Bajrami thotë se sipas dëshmive, ka qenë një etiketim fyes ndaj vajzës së autorit në takimin që ai kishte thirrur nga pala e akuzuar ndaj tij, pas të cilit Fiqiri Mjeshtri ka kryer krimin e rëndë ku ka vrarë babë e bir.

Armand Bajrami: Në muajin Shtator, Renato Hasula ka pretenduar se i ka vjedhur adresën në Instagram të 16-vjeçares dhe më pas dhe ai ka vijuar me kërcënime të kësaj forme se do të publikojë foto ose video. Presioni i madh që ajo ka pasur nga Renato Hasula ka bërë që vajza për 4 ditë të mos shkojë në shkollë. Kjo tronditje ka shkuar dhe tek i ati i saj, i cili ka ardhur në Shqipëri dhe ka kërkuar takim me 4 personat e tjerë. Ka filluar një diskutim se pse ka ndodhur apo si ta sheshonin këtë. Sipas dëshmive, Fiqiri Mjeshtri i ka kërkuar një prej djemve që duhet të konsolidonin këtë marrëdhënie në martesë.

Ka hasur në një reagim kundërshtues dhe madje sipas dëshmive, ka pasur një etiketim fyer ndaj vajzës, 16-vjeçares në atë tryezë nga pala e akuzuar dhe kjo ka ngjallur tension shumë të lartë tek Fiqiri Mjeshtri që është larguar fillimisht pak metra nga tavolina dhe më pas kthyer dhe i ka qëlluar me pistoletë të 4 personat duke vrarë 17-vjeçarin Shira, duke plagosur rëndë babain e tij që ka ndërruar jetë gjatë rrugës në spital dhe ka plagosur 2 të tjerët.

Gazetari Bajrami thekson se 16-vjeçarja është shumë e tronditur teksa shkron se ajo ka dëshmuar se ka pasur vetëm komunikim elektronik përmes rrjeteve sociale me 2 djemtë.

Armand Bajrami: Vajza është shumë e tronditur, por ka refuzuar që të ketë pasur një marrëdhënie të ngushtë miqësore me djemtë. Ka pasur vetëm komunikim elektronik mes tyre.

Sjellim në vëmendje se Fiqiri Mjeshtri, autori i vrasjes së babë e bir në Klos, u vu në dijeni për ngacmimet që të rinjtë e familjes Shira dhe Hasula i bënin vajzës së tij përmes rrjeteve sociale. Ishte pikërisht 39-vjeçari i cili kërkoi të takohej me familjarët e të rinjve për të sqaruar këtë situatë të krijuar mes të rinjve. Takim ky që përfundoi tragjikisht pasi viktima, Iliri Shira refuzoi që lidhja mes djalit të tij, Kenados dhe vajzës së autorit të konsolidohej.

Fatmir Mjeshtri, vëllai i autorit tregon dinamikën e ngjarjes së rëndë, ku humbën jetën Iliri dhe Kenado Shira vetëm 17 vjeç dhe u plagosën Eglantin e Renato Hasula.

“Shira i bënte presion me rrjetet sociale. Kërcënimi që i ka bërë me jetë vajzës që do të të shkatërroj jetën, nga më të ndryshmet”, tha ai.

Në rrëfimin e tij, Fatmiri tregon se ai dhe vëllai i tij Besniku nuk ishin në dijeni që Fiqiriu kishte armë me vete, me të cilën vrau dhe vetën pak minuta pas ngjarjes.

“U futa unë që të mos ishte në prani vëllai vetëm që të zbutej muhabeti. Të ulja sherrin”, tha ai.

Ngjarja e rëndë u regjistrua në ambjentet e jashtme të një lokali në Klos, ku takimi sqarues mes 3 familjeve prodhoi 2 të vrarë e dy të plagosur. Konkretisht viktima mbetën Ilir e Kenado Shira, ndërsa u plagosën Eglantin dhe Renato Hasula.

The post Masakra në Klos, gazetari: Etiketimi fyes ndaj 16-vjeçares “tërboi” Fiqiri Mjeshtrin, më pas qëlloi të 4 personat appeared first on Albeu.com.

Vëllai i autorit ka zbuluar se gjakrat mes familjeve nuk u nxehën në momentin që ka ndodhur ngjarja. Ai është shprehur se vetë, bashkë më vëllain dhe Fiqiriun, babain e vajzës që dy djemtë e kishin shantazhuar, ishin takuar dhe më herët atë ditë me Liri dhe Kenando Shira si dhe me Renado dhe Eglantin Hasula. Duke qenë se nuk kishin arritur në konsensus, ata e kishin lënë të takoheshin prapë, por sërish duke mos rënë dakord, Fiqiriu ka nxjerrë armën dhe ka qëlluar në drejtim të personave aty. Fatmiri ka rrëfyer gjithashtu se nuk kishte dijeni se i vëllai kishte armë me vete.

“Isha bashkë me vëllanë dhe rrugës takojmë Shirën, e i thotë vëllait tim Besnikut që hajde pimë një kafe, dua ta pijë një kafe me ju po ju presim tek lokali, sa të vijë edhe kushëriri im, vajtëm tre vëllezërit, erdhën edhe ata dy vetë, dje ka qenë takimi I parë, kemi pirë kafe duke diskutuar ,rreth një orë unë dhe vëllai I vogël jemi ngrit nga tavolina, vëllai i madh ka diskutuar që të bëjë rrugën më të duhur, kjo gjë që ka bërë edhe goca nuk ka faj, goca është adoleshente, ka lënë shkollën mendojeni mirë merreni për nuse, do flasim prapë do kthej përgjigje më vonë, ne shkuam të hamë drekë dhe vëllai I vogël Fiqiriu më tha që po shkoj tek shtëpia se vajza ishte shumë e tronditur, vajza ishte në spital në Klos, mirë shko më tha se këtu jemi. Dua të të takoj prapë për kafe. Firiqiun e dinim që ka ardhur me taku vajzën.  Më tha hajde shikoji se vajza ka marrëdhënie dhe me dikë tjetër, mere dhe atë babanë t’i sqarojmë gjërat më mirë. E ka ofenduar djali i Shirës vajzën, nisën të debatonin dy çunat me njëri-tjetrin, u lamë liri për të folur që të sqaroheshin me njëri-tjetrin, jo e ke pas ti jo e kam pas unë, jo mere ti, jo unë. Nuk e dinim që kishte armë me vete, armë nuk i kam parë asnjëherë, ka pasur çifte me leje, se ka qenë tip më i qetë. I ka thënë nuk marr për nuse dikë që ka lidhje me dy tre çuna, ai në këtë moment është largu, është rrotulluar dhe ka qëlluar. Po ta kishim kuptuar që është serioz revoltimi I vëllait. S’i besova që më thoshte do ta vras, jemi mundu me shumë shpirt, s’e i kam taku prindërit që t’i japim zgjidhje që të mos ndodhte diçka e tillë”, tha Fatmir Mjeshtri.

The post “Ishim në kafe dhe më herët”, vëllai i autorit të masakrës në Klos zbulon çfarë biseduan: E lamë të takoheshim prapë, s’e dinim që kishte armë (VIDEO) appeared first on Albeu.com.

Ai tregon se vëllai i tij, Fiqëriu akuzonte djalin e viktimës, Kenadon, se i kishtë bërë vajzën me fjalë duke e nxjerrë nudo në telefon dhe për këtë ka kërkuar që Ilir Shira ta merrte nuse për të birin.

Besnik Mjeshtri, i cili u arrestua pas krimit si bashkëpunëtor por u la i lirë, tregoi se në momentin kur u ul në kafe për tu sqaruar i kishte kërkuar dy vëllezërve të tij që të mos afroheshin në tavolinë pasi do e zgjidhte vetë, teksa rrëfeu se me Ilir Shirën ishin kushërinj të largët.

“Një natë para se të ndodhte ngjarja kanë marrë kontakt dy vëllezërit e mi Fatbardhi dhe Fiqeriu me Kanë bërë debate shpeshherë por nuk kam qenë prezent, kanë qenë vëllzerit e mi.

Jam edhe i tronditur. Kanë takuar kanë folur bashkë dhe e kanë lënë përfundimisht të takoheshin të nesërmen në mëngjes për t’i vënë kapak kësaj pune, si do veprohej sepse na keni bërë gocën me fjalë, na e keni kërcënuar, na keni nxjerre gocën nudo në telefon, kanë bërë veprime të turpshme.

Dy vëllezërit e mi shkuan në Klos, ika dhe unë pas tyre rreth 1 orë më vonë. Kam takuar vëllezërit dhe shkuam të pimë kafe në 2 raste fatkeqësisë.

Kemi dalë të tre në këmbë te Bashkia e vjetër dhe jemi nis në qytetin e Klosit. Aty më del mua Ilir Shira. Jemi kushërinj të largët. Ai mu drejtua mua dhe më tha “kam një muhabet”, i dhashë dorën dhe më tha kam lënë me vëllezërit e tu të pimë kafe. A do pish kafe me mua ti? U takua me mua, më kërkoi të takoheshim bashkë, vëllezërit u spostuan dhe e lamë për të pirë kafe tek lokali.

Më tha a marrim Ferit Shirën se të dy e kemi tonin, e kemi kushëri. Tha do marr Feritin dhe do vonohem 10 minuta. Ika unë me dy vëllezërit para në kafe, vjen edhe Feriti dhe Ilir Shira.

Po bënim muhabet, dhe vëllai im i tha: Kemi folur mbrëmë, e kemi lënë të pimë kafe dhe t’i e din për çfarë jemi mbledhur këtu, çfarë na keni bërë. “Po është e vërtetë, nuk ta mohoj”, i tha Ilir Shira, “por do të flasim”.

Ferit Shira tha që do bëhet më e mira. Unë iu drejtova Feritit dhe i thashë: “Ta kam lënë ty këtë punë, na e zgjidh këtë problem, flit me kushërinjtë e tu. Ne na keni turpëruar me gocën, jeni nxënës shkolle, ka 4-5 ditë që nuk shkon në shkollë për këtë arsye. Nuk kemi ditur gjë, e kemi marrë vesh vonë. Se kishte 3-4 muaj apo një vit, bënin biseda në telefona. E vetmja rrugëzgjidhje ishte që vajzën ta merrte Iliri për djalin e tij, t’i shohim hajrin. Të bënim miqësi, pa u kapur me dorë, pa u ofenduar”.

Më tha që do e flisnim ne njëri-tjetrin dhe unë me dy vëllezërit u larguam, të ikim të hanim bukë. Në moment më merr një numër i panjohur dhe më thotë jam Feriti.

I thashë vonohem 30 minuta dhe më priti. Ikëm në lokal dhe nuk kishte njeri, donim të bënim muhabet qetë, pa na dëgjuar njeri dhe të mos bëhej e madhe. Nxorrëm tavolinat e karriget jashtë. Erdhi Liri, djali, Kenado.

Vëllezërit e mi erdhën më vonë sepse u pata thënë që mos ecni, të mundohem ta zgjidh unë problemin”, u shpreh Besnik Mjeshtri për Report TV.

The post “Na e keni bërë gocën me fjalë”, vëllai i autorit të masakrës në Klos rrëfen ngjarjen: U thashë vëllezërve mos u afroni në tavolinë, kishim lidhje gjaku appeared first on Albeu.com.

Burime nga grupi hetimor dhe dëshmitarë në vend ngjarje thonë se pas ngacmimeve disa mujore në rrjetet sociale dhe në rrugë të vajzës së autorit Fiqiri Mjeshtri, kjo e fundit ka vënë në dijeni familjen. Menjëherë i ati është kthyer nga emigracioni dhe ka kërkuar sqarim me dy djemtë Kenado Shirën dhe Renato Hasulën kushërinj mes tyre.

Për t’u sqaruar kanë lënë një takim në një lokal në qendër të Klosit, ku kanë qenë edhe dy prindërit e Adoleshentëve Liri Shira dhe baxhanaku i tij Eglantin Hasula.

Nga ana tjetër Fiqiri Mjeshtri babai i vajzës ka qenë bashkë me vëllezërit e tij Besnik Mjeshtri dhe Fatmir Mjeshtri.

Për një moment është menduar se kanë arritur dakordësi, por ka qenë Renato viktima Kenado Shira i cili ka folur dhe ka fyer vajzën, ndërsa autori i fyer në tavolinë ka nxjerrë pistoletën duke e qëlluar Kenadon të parin, për pas babain e tij Liri Shira dhe të tjerët. 17-vjeçari ta tentuar të dalë nga lokali por e ka qëlluar sërish duke humbur jetën në trotuar, ndërsa babai i tij ka humbur jetën duke u transportuar në spital. Dy ta plagosurit e tjerë Eglantin dhe Renato Hasula janë transportuar fillimisht në spitalin e Burrelit, më pas në atë të Traumës, në gjendje të rëndë. Nga informacionet Eglantin Hasula është ende në gjendje kritike.

Autori dhe dy vëllezërit janë larguar nga vendngjarja dhe ka vrarë veten në afërsi të banesës së tij në fshatin Dars 2 km larg nga Klosi.

Janë shoqëruar dy vëllezërit e autorit Besnik dhe Fatmir Mjeshtri, të cilët kanë dhënë dëshmitë në polici, më pas janë liruar pasi nuk gjenden prova që ti lidhin me ngjarjen.

Vajza ka dëshmuar në polici se të dy djemtë Kenado Shira dhe Renato Hasula e kanë ngacmuar prej disa muajsh në rrjetet sociale, dhe në rrugë, ajo është ndjerë e shantazhuar dhe ka njoftuar familjen për ta zgjidhur këtë situatë, që rezultoi në një masakër.

The post DINAMIKA/ Masakra në Klos: Autori qëlloi me 6 plumba, lihen të lirë dy të arrestuarit, zbulohet me çfarë e shantazhonin të 16-vjeçaren dy kushërinjtë appeared first on Albeu.com.

Autori Fiqiri Mjeshtri pas masakrës qëlloi veten me armë e për pasojë humbi jetën.

Sipas informacioneve të deritanishme shkak për këtë ngjarje dyshohet se është bërë vajza e autorit, Fiqiri Mjeshtri, së cilës i shkruante në rrjetet sociale djali i Eglantin Hasulës, çka ka sjellë edhe përplasjen e Liri dhe Kenado Shira me Fiqiri Mjeshtrin. 17-vjeçari Renato Hasula i shkruante vajzës 16-vjeçare të Fiqiri Mjeshtrit në rrjetin social Instagram.

Ky i fundit, së bashku me vëllezërit e tij Besnik dhe Fatmir Mjeshtri, shkuan të sqaroheshin në lokal.

BW ka publikuar dëshminë e kryeinfermierit, Bashkom Doda, që ndodhej në spital, në momentin kur babë e bir Eglantin dhe Renato Hasula mbërritën në qendrën spitalore.

Ai tha se djali erdhi vetë në këmbë në qendrën shëndetësore.

“Rreth orës 1 e ca të drekës, gjatë turnit të parë, ka ardhur në qendrën shëndetësore një djalë i ri, i plagosur me armë zjarri. Ishte i plagosur në pjesën e qafës dhe në shpatull. I kemi dhënë ndihmë mjekësore. Më pas me ambulancë e kemi çuar drejt spitalit të Burrelit. Në këto momente ka ardhur dhe babai i tij, me mbiemër Hasula. I dhamë ndihmën e shpejtë, ai ishte më rëndë. Kishte plumb në shpatull dhe në qafë. I vendosëm oksigjen. Djali thoshte; ‘na shpëtoni’. Ndërsa babai ishte më rëndë. Ne i kemi bërë disa pyetje për të parë nëse kishte parametrat në rregull. Djali erdhi vetë në këmbë në qendër shëndetësore.”, tha kryeinfermieri.

The post “Na shpëtoni!” Kryeinfermieri tregon gjendjen e babë e bir të plagosur në masakrën e Klosit appeared first on Albeu.com.

E pyetur nga babai ajo ka treguar arsyen, ndërsa ky i fundit, bashkë me dy vëllezërit, ka kërkuar sqarim me dy djemtë dhe prindërit e tyre.

Pasi kanë mbaruar shkollën dy kushërinjtë janë pritur nga autori dhe së bashku me prindërit kanë shkuar në lokal që të sqaroheshin, por duket se situata ka agravuar dhe më pas Mjeshtri qëlloi me armë zjarri në drejtim të tyre, duke vrarë babë e bir, Ilir dhe Kenad Shirën dhe plagosi Eglantin dhe Reanto Hasulën./albeu.com

The post Masakra në Klos, zbardhet dëshmia e vajzës së autorit: Dy kushërinjtë më shtantazhonin në Instagram, s’kam shkuar në shkollë 5 ditë appeared first on Albeu.com.

Pas ngjarjes tragjike në Klos, dy të plagosurit babë e birë, Renato dhe Englantin Hasula u nisën drejt Tiranës.

Mësohet se 14 vjeçar, Renato Hasula është i vetëdijshëm dhe në gjendje relativisht të mirë shëndetëore, ndërsa babai i tij, Englantin, 39 vjeç është në gjendje të rëndë, me prognozë të rezervuar.

Autori i masakrës është Fiqiri Mjeshtri, i cili qëlloi për vdekje Liri dhe Kenado Shirën dhe pas qëlloi edhe veten.

Shkak për këtë ngjarje të rëndë dyshohet të jetë bërë vajza e familjes Mjeshtri, e cila ishte dashuruar me Kenadon, djalin e Liri Shirës./albeu.com

The post E pësuan aksidentalisht, kjo është gjendja shëndetësore e dy të plagosurve në Klos appeared first on Albeu.com.

Mësohet se autori i vrasjes së dyfishtë, Fiqiri Mjeshtri, pasi është larguar nga vendi i ngjarjes sipas policisë ka vrarë veten.

Po ashtu në polici janë shoqëruar Fatmir dhe Besnik Mjeshtri.

“Sot në orën 14:15 minuta në qytetin e Klosit u vranë Ilir Shita dhe Kenado Shira. Të plagosur Renato Hasula dhe Englatin Hasula.  U bë e mundur kapja e tre personave. Fiqir Mjeshtri, Fatmir dhe Besnik Mjeshtri. Fiqiri Mjeshtri ka ndërruar jetë është vetëvrarë” tha Dhimitraq Ziu.

Njoftimi i policisë:

Klos/Informacion paraprak

Në qytetin e Klosit, dyshohet se shtetasi F. M., 39 vjeç, në bashkëpunim me dy vëllezërit e tij, ka vrarë me armë zjarri, për motive të dobëta, shtetasin K. Sh., 17 vjeç, si dhe kanë plagosur shtetasit I. Sh., 46 vjeç (babai i 17-vjeçarit), R. H., 14 vjeç dhe E. H., 39 vjeç (babë e bir).

Të tre të plagosurit janë transportuar në spital, për ndihmë mjekësore. Si pasojë e plagëve të marra, shtetasi I. Sh. ka humbur jetën në spital.

Shërbimet e Policisë, menjëherë pas marrjes së njoftimit kanë rrethuar zonën, kanë bllokuar hyrje-daljet e qytetit të Klosit dhe kanë ushtruar kontrolle në banesa, lokale dhe në ambiente të tjera.

Gjatë kontrollit të zonës, shërbimet e Policisë kapën dhe shoqëruan në ambientet e Policisë, shtetasin F. M., 44 vjeç dhe vëllanë e tij, shtetasin B. M., bashkëpunëtorë në këtë ngjarje.

Gjithashtu, gjatë kontrollit të zonës, shërbimet e Policisë kanë gjetur të pajetë, dyshohet të vetëvrarë, autorin kryesor të kësaj ngjarjeje, shtetasin F. M., 39 vjeç.

Grupi hetimor, nën drejtimin e Prokurorisë pranë Gjykatës së Rrethit Gjyqësor Mat, vijon punën për sqarimin dhe zbardhjen e rrethanave të ngjarjes.

/albeu.com

The post Vrau babë e birë në Klos, vetëvritet një nga autorët e dyshuar appeared first on Albeu.com.