Partia do të ketë kryetarë komunash në 30 nga gjithsej 80 komuna, dhe pret që në rundin e dytë të fitojë edhe në rreth 20 të tjera, përfshirë edhe qytetin e Shkupit, ku kandidati i saj, Orce Gjorgjievski, është në epërsi të madhe.

“Premtuam fitore, kemi fitore”, deklaroi kryeministri dhe lideri i VMRO-DPMNE-së, Hristijan Mickoski.

Ai tha se është i kënaqur, pasi numri i përgjithshëm i votave të fituara është më i madh se në zgjedhjet parlamentare dhe ato lokale të mëparshme.

Mickoski gjithashtu konfirmoi se nuk ka ndërmend të shkojë në zgjedhje të parakohshme parlamentare, pavarësisht insistimit të opozitës nga BDI, dhe theksoi se “politikat e etnocentrizmit janë mposhtur”.

Opozitarja LSDM pësoi edhe një humbje pas zgjedhjeve të vitit të kaluar – atyre parlamentare dhe presidenciale.

Megjithatë, partia vlerësoi se rezultati nuk është i keq, pasi këtë herë ka fituar më shumë vota në disa komuna dhe theksoi se ka pasur “shkelje të shumta” gjatë procesit të votimit.

LSDM do të ketë kryetarë komunash në Kriva Pallankë, Bogdanc dhe Krivogashtan, ndërsa pret të kalojë në rundin e dytë në rreth njëzet komuna të tjera.

“Kjo është dëshmi për konsolidimin brenda partisë që ka filluar dhe do ta vazhdojmë”, deklaroi lideri i LSDM-së, Venko Filipçe, i cili tha se nuk ka ndërmend të japë dorëheqje pas këtyre rezultateve zgjedhore.

VLEN fitoi në Çair dhe Tetovë, ndërsa BDI në Gostivar

Në bllokun politik shqiptar, kandidati i VLEN, Izet Mexhiti, fitoi bindshëm në komunën kyç – Çair, ndërsa Bilal Kasami në Tetovë. Në rundin e parë, koalicioni fitoi edhe në katër komuna të tjera.

Për Mexhitin, ky do të jetë mandati i tij i katërt si kryetar komune, dhe ai do të duhet të lërë postin aktual të ministrit pasi mundi ish-ministrin e BDI-së, Bujar Osmanin, i cili ia uroi fitoren.

Anëtarë dhe simpatizantë të VLEN-it e festuan, siç thanë ata, “fitoren bindëse në Çair dhe Tetovë” pranë monumentit të Skënderbeut në Çarshinë e Vjetër.

Koalicioni Aleanca Kombëtare për Integrim (AKI), e udhëhequr nga BDI, fitoi zgjedhjet për kryetarë komunash në Gostivar, Likovë, Çashkë dhe Plasnicë që në rundin e parë – njoftoi nënkryetari i BDI-së, Arbër Ademi.

Ai tha se, në nivel kombëtar, “AKI është fituese absolute me mbi 20.000 vota epërsi, dhe me votat që ende po përpunohen, kjo diferencë mund të jetë edhe më e madhe”.

Dita e zgjedhjeve kaloi e qetë dhe pa shkelje të mëdha. Pritshmëritë e qytetarëve janë të ngjashme – një jetë më e mirë në komuna më funksionale.

Komisioni Shtetëror i Zgjedhjeve njoftoi se deri në orën 18:30 pjesëmarrja e votuesve ishte 46,48 për qind, çka është afër nivelit të rundit të parë të zgjedhjeve të mëparshme, kur kishte arritur 51,44 për qind.

Sipas listës zgjedhore, të drejtë vote kishin 1.832.415 qytetarë.

Për 81 poste të kryetarëve të komunave garuan 309 kandidatë, ndërsa për vendet në këshillat komunalë konkurruan mbi 10.490 kandidatë nga gjithsej 576 lista.

Një veçori e këtyre zgjedhjeve është se meshkujt dominojnë në garën për kryetar komune – 277 kandidatë ose 89,64%, ndërsa gratë janë vetëm 32, që përfaqëson 10,36% të numrit të përgjithshëm.

Buxheti i përgjithshëm që shteti ndau për organizimin e këtyre zgjedhjeve lokale është 9 milionë e 760 mijë euro, nga të cilat dy të tretat janë mjete të destinuara për mediat dhe reklamat politike të paguara.

Rundi i dytë i zgjedhjeve është caktuar për 2 nëntor./REL

The post Zgjedhjet lokale në Maqedoninë e Veriut/ VMRO-DPMNE shpall fitoren appeared first on Albeu.com.

Macron e cilëson Ramën një “mik të dashur” dhe thekson mbështetjen e palëkundur të Francës për rrugëtimin europian të Shqipërisë.

Postimi:

“Urime Edi Rama, mik i dashur, për fitoren tuaj në zgjedhjet legjislative.

Franca do të qëndrojë gjithmonë në krah të Shqipërisë në rrugën e saj evropiane.

Do të takohemi përsëri të premten për Samitin e Komunitetit Politik Evropian dhe për një vizitë që duhet të na mundësojë të forcojmë më tej partneritetin tonë!”, shkruan ai.

The post Macron uron Ramën për fitoren: Franca do të qëndrojë gjithmonë në krah të Shqipërisë në rrugën e saj evropiane appeared first on Albeu.com.

Shtëpia e Bardhë tha nëpërmjet një deklaratë se pas fitores së zotit Trump, presidenti Biden gjithashtu u angazhua “për të siguruar një tranzicion të qetë dhe theksoi rëndësinë për të bashkuar vendin”.

Po sipas deklaratës, presidenti Biden ka folur gjithashtu me kandidaten demokrate Kamala Harris. Zoti Biden do t’i drejtohet kombit të enjten në orën 11:00, njoftoi Shtëpia e Bardhë.

Kamala Harris tha të mërkurën se “duhet të pranojmë rezultatin e zgjedhjeve”, pasi inkurajoi mbështetësit që të vazhdojnë të luftojnë për vizionin për vendin pas humbjes ndaj ish-Presidentit Donald Trump.

Nënpresidentja demokrate tha se beteja do të vazhdojë “në kutitë e votimit, në gjykata dhe në sferën publike”.

Para fjalimit të saj, Kamala Harris, telefonoi Presidentin e zgjedhur Donald Trump të mërkurën për të pranuar humbjen në garën presidenciale dhe për ta uruar atë për fitoren, sipas një këshilltari të lartë të nënpresidentes.

Këshilltari, i cili nuk pranoi të identifikohej në mënyrë që të diskutonte për një bisedë private, tha se zonja Harris foli për nevojën për një transferim paqësor të pushtetit.

Zonja Harris u bë kandidatja demokrate, pasi zoti Biden pati një paraqitje të dobët në debatin presidencial të 27 qershorit përballë ish-Presidentit Trump.

Ai u tërhoq nga gara më 21 korrik dhe mbështeti nënpresidenten e tij, e cila bashkoi me shpejtësi Partinë Demokratike rreth kandidaturës së saj.

The post Biden uron Trump për fitoren, e fton për takim në Shtëpinë e Bardhë appeared first on Albeu.com.

Në një mesazh të posaçëm të postuar në platformën X, Presidenti Begaj u shpreh se pret të forcojë me tej bashkëpunimin, duke theksuar se Shqipëria vlerëson miqësinë e gjatë dhe partneritetin strategjik me Shtetet e Bashkuara të Amerikës.

“Urime për fitoren në zgjedhje, @realDonaldTrump! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë”, – shprehet Presidenti i Republikës Bajram Begaj në mesazhin e urimit.

The post Presidenti Bajram Begaj uron Trump për fitoren: Pres që ta forcojmë më tej bashkëpunimin e ngushtë appeared first on Albeu.com.

Kreu i shtetit, i cili ka ndjekur LIVE rezultatin e zgjedhjeve nga zyra e Kryeministrisë, shprehet se ishte nder të punonte së bashku me Presidentin e 46-të të Shteteve të Bashkuara, Joe Biden për të forcuar lidhjen midis dy vendeve tona.

Rama theksoi se mezi po pret privilegjin për të punuar me Presidentin e 47-të, për të përmirësuar më tej partneritetin për paqe, prosperitet dhe përparim të mëtejshëm.

Reagimi:

“Urime Donald Trump për në këtë fitore të jashtëzakonshme???????? Ishte një nder i vërtetë të punoja së bashku me Presidentin e 46-të të Shteteve të Bashkuara për të forcuar lidhjen midis dy vendeve tona.

Mezi pres privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm????????”, shkruan Rama.

The post Rama uron Trump: Mezi pres të punoj me Presidentin e 47-të për të përmirësuar partneritetin mes dy vendeve appeared first on Albeu.com.

Para mbështetësve të tij Donald Trump deklaroi se: “Është një lëvizje si asgjë më parë, të jem i sinqertë kjo është lëvizja më e jashtëzakonshme politike, që do të ndihmojë vendin tonë të shërohet. Do të rregullojmë kufijtë, do të rregullojmë gjithçka për vendin tonë”.

Ish-Presidenti Trump, ka mundur zëvendëspresidenten Kamala Harris në një fitore mahnitëse, duke i dhënë atij një mandat të dytë në Shtëpinë e Bardhë, pas një cikli historik elektoral të mbushur me ngjarje të paprecedenta dhe dy tentativa për vrasjen e tij, sipas Fox News.

Trump kryeson me afro 70 për qind të votave elektorale, nga 277 të vlefshme për t’u shpallur President i SHBA, kundrejt Kamala Harris, e cila është afruar ndjeshëm orët e fundit, sipas rezultateve paraprake, por pa mundur të bëjë asgjë për ndryshimin e rezultatit.

Trump do të jetë presidenti i parë që do të shërbejë dy mandate jo të njëpasnjëshme, që nga koha e Grover Cleveland në 1892 – dhe vetëm i dyti në histori.

Trump u zgjodh për herë të parë president në vitin 2016, duke mposhtur ish-sekretaren e Shtetit Hillary Clinton dhe duke u zotuar për ta “Bërë Amerikën përsëri të Madhe”.

Ai humbi rizgjedhjen ndaj rivalit presidentit Biden në vitin 2020 gjatë pandemisë globale të koronavirusit, por rikërkoi Shtëpinë e Bardhë në 2024 pas një fushate gati 2-vjeçare, duke u zotuar për ta “Bërë Amerikën përsëri të Madhe”.

Trump njoftoi zyrtarisht fushatën e tij presidenciale më 15 nëntor 2022, vetëm disa ditë pas zgjedhjeve afatmesme.

Trump bëri fushatë për një mandat të dytë dhe u fokusua në dështimet e administratës Biden-Harris.

Ish-presidenti ishte në gjendje të tregonte përmbysjen e disa prej politikave të tij kryesore, që lidheshin me arsyet pse inflacioni ishte rritur dhe pse kriza kufitare e SHBA-së ishte përkeqësuar.

VIDEO – LIVE/ JA SI PO PERJETOHET NUMERIMI I VOTAVE NGA TE DY KAMPET

The post Republikani shpall fitoren ndaj Harris, Donald Trump: Do ndihmojmë vendin të shërohet (VIDEO) appeared first on Albeu.com.

Ajo është shprehur se Partia për Veprim Demokratik, ka marrë 4.075 vota.

Sipas saj, PDSH-ja i ka 3703, Aleanca 1185, APN 2850.

Pas njoftimit për fitoren, ajo ka postuar fotografi aktuale nga festa.

Kryeministri i Kosovës, Albin Kurti, ishte përfshirë në zgjedhjet lokale në Preshevë, duke mbështetur kështu subjektin politik të Shaip Kamberit e Ardita Sinanit.

“Faleminderit, me MENDJE dhe ZEMER “,

The post Ardita Sinani shpall fitoren në Komunën e Preshevës appeared first on Albeu.com.

Ai drejtoi fushatën për të fituar në Stamboll, ku u rrit në karrierë dhe u bë kryetar bashkie.

Por Ekrem Imamoglu, i cili fitoi për herë të parë qytetin në vitin 2019, shënoi një fitore të dytë për opozitën laike CHP.

Erdogan ishte zotuar për një epokë të re në megaqytetin e Turqisë me pothuajse 16 milionë banorë, por kryetari aktual i Stambollit ishte në rrugën e duhur për të fituar më shumë se 50% të votave, mbi 10 pikë përpara kandidatit të presidentit të Partisë AK.

Kjo ishte gjithashtu, hera e parë që kur Erdogan erdhi në pushtet 21 vjet më parë që partia e tij u mund në të gjithë vendin në kutinë e votimit.

Në kryeqytetin Ankara, kryebashkiaku i opozitës Mansur Yavas, ishte aq shumë përpara rivalit të tij me 59% sa që shpalli fitoren kur kishte më pak se gjysma e votave.

Mbështetësit bllokuan të gjitha rrugët kryesore në qytet, duke valëvitur flamujt dhe duke u rënë borive të makinave.

Në mënyrë domethënëse, CHP ishte gjithashtu në rrugën për të fituar në shumë nga qytetet e tjera të mëdha të Turqisë, duke përfshirë Izmirin, Bursën, Adanan dhe vendpushimin e Antalias.

Presidenti Erdogan, 70-vjeç, pranoi se zgjedhjet nuk kishin shkuar siç kishte shpresuar, por ai u tha mbështetësve në Ankara se do të shënonte “jo një fund për ne, por një pikë kthese”.

Ai është mbështetur gjithmonë në “vullnetin e popullit” për autoritetin e tij dhe u tha mbështetësve se do të respektonte elektoratin.

Gjatë fushatës zgjedhore, Erdogan tha se kjo do të ishte fushata e tij e fundit, sepse mandati i tij presidencial përfundon në vitin 2028.

Por kritikët besonin se fitorja do ta kishte inkurajuar atë të rishikonte Kushtetutën, në mënyrë që të mund të qëndronte përsëri. Pas një disfate kaq dramatike, tashmë duket shumë e pamundur.

Në të kundërt, rezultati ishte një sukses i madh për kryetarin e CHP-së, Ozgur Ozel, i cili vlerësoi votuesit që vendosën të ndryshojnë fytyrën e Turqisë në një votim historik: “Ata duan të hapin derën për një klimë të re politike në vendin tonë”.

Turmat në Stamboll u mblodhën jashtë bashkisë në Sarachane, një nga lagjet më të vjetra të Stambollit. Ata valëvitën flamuj turq dhe pankarta që tregonin fotografinë e Ekrem Imamoglu, së bashku me babain themelues të Turqisë Kemal Ataturk, posteri i të cilit ishtevendosur në muret e ndërtesës së autoritetit lokal.

“Mund të them se besimi i qytetarëve tanë tek ne është shpërblyer”, tha zoti Imamoglu.

Ai dhe Mansur Yavas shihen si kandidatë të mundshëm për të kandiduar për presidencën në 2028. “Gjithçka do të jetë mirë”, thërrisnin mbështetësit e Imamoglu teksa kërcenin në Sarachane, një nga lagjet më të vjetra të Stambollit.

Kryetari aktual i Stambollit, e kishte përdorur për herë të parë sloganin kur fitoi qytetin nga partia e Erdoganit pesë vjet më parë. Disa nga pankartat në Saraçan përdorën sloganin e tij aktual, “Full speed ahead”.

“Ato janë vetëm zgjedhje lokale, por fitorja e opozitës në qytetet e mëdha është një shfaqje e rëndësishme e forcës kundër partisë në pushtet”, tha për BBC mbështetësi i Imamoglu, Yesim Albayrak. Mehmet Bankaci, 27-vjeç, i tha BBC-së se kishte nevojë për ndryshim në Turqi.

“Nëse Imamoglu ose Mansur Yavas do të kishin qenë kandidatët e CHP-së në zgjedhjet presidenciale të vitit të kaluar, ata patjetër do të kishin fituar”.

Stambolli ka një të pestën e popullsisë së Turqisë prej afro 85 milionë banorësh.

Pesë vjet më parë, Imamoglu përmbysi sundimin e AK Partisë në Stamboll me mbështetjen e partive të tjera opozitare.

Por ky unitet i opozitës, u shpërbë pas humbjes së zgjedhjeve presidenciale të vitit të kaluar dhe AK Partia kishte shpresa të mëdha për të përmbysur fitoren e tij të vitit 2019.

Përpara zgjedhjeve të së dielës, votimi ishte parë si shumë i afërt për t’u thirrur, me një sfidë të fortë nga kandidati i Partisë AK, Murat Kurum.

Pjesë të mëdha të perëndimit, jugut dhe veriut të Turqisë janë tani nën kontrollin e opozitës CHP, partia pro-kurde Dem, e cila ka fituar kontrollin e pjesës më të madhe të juglindjes.

Partia AK e Erdogan vazhdon të dominojë Turqinë qendrore dhe kishte më shumë sukses në zonat e juglindjes së shkatërruar nga tërmeti i dyfishtë i shkurtit 2023, duke përfshirë qytetet Kahramanmaras dhe Gaziantep.

The post Opozita turke shpall fitoren në Stamboll, Ankara dhe disa qytete të mëdha appeared first on Albeu.com.