fitorja e ukraines Archives - Albeu.com

Të vendosur për të fituar, Zelensky: Ta ndalim luftën para se të shkatërrojë jetën e njerëzve edhe në Europë

E S — Fri, 24 Jun 2022 19:45:22 +0000

“Ukrainasit do të donin të jetonin jetën si dikur dhe të gëzonin lirinë. Por ata nuk mund ta bëjnë këtë sepse gjëja më e tmerrshme ka ndodhur: Rusia na ka vjedhur paqen”, ka thënë ai.

Gjithashtu Zelensky nuk i ka ndalur thirrjet për ndërkombëtarët për mbështetje ushtarake dhe ekonomike.

“Ne duam ta ndalojmë luftën ruse para se të shkatërrojë jetën e njerëzve në vende të tjera të Evropës, Afrikës, Azisë, Amerikës Latine. Tani ata janë të gjithë të kërcënuar”, tha ndër të tjera presidenti ukrainas./albeu.com

The post Të vendosur për të fituar, Zelensky: Ta ndalim luftën para se të shkatërrojë jetën e njerëzve edhe në Europë appeared first on Albeu.com.

Fitorja e Ukrainës në Eurovizion, zyrtari i NATO-s: Ja për kë ishte mesazhi

admin — Sun, 15 May 2022 10:12:43 +0000

Orkestra Kalush e Ukrainës fitoi Konkursin e Këngës në Eurovizion në një shfaqje simbolike të mbështetjes publike pas pushtimit të vendit nga Rusia.

Grupi rap-folk, të cilit iu dha leja speciale për t’u larguar nga vendi i tyre i shkatërruar nga lufta, u ngjit në vendin e parë me 631 pikë, kryesisht në bazë të votës së publikut në të gjithë kontinentin.

Midis atyre që urojnë vendin është Zëvendëssekretari i Përgjithshëm i NATO-s, Mircea Geoana, i cili thotë se kënga ishte e bukur dhe suksesi i saj tregoi mbështetje të pamasë publike për trimërinë e Ukrainës. “Pra, mesazhi që duam t’i dërgojmë zotit Putin është se ata kanë filluar luftën më brutale dhe cinike që nga Lufta e Dytë Botërore”, shton Geoana.

Ai thotë se lideri rus ishte ndoshta “i befasuar sinqerisht nga trimëria e popullit ukrainas dhe nga uniteti i Perëndimit politik”. “Kështu që unë po them se ne jemi të bashkuar. Ne jemi të fortë, do të vazhdojmë të ndihmojmë Ukrainën për të fituar këtë luftë”, përfundon Geoana.

The post Fitorja e Ukrainës në Eurovizion, zyrtari i NATO-s: Ja për kë ishte mesazhi appeared first on Albeu.com.

Zelensky: Fitorja jonë është e pashmangshme

E B — Tue, 26 Apr 2022 05:36:44 +0000

Presidenti ukrainas Volodymyr Zelensky thotë se fitorja e Ukrainës është e pashmangshme, por është e pamundur të parashikohet se kur do të përfundojë lufta.

“Shumë qytete dhe komunitete janë ende nën kontrollin e përkohshëm të ushtrisë ruse. Por nuk kam asnjë dyshim se është vetëm çështje kohe para se të çlirojmë tokën tonë”, tha ai.

Më herët në fjalën e tij ai vuri në dukje faktin se pushtimi i nisur më 24 shkurt sapo ka kaluar kufirin e tre muajve.

Zelensky vazhdon duke thënë se nuk ka “asnjë përgjigje të thjeshtë” në pyetjen se kur Ukraina do t’i mundë rusët, duke shtuar se fitorja dhe paqja do të vijnë më shpejt nëse çdo ukrainas lufton.

“Kur të fitojmë një fitore, të gjithë do ta ndjejnë atë, kur të vijë paqja, të gjithë do ta shohin. Por që kjo të ndodhë, dhe të ndodhë më shpejt, nuk duhet të mendojmë se kur dhe çfarë do të jetë. Ne duhet të mendojmë çdo ditë se si ta bëjmë edhe më të padurueshëm qëndrimin e pushtuesve në tokën tonë. Që Rusia të kërkojë paqen, çdo ukrainas duhet ende të luftojë. Ata duhet të mbrojnë lirinë. Sepse çdo ditë lufte tani shton vite të jetës paqësore pas kësaj lufte”, tha Zelensky./albeu.com

The post Zelensky: Fitorja jonë është e pashmangshme appeared first on Albeu.com.