Sipas pasqyrave zyrtare financiare, dy kompanitë më të mëdha në këtë treg, IuteCredit Albania dhe Kredo Finance raportuan një fitim neto pas taksave në vlerën e 963 milionë lekëve ose 8.2 milionë Eurove. Krahasuar me një vit më parë, fitimi neto i këtyre dy institucioneve u rrit me 37%.

Veçmas, IuteCredit Albania e mbylli vitin me një fitim neto në vlerën e 496 milionë lekëve, në rritje me 13.7% krahasuar me një vit më parë.

Ndërsa Kredo Finance raportoi fitim neto në vlerën e 467 milionë Lekëve, në rritje me 75.8% krahasuar me vitin 2020.

Të dyja kompanitë shënuan vlerat më të larta të fitimit të arritur ndonjëherë.

Norma e fitimit nga xhiroja (e matur para tatimit) arriti në 19.2% për IuteCredit Albania dhe 37.4% për Kredo Finance.

Xhiroja e përbashkët e dy kompanive nga aktiviteti kreditues (pa përfshirë të ardhura të tjera, të paspecifikuara) arriti në 4.6 miliardë Lekë, 18% më shumë krahasuar me vitin 2020. Duke qenë se këto të ardhura vijnë pothuajse totalisht nga interesat dhe komisonet e paguara nga klientët, mund të vlerësohet se kostoja e kredive të shpejta për huamarrësit e këtij sektori vitin e kaluar arriti në pothuajse 40 milionë Euro.

IuteCredit Albania raportoi një xhiro në vlerën e 3.1 miliardë lekëve, 24% më shumë krahasuar me një vit më parë. Ndërsa Kredo Finance kishte një xhiro nga aktiviteti kredidhënës në vlerën e 1.52 miliardë lekëve, 11% më shumë krahasuar me një vit më parë.

Të dyja kompanitë së bashku kishin n fund të vitit një portofol kredie në vlerën e 5.2 miliardë lekëve. Megjithatë, kjo shumë nuk jep një ide të plotë të volumit kreditues të kompanive gjatë vitit, sepse në pjesën dërrmuese portofoli është afatshkurtër dhe maturohet brenda pak muajve.

Rritja e fitimeve në këtë segment të tregut pasqyron zhvillimet pozitive në ekonomi gjatë vitit të kaluar, kur ekonomia u rimëkëmb me ritme të shpejta nga efektet e pandemisë. Ky efekt u ndje edhe në tregun financiar, me ritme në rritje të kredidhënies.

Mikrofinanca e kredive të shpejta ka marrë një zhvillim të shpejtë pas vitit 2016, duke sjellë në Shqipëri modele biznesi të zbatuara më parë në vendet Balltike dhe në vende të tjera të Europës Lindore. Këto kredi përgjithësisht jepen në shuma të vogla dhe me afate të shkurtra maturimi. Avantazhi i tyre konsiston në vendimmarrjen e shpejtë dhe me procedura burokratike minimale, por, që nga ana tjetër, ato bartin rreziqe më të mëdha dhe norma efektive interesi shumë të larta se kreditë që ofron sektori bankar. Këto produkte janë kryesisht të orientuara tek segmenti i konsumatorëve me informalitet dhe me rrezik më të lartë, që ka vështirësi për të gjetur akses në financim nga sektori bankar.

Por, që nga fillimi i vitit 2021 ky sektor po përballet me normat tavan të interesit të vendosura nga Banka e Shqipërisë për kreditë konsumatore. Ky rregullim i ka ulur disi normat efektive të interesit që ofrojnë këto institucione dhe pritet të ndikojë edhe ecurinë e përfitueshmërisë së tyre gjatë këtij viti. Përveç interesit tavan, ky segment i huadhënies me risk të lart është edhe më i ekspozuar ndaj efekteve të inflacionit të lartë.

Sipas përfaqësuesve të këtyre kompanive, tashmë vërehet një përkeqësim i lehtë në cilësinë e portofolit të kredisë. Mbështetur në statistikat e Bankës së Shqipërisë, në fund të vitit 2021 raporti i kredive me probleme për të gjithë sektorin e mikrofinancës ishte 13.6%./Monitor/

Burimi QKB

The post Mikrofinanca e kredive të shpejta, fitime rekord vitin e kaluar appeared first on Albeu.com.

Bëhet fjalë për një fitim prej 48 miliardë dollarësh.

Kjo është një rritje prej 90 për qind krahasuar me të njëjtën periudhë të vitit të kaluar dhe përfaqëson fitimin neto më të lartë të eksportuesit më të madh të naftës në botë që nga viti 2019.

Në të njëjtën kohë, fitimi neto i kompanisë në gjysmën e parë të vitit u rrit në 87.9 miliardë dollarë.

Pushtimi rus në Ukrainë shkaktoi një rritje të madhe të çmimeve të naftës dhe gazit, kujton BBC.

Rusia është një nga eksportuesit më të mëdhenj, por vendet perëndimore po përpiqen të reduktojnë varësinë e tyre nga burimet ruse të energjisë.

Përveç fitimit rekord, Aramco njoftoi gjithashtu se do të mbajë të pandryshuar dividentët në 18.8 miliardë lekë për tremujorin e tretë.

Kompania njofton gjithashtu se do të vazhdojë të rrisë prodhimin për të përmbushur kërkesën.

“Ndërsa paqëndrueshmëria e tregut global dhe pasiguria ekonomike mbeten, ngjarjet në gjysmën e parë të vitit mbështesin pikëpamjen tonë se investimi i vazhdueshëm në industrinë tonë është thelbësor për të siguruar që tregjet të mbeten të furnizuara mirë dhe për të lehtësuar një tranzicion të rregullt të energjisë”, tha Presidenti Aramco-s Amin Nasser.

The post Fitime rekord nga gjigandi saudit i naftës appeared first on Albeu.com.