fitojne Archives - Albeu.com

Gjimnastet kuqezi fitojnë medalje të bronztë në botërorin e Portugalisë

V K — Sat, 26 Jul 2025 12:46:28 +0000

Gjimnastika shqiptare, është përfaqësuar denjësisht në kampionatin botëror të “World Gym for Life Challenge” të mbajtur në Portugali, duke fituar medaljen e bronzit.

Sipas Federatës Shqiptare të Gjimnastikës, vajzat kuqezi dhuruan një performancë fantastike, teksa morën edhe përgëzimet e jurisë.

Në garë u vendosën 33 shtete nga e gjithë bota, teksa në total në Lisbonë ishin rreth 3800 sportiste.

Shqipëria u përfaqësua me gjimnastet: Merili Islami, Mishela Bitanji, Maria Zefi, Sara Moleci, Nil Elbasani, Nadia Daci, Enesa Sulaj, Chloe Qenanaj, Ilenia Sevdari, Silja Muhameti, Megi Papadhami, Iris Kadiu, Leandra Çela dhe Melisa Agolli.

Pa dyshim që meritë për këtë sukses, të gjimnasteve nga mosha 7-12 vjeç, kanë trajnerët e ekipit kombëtar, sekretarja e përgjithshme e Federatës Eliriana Karaj, por edhe presidenti Leonard Lulaj.

Vajzat të cilat morën pjesë në këtë kampionat ishin të ekipeve të Beratit, Shkodrës, Lushnjes dhe Tiranës.

The post Gjimnastet kuqezi fitojnë medalje të bronztë në botërorin e Portugalisë appeared first on Albeu.com.

Zgjedhjet në SHBA/ Republikanët fitojnë Senatin, sigurojnë 51 vendet që u duhen

V K — Wed, 06 Nov 2024 06:19:54 +0000

Republikanët fitojnë edhe Senatin. Sipas projeksioneve të FOX, por edhe të mediave të tjera prestigjioze amerikane, ata kanë siguruar 51 vendet që u duhen, teksa mund të marrin edhe më tepër pasi procesi vijon.

Partia Republikane do të mbajë të paktën 51 vende, të mjaftueshme për një shumicë të plotë.

Vendi i pikës së kthesës është Nebraska, ku FOX projekton që senatori aktual republikan Deb Fischer, do të mundë sfiduesin e pavarur Dan Osborn.

Nuk është ende e qartë se kush do të shërbejë si udhëheqësi i ardhshëm i shumicës në Senat.

Udhëheqësi republikan Mitch McConnell, i cili është udhëheqësi më jetëgjatë i Senatit në histori, njoftoi në fillim të këtij viti se ai do të largohej.

The post Zgjedhjet në SHBA/ Republikanët fitojnë Senatin, sigurojnë 51 vendet që u duhen appeared first on Albeu.com.

10 futbollistët që fitojnë më shumë para në vit, disa do t’ju befasojnë

admin — Tue, 20 Sep 2022 20:14:36 +0000

Ata janë të rinj, të suksesshëm në profesionin e tyre dhe gjithashtu miliarderë.

Ata janë 10 futbollistët që fitojnë më shumë para në vit, duke marrë parasysh edhe pagën e tyre, edhe marrëveshjet që nënshkruajnë për reklamim dhe sponsorizim, sipas një studimi të “Sportico”, shkruan albeu.com.

Disa si Cristiano Ronaldo apo Leo Messi janë në krye të kësaj liste prej disa vitesh.

Kylian Mbappe, 125 milionë (105 nga PSG dhe 20 nga të tjerët)

Cristiano Ronaldo, 113 milionë (53 nga Manchester United dhe 60 nga të tjerët)

Leo Messi, 110 milionë (62 nga PSG dhe 48 nga të tjerët)

Neymar Jr 91 milionë (56 nga PSG dhe 35 nga të tjerët)

Mohamed Salah, 39.5 milionë (24.5 nga Liverpool dhe 15 nga të tjerët)

Eden Hazard, 31.3 milionë (28.6 nga Real Madrid dhe 2.5 nga të tjerët)

Andres Iniesta, 30 milionë euro (23 nga Visel Kobe dhe 7 nga të tjerët)

Raheem Sterling, 29.4 milionë (21.4 nga Chelsea dhe 8 nga të tjerët)

Kevin de Bruyne, 29 milionë (25.5 nga City dhe 3.5 nga të tjerët)

Antoine Griezmann, 27.5 milionë (22 nga Atlético de Madrid dhe 5.5 nga të tjerët). G.D. /albeu.com/

The post 10 futbollistët që fitojnë më shumë para në vit, disa do t’ju befasojnë appeared first on Albeu.com.