fitorja Argjentinës Archives - Albeu.com https://albeu.com/lajme/fitorja-argjentines/ Portali Albeu.com, Lajmet e fundit, shqiperi, kosove, maqedoni Thu, 16 Jul 2026 08:02:37 +0000 en-US hourly 1 https://wordpress.org/?v=6.9.4 200116473 VIDEO/ Buenos Aires në festë/ Qindra mijëra tifozë pushtojnë rrugët pas finales së Argjentinës: Kush nuk kërcen është anglez https://albeu.com/sport/video-buenos-aires-ne-feste-qindra-mijera-tifoze-pushtojne-rruget-pas-finales-se-argjentines-kush-nuk-kercen-eshte-anglez/928896/ Thu, 16 Jul 2026 07:52:36 +0000 https://albeu.com/?p=928896 Mbrëmjen e djeshme, Buenos Aires u kthye në një festë gjigante pas kualifikimit të Argjentinës në finalen e Kupës së Botës 2026. Mijëra tifozë dolën në rrugët e kryeqytetit për të festuar fitoren 2-1 ndaj Anglisë në gjysmëfinale dhe arritjen në finalen e dytë radhazi të Botërorit, si edhe të tretën në 12 vitet e [...]

Read More...

The post VIDEO/ Buenos Aires në festë/ Qindra mijëra tifozë pushtojnë rrugët pas finales së Argjentinës: Kush nuk kërcen është anglez appeared first on Albeu.com.

]]> Mbrëmjen e djeshme, Buenos Aires u kthye në një festë gjigante pas kualifikimit të Argjentinës në finalen e Kupës së Botës 2026. Mijëra tifozë dolën në rrugët e kryeqytetit për të festuar fitoren 2-1 ndaj Anglisë në gjysmëfinale dhe arritjen në finalen e dytë radhazi të Botërorit, si edhe të tretën në 12 vitet e fundit.

Në vendin ku futbolli konsiderohet një fe dhe Lionel Messi është idhulli i padiskutueshëm, festimet morën përmasa të jashtëzakonshme.

Qendra e tyre ishte Bulevardi “9 de Julio”, ndërsa Obelisku i famshëm i Buenos Aires, u mbush me mijëra flamuj bardheblu dhe tifozë që këndonin pa pushim.

 

 

Atmosfera u elektrizua nga këngët tradicionale të tifozëve argjentinas, si “Muchachos”, “Olé, olé, olé, Messi, Messi” dhe “Kush nuk kërcen është anglez”, ndërsa himni i ri i këtij Botërori, “La cuarta estrella” (“Ylli i katërt”), u këndua në kor nga turma. Boritë e makinave dhe fishekzjarrët shoqëruan festimet deri në orët e vona të natës.

 

 

Për të garantuar sigurinë, autoritetet kishin vendosur masa të rrepta rreth Obeliskut që përpara nisjes së ndeshjes. Rreth 800 efektivë policie u angazhuan për mbarëvajtjen e festimeve, ndërsa qendra e Buenos Aires u mbyll pothuajse plotësisht për qarkullimin e automjeteve.

 

Megjithatë, festa nuk u kufizua vetëm në kryeqytet. Qytete në të gjithë Argjentinën organizuan festime spontane, me mijëra tifozë që dolën në rrugë për të përshëndetur suksesin e kombëtares së drejtuar nga Lionel Scaloni.

 

 

Tashmë vëmendja është përqendruar te finalja e madhe e së dielës, ku Argjentina do të përballet me Spanjën. “Albiceleste” synon të fitojë titullin e katërt botëror në histori dhe të dytin radhazi, duke vazhduar epokën e artë të udhëhequr nga Lionel Messi.

 

The post VIDEO/ Buenos Aires në festë/ Qindra mijëra tifozë pushtojnë rrugët pas finales së Argjentinës: Kush nuk kërcen është anglez appeared first on Albeu.com.

]]> 928896