Ai është shprehur i lumtur dhe krenar për ekipin, të cilët luftuan deri në fund.

“Është e papërshkrueshme çfarë ndjenje ishte. E dija menjëherë se do t’i mundnim. Në moshën 18-vjeç, duke luajtur në Kupën time të parë të Botës, nuk e di sa njerëz e kanë përjetuar këtë. Jam krenar për ekipin, luftuam deri në fund. Ky është karakteri ynë, nuk u dorëzuam kurrë. Faleminderit të gjithëve që ishin në stadium, atmosfera ishte e pabesueshme, nuk e di nëse ekziston diçka e tillë në Evropë. Tani le të shkojmë të gjithë të festojmë”, shprehet ai për mediat.

The post Shënoi penalltinë e tretë, flet talenti i Bosnjës: E dija që do të fitonim kundër Italisë, ndjenjë e papërshkrueshme appeared first on Albeu.com.

Goli i vetëm i takimit u realizua në minutën e 26-të nga sulmuesi danez Gustav Isaksen, i cili i dha avantazhin skuadrës së tij që në pjesën e parë.

Pavarësisht dominimit të Milanit në pjesën më të madhe të ndeshjes dhe përpjekjeve të vazhdueshme për të gjetur golin e barazimit, kuqezinjtë nuk arritën të konkretizonin rastet e krijuara.

Falë kësaj fitoreje, Lazio ngjitet në kuotën e 40 pikëve dhe renditet në vendin e nëntë në tabelën e kampionatit.

Ndërkohë, Milani mbetet me 60 pikë në vendin e dytë të renditjes, duke mos shfrytëzuar ndalesën e Interit.

The post VIDEO/ Lazio i shkakton humbje të hidhur Milanit të Allegrit në Seria A appeared first on Albeu.com.

Trajneri portugez ka qenë dukshëm i ekzaltuar pas ndeshjes, por nuk ka fshehur as emocionet për një ndeshje që kishte shumë të tilla.

Në gjithë vitet tuaja në futboll, a kishit parë ndonjëherë një gjë të tillë?

Kam shpesh kthim në kujtesë të të gjitha gjërave që kam përjetuar. Por kjo që ndodhi është me të vërtetë hera e parë…

Cilat ishin ndjesitë tuaja?

Fola me Hausen në tunel, ka qenë lojtari im te Roma. I thashë që kishin qenë më fat, pasi mund të mposhteshin shumë më thellë se 4-2.

A ishte i përgatitur goli Trubin?

E dinim që mund të shënonte, edhe ndaj Portos i kishte shkuar afër… Djaloshi i ka cilësitë për ta bërë këtë, pastaj është krosimi që bën diferencën. Ajo goditje dënimi ishte një fat i madh, ashtu siç shkuam atje me portierin… Nuk e dija që na nevojitej një gol më shumë, m’u tha në minutën e fundit. Edhe nëse nuk do të ishim kualifikuar, do të mbetej krenaria.

The post Zhoze Murinjo flet pas fitores me Realin: Në karrierë kam parë shumë gjëra, por kjo që ndodhi është me të vërtetë… appeared first on Albeu.com.

Mes shumë rezultateve pozitive që kuqezinjtë arritën në fazën kualifikuese, historike padyshim ishte fitorja në Leskovc, ku kuqezinjtë arritën të fitonin kundër Serbisë.

Veç fitores dhe 3 pikëve që ndikuan shumë në ecurinë e skuadrës sonë, edhe loja e zhvilluar në atë ndeshje ishte padyshim një nga më të mirat që kuqezinjtë kanë bërë.

Por, heronjtë që luajtën në tokën shqiptare të Leskovcit, nuk janë të gjithë në momentin më të mirë me skuadrat e tyre.

Shumë lojtarë janë duke kaluar një moment të vështirë me skuadrat e tyre, duke mos u aktivizuar apo edhe duke qenë në një formë që nuk është më e mira e mundshme, por sigurisht që ka edhe nga ata që po shkëlqejnë, shënojnë apo edhe që janë kthyer në protagonistë.

THOMAS STRAKOSHA-Portieri i Kombëtares është në një moment shumë të mirë në kampionatin grek. Gardiani kuqezi aktivizohet me AEK-un dhe këtë sezon është aktivizuar në 27 ndeshje, nga të cilat 15 janë në kampionat e 12 të tjera në Kupat e Europës. Në total, Strakosha ka luajtur plot 2460 minuta duke qenë një nga më të rëndësishmit.

MARIO MITAJ- Mbrojtësi i majtë është padyshim një nga lojtarët më kualitativë që ka Kombëtarja kuqezi, por me Al Itihad është në një situatë të çuditshme. Mitaj e nisi kampionatin me mungesa për shkak të numri të të huajve, ndërkohë që kohët e fundit, është diskutuar edhe mundësia e largimit nga skuadra. Kështu, Mitaj këtë sezon është aktivizuar në 58% të ndeshjeve dhe nuk ka luajtur minuta të plota. Mitaj është aktivizuar në 7 ndeshje në kampionat, 4 në Kupë dhe në 6 të tjera në Championsin Aziatik, me një total prej 1401 minutash.

ARLIND AJETI– Qendërmbrojtësi po kalon një moment të mirë me skuadrën e tij në Turqi, duke u aktivizuar në të gjitha ndeshjet e kampionatit. Mbrojtësi i Bodrumsporit ka luajtur 19 ndeshje, duke shënuar edhe 1 gol si edhe ka dhënë 1 asist tjetër, teksa ka arritur të marrë 1701 minuta në kampionat, një nga më të aktivizuarit në skuadër.

BERAT GJIMSHITI-Kapiteni kuqezi është padyshim lider te Atalanta dhe një nga protagonistët absolutë me bergamaskët. Gjimshiti ka luajtur thuajse në të gjitha ndeshjet, duke përjashtuar rastet kur ka qenë i dëmtuar apo ka pasur nevojë për pushim për shkak të lodhjeve. Kështu, Gjimshiti ka luajtur 17 ndeshje në Serinë A, 6 në Champions dhe 1 në Champions, me totalin prej 1947 minutave, ose 79% të ndeshjeve.

ELSEID HYSAJ- Aventura e Hysajt te Lacio, duket se është duke iu afruar fundit, për shkak se nuk po merr më minuta dhe është një lojtar që shpesh është nxjerrë jashtë planeve të stafit. Kështu, Hysaj është aktivizuar në vetëm 4 ndeshje të Serisë A, me një total prej 162 minutash, ose më saktë prej vetëm 40 minutash për ndeshje. sa i përket ndeshjeve, ai është aktivizuar në 5% të ndeshjeve, duke qenë një nga lojtarët me më pak minuta që ka luajtur titullar në Serbi.

JULJAN SHEHU- Një nga risitë e kualifikuesve të Botërorit, ishte Shehu i aktivizuar titullar ndaj Andorrës, e më pas duke blinduar vendin e tij në mesfushë. Mesfushori që aktivizohet me Vidzev në Poloni, është protagonist edhe me skuadrën e tij. Kështu, Shehu është aktivizuar në 17 ndeshje të kampionatit dhe 3 të Kupës, duke marrë një total prej 1665 minutash, ose e thënë ndryshe duke marrë 89% të minutave.

KRISTJAN ASLLANI-Nëse me Shqipërinë është protagonist dhe një nga lojtarët më të spikatur, në Serinë A është në një situatë tjetër. Mesfushori nga Elbasani nuk po kalon momentin më të mirë dhe është aktivizuar në vetëm 15 ndeshje të Serisë A e 1 në Kupë. Në total, Asllani ka marrë 1155 minuta, e përkthyer në 68% të minutave.

QAZIM LAÇI- I transferuar në Turqi te Rizespor, mesfushori i Kombëtares duket se ka gjetur veten dhe është ambientuar shumë mirë në Superligë. Laçi është aktivizuar në 16 ndeshje të kampionatit, ku ka shënuar 2 gola dhe ka dhënë 3 asiste, ndërkohë që ka luajtur edhe në 3 ndeshje të Kupës. Sa i përket totalit të minutave, Laçi ka luajtur thuajse të gjitha, pasi ka 94% të minutave, duke luajtur një total prej 1465 minutash.

ARMANDO BROJA- Sulmuesi kuqezi është duke marrë hapësirën e tij me Bërnlein megjithëse nuk e nisi mirë kampionatin. Në ndeshjet e fundit, Broja ka luajtur titullar ku edhe ka arritur të shënojë golin e parë. Kështu, Broja ka luajtur 15 ndeshje në Premier Ligë, por në total 630 minuta ndërkohë që ka edhe 2 ndeshje në Kupë. Në total, Broja numëron këtë sezon 771 minuta, duke marrë vetëm 29% të minutave.

MYRTO UZUNI- Sulmuesi nga Berati luan në kampionatin amerikan me Austin dhe aktualisht është pushim për shkak se kampionati ka mbaruar. Situata e tij nuk është më e mira për momentin duke qenë se kampionati rinis në muajin mars dhe atëherë do të ketë edhe ndeshjet e Shqipërisë. Sezonin e shkuar, ka luajtur 34 ndeshje duke marrë një total prej 2633 ndeshjesh.

REI MANAJ- Sulmuesi që shkroi histori në Leskovc me një gol fantastik të realizuar, është protagonist edhe me skuadrën e Al Sharjah në kampionatin e Emirateve Arabe. Në total, Manaj ka luajtur 19 ndeshje, mes kampionatit, Kupës dhe Ligës së Kampioneve, duke pasur edhe një total prej 1373 minutash, ose e thënë ndryshe ka luajtur në 80% të ndeshjeve që ka pasur në dispozicion.

The post Vëzhgimi për aktivizimet e titullarëve të Kombëtares në fitoren në Serbi/ Heronjtë e Leskovcit, sfida me klubet e tyre appeared first on Albeu.com.

Me rreth 90% të votave të numëruara, subjekti politik i udhëhequr nga Albin Kurti ka marrë 50.8% të votave, duke i hapur rrugën një mandati të tretë qeverisës, raporton BBC.

Dy partitë kryesore opozitare, Partia Demokratike e Kosovës (PDK) dhe Lidhja Demokratike e Kosovës (LDK), janë renditur pas, me përkatësisht 20.98% dhe 13.89% të votave.

Vetëvendosje kishte fituar edhe zgjedhjet e mbajtura në shkurt, por pa arritur shumicën e nevojshme për të formuar qeverinë, ç`ka e la Kosovën pa institucione funksionale për disa muaj.

Ngërçi politik ngriti pikëpyetjen kryesore të këtyre zgjedhjeve të dyta brenda vitit, nëse votuesit do ta ndëshkonin Kurtin për bllokadën institucionale apo partitë opozitare që refuzuan bashkëqeverisjen me të. Rezultati duket se ka dhënë një përgjigje të qartë.

Edhe pse Vetëvendosje pritet të mos i ketë e vetme votat e mjaftueshme për të qeverisur pa partnerë, Kurti pritet të sigurojë mbështetje nga partitë e pakicave etnike, të cilat kanë të garantuara 20 nga 120 ulëset në Kuvend.

Kjo është fitorja e katërt radhazi e Vetëvendosjes në zgjedhjet parlamentare dhe shihet si një konfirmim politik pas dështimit për formimin e qeverisë pas zgjedhjeve të 9 shkurtit.

Kurti e cilësoi rezultatin si “fitoren më të madhe në historinë e vendit” dhe shprehu pritshmërinë që opozita këtë herë të bashkëpunojë.

Një sinjal i tillë erdhi edhe nga LDK-ja. Deputeti Arben Gashi deklaroi se, “kur votuesit flasin, rezultati nuk mund të injorohet”, duke bërë thirrje për reflektim dhe veprim të përgjegjshëm.

Në lojë janë interesa të mëdha. Për shkak të mungesës së një qeverie funksionale, Kosova ka humbur qindra milionë euro fonde nga Bashkimi Evropian.

Kurti ka përmendur gjithashtu marrëveshje të mundshme me Bankën Botërore, që do ta çonin shumën e investimeve mbi një miliard euro.

Një tjetër sfidë mbetet riparimi i marrëdhënieve me aleatët kryesorë ndërkombëtarë, BE-në dhe SHBA-në.

Politikat e Kurtit ndaj institucioneve që shërbejnë komunitetin serb në Kosovë kanë shkaktuar tensione, veçanërisht në veri të vendit.

Edhe pse BE-ja ka rënë dakord të heqë masat ndëshkuese të vendosura në vitin 2023, ajo pritet të kërkojë një qasje më pragmatike në dialogun e normalizimit me Serbinë, thuhet në shkrimin e BBC.

The post BBC: Partia qeverisëse e Kosovës fiton zgjedhjet pas muajsh bllokimi politik, Albin Kurtit i hapet rruga e mandatit të tretë appeared first on Albeu.com.

Braziliani u shfaq i qartë dhe realist në analizën e ndeshjes, duke theksuar se sfida ka qenë shumë më e vështirë sesa mund të dukej në letër.

Sylvinho u pyet nëse ndryshimet në formacion mund të ishin bërë më herët, por përgjigjja e tij ishte e prerë:

Trajneri i Kombëtares, Sylvinho, doli para mediave pas triumfit minimal 1-0 ndaj Andorrës, një fitore që i garanton Shqipërisë vendin në fazën “play-off” të Botërorit 2026.

Braziliani u shfaq i qartë dhe realist në analizën e ndeshjes, duke theksuar se sfida ka qenë shumë më e vështirë sesa mund të dukej në letër.

Sylvinho u pyet nëse ndryshimet në formacion mund të ishin bërë më herët, por përgjigjja e tij ishte e prerë:

Më tej, Sylvinho falenderoi futbollistët dhe tifozët për punën dhe mbështetjen e vazhdueshme:

“Duhet të festojnë të gjithë shqiptarët, në Shqipëri dhe jashtë. Jam shumë i lumtur për tifozët. Do t’i bëj edhe një telefonatë Hamdi Salihit, është një person që e kam shumë për zemër. Më gëzon fakti që kur eci rrugës, njerëzit më ndalojnë e më falënderojnë për punën”.

Sa u përket kundërshtarëve të mundshëm në “play-off”, Çekia, Sllovakia, Hungaria ose Skocia, trajneri tha se ekipi duhet të përgatitet pa humbur kohë:

“Tani po përcaktohet gjithçka dhe menjëherë do të mendojmë për ‘play-off’-in. Është një ndeshje teke: fiton, shkon përpara. Duhet të jemi gati fizikisht e mendërisht. Na duhen të gjithë lojtarët, edhe ata që sot ishin në tribunë”.

Sylvinho komentoi edhe aktivizimin e Tucit në minutat e fundit:

“Tucin e futa sepse na duhej të qetësonim lojën dhe të zotëronim topin. Ai është më shumë trekuartist, por mund të luajë edhe si sulmues i parë”.

The post Silvinjo: Fitore për 9 milionë shqiptarë, Broja i mërzitur? Problem i tij, kjo është lojë grupi appeared first on Albeu.com.

Një arritje e jashtëzakonshme që padyshim është shoqëruar me festën në fushë të futbollistëve kuqezi. Por jo të gjithë kanë qenë duke festuar. Ndërsa lojtarët përgëzonin njëri-tjetrin dhe gjithashtu edhe poshtë tribunës së ultrasve që kishin udhëtuar për të parë ndeshjen, Armando Broja nuk mori pjesë në festë.

Lojtari ishte dukshëm i zhgënjyer për paraqitjen e tij në këtë ndeshje dhe u shfaq i përlotur ndërsa të tjerët festonin. Ishte Elseid Hysaj ai që vrapoi nga ana tjetër e fushës dhe mori me zot sulmuesin për t’iu bashkuar lojtarëve të tjerë, meqë në ato momente do të kryhej edhe foto e rastit historike.

Edhe zëvendëspresidenti i FSHF, Lutfi Nuri, ngushëlloi lojtarin i cili pa dëshirë iu bashkua pjesës tjetër të ekipit për foton, duke shkuar më pas i dëshpëruar drejt dhomave të zhveshjes.

VIDEO

The post VIDEO/ E pazakontë në festën kuqezi pas fitores! Broja i përlotur në stol nuk do të marrë pjesë, Hysaj e merr me zor të shkojë te tifozët appeared first on Albeu.com.

Ai ka siguruar 66.54% të votave, përkatësisht 7 mijë e 425 vota, duke lënë pas kandidatin e pavarur të mbështetur nga Partia Demokratike, Eduart Brahilika, me 28.54% (3 mijë e 184 vota), dhe kandidaten e pavarur Suzana Pasha, e cila garoi kundër partisë së saj, PS, me 4.92% (549 vota).

Pas shpalljes së rezultatit, Bojni u shpreh i emocionuar dhe falënderues ndaj qytetarëve të Matit për besimin e dhënë.

Ai theksoi se do të vijojë me të njëjtin ritëm, për të garantuar një të ardhme më të mirë për bashkinë.

“Një emocion i veçantë por sot dua të falënderoj të gjithë banorët e bashkisë Mat për besimin dhe mbështetjen e tyre që na kanë dhënë. Ne me gjithë këtë mbështetje që na kanë dhënë gjithë banorët e bashkisë Mat, është një përgjegjësi e madhe që duhet ta përkthejmë në shumë punë për gjithë komunitetin tonë, që punët e mira të mos ndalen dhe e ardhmja të jetë më e mirë dhe me këtë ritëm do të vazhdojmë përpara që bashkia jonë të jetë sa më mirë”, u shpreh Bojni.

Në këto zgjedhje të pjesshme lokale, që u mbajtën të dielën e 9 nëntorit në pesë bashki, Partia Socialiste fitoi bindshëm në të gjitha prej tyre

The post Altin Bojni flet pas fitores ne Mat: Është përgjegjësi e madhe, falenderoj qytetarët për besimin dhe mbështetjen appeared first on Albeu.com.

Për “Panorama Sport”, ka folur sulmuesi i kuqezinjve, Mirlind Daku, i cili u shpreh se Shqipëria sheh veç nga ndeshja e radhës, duke e cilësuar njëkohësisht fitoren në Serbi si më të rëndësishmen në karrierë.

Pesë fitore, dy barazime në shtatë ndeshjet e fundit. Si e sheh ecurinë e Kombëtares në këtë periudhë?

“Mendoj se vetë rezultatet tregojnë qartë punën që po bëjmë. Kemi kaluar një periudhë të mirë, me përkushtim dhe sakrifica, dhe kjo po reflektohet në fushë. Shpresoj që të vazhdojmë në të njëjtin ritëm edhe në dy ndeshjet e fundit, që ta mbyllim këtë cikël sa më bukur dhe t’i bëjmë të gjithë shqiptarët krenarë”.

Si e përjetove personalisht fitoren kundër Serbisë?

“Për mua është fitorja më e madhe në karrierën time. Duke marrë parasysh gjithçka, rrethanat, historinë e gjithçka tjetër, e konsideroj si fitoren më të bukur dhe të veçantë”.

Kosova ecën në një rrugë të ngjashme me Shqipërinë. Mendon se është gati për në play-off?

“Po, mendoj se Kosova e meriton plotësisht të jetë në garë për play-off. Uroj me gjithë zemër që ta realizojë këtë ëndërr, sepse do të ishte një arritje historike. Do të ishte fantastike që si Shqipëria ashtu edhe Kosova të ishin në një Kampionat Botëror”.

The post Mirlind Daku: Fitorja ndaj Serbisë, më e madhja në karrierë, fantastike që Shqipëria dhe Kosova të jenë në Botëror appeared first on Albeu.com.

Ylli kuqezi ishte më i rëndësishmi, dhe vendimtar, në fitoren që Esteglal arriti në kampionat ndaj rivalit Mes Rafsanxhan në javën e shtatë.

Asani e vendosi shpejt fatin e ndeshjes, duke shënuar një gol të shkëlqyer personal që në 12’. Ishte stili i tij të zakonshëm, veçse zgjodhi shtyllën e parë, jo të dytë, besohet për të gabuar portierin.

Mediat iraniane patën lavdërime të mëdha për shqiptarin. Njëra prej tyre shkruante se Esteglal u duk sikur kishte dy Jasir Asanë kundër Mes Rafsanxhanit.

Sepse 30-vjeçari, sipas mediave në Teheran, ishte i shkëlqyer në sulm dhe në mbrojtje. Asani për gazetat e kryeqytetit kreu shumë mirë detyrat mbropjtëse në mesfushë, madje u tërhoq edhe më prapa në prapavijë.

Futbollisti I Shqipërisë ka 3 gola e një asist në 6 ndeshje në Ligën Profesioniste të Iranit, ku nuk është gjithmonë titullar, veçse ka luajtur 82 për qind të minutave.

The post Jasir Asani fiton zemrat në Iran/ Lojtari i Shqipërisë i jep fitoren në ligë ekipit të tij, Esteglal appeared first on Albeu.com.