77-vjeçarja ka thënë se kur qante të shoqin, njëra nga tre vajzat e saj i mori letrat e shtëpisë, duke arritur t’i marrë pronën e ta nxjerrë jashtë. Gjithçka nisi pasi një ditë çifti i të moshuarve u paraqit në zyrën e noteres Ilda Peza për t’i dhënë adresën, sikur e bija banonte në shtëpinë e tyre në mënyrë që vajza të merrte KEMP për të birin e sëmurë.

Pas vdekjes së të shoqit Tili Kapurani, Varvara shkoi tek e bija në Greqi, ku mësoi se kishte mbetur pa banesë, të cilën ia kishte zaptuar vajza Drita.

E moshuara e denoncoi në polici, ku mësoi se vajza kishte një akt dhurimi nga ajo vetë dhe bashkëshorti i ndjerë. Por Varvara tha se nuk di as të shkruajë e as të lexojë.

Në këto kushte, gjykata vendosi që të bllokohet shtëpia, por vajza zaptuese ishte futur brenda.

Emisioni Stop i drejtua Prokurorisë së Elbasanit dhe prokurori Xhilian Seferi komunikoi se rasti është regjistruar dhe do të procedohet sipas afateve.

“Prokuroria e Rrethit Gjyqësor Elbasan mbi bazën e materialit referues të ardhur nga Drejtoria Vendore e Policisë Elbasan që bën fjalë për kallëzimin e shtetases Varvara Kapurani ka regjistruar procedimin penal nr.12/15 të vitit 2022 për veprën penale të falsifikimit të dokumenteve të parashikuar nga neni 186 i KP. Kjo çështje penale është në fazën e hetimit paraprak dhe shtetësja Varvara Kapurani në cilësinë e kallëzueses do të njoftohet sa më shpejt”, thuhet në njoftimin e Prokurorisë Elbasan.

Zyra ligjore e emisionit “Stop” përgatiti një kërkesë për sigurim padie dhe rikthim në banesë për të moshuarën Varvara Kapurani. Gjykata pranoi këtë kërkesë-padi dhe ne shkuam te një përmbarues gjyqësor Ilia Elezi për ekzekutimin e vendimit.

“Jam shumë e lumtur. Është e pabesueshme por me ju çdo gjë është e mundur”, thotë znj.Varvara.

“Unë mendoj që do t’i drejtohemi vajzës tuaj e cila është dhe në cilësinë e debitores për ekzekutimin e këtij vendimi i cili është i ekzekutueshëm brenda 5 ditëve. Urime dhe shpresoj ta ekzekutojmë brenda 5 ditëve”, thotë përmbaruesi gjyqësor Ilia Elezi.

Sikurse e kërkon ligji, ekzistojnë 2 mënyra për të zbatuar vendimin e gjykatës. E para është vullnetare, që vajza në rastin konkret pasi i komunikohet vendimi gjyqësor të hapë derën e banesës. Nëse kjo nuk ndodh, brenda 5 ditësh vendimi i gjykatës duhet të ekzekutohet brenda 5 ditësh nga përmbaruesi gjyqësor i licencuar dhe nën shoqërinë e forcave policore të hapet me forcë dera e shtëpisë.

Përmbaruesi Ilia Elezi telefonoi vajzën e të moshuarës, Dritën, të cilën e vendosi në dijeni për vendimin gjyqësor duke ia komunikuar urdhrin. Por Drita nuk pranoi ta hapte vullnetarisht derën e shtëpisë për nënën e saj

Përmbaruesi: Kam një vendim të gjyqtares Idush Maliqi që sapo më ka ardhur në zyrë për ekzekutimin e masë sigurim padie dhe thotë duke urdhëruar palën e paditur Drita Topuzi të lejojë palën e paditur Varvara Kapurani të jetojë në banesë. Unë ju mora për korrektësi.

Drita: Unë nuk e lejoj Varvarën. Varvarën unë nuk e fus në shtëpi, as për gjallë dhe as për vdekje.Të pranojë të gjitha gabimet Varvara, pastaja të shohim dhe të bëjmë.

Përmbaruesi: Unë vetëm zbatoj një vendim gjykate dhe as mund të zgjidh hallet personale.

Drita: Në rregull! Edhe unë nuk e fus Varvarën në shtëpi.

Përmbaruesi: Ka një masë sigurim padie e cila ka vendosur ka vendosur që të ekzekutohet brenda 5 ditësh.

Drita: Kur të vij unë në Shqipëri, do flasim!

Përmbaruesi: Jo jo shiko pak. Deri sa ka një urdhër gjykate unë do jem i detyruar që ta hap derën tuaj në prani të policisë.

Drita: Jo ti derën time nuk do ta hapësh, pa ardhur unë!

Përmbaruesi: E hap ligji jo unë zonjë. Këtu nuk jemi në një seancë gjyqësore dhe as që mund të marrim vendime të tjera përveç atij të gjykatës.

Drita: Në rregull, në rregull, në rregull, e di unë atë punë! Do vij për 5 ditë. Hajt, mirupafshim!

Më 29 Maj, së bashku me përmbaruesin gjyqësor dhe me policinë, zonja Varvara arriti të futej në shtëpinë e saj.

Vajza tjetër e Varvarës, që i ka qëndruar pranë nënës që prej fillimit të këtij konflikti, tha se pas sigurim-padisë që e lejoi 77-vjeçaren të hynte në banesë, mori një kërcënim në rrjete sociale nga bashkëshorti i motrës së saj, Dritës.

“Më dërgoi mesazh kërcënimi në Facebook, hajdeni po patët ***** të hapni derën, do t’ju vras të tërëve. Bëra denoncimin”, thotë vajza tjetër e të moshuarës.

Pasi fut në shtëpinë e saj ku ka jetuar për më shumë se 50 vite, zonja Varvara u shpreh e gëzuar.

Ndërsa përmbaruesi gjyqësor theksoi se vendimi i gjykatës u zbatua dhe gjithçka është e dokumentuar me proces-verbal dhe me filmime.

“U ekzekutua urdhri i gjykatës. Zonja është futur në banesë, shumë e gëzuar. Vërtetë ishte gëzim edhe për ne që pas kaq kohësh është në shtëpinë e saj. U mbajt një procesverbal, u filmua gjithçka, u mbajt procesverbali dhe me shkrim dhe i filmuar ku do pajisen të gjitha palët me DVD dhe me shkresë përcjellëse që të gjitha orenditë siç janë të pasqyruara në proces-verbal do t’i jepen zonjës. Kështu që ne e quajmë të kryer këtë urdhër-ekzekutimi”, shtoi përmbaruesi gjyqësor.

Pas këtij hapi, në gjykatë vijon padia tjetër për falsifikimin e firmës të të moshuarës.

The post “Nuk e lejoj as të gjallë e as të vdekur”, e bija falsifikon firmën dhe i merr nënës shtëpinë appeared first on Albeu.com.

Iliri: Ngelëm rrugëve, ç’është kjo punë kështu? Është e dhjeta herë që vij, nuk ka sens, nuk ka vend të qëndrojë kjo punë. S’e marr vesh, nuk e kuptoj.Nuk mbaj dot as nervat nuk mbaj. Vetëm lekë që kam harxhuar rrugëve dhe punët që kam lënë atje nuk ia vlen për aq pronë sa është ajo. Nuk e kuptoj, ajo është një monstër! Përveç vetes, ka mbajtur edhe dy motrat e tjera, ajo i detyron ato që mos të firmosin! Ato nuk janë motra, ato janë monstra! Kjo është hera e fundit që unë vij këtu! Di unë pastaj se si do ta zgjidh këtë problem!

Kur hyn në studio, Iliri thotë se nga tetë fëmijët e familjes, ai është më i vogli. Atij i duket se ky fakt e bën atë edhe më të dënuarin.

Iliri: Për sa i përket familjes tonë, jo për t’u mburrur, siç thoshte edhe nëna ime që të mirat bëji dhe harroji, të këqijat bëji dhe kujtoji. Tani unë vij nga Firence për një motiv. Është e dhjeta herë që vij në Shqipëri për një fakt që duhej kryer shumë kohë më parë. Kam një problem për sa i përket pronave që nëna dhe babai më kanë lënë dhe për atë kam testamentin. Tani me gojë motrat ma kanë lënë testamentin, ama nuk kanë ardhur të firmosin.

Sadetja është motra e thirrur nga Iliri për t’i kërkuar asaj firmën për testamentin e prindërve. Në insertin prezantues në “E Diela Shqiptare”, Sadetja shprehet me deklarata të forta kundër vëllait.

Sadete: Ku është ai mafiozi i Italisë që më ka thirrur mua sot? Për çfarë më ka thirrur njëherë, ta di dhe unë? Ku e ka hallin ai? Kur desha unë atë që desha, ai më ktheu kurrizin mafiozi që ka katër vila edhe do hala. Do më shikojë sot mua ai kush jam!

Për këtë deklaratë të Sadetes, Iliri u përgjigj në studio se duart e tij janë “duar punëtori, jo mafiozi”. Kur moderatori Ardit Gjebrea fton Sadeten në studio, ajo refuzon të ulet dhe menjëherë shkon drejt të vëllait duke u përplasur verbalisht me të.

Sadete: Për çfarë më ke thirrur ti mua sot ore?

Ilir: Qysh për çfarë të kam thirrur?

Sadete: Për çfarë më ke thirrur?

Ilir: Ti e di shumë mirë për çfarë të kam thirrur unë.

Sadete: Pse më ke thirrur, çfarë kërkon nga unë?

Ilir: Firmën.

Sadete: Pak po vuaj me këto që kam në shtëpi?

Ilir: Nuk më intereson fare, unë kam familjen time.

Sadete: Jam pa shtëpi e pa fëmijë, jam rrugëve.

Ilir: Rrugëve? Nuk është faji im, nëna e baba të kanë dhënë burrë.

Sadete: Çfarë burri thua ti ore?

Ilir: Burrë pra, të kanë dhënë burrë. Unë do shikoj familjen time, jo tënden.

Sadete: Po mirë kështu më ndodhi mua, si t’ia bëj?

Ilir: Unë çfarë të të bëj ty? Unë i kam ndihmuar të gjithë…

Sadete: Më fëlliqe ti mua këtu, çfarë kërkon, çfarë do nga unë?

Ilir: Unë desha firmën.

Sadete: Thirri mendjes se na fëlliqe këtu, çfrë do, çfarë do nga unë?

Ilir: Desha firmën tënde dhe shko ulu atje.

Sadete: Firmë unë ty s’të jap sikur në qiell të hipësh ti e unë të zbres poshtë.

Ilir: Unë do ta marr.

Sadete: Fare! Shtëpinë njëherë nuk ke gjë ti gjallë në botë!

The post “Ku është ky mafiozi ….”, sherr në studio për pronën, motra refuzon t’i japë firmën vëllait appeared first on Albeu.com.

Ai ka komentuar edhe në lidhje me vendimin e bërë publik sot nga Ilirjan Celibashi, që si kryetar i PD është Lulzim Basha dhe i njihet atij e drejta për tu regjistruar në KQZ për zgjedhjet lokale të 14 majit.

Alibeaj tha se ende nuk ka një vendim të shkruar e të firmosur në lidhje me atë që Celibashi deklaroi për mediat.

Pjesë nga diskutimi në studio:

Alibeaj: Jam i kujdesshëm për të mos ushtruar asnjë lloj influence ndaj institucioneve. E dëgjova paksa teksa bënte një artikulim mbi çështjen e regjistrimit të PD.

Në fakt edhe tani nuk ka një vendim një shkresë nga zoti Celibashi që të radhisë arsyet që e çuan në atë përfundim

Alpha e një institucioni është që komunikimi të bëhet me shkresë.

E mira është që arsyet të jenë në letra. Përgjigja e vetme që kemi marrë është që nuk ka një vendim të shkruar e të vulosur.

Për regjistrimin e një partie duhet një deklaratë ku kryetari merr një zotim se partia nuk do të përfshihet në shitblerje votash apo veprime të ngjashme.

Pretendimi mesa duket është që nuk delegohet, si dokument ky është. Me anë të të cilit marr përsipër si ushtrues i detyrës së kryetari të partisë, të gjitha detyrimet. Pyetja që kam është në cilin nen apo dispozitë është parashikuar diçka e tillë?

Marrim një rast sikur një kryetar partie, sëmuret dhe bie në koma. Çndodh? Partia nuk regjistrohet? A ka të tjerë persona që mund të përfaqësojnë këtë vullnet për partinë? Mesa duket o është një keqlexim i zotit Celibashi i nenit 64 ose ka një tjetër prapaskenë.

Jam nënkryetar dhe në mungesë të kryetarit që ka dhënë dorëheqjen e ushtroj unë këtë detyrë dhe për këtë ka një autorizim i nënshkruar nga Basha dhe në pikën 2 thuhet: Të nënshkruajnë deklaratën në emër e për llogari të kryetarit të partisë ku përmendet zotimi për mospërfshirje në aktivitete të paligjshme.

Ish kryetari i partisë para dorëheqjes dhe një autorizim drejtuar nënkryetarit që jo vetëm në procese administrative por edhe në procesin elektoral.

Rakipllari: Nga e dinte Basha në 18 mars 2022 që nuk do ishit zgjedhur kryetar? Ishte Nostradamus?

Alibeaj: Njeri i lexuar ishte. Disa ditë pas dorëheqjes u dha edhe një vendim gjykate që bëri një rrugëtim të gjatë në Apel dhe me shumë mundësi do shkojë ne Gjykatën e lartë.

Autorizimi jepet kundrejt një ngjarje që mund të ndodhte por nuk kishte siguri se kur. Emri i kryetarit që jep dorëheqjen ekziston në gjykatë.

The post Celibashi kërkon firmën e Bashës për regjistrimin e PD në zgjedhje, Alibeaj: Detyrën e kryetarit e ushtroj unë appeared first on Albeu.com.

Më shumë se 20 milionë ton drithë ukrainase janë bllokuar në kapanone në portin e Odesës në Detin e Zi dhe dhjetëra anije janë bllokuar për shkak të agresionit të Rusisë, pjesë e asaj që Moska e quan “operacioni i saj special ushtarak” në Ukrainë, por që Kievi dhe Perëndimi thonë se është një luftë e pajustifikuar.

Ministri i Jashtëm ukrainas Dmytro Kuleba, ka deklaruar për gazetën spanjolle El Pais, përpara bisedimeve në Stamboll midis zyrtarëve të Ukrainas, Rusisë, Turqisë dhe të OKB-së se Kievi beson se tani është shumë pranë arritjes së një marrëveshjeje për rifillimin e eksporteve.

“Ne jemi dy hapa larg një marrëveshjeje me Rusinë. Jemi në fazën përfundimtare dhe tani gjithçka varet nga Rusia”, tha ministri Kuleba. Pjesëmarrësit e tjerë u treguan më pak entuziastë, duke thënë se ende ka shumë punë derisa palët të bien në ujdi të plotë.

Ukraina dhe Rusia janë furnizuesit kryesorë globalë të grurit. Rusia është gjithashtu një eksportues i madh i plehrave dhe Ukraina një prodhues i rëndësishëm i misrit dhe vajit të lulediellit, kështu që arritja e një marrëveshjeje për të zhbllokuar eksportet shihet si jetike për sigurinë ushqimore, veçanërisht midis vendeve në zhvillim, dhe për stabilizimin e tregjeve.

Ukraina dhe Perëndimi e kanë akuzuar Rusinë për përkeqësimin e një krize globale ushqimore duke komplikuar përpjekjet për të furnizuar vendet më të varfra me grurë dhe duke nxitur inflacionin.

Moska ka fajësuar Ukrainën për problemin, duke akuzuar Kievin për refuzimin e heqjes së minave që ajo shpërndau rreth vijës së saj bregdetare për t’u mbrojtur nga sulmi i Rusisë, të cilat sipas saj përfaqësojnë një kërcënim për transportin detar.

Rusia ka goditur gjithashtu Perëndimin për vendosjen e sanksioneve ndaj një sërë sektorësh që e bëjnë më të vështirë për Rusinë financimin dhe sigurimin e shërbimeve të saj të transportit detar./albeu.com

The post Takim në Stamboll, ja çfarë pritet të firmosin Ukraina dhe Rusia appeared first on Albeu.com.

Mkhitaryan mbërriti në CONI pikërisht pak çaste më parë për fitnesin sportiv, ndërsa testet iu bënë në Humanitas.

Menjëherë pas kalimit të vizitave mjekësore, ai u nis për të nënshkruar kontratën e tij me Interin në selinë e klubit./h.ll/albeu.com

#Inter, è il giorno di #Mkhitarian: il centrocampista al Coni per l’idoneità
? Luca Chiarini pic.twitter.com/xGuAxxm5u0

— TUTTOmercatoWEB (@TuttoMercatoWeb) June 22, 2022

The post Përfundoi vizitat mjekësore, Mkhitaryan niset për të firmosur me Interin appeared first on Albeu.com.

Sipas “Gazzeta dello Sport”, lojtari do të nënshkruajë kontratë 2-vjeçare me Interin, ku Mkhitaryan do të përfitonte 3.3 milionë euro plus bonuse që rrjedhimisht do të shkonin në 4 milionë euro.

Ndërsa transferimi i armenit u ka kushtuar arkave të zikaltërve plot 4.5 milionë euro, me Romën që tashmë do të shikojë të gjej zëvendësuesin e mundshëm të Mkhitaryan./ h.ll/albeu.com

The post Dita e Mkhitaryan, armeni zyrtarizohet sot me Interin appeared first on Albeu.com.

Senegalezi ka mbërritur me avionin e tij privat dhe tashmë do të vazhdojë me agjendën e klubit.

Mane do të niset për të kryer vizitat mjekësore e më pas do të firmosë kontratën e tij me Bayern Munich./ h.ll/albeu.com

Sadio Mane has landed in Munich ?

?: @Plettigoal pic.twitter.com/7x3yTECgCT

— Football Transfers (@Transfersdotcom) June 21, 2022

The post Sadio Mane shkel në tokën gjermane, senegalezi mbërrin në Munich për firmën (VIDEO) appeared first on Albeu.com.

Tottenham dhe Arsenal janë dy nga ekipet që janë më afër trasnferimit të sulmuesit serb.

Në janar ai nuk do të largohet nga Fiorentina, por në verë mund të ndodhë e kundërta. Të gjithë e duan por askuësh nuk e merr, “fajin” për këtë gjë e kanë agjentët e tij.

Agjentët e tij duan të paktën 18 milion euro që të hedhin firmën e tyre në fletën e bardhë për këdo ekip që do të transferojë lojtarin. Kjo kërkësë i frenon shumë ekipet pasi pagesa për firmën e tyre është shumë e lartë./ h.ll/albeu.com

The post Të gjithë e duan por askush nuk e merr, agjentët kërkojnë 18 milion euro për firmën e tyre appeared first on Albeu.com.

Në dosjen  e SPAK thuhet se, zyrtarët e Ministrisë së Brendshme kanë ndryshuar sasinë e uniformave, që do të merrnin, por nuk kanë ndryshuar çmimin e tenderit, duke shkelur hapur standardet e garës.

Grupi i punës për tenderin e uniformave, që u krijua në 2019, llogariste nevojat dhe fondin për blerjen e uniformave për punonjësit e Policisë së Shtetit.

Ky grup pune ishte me kryetar Janaq Xhelilin, Drejtor i Drejtorisë së Logjistikës Mbështetëse, Zenel Hyka Shef sektori, Agron Celi shef sektori në drejtorinë e Sektorit Publik dhe Aurora Mulla specialiste për uniformat.

Nga ana tjetër një grup pune në Autoritetin Kontraktor me anëtar, Vojsava Copani, Zenel Hyka, Marsida Gargaj kanë bërë një pasqyrë me çmimet e tregut për uniformat.

Kujtojmë se tenderi nuk është firmosur nga inxhinierja tekstile në Drejtorinë e Përgjithshme të Policisë së Shtetit, Aurora Mulla, e cila ka ngritur shqetësimin për abuzimin që po bëhej.

“Nuk kam nënshkruar as dokumentet standarte të tenderit tek dokumenti “Sasia dhe grafiku i lëvrimit”, tek tabela “sasia e pritshme e uniformave që kërkohen” e cila përbën faqen 64-67 të dokumenteve standard të tenderit të ndryshuara. Ky shqetësim i saj për përcaktimin e sasive të pritshme të artikujve të uniformës është shfaqur tek anëtarët e tjerë të Njësisë së Prokurorimit, por nuk është dokumentuar me një procesverbal konkret, përveç nënshkrimit të asaj të tabelave të mësipërime”, thuhet po ashtu në dosje./albeu.com

The post EMRAT/ Kush e firmosi tenderin abuziv të uniformave të Policisë së Shtetit appeared first on Albeu.com.