Mesazhi i kreut të KMSH shkoi për familjen, i cili tha se familja shqiptare nuk po jeton ditët më të mira. M

“Ne jetojmë në një epokë ku vlerat e familjes po lëkunden, ku njeriu matet me atë çfarë ka dhe jo atë çfarë është.

Zoti na thotë që: Më i miri prej jush është ai që është më i dobishëm për njerëzit.

Ndaj sot kemi nevojë për njerëz me karakter, që nuk tuten nga frika por qëndrojnë drejt ndaj së vërtetës,

Kjo ditë s’është vetë festë, por edhe mesazh. Ne jemi një komb, dhe një familje nuk e braktis njëri-tjetrin.

Sadakaja është një rikujtim ku pasuria nuk është në dorën e një njeriu por të gjithkujt.

Zoti na mëson se pasuria nuk është në atë çfarë mbledhim, por atë çfarë shpërndajmë”, u shpreh ndër të tjera Spahiu.

Kryetari i KMSH pas faljes së namazit ka uruar të gjithë besimtarët myslimanë për Fitër Bajramin. Spahia bëri thirrje për më shumë tolerancë mes njëri tjetrit, ndërsa tha se lutjet shkojnë për paqe e drejtësi në gjithë botën.

Besimtarët myslimanë kremtojnë festën e Fitër Bajramit, pas 30 ditësh agjërimi në muajin e shenjtë të Ramazanit. Për besimtarët kjo ditë shënon shpërndarjen e lëmoshës, solidarizimin me të varfrit në mënyrë që të gjithë të kenë mundësi ta gëzojnë së bashku këtë festë.

Fjalimi i Kryetarit të Komunitetit Mysliman për Fitër Bajram

Të dashur besimtarë, vëllezër dhe motra,

Sot, agimi i Fitër Bajramit na gjen me zemrat e mbushura me dritën e besimit dhe me shpresën se sakrifica jonë është pranuar nga Krijuesi ynë. Ramazani që lamë pas nuk ishte vetëm një muaj adhurimi, por një shkollë e përkushtimit, e durimit dhe e reflektimit mbi qenien tonë.

Ne kemi qëndruar larg epsheve për të fituar vetëpërmbajtje. Kemi qëndruar pranë Zotit për të gjetur qetësinë. Kemi hapur duart për të dhënë, që zemrat tona të mos ngurtësohen nga indiferenca. Dhe sot, me këtë festë të bekuar, vjen edhe pyetja e madhe: Çfarë do të bëjmë tani? A do të mbetet Ramazani një kujtim, apo një udhërrëfyes për vitin që kemi përpara?

Allahu i Madhëruar na thotë në Kuran:

“Dhe që të plotësoni numrin (e agjërimit) dhe që ta madhëroni Allahun për atë që ju ka udhëzuar, dhe që të falënderoni.” (El-Bekare: 185)

Sot, ky falënderim duhet të jetë më shumë se fjalë. Ai duhet të reflektohet në mënyrën si ndërtojmë jetën tonë, si ndërveprojmë me shoqërinë, si mbrojmë të vërtetën dhe si qëndrojmë përballë sfidave të kohës.

Ne jetojmë në një epokë ku vlerat e familjes po lëkunden, ku e vërteta shpesh humbet në zhurmën e propagandës dhe ku njeriu matet me atë që ka, e jo me atë që është. Përballë kësaj, Islami nuk na mëson të tërhiqemi, por të qëndrojmë me dinjitet. Profeti Muhamed (paqja dhe bekimet e Allahut qofshin mbi të) ka thënë:

“Më i miri prej jush është ai që është më i dobishëm për njerëzit.” (Ahmedi)

Kjo do të thotë se sot, më shumë se kurrë, kemi nevojë për njerëz me karakter, për besimtarë që jo vetëm luten, por edhe ndërtojnë, që jo vetëm kërkojnë, por edhe japin, që nuk ndrydhen nga frika, por qëndrojnë në këmbë me të vërtetën.

Në një kohë kur ndarjet mes njerëzve shtohen dhe urrejtja gjen strehë në zemrat e dobëta, Bajrami na kujton unitetin, mëshirën dhe drejtësinë. Kjo ditë nuk është vetëm një festë, por një mesazh: Ne jemi një komb. Ne jemi një familje. Dhe një familje nuk e braktis njëri-tjetrin.

Sadakaja, Zekati bamirësi të tjera, që e kemi dhënë para Bajramit, është më shumë se një ndihmë për të varfërit. Ato janë një dëshmi e vërtetë e barazisë, një rikujtim se pasuria nuk është pronësi absolute, por një amanet nga Zoti.

Në një botë ku pasuria është grumbulluar në duart e pak njerëzve, ndërsa shumë të tjerë vuajnë për bukën e gojës, Islami na mëson se fuqia e vërtetë nuk qëndron në atë që mbledhim, por në atë që shpërndajmë.

Nëse duam një shoqëri më të drejtë, duhet të fillojmë me drejtësinë në vetvete. Nëse duam një shoqëri më të mëshirshme, duhet të ushtrojmë mëshirën mbi njëri-tjetrin.

Profeti ynë i dashur ka thënë:

“Nuk është besimtar i vërtetë ai që fle i ngopur ndërkohë që fqinji i tij është i uritur.” (Ahmedi)

Vëllezër dhe motra,

Kjo ditë Bajrami është një urë midis asaj që kemi mësuar në Ramazan dhe asaj që do të bëjmë pas tij. A do të vazhdojmë të jemi të drejtë? A do të vazhdojmë të jemi të mëshirshëm? A do të vazhdojmë të qëndrojmë në rrugën e Zotit edhe kur ajo rrugë nuk është e lehtë?

Sot, teksa përqafojmë njëri-tjetrin dhe urojmë për festën, le të mos harrojmë se çdo përqafim është një betim për vëllazërinë, çdo lutje është një premtim për përkushtim dhe çdo buzëqeshje është një reflektim i dritës së besimit.

Edhe një herë, lusim Zotin e Madhëruar që ta ketë pranuar agjërimin dhe adhurimet tona, të na japë forcë për të përballuar sfidat e kësaj jete dhe të na bëjë pishtarë të së mirës në një botë që ka kaq shumë nevojë për dritë.

Gëzuar Fitër Bajramin!

Zoti ju bekoftë ju dhe familjet tuaja!

The post Fiter Bajrami/ Kreu i KMSH-së Bujar Spahiu mesazh për familjen: Jetojmë në një epokë ku vlerat e familjes po lëkunden, ku njeriu matet me atë çfarë ka dhe jo atë çfarë është appeared first on Albeu.com.

Ai shprehet se sot besimtarët myslimanë, po përcjellin muajin e madhërishëm të Ramazanit dhe po i japin lamtumirën e fundit muajit të bekuar që la pas falje e mëshirë për secilin.

“Nesër është festë, është Fitër Bajrami. Hani e pini të gëzuar se këtë e keni fituar në ditët e kaluara thotë Zoti i madhërishëm.

I lutemi Zotit të madhëruar, bamirësit që Ramazani i nderuar, i cili në këtë botë është fund e krye një mirësi e madhe që në ditën e ringjalljes të ndërmjetësojë te Zoti për ne duke thënë “O Zot unë i kam penguar këta gjatë ditës, nga të ngrënët, të pirët dhe kënaqësi e tjera të ndryshme.

Pranoje ndërmjetësimin tim në favor të tyre. Të nderuar motra e vëllezër, agjërimi ishte një shkollë një mujore për secilin prej nesh.

Gjatë këtij muaji njeriu mëson se modestia dhe jo mendjemadhësia është virtyt, mëson se falja është më me vlerë se falja është më me vlerë se hakmarrja, përkujdesi ndaj të varfërve dhe të pamundurve është cilësi më e lartë se indiferentizmi, mëson vetëdisiplinimin, kontrollin dhe vetëedukimin”, tha Spahiu.

“Sot nuk mund t’i përmend të gjitha ato të mira që i mësuam nga muaji Ramazanit, por një çështje me rëndësi që duhet të përqëndrohemi.

Drejtimin që e morëm në Ramazan, suksesin e sjelljeve dhe jetën e përparuar fetare që e arritëm duhet t’i vazhdojmë më tej.

Ruajeni atë që e fituat në Ramazan. Nesër ne festojmë me familjet, të afërmit dhe miqtë tanë, por nuk harrojmë të bëjmë pjesë të gëzimit të varfërit, të sëmurët, të moshuarit të cilët përveç lutjeve drejtuar Zotit japin edhe mbështetjen tonë direkte sipas mundësisë”, vijoi ai.

Kreu i Komitetit Mysliman, e mbyll mesazhin e tij me një urim për të gjithë besimtarët myslimanë, duke u shprehur se; “uroj që kjo festë të sjellë begati dhe mirëqenie në familjen e çdo shqiptari”.

“Fitër Bajarami le të na shërbejë si një moment i vetëdijësimi për dinjitetin dhe vlerat e përgjithshme njerëzore. Qoftë ky Bajram, një burim mirësie, dashurie dhe uniteti për ju dhe të dashurit tuaj”, përfundon Spahiu.

The post Bujar Spahiu uron besimtarët për Fitër Bajram, pas një muaj agjërimi falja në Sheshin “Skënderbej” appeared first on Albeu.com.

Ky është njoftimi i Komunitetit Mysliman të Shqipërisë për të gjithë besimtarët.

Njoftimi i KMSH:

Komuniteti Mysliman i Shqipërisë njofton të gjithë besimtarët se namazi i Fitër Bajramit do të falet në Sheshin “Skënderbej”, më datë 10 Prill 2024, ora 06:55.

Programi i plotë i Fitër Bajramit:

06:25 – Hapja e programit

06:30 – Lexim Kur’ani nga imami i xhamisë “Et’hem Bej”, z. Elton Karaj

06:35 – Fjala përshëndetëse e Kryetarit të KMSH-së, H. Bujar Spahiu

06:45 – Ligjëratë nga Nënkryetari i KMSH-së, z. Lauren Luli

06:55 – Falja e namazit të Bajramit, prin faljen kryetari i KMSH-së, H. Bujar Spahiu

07:00 – Hutbeja e Bajramit nga Myftiu i Tiranës, z. Gazment Teqja

The post Komunitetit Mysliman njofton besimtarët: Namazi i Fitër Bajramit do falet në Sheshin ‘Skënderbej’ appeared first on Albeu.com.

“Sheshi Skënderbej në Tiranë, Shqipëri tërhoqi mijëra besimtarë”, shkruan BBC krah fotos së publikuar.

Foto të tjera BBC ka përzgjedhur nga vende të ndryshme të botës, duke filluar nga Afganistani, Palestina e deri në Serbi dhe Australi.

/Albeu.com/

The post FOTO/ Fitër Bajrami anemban botës, falja në Sheshin Skënderbej përzgjidhet nga BBC ndër 12 fotot më të veçanta appeared first on Albeu.com.

Në mesazhin e tij ai thotë ashtu sikurse në këtë ditë që ata që kanë më shumë ndihmojnë nevojtarët, njerëzit t’u gjenden pranë të varfërve dhe të angazhohen përditë për një shoqëri të drejtë e solidare.

Spahiu shprehu gjithashtu lutjen e tij për rininë, për mësuesit, mjekët, policët, ushtarakët dhe gjithsecilin që punon për sigurinë, mirëqenien dhe prosperitetin e vendit tonë.

MESAZHI I PLOTË
Të dashur besimtarë myslimanë dhe shqiptarë kudo që ndodheni, më lejoni t’ju uroj nga zemra gëzuar Fitër Bajramin.

Pas muajit të Ramazanit, muaj ku ndërlidhen përkushtimi e sakrifica, muaj në të cilin qenia jonë u shkëput nga përditshmëria materiale e muajve të tjerë, nesër, të gjithë besimtarët myslimanë festojnë Fitër Bajramin, festën që kurorëzon sakrificën e këtij muaji, dhe siç na ka premtuar Zoti (xh.sh.) në Kuranin Famëlartë, pas vështirësisë vjen lehtësimi.

Bajrami është festë që përjetohet në çdo zemër e në çdo vatër.
Urojmë që sikurse në këtë ditë kur ata që kanë më shumë japin për nevojtarët (ZEKATIN), t’i gjendemi përherë pranë të varfërve dhe të angazhohemi përditë për një shoqëri të drejtë e solidare.

Sakrifica dhe devotshmëria e muajit të Ramazanit duhet të jetë shembull i angazhimit tonë për adhurimin e Zotit të Gjithësisë, kurse solidariteti dhe dashuria që e karakterizojnë festën e Fitër Bajramit të jenë vlera të përhershme të shoqërisë dhe mbarë njerëzimit.

Motra dhe vëllezër, i lutem Zotit të na ketë pranuar këtë sakrificë, të na ketë falur gjynahet, të ketë shtuar begatinë, paqen dhe mëshirën e tij të pakufishme mbi çdo zemër e cila ka sakrifikuar në emër të Zotit!
I lutem Zotit të mëshirojë të gjithë të dashurit tanë që nuk jetojnë më!

T’u japë shërim dhe t’u lehtësojë dhimbjen çdo të sëmuri!
Për më të varfrit dhe nevojtarët e shoqërisë tonë, o Zot largojua barrën e rëndë dhe shtrëngimin që sjell skamja.

I lutemi Zotit për kombin tonë, për rininë, për mësuesit, mjekët, policët, ushtarakët dhe gjithsecilin që punon për sigurinë, mirëqenien dhe prosperitetin e vendit tonë.

Edhe njëherë ju uroj Gëzuar Fitër Bajramin me urimet më të përzemërta, në emrin tim personal dhe të Komunitetit Mysliman të Shqipërisë! Shëndet e mirësi për çdo familje shqiptare! Gëzuar!

The post “I lutemi Zotit për kombin tonë”, mesazhi i kreut të KMSH për Fitër Bajramin: Të angazhohemi për një shoqëri të drejtë e solidare appeared first on Albeu.com.

Ditën e premte, më 21 prill, për faljen e besimtarëve, tre parkingjet në kryeqytet do të jenë falas, në mënyrë që ata të mund ta kryejnë ritualin e faljes pa asnjë pengesë.

Parkimi te “7 Xhuxhat”, te Sheshi “Skënderbej” dhe te Bulevardi i Ri do të jenë pa pagesë nga ora 5:00 -9:00 të mëngjesit.

Ky muaj ka qenë një muaj fantastik solidariteti në Tiranë, ku bashkia nga ana e saj ka organizuar aktivitete të shumta sociale./Albeu.com/

The post Nesër Fiter Bajrami, Bashkia e Tiranës vendos tre parkingje falas në dispozicion për faljen e besimtarëve appeared first on Albeu.com.

Fitër Bajrami , ose “festa e agjërimit”, fillon me shikimin e parë të hënës së re dhe shpesh ndryshon nga vendi në vend.

Festimet fillojnë me një lutje të veçantë në mëngjes herët në xhami dhe hapësira të hapura dhe më vonë kalojnë në festa dhe festivale. Këtë vit, Fitër Bajrami vjen mes një rritjeje të çmimeve globale të ushqimeve të përkeqësuar nga lufta në Ukrainë . Në këtë sfond, shumë muslimanë janë ende të vendosur të shijojnë festën dhe lehtësimin e kufizimeve të koronavirusit në vendet e tyre.

Por për të tjerët, festimet janë dëmtuar nga konflikti, vështirësitë ekonomike, lufta.

Një pamje ajrore tregon shqiptarët gjatë namazit të Fitër Bajramit në sheshin Skënderbej në Tiranë, Shqipëri./albeu.com

Egjipt

Bangok

Stamboll

Indonezi

Itali

Maqedoni e Veriut

Bangladesh

The post Mes luftës dhe krizës ekonomike, myslimanët në mbarë botën festojnë Fitër Bajramin (FOTO LAJM) appeared first on Albeu.com.

“Jill dhe unë shprehim urimet tona më të ngrohta për të gjithë ata që po festojnë Fitër Bajramin”, shkroi Biden në Facebook.

Biden uroi që të gjithë të kenë gjatë gjithë vitit dhembshurinë e dëshmuar gjatë këtij muaji./albeu.com

The post Biden bën urimin e veçantë për besimtarët myslimanë appeared first on Albeu.com.

Ushtria ukrainase ka uruar besimtarët myslimanë për Fitër Bajramin. Kori i Forcave të Armatosura të Ukrainës, ka publikuar një video ku shfaqen duke kënduar Salavat-i Sharif.

“Të dashur myslimanë të Ukrainës, ushtarë dhe civilë dhe partnerë tanë nga vendet e tjera! Forcat e Armatosura të Ukrainës urojnë Bajramin dhe sinqerisht falënderojnë për veprimet tuaja të përbashkëta për të rivendosur integritetin territorial të Ukrainës.

Në këtë ditë kur fillon Fitër Bajrami, rëndësi e madhe i kushtohet ndjenjës shpirtërore të personalitetit njerëzor, kështu që myslimanët tradicionalisht do ta kalojnë këtë natë duke u mbledhur me të afërmit dhe duke iu lutur Allahut.

Urime për festën tuaj dhe shpresojmë sinqerisht që Zoti t’i dëgjojë lutjet tuaja për unitetin e Ukrainës dhe çlirimin e Krimesë, kthimin e të gjithë refugjatëve në shtëpitë e tyre, ribashkimin e familjeve të copëtuara nga agresioni rus, lirimin e të gjithëve”, thuhet në mesazh./albeu.com/

The post Ushtria ukrainase uron besimtarët myslimanë për Fitër Bajramin appeared first on Albeu.com.

Fotografitë Mozzik i ndau edhe në rrjetet sociale.

Ai gjithashtu ka uruar edhe të gjithë shqiptarët, duke shkruar “Për hajër Bajramin”.

Kujtojmë që Fitër Bajrami është festa e cila bëhet pas mbarimit të muajit të Ramazanit. Emri Fitër Bajram vjen nga ajo se myslimanët para ditës së Bajramit shpërndajnë lëmoshë, solidarizohen me të varfrit, kështu për ta festuar së bashku këtë festë.

The post Mozzik “rreshtohet” në Sheshin Skënderbej për faljen e namazit të Fiter Bajramit (FOTO LAJM) appeared first on Albeu.com.