se ishte në dijeni të incidentit dhe ritheksoi thirrjen që të gjitha palët të tregojnë përmbajtje maksimale rreth objekteve bërthamore.

Ndërkohë, në Kiev u zhvilluan ceremonitë për Ditën e Pavarësisë, në përkujtim të shpalljes së pavarësisë nga Bashkimi Sovjetik në vitin 1991.

Kryeministri i Kanadasë, Mark Carney, mori pjesë në aktivitetet zyrtare dhe u shpreh se vendi i tij “do të qëndrojë gjithmonë krah për krah me Ukrainën”. Ai premtoi dërgesa me dronë, municione dhe mjete të blinduara me vlerë mbi 1 miliard dollarë kanadezë, që pritet të mbërrijnë në Ukrainë që në shtator.

The post Presidenti Volodymyr Zelensky mban fjalim në Ditën e Pavarësisë: Ukraina do të luftojë derisa të arrihet një paqe e drejtë appeared first on Albeu.com.

“Disa ditë më parë u zotuam kundrejt paktit për të ardhmen, një kuadër solid me rezultate që duhen zbatuar. Kemi marrë angazhime të tilla në të shkuarën. Ky është një tjetër shans për një të ardhme më të paqme dhe begatë ndërkohë që jetojmë në kohë të zymta.

Shqipëria kishte për qëllim të përfaqësonte atë komunitet për vlera e parime që janë të panegociueshme. Mos u gaboni, me tolerancë nuk kërkoj vetëkënaqësi, po të shkojmë përtej zonave tona të rehatisë, jo duke pranuar këndvështrimet e tjetrit por duke u angazhuar me kompleksitetin e historive tona. Toleranca që shqiptarët shprehen gjatë luftës së dytë botërore ndaj hebrenjve, duke e bërë Shqipërinë të vetmin vend që e mbylli me më shumë hebrenj sesa kur nisi lufta.

Të nxisim mirëkuptim e paqeve, duke vënë veten në vendin e tjetrit. Shqipëria u shndërrua në strehën e sigurt për njerëzit që ikën nga vdekja, ndërkohë që shtetet më të pasura u kthyen shpinën. U dhamë strehë refugjatëve Iranian, jetët e cilëve cënoheshin. Paguam një çmim të madh me sulm kiberntik që synonte të gjunjëzonte vendin.

Ne nuk u lëkundëm dhe nuk do të lëkundemi për aq kohë sa është e nevojshme. Së fundmi i shtrimë dorën Italisë për të lehtësuar vështirësitë në migracion. Në vend të flisnim, vepruan, nuk qëndruam duarlidhur. Kjo qënie solidariteti e bashkëpunimi është boshti i politikës në vendin tonë”, tha Rama.

The post Marrëveshja me Italinë për emigrantët, Rama në OKB: U përpoqëm të ndihmojmë vendin fqinj, nuk qëndruam duarlidhur appeared first on Albeu.com.

Meta akuzon Ramën se ka rrëmbyer vulën e PD e i gënjen mendja se mund të marrë dhe vulën e PL-së e të shuajë opozitarizmin.

‘Partia do ribëhet! Kush është me Ilir Metën, nëse sot votohet sot si president, rri me Ilir Metën, kush nuk është, burrë apo grua i jep dorën e ikën. Kush qëndron për të bërë lojrat e don Agaçit e Tarallakut e ka gabim, se Ilir Meta ka bërë shkollën e Fatos Nanos, Ramiz Alisë e Sali Berishës. I ka bërë të gjitha shkollat që I duhen për tu përballur me mafian. Nuk bëhet opozita një dorë baklava e një dorë revani’ -tha ish presidenti në fjalën e tij.

Në fjalimin e gjatë s’la pa shigjetuar edhe kundërshtarët të tjerë politikë, por ajo që u vu re ishte se Meta nuk bëri asnjë sulm kundrejt drejtësisë, ndryshe sa e kemi parë kohët e fundit me retorikën e tij të ashpër, kryesisht ndaj kreut të SPAK, Altin Dumanit.

Meta u tregua i kujdesshëm sot që mos të sulmonte sistemin e drejtësisë.

Meta tregoi në Konventë edhe se si ja dha nënshtetësinë Kryepeshkopit të Kishës Ortodokse Autoqefale të Shqipërisë. Meta tha problemi nënshtetësisë së Kryepeshkopit është përdorur për politikë, por ai i dha zgjidhje këtij problemi.

‘Kur më erdhi ambasadorja greke, Eleni, në takimin e parë si president, më tha ‘si do iki unë nga Shqipëria, çështjen e detit jo, çështjen e shtetësisë së Fortlumturisë jo’, dëgjo i thash, tek kjo e detit nuk ma ka fal gjyshi, nuk është i imi, po të doni shtëpinë time, atë ua fal.

Aty është Kushtetuta dhe ka një vendim të Gjykatës, dhe unë dua ta zgjidh në interes të dy vendeve. Ti nuk do ikësh pa asnjë sukses i thash, se problemi i Fortlumturisë do zgjidhet, se çdo gjë është përdorur si një sajesë politike, të shkonte ai 90 vjeç në polici, apliko në komisariat, e kërkon procedura thoshin. Erdhi zotëria, për një javë u zgjidh çështja’, u shpreh Meta.

The post Konventa e PL-së, Meta 1 orë e 30 min fjalim, zbut tonet ndaj SPAK! Asnjë akuzë ndaj drejtësisë appeared first on Albeu.com.

Begaj shtoi se historia duhet mbajtur gjallë dhe ato figura duhen nderuar me përulje dhe mirënjohje.

Fjalimi i plotë i Presidentit Bajram Begaj:

Zoti Kryetar i Bashkisë,

I nderuar Kryetar Madeo,

Të nderuar të pranishëm,

Zonja e zotërinj,

580-vjetori i Besëlidhjes së Lezhës shënon një prej momenteve më të rëndësishme të historisë sonë mbarëkombëtare.

2 Marsi 1444 qëndron si dëshmi e unitetit, guximit dhe përkushtimit të shqiptarëve për liri e pavarësi.

Nën udhëheqjen e Gjergj Kastrioti – Skënderbeut ne mbetëm të gdhendur në kronikat më të rëndësishme evropiane të kohës e shekujve më pas, si shembull i qëndresës dhe guximit për të gjithë Evropën.

Bashkimi i shqiptarëve në Lezhë 580 vjet më parë mbetet një lajtmotiv evropian i qëndresës së përbashkët kundër çdo agresioni.

Sot, faktori shqiptar në Ballkan vijon të luajë rol thelbësor në paqen dhe orientimin perëndimor të rajonit.

Në kushtet e sotme gjeopolitike, ku sfidat dhe kërcënimet ndaj sovranitetit të popujve, përfshi atyre të Ballkanit, dhe integritetit territorial evropian, janë aktuale, veçanërisht për shkak të agresionit rus ndaj Ukrainës, Besëlidhja e Lezhës e roli i historik i shqiptarëve marrin një rëndësi të veçantë.

Ato na kujtojnë se bashkimi dhe solidariteti janë thelbësorë për mbrojtjen e vlerave të përbashkëta dhe të lirisë. Ato na mësojnë se përballë sfidave nuk mund të qëndrojmë të ndarë, por vetëm të bashkuar.

Të nderuar pjesëmarrës,

Natyrisht, ky rrëfim historik nuk do të kishte kuptim pa komunitetin arbëresh, fëmijë të atyre patriotëve që, ndonëse u  larguan me forcë nga vendlindja, nuk i harruan kurrë rrënjët.

Arbëreshët, duke ruajtur gjuhën, zakonet dhe kulturën shqiptare, janë dëshmi e gjallë e bashkimit dhe forcës së identitetit shqiptar që mbijeton pavarësisht kufijve dhe kohës.

Ata tregojnë se edhe larg dheut amë, zemra shqiptare rreh me të njëjtin ritëm të guximit dhe ndershmërisë, të krenarisë dhe respektit për tjetrin.

Prania e tyre këtu sot, për të festuar së bashku, është simbolikë e një ure që lidh të kaluarën me të tashmen, duke i dhënë kuptim të ardhmes sonë.

Akti i Besëlidhjes dhe shembulli i arbëreshëve na kujtojnë se bashkimi është forca që çdo ëndërr për liri dhe prosperitet e bën të mundur dhe të pashmangshme.

Ne kemi detyrë të mbajmë gjallë historinë tonë, ku Besëlidhja e Lezhës qëndron si kujtesë e dashurisë për lirinë dhe njëri-tjetrin.

Njëkohësisht, në këtë ditë të shënuar të historisë shqiptare, më lejoni të theksoj rëndësinë e forcimit të bashkëpunimit me NATO-n dhe vijimit me bindje të rrugëtimit tonë drejt integrimit të plotë në BE.

Padyshim që duhet të jemi të vetëdijshëm për sfidat me të cilat shqiptarët përballen brenda vendit e kudo në rajon, por le të mos harrojmë se një ditë si kjo e sotmja provon aftësinë tonë  për të adresuar çdo sfidë.

Me orientimin tonë të palëkundur evropian, le të vijojmë të ndërtojmë mbi themelet e shëndosha të vendosura 580 vjet me parë, duke qenë gjithmonë të gatshëm të përqafojmë ndryshimet demokratike.

Të nderuar bashkatdhetarë,

580-vjetori i Besëlidhjes së Lezhës është një ftesë sa historike, aq dhe aktuale për të ripërsëritur përkushtimin tonë ndaj kombit shqiptar.

Mbi të gjitha, le të përulemi me mirënjohje dhe të nderojmë sakrificat e atyre që para nesh u angazhuan për atdheun që ne gëzojmë sot e të ecim në rrugën që ata çelën: rrugën e lirisë, pavarësisë dhe dinjitetit mbarëkombëtar.

Faleminderit për vëmendjen tuaj!

Zoti e bekoftë Shqipërinë dhe të gjithë shqiptarët!

The post Fjalimi i Begajt në 580-vjetorin e Besëlidhjes së Lezhës: Kemi detyrë të mbajmë gjallë historinë appeared first on Albeu.com.

I vetmi lajm i ri që doli prej tij ishte në një pjesë drejt fundit kur Putin tha se do të pezullojë pjesëmarrjen e Rusisë në traktatin e Fillimit të Ri me SHBA.

Pasi akuzoi SHBA-në dhe NATO-n për dështim në bashkëpunim, ai tha: “Në këtë drejtim, jam i detyruar të njoftoj sot se Rusia po pezullon pjesëmarrjen e saj në traktatin e armëve sulmuese strategjike” (bërthamore).

Traktati për Reduktimin e Armëve Strategjike (START), i cili u nënshkrua për herë të parë në 1991 dhe u pasua nga New START, kufizoi numrin e raketave balistike ndërkontinentale në SHBA dhe Rusi.

Traktati i Ri START u nënshkrua në vitin 2010, hyri në fuqi vitin e ardhshëm dhe u zgjat në 2021 për pesë vjet të tjera menjëherë pasi Joe Biden mori detyrën si president i SHBA.

Ai kufizon numrin e kokave strategjike bërthamore që SHBA dhe Rusia mund të vendosin, si dhe vendosjen e raketave dhe bombarduesve me bazë tokësore dhe nëndetëse për t’i shpërndarë ato.

Putin i tha audiencës së mbledhur se Rusia ende nuk po tërhiqet plotësisht nga traktati.

Ai shtoi se vendi duhet të jetë gati për të rifilluar testet e armëve bërthamore nëse SHBA-ja e bën këtë.

Kërkesat perëndimore për të inspektuar objektet bërthamore të kontrolluara nga Rusia janë “krejtësisht absurde”, tha ai, duke shtuar se SHBA dhe NATO kanë deklaruar se objektivi i tyre është të mposhtin strategjikisht Rusinë.

Rusia ka stokun më të madh të armëve bërthamore në botë, me afro 6000 koka luftarake, sipas ekspertëve.

Së bashku, të dy vendet mbajnë rreth 90% të kokave bërthamore në botë, të mjaftueshme për të shkatërruar planetin shumë herë. /albeu.com

The post Putin mbyll fjalimin, Rusia pezullon pjesëmarrjen në traktatin e armëve bërthamore appeared first on Albeu.com.

Sipas mediave serbe, pas takimit Vuçiç ka folur për gazetarët ku dhe po tregonte se çfarë biseduan me homologun francez kur papritur i ndodhi një incident.

Gjatë fjalë së tij drita e një transmetuesi ra në tokë ku zhurma e saj e ndërpreu atë teksa po shpjegonte se çfarë kishte diskutuar me Macron. “Për pak më goditi”- tha Vuçiç, megjithatë, me një buzëqeshje të vetëkënaqur në fytyrën e tij, ai u mburr me trimërinë e tij duke thënë:”As që lëviza”.

Më pas ai ka thënë me shaka se një prej të pranishmëve e ka “përgatitur” që kjo të ndodhë dhe ka vazhduar të bëjë një deklaratë për mediat duke buzëqeshur.

Nuk kaloi shumë kohë që video e incidentit u përhap në rrjetet sociale, ku një përdorues në Twitter e përshkroi pamjen si “gjëja më e fortë në botë ndonjëherë”.

Ovo je najjače nešto na svJet, ikada! pic.twitter.com/AeGfxBRMoj

— Ksenija (@XeniaKsenija) November 10, 2022

The post “Për pak më goditi”, presidentit serb i ndodh e papritura gjatë fjalimit pas takimit me Macron (VIDEO) appeared first on Albeu.com.

Ai bën një lëvizje të çuditshme, teksa nuk dihet se çfarë ndodhi apo po mendonte. Kjo video ka qarkulluar në rrjetet sociale dhe kanë nisur diskutimet pasi nuk është hera e parë që ndodh një gjë e tillë me Biden.

The post Ndodh sërish në asamblenë e OKB-së, Biden si “robot”, bën lëvizje të çuditshme pasi përfundoi fjalimin (VIDEO) appeared first on Albeu.com.

Në Forum Rama foli për ndihmën që Turqia i dha Shqipërisë gjatë periudhës së pandemisë së koronavirusit.

“Teksa kritikoi qëndrimin e Bashkimit Evropian, Rama kujtoi dorën e ndihmës së Turqisë”, shkruan në mënyrë karakteristike media turke.

“Në çdo fjalim ju thoni le të ndihmojë që Ballkani të jetë me ne dhe të mos ketë ndërhyrje nga të tretë, por për vaksinat Serbia iu drejtua Kinës dhe Rusisë, ne vrapuam drejt Turqisë, po të mos ishte Erdogan do kishim më shumë fatalitete ky është realiteti, shpresoj që Europa të nxjerrë mësimet e veta”, tha Rama në Slloveni.

Ndër të tjera media turke i bën jehonë falënderimit që Rama i bën presidentit turk, Rexhep Tajip Erdogan për ndihmën që Turqia i dha vendit tonë për pandeminë e Covid-19.

“Po të mos ishte Erdogani, shumë njerëz do të kishin humbur jetën në vendin tonë”, ka thënë Rama në Forum.

The post Foli ashpër për BE-në dhe shprehu mirënjohje për Erdogan, mediat turke jehonë fjalimit falenderues të Ramës appeared first on Albeu.com.