Dinamo e ka mbyllur aventurën evropiane pas humbjes 4-2 ndaj Pafos, në ndeshjen e kthimit të play-off-it të Conference League, të luajtur në transfertë. Sfida erdhi pas barazimit 1-1 në “Elbasan Arena”.

Ekipi i drejtuar nga Ilir Daja largohet me keqardhje nga ky kompeticion, pasi ishte shumë pranë kualifikimit në fazën e grupeve. Përveç objektivit sportiv, në lojë ishin edhe përfitime të rëndësishme financiare.

Pas këtij rrugëtimi, Dinamo arkëton 1.45 milionë euro. Nëse do të triumfonin në mbrëmjen e sotme, dinamovitët do t’i shtonin kësaj shume edhe 1.72 milionë euro.

Pavarësisht eliminimit, Dinamo e mbyll me një paraqitje mjaft pozitive eksperiencën e saj në arenën ndërkombëtare.

The post Dinamo eliminohet nga Pafos pas përmbysjes, klubi i Superiores humbet 1.72 milionë euro appeared first on Albeu.com.

Një kalim i mundshëm i Dinamos në raundin tjetër të Conference League do t’i sillte klubit 1.72 milionë euro shtesë, duke e çuar shumën totale të përfituar nga 1.45 milionë euro në 3.17 milionë euro.

Pas barazimit 1-1 në “Elbasan Arena”, ekipi i Ilir Dajës do të luajë ndeshjen e kthimit të play-off-it kundër Pafos të enjten, në orën 19:00. Kjo përballje në Qipro ka rëndësi të madhe edhe për arkën e “Nëndetëses”, e cila deri tani ka grumbulluar 1.45 milionë euro.

The post Shpërblimi i UEFA-s i jep motiv shtesë Dinamos së Ilir Dajës për sfidën vendimtare me Pafos appeared first on Albeu.com.

Sipas Variety, “Inside Out 2” tani ka fituar 1.25 miliardë dollarë në mbarë botën, duke tejkaluar rekordin botëror të arkëtarëve të “Incredibles 2”, i cili kishte arritur në 1.24 miliardë dollarë.

Kjo gjithashtu e bën atë filmin e katërt të animuar me fitimin më të madh të të gjitha kohërave pas “Frozen” me 1.29 miliardë dollarë, “The Super Mario Bros. Filmi” me 1.36 miliardë dollarë dhe “Frozen II” me 1,45 miliardë dollarë.

The post “Inside Out 2” thyen rekordin e fitimeve në historinë e “Pixar” appeared first on Albeu.com.

Shitjet neto për të punësuar për vitin 2022, kanë qenë 6.13 milionë lekë nga 5.11 milionë lekë në vitin 2021, duke u rritur me 20%.

INSTAT referoi se, ky tregues është më i lartë tek prodhuesit e të mirave, në krahasim me prodhuesit e shërbimeve.

Në vitin 2022, shitjet e bizneseve u ndihmuan nga rritja e çmimeve, teksa shpenzimet për paga ndaj punonjësve u rritën me ritme më të ulëta.

Sipas INSTAT, rritja reale e pagave (e indeksuar për inflacionin), ne 2022 ishte vetëm 1.5%.

Të dhëna më të detajuara tregojnë se në nga 12 qarqe të vendit, në 9 prej tyre pagat janë rritur më pak se inflacioni, duke ndikuar që paga reale në pjesën dërmuese të vendit ka shënuar rënie në krahasim me vitin 2021.

Bizneset arritën fitime rekord

Në vitin 2022, inflacioni mesatar arriti në 6.7%, si rrjedhojë e ndërprerjeve në zinxhirin e prodhimit që shkaktoi pandemia dhe më pas efektet e sulmeve të Rusisë ndaj Ukrainës në çmimet e mallrave.

Teksa rritja e kostove të biznesit u transferua te konsumatori final, sipërmarrjet kanë rezultuar me fitime rekord. Të dhënat e tjera nga Ministria e Financave bënë të ditur se të ardhurat nga tatim fitimi arritën rekordin prej 47.7 miliardë lekë, duke u rritur me 34% me bazë vjetore.

Edhe renditja e përvitshme e kompanive me fitime më të mëdha, që publikohet nga Monitor tregoi për rritje të ndjeshme të fitimeve.

Tendenca ndryshoi në 2023

Por në vitin 2023, të dhënat tregojnë për një frenim të produktivitetit të punës, për shkak se pagat si në sektorin privat dhe në atë publik panë një rritje të shpejtë. Sidomos në sektorin privat rritja e pagave u nxit nga emigracioni, i cili shkaktoi mungesë të fuqisë punëtore, duke detyruar bizneset të sakrifikonin fitimet.

Rritja e pagës mesatare në sektorin privat vazhdoi të qëndrojë në vlera dyshifrore edhe gjatë tremujorit të tretë të vitit 2023. Ajo shënoi nivelin 14.5%, nga 15.0% në tremujorin e mëparshëm.

Në terma realë, rritja e pagës në sektorin privat qëndron në nivelin 10.4%, në të njëjtën vlerë sikurse edhe në tremujorin e dytë të vitit 2023.

Kjo rriti kostot e punës për njësi me 9.9% gjatë tremujorin e tretë të vitit 2023, në përshpejtim kundrejt normës 7.1% të regjistruar një tremujor më parë. Ecuria ka pakësuar produktivitetin i punës analizoi Banka e Shqipërisë ditët e fundit.

Luhatjet e produktivitetit

Përgjatë dekadës së fundit produktiviteti i punës pati luhatje dhe shpesh pësoi ulje edhe pse ekonomia ishte në rritje.

Aksionet për formalizimin e ekonomisë rriten numrin e të punësuarve të ligjshëm, të cilët edhe pse në rritje nuk kishin se si të ndikonin në prodhim.

Në Shqipëri punësimi u rrit më shumë se rritja ekonomike, për pasojë të punësuarit ndanë më pak fitime nga puna.

Zhvillimet demografike, me plakjen e popullsisë dhe reduktimin e forcës së punës po ushtrojnë presion mbi modelin ekonomik të Shqipërisë.

Ekspertët dhe institucionet ndërkombëtare financiare bëjnë thirrje se Shqipëria duhet të rrisë aftësitë mësimore për të orientuar ekonominë drejtë inovacionit dhe sektorëve me produktiv.

Analizat e institucioneve të specializuara si FMN dhe Banka e Shqipërisë, tregojnë se rritja e pagave pa rritur produktivitetin në ekonomik kthehet në rrezik, duke ndikuar në rritjen e çmimeve dhe jo të mirëqenies.

Praktikat e vendeve të tjera kanë treguar se produktiviteti i punës rritet duke orientuar ekonominë në teknologji, inovacion dhe në prodhime e shërbime që kanë vlerë të lartë në treg.

Por për të arritur këtë stad vendit i duhet një forcë pune e mirarsimuar dhe me aftësi.

The post Bizneset arritën fitime në 2022, punonjësit prodhuan më shumë, por u paguan më pak appeared first on Albeu.com.

Studiuesit thonë se gjetjet tregojnë nevojën për rregullimin e qeverisë për mediat sociale, pasi kompanitë që kërkojnë të fitojnë para nga fëmijët duke përdorur platformat e tyre nuk kanë arritur të vetë rregullohen.

Ata vënë në dukje se rregulloret, si dhe transparenca më e madhe nga kompanitë e teknologjisë, mund të ndihmojnë në zbutjen e dëmtimit të shëndetit mendor të të rinjve.

Për të arritur me fitimet, studiuesit përdorën numrin e vlerësuar të përdoruesve nën 18 vjeç në Facebook, Instagram, Snapchat, TikTok, X dhe YouTube në 2022.

Vetë platformat nuk e bëjnë publike se sa para fitojnë nga të miturit.

Sipas një studimi të Harvardit, YouTube gjeneroi më shumë të ardhura nga reklamat e ofruara për fëmijët nën 12 vjeç (959.1 milion dollarë), e ndjekur nga Instagram (801.1 milion dollarë) dhe Facebook (137.2 milion dollarë).

Ndërkohë, Instagram gjeneroi më shumë të ardhura nga reklamat nga përdoruesit e moshës 13-17 vjeç (4 miliardë dollarë), i ndjekur nga TikTok (2 miliardë dollarë) dhe YouTube (1.2 miliard dollarë).

Studiuesit vlerësojnë gjithashtu se Snapchat do të gjenerojë pjesën më të madhe të të ardhurave totale të reklamave në vitin 2022 nga përdoruesit nën moshën 18 vjeç (41 për qind), i ndjekur nga TikTok (35 41 për qind), YouTube (27 41 për qind) dhe Instagram (16 41 për qind). /Telegrafi/

The post Sa fitojnë rrjetet sociale nga të fëmijët? appeared first on Albeu.com.

Hetimi ndaj Elvana Gjatës nis pasi emri i saj doli në një nga përgjimet e zbardhura në SKY EÇ, ku në një moment Ervin  Mata gjatë një bisede me Erzen Breçanin (i arrestuar) i thotë se do t’i niste 500 mijë euro përmes llogarëisë së të fejuarës së tij.

Në databazën e “OpenCorporates” rezulton se Elvana Gjata ka të regjistruar në QKR kompaninë me emër EMM ku si administrator rezulton Jonisa Bytyçi.

Kjo kompani në objektin e veprimtarisë ka “Administrimi dhe menaxhimi i artisteve, te fonogramit si dhe me gjere, mbajtja e te drejtave pasurore te autorit kundrejt nje shperblimi. Lidhjen e kontratave nepermjet autorit ose titullarit per kalimin e nje ose me shume te drejtave kundrejt nje shperblimi. Mbajtjen e drejtes se riprodhimit te veprave artistike, te drejten e shperndarjes se veprave artistike, te drejten e komunikimit ne publik te veprave artistike, si dhe cdo te drejte tjeter te veprave artistike”.

Sipas deklaratave në tatime kompania EMM ka shënuar një bum të vërtetë fitimesh në dy vitet e fundit, 2021 dhe 2022.

Konkretisht në 2021 kjo kompani e Elvana Gjatës 32.4 milionë lekë të reja ndërsa fitim para tatimit 15.5 milionë lekë të reja.

Akoma më i begatë ka qenë viti 2022 për këngëtaren që ka raportuar në Tatime 87.9 milionë lekë të reja ndërsa fitim para tatimit 68 milionë lekë të reja.

Sipas tabelave që i bashkëngjiten këtyre deklarimeve rezulton se Elvana Gjata në vitin 2022 ka pasur të ardhura neto nga shitjet 86.5 milionë lekë si dhe të ardhura nga veprimtaritë e shfrytëzimit 1.3 milionë lekë.

Sa i takon shpenzimeve në të njëjtin vit ajo ka deklaruar shpenzime personeli 1.5 milionë lekë, paga 1.3 milionë lekë si dhe shpenzime të tjera 14 milionë lekë.

The post Edhe Elvana Gjata në “rrjetën” e SPAK, nis hetimi pasuror ndaj këngëtares! Bum fitimesh në kompaninë e saj dy vitet e fundit appeared first on Albeu.com.

Filmi “Gran Turismo” e ka nisur shumë mirë dhe në javën e tij të parë ka fituar 17,3 milionë dollarë, ndërkohë që “Barbie” kishte grumbulluar 17,1.

Duket se ky film, ku interpretojnë Orlando Bloom, David Harbour dhe Archie Madekwe, do të jetë i pari sa i përket fitimeve totale në kinematë e gjithë botës.

“Gran Turismo”, që është i bazuar në historinë e vërtetë të Jann Mardenborough, një adoleshent i fiksuar pas videolojës me të njëjtin emër i cili u bë pilot i vërtetë, është prodhuar me një buxhet për 60 milionë dollarësh./Albeu.com

The post Filmi i ri që po ia kalon “Barbie-t” appeared first on Albeu.com.

Lajmi për përballjen me këtyr dy boksierëve mori dhenë shumë shpejt dhe u prit me eufori nga tifozët.

Një çështje që po diskutohet së fundi është edhe fitimet që do të kenë të dy boksierët.

Pati shumë përqindje të përfolura, mirëpo e vërteta është se AJ do të marrë 40 për qind të fitimeve, ndërsa 35-vjeçari 60 për qind.

Këtë e bëri të ditur vetë Fury përmes një videoje në Twitter./albeu.com

60-40. pic.twitter.com/55eFxoJ5WH

— TYSON FURY (@Tyson_Fury) September 6, 2022

The post Në dhjetor dueli i madh në boks, Fury: Unë marr 60 për qind të fitimeve, Joshua 40 appeared first on Albeu.com.

https://www.galaxyvideomedia.com/welcome?s=EcD0WK&lang=al

Shpjeguar shkurtimisht, filozofia e gjithë kësaj “mundësie pasurimi” është kjo: ju klikoni në adresën në fjalë, regjistroheni dhe më pas arrini të fitoni dollarë vetëm duke parë videot që ju jepen; video këto të platformës YouTube, Instagram, TikTok e të tjera.

Oferta e punësimit bëhet në emër të Galaxy Media Group, që në përshkrimin e grupit të saj në WhatsApp, me më shumë se 9 mijë shqiptarë, shkruan:

“Platforma më e besueshme e trafikut të internetit në 2022, duke punuar me miliona ndikues dhe qindra kompani multimediale”.

Të parit video dhe po kështu të fituarit para ofrohet në sajë të niveleve. Në nivelin e parë (një yll) ju mund të anëtarësoheni me një username, të shtoni të ardhura në bilacin tuaj, por fitimi është i pakët dhe thuajse i pamundur për t’u tërhqeur cash e për të rënë në duart tuaja.

Në nivelin e dytë (dy yje) fitimi është shumë më i madh, por kriteret janë të mirëpërcaktuara dhe të domosdoshme.

Siç mund ta shihni, një kriter i domosdoshëm anëtarësimi është dërgimi i CV-së, kartës së identitetit ose pasaportës.

Përpos entuziazmit që kjo platformë ka shkaktuar te përdorues të ndryshëm rrjetesh sociale, nuk ka munguar as hija e dyshimit. Një pjesë e sheh me skepticizëm këtë lehtësi fitimi, teksa ajo që i shqetëson më së shumti janë të dhënat personale,  dhënia e kartës së identitetit. Sa serioze është e gjitha kjo dhe a kanë të drejtë ata që mendojnë se e gjitha është një grackë vjeljeje informacioni?

Fillimisht, Zoom.al kreu një kërkim të shpejtë në internet për kompaninë Galaxy Media Group. Qe e pamundur të gjendej ndonjë informacion rreth saj në website-n “galaxyvideomedia.com”, nga ku të mësonim më shumë rreth kësaj kompanie. Po kështu, logoja në fjalë nuk ndeshet gjëkundi.

Më tej testuam besueshmërinë e website-t, që siç mund ta shihni rezulton 1%.

Informacionet më të detajuara krijojnë hapësirë për më shumë dyshim. Domain-i rezulton të jetë krijuar më 03/03/2022 dhe skadon në të njëjtën datë të vitit të ardhshëm (vetëm 1-vjeçar). Domosdo, një periudhë kaq afatshkurtër në treg, përkundrejt shërbimeve të kushtueshme që ofron ngjall pasiguri.

WhatsApp dhe Telegram janë dy rrjetet të vëna në dispozicion për përdoruesit, të cilët për çdo paqartësi mund të komunikojnë me liderët. Po kështu edhe vetë anëtarët flasin mes tyre. Dy platforma virtuale këto, që njihen për ruajtjen dhe sigurinë hermetike të bisedave.

Përpos Shqipërisë, Zoom.al zbulon se Galaxy Media Group operon edhe në shtatë vende të tjera:

The post Po fitojnë a po mashtrohen? Shqiptarët derdhen në platformën online, agjencia u kërkon ID appeared first on Albeu.com.

Nga dymbëdhjetë banka tregtare aktive, njëmbëdhjetë e mbyllën vitin financiar me fitim. Rritja e fitimeve të sektorit bankar reflekton një ecuri përgjithësisht pozitive të aktivitetit, të karakterizuar nga një zgjerim i aktiveve dhe sidomos i portofolit të kredisë dhe një përmirësim i mëtejshëm i cilësisë së aktiveve.

Portofoli neto i kredisë (gjithnjë me standardet IFRS) arriti në pothuajse 648 miliardë lekë, me një rritje vjetore prej 12%. Ndërsa raporti i kredive me probleme (i vlerësuar sipas standardeve të Bankës së Shqipërisë) në fund të vitit të kaluar ra në 5.65%, niveli më i ulët në trembëdhjetë vitet e fundit.

Në vlerë absolute, banka me vlerën më të madhe të fitimeve mbetet Banka Kombëtare Tregtare (BKT), për një vlerë totale prej gati 7.9 miliardë lekësh, në rritje me 27% krahasuar me një vit më parë. Vijon Raiffeisen Bank me një fitim neto në vlerën e 3.4 miliardë lekëve, 132% më shumë krahasuar me një vit më parë.

Bankat e tjera që kanë siguruar një fitim sipas kufirit të një miliardë lekëve janë OTP Albania, me 1.9 miliardë lekëve (në rritje vjetore me 26%), e ndjekur nga Banka Amerikane e Investimeve me 1.45 miliardë lekë (me rritje vjetore 14%) dhe Credins Bank me 1.2 miliardë lekë (me rritje vjetore prej 8%). Bankat e tjera kanë raportuar rezultate më të ulëta, por për shumicën prej tyre në rritje krahasuar me vitin e kaluar.

Përmirësimi i performancës është reflektuar edhe në treguesit e rentabilitetit të sektorit bankar. Kthimi mesatar nga kapitali për 2021 arriti nivelin e 11.32%, nga 8.63% që kishte qenë një vit më parë, por lehtësisht më i ulët se niveli prej 12.03% i vitit 2019, para pandemisë.

Megjithëse në vlerë absolute fitimet janë më të lartat historike, në terma relativë kthimet janë në nivele mesatare. Kriza dhe kërkesat e reja rregullatore të Bankës së Shqipërisë, të lidhura me shtesat makroprudenciale, kanë bërë që kapitalizimi i bankave të rritet. Kjo e bën gjithnjë e më të vështirë sigurimin e kthimeve të mëdha nga kapitalit, por sidoqoftë disa banka të veçanta kanë kthime ndjeshëm më të mira se mesatarja e sistemit.

Për vitin e kaluar, banka me kthimin më të lartë nga kapitali ishte për të tretin vit radhazi OTP Albania, me 20.3%, e ndjekur nga Fibank Albania me 16.93%, BKT me 16.85%, Union Bank me 15.74%, Banka Amerikane e Investimeve (ABI Bank) me 14.7% dhe Raiffeisen Bank me 12.49%. Banka e tjera kanë raportuar kthime pozitive në nivele njëshifrore.

Në vitet e fundit, një grup bankash të përmasave të mesme po shfaqin një performancë dhe rentabilitet në rritje. Procesi i konsolidimit të sektorit bankar duket se ka ndikuar në rritjen e eficiencës dhe përfitueshmërisë së disa prej bankave, element që mund t’i bëjë këto banka më konkurruese në afatin e gjatë.

Përfitueshmërinë më të ulët për 2021 e raportoi Alpha Bank, me një kthim në nivelin 0.97%. Rezultatet modeste ishin arsyeja kryesore që shtyu grupin grek ta nxirrte në shitje bankën shqiptare. E vetmja bankë me humbje për vitin e kaluar rezulton Banka e Bashkuar e Shqipërisë (UBA), me një kthim negativ nga kapitali në nivelin 3.9%.

Megjithatë, raportimi i UBA është i vetmi që bazohet në standardet lokale të Bankës së Shqipërisë dhe nuk përjashtohet që rezultati final vjetor sipas IFRS të jetë i ndryshëm./Monitor

The post 2021, sektori bankar arriti një fitim rekord prej 19 miliardë lekësh appeared first on Albeu.com.