Po ç’është ankthi? Përse OBSH (Organizata Botërore e Shëndetit) e konsideron si një nga vrasësit e heshtur, krahas depresionit? Koncepti i ankthit është i vështirë për t’u përkufizuar, por sipas studimeve, ankthi është një ndjenjë mërzie, tensioni, frike, dhe shqetësimi për të ardhmen. Ai ka një lidhje të ngushtë me frikën nga e panjohura. Ankthi dhe frika janë të lidhura ngushtë me njëri-tjetrin.

Psikologu Sigmund Frojd ishte ai që, për herë të parë, u përpoq të gjente dallimin midis tyre. Sipas tij, ankthi lidhet me një gjendje psikologjike që nuk shoqërohet me vëmendje të veçantë ndaj objektit frikësues, ndërsa tek frika, vëmendja është tërësisht e përqendruar tek ky objekt. Askush nuk është imun ndaj ankthit, megjithatë 5 këshillat e mëposhtme mund t’ju ndihmojnë ta mbani nën kontroll.

1. Mos ki frikë nga e ardhmja, jo çdo gjë që ndodh në mendjen tënde do të ndodhë vërtetë.

2. Ndrysho ritmin e frymëmarrjes dhe dil më shpesh shëtitje.

3. Përpiqu të shoqërohesh me njerëz dhe të shmangësh vetminë.

4. Mos ki turp nga ajo që ndjen.

5. Mos harro: Ti je më i rëndësishëm se ankthi, mos lejo të të mbërthejë.

The post 5 fjalitë që duhet t’i thoni një personi që vuan nga çrregullimet e ankthit appeared first on Albeu.com.

Janë disa sekonda që i krijojnë një përshtypje të gabuar personit përballë jush dhe si pasojë, mund të përballeni me një “JO” në fund. Gjuha juaj e trupit + përgjigjet e shpejta tregojnë më shumë nga ç’mendoni prandaj, mbani shënime dhe mësoni si t’i lini pa fjalë në intervistën e radhës!

1. “A mund të më thuash pak më shumë për kompaninë?”

Çfarë do të thotë kjo? Që ti nuk ke shpenzuar disa minuta nga koha jote për të mësuar rreth vendit ku pretendon të punosh?! Mendimi i parë që i vjen punëdhënësit është se nuk je konkurrent i denjë duke qenë se nuk ke treguar mjaftueshëm interes për kompaninë. Nëse doni të dini më shumë, pyesni për gjëra më specifike, duke i lënë të kuptojë personit përballë që ju keni bërë kërkimet tuaja dhe e keni marrë seriozisht këtë intervistë.

2. “Sa do paguhem?”

S’ka asnjë problem të dish vlerën e punës tënde, por mos u nxito. Kjo pyetje është diçka që duhet shmangur në intervistën e parë, ose të paktën prisni derisa t’ju informojnë vetë.

3. “Më fal, jam vonë”

Gafë e tmerrshme! Si mund të shkosh vonë në një intervistë pune? Çfarë do të mendojë për ty intervistuesi nëse pa nisur ende punë ti je me vonesë? Kompanive ju duhen njerëz korrektë dhe të përpiktë, prandaj trego që je i/e tillë.

4. “Ish-shefi im ishte…”

Askush s’do të dëgjojë për ish-shefin tënd, prandaj shmangi krahasimet. Mund të filsni pak për kompaninë ku punonit, por kaq. Tregohuni diplomat.

5. “S’e kam bërë kurrë më parë këtë punë.”

Pasiguritë dhe frikërat mbaji për vete. Gjatë intervistës përpiqu të tregosh se je gati ta bësh punën që do të jepet dhe se ke vullnet për të mësuar gjëra të reja.

6. “Jo, s’kam asnjë pyetje!”

Ndërveprimi është një plus për ju. Do të lini shije të mirë, prandaj dëgjoni me vëmendje dhe pyesni.

The post 6 fjali të tmerrshme që duhet t’i shmangni nëpër intervista pune appeared first on Albeu.com.