Ajo është e vetmja që ka shprehur interes për këtë pozicion, duke vendosur që tre vitet e ardhshme të jetë drejtuese e Gjykatës Kushtetuese. Si anëtare, ajo është emëruar në 2019.

Gjykata Kushtetuese përbëhet nga 9 anëtarë që qëndrojnë në detyrë për 9 vjet, pa të drejtë riemërimi, dhe Kryetari zgjidhet me votim të fshehtë, prej tyre, për një periudhë 3-vjeçare me të drejtë rizgjedhjeje vetëm një herë.

Fiona Papajorgji ka marrë besimin e më shumë se 5 kolegëve nga Gjykata Kushtetuese dhe është zgjedhur kryetare e institucionit të vetëm dhe më të lartë të Republikës, që shqyrton kushtetutshmërinë e akteve, ligjeve dhe dekreteve shtetërore.

Dr. Fiona Papajorgji, anëtare e Gjykatës Kushtetuese

Lindur më 12.03.1976 në Vlorë. Diplomuar në vitin 2000 në Fakultetin e Drejtësisë të Universitetit të Barit, Itali. Në vitin 2012 ka marrë gradën shkencore “Doktore e shkencave juridike” në Fakultetin e Drejtësisë të Universitetit të Barit. Në vitet 2000-2008 ka ushtruar profesionin e asistent avokatit dhe me pas të avokatit pranë firmave ligjore në Bari.

Gjatë periudhës 2009-2011 ka punuar si juriste pranë Drejtorisë së Kërkimeve, Studimeve dhe Botimeve në Gjykatën Kushtetuese. Në vitet 2011-2019 ka ushtruar detyrën e këshilltares ligjore në Gjykatën Kushtetuese. Prej vitit 2007 e në vazhdim ushtron mësimdhënien si lektore e së Drejtës Publike në disa universitete, si dhe ka qenë eksperte në disa projekte pranë Agjencisë për Sigurimin e Cilësisë në Arsimin e Lartë, në procesin e përafrimit të legjislacionit etj.

Ka qenë autore e disa artikujve shkencorë në fushën e së drejtës kushtetuese. Në vitin 2019 është angazhuar nga Shkolla e Magjistraturës si pedagoge në dispozicion për vitin e parë të Programit të Formimit Fillestar. Gjatë vitit 2020 ka ushtruar funksionin e anëtares së Këshillit të Emërimeve në Drejtësi. Në muajin nëntor të vitit 2019 është emëruar anëtare e Gjykatës Kushtetuese.

The post Fiona Papajorgji zgjidhet kryetare e Gjykatës Kushtetuese appeared first on Albeu.com.

Në përfundim të procesit të votimit sërish asnjë nga kandidatet nuk mori shumicën ligjore prej të paktën 5 votash. Rezultati i votimit ishte:

1. Fiona Papajorgji – 3 vota

2. Marjana Semini – 3 vota

3. Holta Zaçaj – 3 vota.

The post Dështon raundi i dytë për zgjedhjen e Kryetares së Gjykatës Kushtetuese appeared first on Albeu.com.

Por në përfundim të këtij procesi asnjë nga kandidatet nuk mori shumicën ligjore prej të paktën 5 votash.

Raundi i dytë i votimeve do të zhvillohet më 17 shkurt në orën 10:00.

Njoftim për shtyp

Sot, më 15 shkurt 2023, Mbledhja e Gjyqtarëve të Gjykatës Kushtetuese, në zbatim të parashikimeve ligjore, zhvilloi seancën për zgjedhjen e Kryetarit të ri të Gjykatës Kushtetuese.

Pas prezantimit të platformave dhe vizioneve të kandidateve, Fiona Papajorgji, Marjana Semini dhe Holta Zaçaj u vijua më tej me raundin e parë të votimit. Në përfundim të këtij procesi asnjë nga kandidatet nuk mori shumicën ligjore prej të paktën 5 votash.

Mbledhja e Gjyqtarëve të Gjykatës Kushtetuese ka vendosur të zhvillojë raundin e dytë të votimit në datën 17 shkurt 2023, ora 10:00.

Gjykata Kushtetuese ka nisur procedurat për zgjedhjen e kreut të ri të këtij institucioni. Mësohet se emrat që kanë shprehur interes janë Fiona Papajorgji, Marjana Semini dhe Holta Zaçe.

PËRBËRJA E GJYKATËS KUSHTETUESE
1. Marsida Xhaferllari, anëtare
2. Dr. Fiona Papajorgji, anëtare
3. Dr. Elsa Toska, anëtare
4. Sonila Bejtja, anëtare
5. Dr. Sandër Beci, anëtar
6. Ilir Toska, anëtar
7. Gent Ibrahimi, anëtar
8. Prof. Dr. Marjana Semini, anëtare
9. Holta Zaçaj, anëtare

/Albeu.com./

The post Dështon votimi i parë për kreun e Kushtetueses appeared first on Albeu.com.