Gjërat po përmirësohen në të gjitha fushat e jetës së Gaforres, veçanërisht pasi Jupiteri, planeti i fatit dhe bollëkut, hyn në shenjën e tyre. Një nga vendet e para ku Gaforret do ta përjetojnë këtë ndikim pozitiv është karriera e tyre, dhe për këtë arsye financat e tyre. “Gaforret do të fillojnë të dalin në qendër të vëmendjes në qershor,” tha Brobeck. “Ata mund të fillojnë një projekt të ri krijues ose të kenë shumë më tepër pushtet dhe vëmendje mbi ta kur janë në qendër të vëmendjes. Sidoqoftë, Gaforret mund të presin të ngrihen në një rol më të spikatur gjatë dy viteve të ardhshme, ndërsa njihen gjithnjë e më shumë për punën e tyre krijuese. Pra, është e rëndësishme të vazhdojmë të punojmë shumë.”

Peshorja

Peshoret do të shohin një rritje të madhe në karrierë këtë muaj me Jupiterin që hyn në shenjën e Gaforres , duke sjellë fat dhe bollëk në jetën e tyre profesionale. “Ata do të fillojnë të shohin një rritje dhe zgjerim të madh të imazhit të tyre publik dhe të asaj se kush janë në publik dhe në punë”, shpjegoi astrologu. “Nga të qenit në qendër të vëmendjes më shumë si rezultat i krijimit të përmbajtjes deri te marrja e një bonusi të madh, ata do të shohin ndryshime të gjera pozitive që kanë një potencial serioz afatgjatë, pasi Jupiteri mbetet në Gaforre deri në qershor 2026.”

Shigjetari

Me Jupiterin si planetin sundues të Shigjetarit, njerëzit tërhiqen nga kjo shenjë e njohur për fatin e saj. Por kjo nuk do të thotë që Shigjetari është një kërkues i vëmendjes, kështu që sado me fat që janë, ndonjëherë mund të ndihen të kontrolluar në vend që të admirohen. Gjërat përmirësohen në punë dhe financiarisht deri në fund të qershorit 2025, pasi Shigjetari do të punojë më shumë dhe do të jetë në qendër të vëmendjes. Meqenëse Gaforrja sundon shtëpinë dhe familjen, Jupiteri mund ta bëjë Shigjetarin të mendojë se ku duhet ta kalojë kohën e tij. “Ata mund të mësojnë shumë për imazhin e tyre publik gjatë kësaj kohe, por edhe për gjetjen e një ekuilibri midis profesional dhe personal. Nëse janë të gatshëm të punojnë shumë, ata madje mund të zbulojnë se krijimi i përmbajtjes është një rrugë e shkëlqyer karriere – kështu që kombinoni shtëpinë me punën dhe keni sukses.”

The post Financat e këtyre shenjave të zodiakut përmirësohen para fundit të muajit appeared first on Albeu.com.

Gjatë fjalës së tij në panelin e përbashkët me liderët e rajonit, Rama theksoi se vendet e rajonit që aspirojnë për tu bërë pjesë e BE-së, përveç kritikave kanë nevojë dhe për mbështetje financiare, që diferenca mes qytetarëve mos jetë kaq e madhe.

“Si autobus edhe unë jam më shumë otpimist, por ëhstë më mirë se sa një avion rus. Së pari dua të falenderoj Robertin dhe Charlin, jo sepse di të jem një diplomat i mirë, sepse nuk jam, pasi patm një mikëpritje shumë të ngrohtë. Jam shumë i lumtur që të shoh lider dhe politikanë që të flas me të njësoj, faleminderit Charl. Ishte momenti për të thënë se ajo që Charli tha do të materializoh sa i përket disa hapave progresivë, jo se besoj se n 2030 ne do të jemi në BE, por për disa prej hapave kjo do të ishte shumë e mirë. Në konvergjencën për BE-në duhet të kuptojmë se boshllëku i kontributeve për frymë drejt këtij rajoni dhe shteteve të Ballkanit perënimor ëhstë më shumë se 130 euro për 6 prej nesh këtu dhe më shumë se 4 mijë euro prej dy prej nesh këtu. KJo duhet zgjidhur me disa hapa konkretë, dhe duhet konsideruar që kjo duhet të jetë e gjith. Për të gjitha vendet që hyjnë drejt BE-së duhet të jenë edhe këto gjëra mes procesit. Jo thjeshtë vetëm reforma dhe kritika, por edhe mbëhstetje sa më konsistente. Nuk po them vetëm nga ana financiare por dhe nga ana e aksesit në tregun e përbashkët dhe hapësira më të mëdha për ndërmarrjet tona. të gjithë duhet ta kemi parasysh se çfarë po ndodh në këto vite në këto vende ëhstë e ne në Berlin folëm për infrastrukturën, dhe nga ana tjetër merreni me mend se kush po e ndërton infrastrukturën, kinezët, amerikanët, arabët. Gjithmonë kam menduar se të punosh fals për 50 vite kundër perëndimit, Enver Hoxha na bëri më shumë proamerikanë”, tha Rama.

The post Rama-BE-së: Nuk kemi nevojë vetëm për kritika, por dhe për mbështetje financiare që diferenca mes nesh mos jetë kaq e madhe appeared first on Albeu.com.

Të dhënat, që burojnë nga Drejtoria e Thesarit në Ministrinë e Financave (lista shumëvjeçare e investimeve), tregojnë se thesari i shtetit ka paguar 6 fatura të ndara në lote sipas segmenteve të cilat janë paguar gjatë periudhës 2015-2017, para se segmenti të jepej me koncesion (shiko tabelën bashkëngjitur).

Të dhënat tregojnë se, financimet para se jepej koncesioni janë përfituar nga kompania “Gener 2” dhe “Gjoka Kontruksion”, e cila më vonë fitoi edhe koncesionin mbi rrugën.

Kontrata e ndërtimit me koncension nisi në vitin 2018 dhe përfundon në vitin 2031, gjatë të cilit do të realizohet edhe gjithë pjesa e financimit nga qeveria.

Rruga e Arbrit është e gjatë rreth 73 kilometra, rreth 20 kilometra u ndërtuan me 6,5 miliardë lekë që u dhanë deri në vitin 2017, ndërsa 52 kilometrat e tjera që u dhanë me koncension kushtuan 36 miliardë lekë sipas të dhënave të përditësuara nga Ministria e Financave.

Para se të jepej me koncesion një kilometër në rrugën e Arbrit kushtoi mesatarisht 2,6 milionë euro, ndërsa me koncesionin rreth 6 milionë euro, ndërkohë që mbetet e papërfunduar ende vepra kryesore e rrugës, Tuneli i Murrizit.

Ashtu si edhe për koncesionet e tjera, fatura për rrugën e Arbrit, sidomos për koncesionin PPP nuk është ende e qartë, pasi Ministria e Financave raporton vlera të ndryshme vit pas viti.

Sipas raportimit më të fundit të Ministrisë së Financave është 36 miliardë lekë ose 297 milionë euro .

Në raportin vjetor të koncesioneve 2020, që u hartua nga Ministria e Financave, vlera e investimit për ndërtimin e Rrugës së Arbrit raportohet 26 miliardë lekë, ndërsa Drejtoria e Thesarit në Ministrinë e Financave (projektet e investimeve) për arsye të pagesave e ka kontabilizuar kontratën e Rrugës së Arbrit me 39 miliardë lekë në vitin 2020. Në buxhetin e vitit 2019 Ministria e Financave e pat raportuar financimin e Rrugës së Arbrit në 58 miliardë lekë në projektbuxhetin që paraqiti në parlament.

Rruga e Arbrit ka një historik të gjatë zvarritjeje që nga koha e qeverisë “Berisha” ku në disa pjesë të saj ishin kryer punime. Kur nisi koncensioni ishin përfunduar plotësisht 20.12 kilometra të saj, me 15.1 kilometra shtesë të përfunduara pjesërisht dhe 26.3 kilometra të tjera për t’u ndërtuar sipas projektit ekzistues. /monitor

The post Qeveritë kanë paguar 53 mln euro për rrugën e Arbrit, para se të jepej koncesioni appeared first on Albeu.com.

Arrivabene dhe Agnelli, megjithatë vazhdojnë t’i “mëshojnë” aspektit ekonomik, pasi Allegri ka një kontratë deri në vitin 2025 me vlerë 7 milion euro në sezon plus bonuse në sezon.

Një largim i tij do t’i rëndonte klubit mbi 20 milion euro në buxhet. Jo vetëm kaq, klubi do të duhet teë gjejë një trajner tjetër, duke paguar kështu dy trajnerë, me rrezikun së situata mund të mos ndryshojë.

Për këtë arsye, zgjidhja logjike e bordit është të vazhdohet kështu./albeu.com

The post Shkarkimi i mundshëm i Allegrit do të ishte i “idhët” për financat e klubit, ja sa do t’i kushtonte Juventusit appeared first on Albeu.com.

Kujtojmë se më herët gjatë korrikut, Dhoma e Avokatisë njoftoi për vendosjen e bojkotit të përgjithshëm pa afat të seancave, ndërsa për masat e sigurimit u vendos bojkot dhjetëditor.

Mesditën e së enjtes së kaluar në një mbledhje që zgjati rreth dy orë, sërish pati debate të forta mes avokatëve pasi një pjesë e tyre kërkonin ndërprerjen e bojkotit dhe nisjen e proceseve gjyqësore.

Shkak për protestën është bërë harte e re gjyqësore që KLGJ i ka propozuar për miratim Ministrisë së Drejtësisë dhe asaj të financave për shkrirjen e 18 gjykatave në vend. Kryetari Maksim Haxhia njoftoi se gjatë bojkotit të parë, disa avokatë kanë frekuentuar proceset gjyqësore dhe ndaj tyre në mbledhjen e radhës komisioni i disiplinës do të marrë masa deri në heqjen e licencës.

Harta e re gjyqësore parashikon në total 13 gjykata të shkallës së parë, 2 gjykatë administrative dhe shkrirjen e gjykatave të apelit në një të vetme. Avokatët i kërkojnë qeverisë të mos e miratojë këtë skemë./albeu.com

The post Organizohet Dhoma e Avokatisë, protestsë para godinës së KLGJ-s appeared first on Albeu.com.

Pronarët kinezë të Interit, Suning Group paralajmëruan se situata ishte e tmerrshme vetëm disa ditë pasi fituan titullin e Serie A, duke njoftuar masa masive për uljen e kostove.

Kjo përfshinte shitjen e lojtarëve yje si Romelu Lukaku dhe Achraf Hakimi, të cilët u transferuan te Chelsea, respektivisht te Paris Saint-Germain.

Midis shitjeve dhe blerjeve gjatë verës, Interi përfundoi me një fitim prej 130 milionë eurosh nga tregu i transferimeve.

Ata gjithashtu rritën të ardhurat me 245 për qind falë marrëveshjeve të reja të sponsorizimit me kompanitë Lenovo, Socios, Zytara dhe DigitalBits.

Sidoqoftë, gazeta italiane La Repubblica thekson se klubi është ende në vështirësi financiare dhe ka një humbje prej 12 milionë eurosh në muaj.

Suning mori një kredi prej 275 milionë eurosh nga Oaktree në maj dhe do të duhet ose të gjejë investitorë të rinj ose të rrezikojë të humbasë kontrollin e klubit.

Gazeta Repubblica gjithashtu raporton se lidhjet me grupin saudit Pif, i cili kishte provuar një blerje në Neëcastle United, nuk konsiderohen të jenë veçanërisht të forta.

The post Nuk kanë mbaruar problemet financiare për Interin, humbet 12 milionë euro në muaj appeared first on Albeu.com.

Pezullimi i gjobave deri në fund të vitit ka bërë që shumë subjekte të lëshojnë fatura të pafiskalizuara, me pretendimin që nuk ka gjoba.

Hyn në fuqi akti normativ që pezullon gjobat për fiskalizimin deri në 31 dhjetor

“Gjithë faturat që më erdhën sot nga biznese të mëdha, ishin të gjitha me sistemin e vjetër, pra me fatura nga blloku i TVSH-së, meqë u miratua heqja e gjobave deri në fund të vitit”, thotë një kontabilist.

Shumë subjekte po faturojnë me blloqet e vjetra, duke e vendosur datën e transaksionit para korrikut.

Teksa shumë biznese, nga 34 mijë subjektet që duhet të përfshiheshin në fazën e dytë, nuk e kanë kryer ende fiskalizimin, subjektet që kanë filluar ta zbatojnë atë, janë të paqarta nëse duhet të pranojnë faturat me blloqe, pasi tremben se nuk do t’u njihen si shpenzime të zbritshme, apo nuk do u njihet TVSh e rimbursueshme. Subjektet ende nuk e dinë se si do të procedohet për transaksionet mes bizneseve të fiskalizuara dhe të pafisklazuara për B2B, apo si do të bëhet deklarimi i librave të shitjes e blerjes për korrikun.

Drejtoresha e Tatimeve, Delina Ibrahimaj, pohoi dje në Komisionin e Ekonomisë se bizneset e pafiskalizuara nuk do gjobiten për përdorimin e blloqeve tatimore. “Mosaplikimi i gjobave do të lidhet me faktin që të gjitha bizneset që nuk janë fiskalizuar do të vazhdojnë të përdorin blloqet tatimore deri në momentin e fiskalizmit. Nga drejtoria e tatimeve do të bëhet një njoftim se si do të funksionojnë bizneset, që nuk janë fiskalizuar ende”, tha ajo.

Kontabilisti Sotiraq Dhamo tha për Monitor se problemi nuk është falja e gjobave nëpërmjet miratimit të aktit normativ, por pranimi i faturave të blerësve, a do t’u njihet atyre TVSH-ja, a do t’u zbriten shpenzimet. “Ligji i qarkullimit të faturave përcakton se nëse ajo nuk është e fiskalizuar nuk njihet si shpenzim i zbritshëm, nëse nuk është fiskalizuar. A do të konsiderohet kjo procedurë, që përcaktohet në këtë ligj dhe jo te ligji “Për procedurat tatimore”. Sipas ligjit për TVSH-në a do të njihet në këtë rast TVSH-ja e kreditueshme te atyre faturave që duhet të ishin fiskalizuar dhe nuk janë të tilla. Edhe kjo nuk sqarohet nga tatimet, por vëtëm thonë janë hequr penalitet, ndërkohë këto procedura nuk lidhen drejpërdrejt me penalitetet.

Mendoj se bizneset në fazën B2B që kanë probleme me fiskalizimin, si p.sh rezulton që nuk janë regjistruar nuk kanë zgjidhje tjetër vecse të lëshojnë fatura me sistemin e vjetër, derisa të regjistrohen. Problemi është te bizneset blerëse. A duhet t’i pranojnë këto fatura? Prandaj është e domosdoshme një sqarim nga drejtoria e tatimeve, që për këto fatura nuk do të ketë penalitete dhe do njihen si shpenzime të zbritshme”, thekson Dhamo.

100 mijë subjekte do përfshihen në fiskalizim

Ekspertët fiskalë kishin kërkuar që të lihej më shumë kohë për fiskalizimin dhe ai të mos fillonte njëherësh, por të testohej me sektorë të ndryshëm, në mënyrë që të bëheshin më të qarta problematikat. Ndërsa për heqjen e gjobave, ndërkohë që fiskalizimi filloi zbatimin, ata paralajmëruan se masë e pamenduar fare dhe e pastudiuar, veç do rrisë evazionin, do keqësoje edukimin e tatimpaguesve, do ndëshkojë në një etapë të dytë me mijëra biznese.

Dhoma e tregtisë dhe Industrisë së Tiranës në një përgjigje drejtuar Ministrisë së Financave argumentonte se: “Ashtu siç kanë vepruar shumë vende evropiane, periudha e testimit të platformës të faturës elektronike do të duhet domosdoshmërish të shtyhet. Është shumë e rëndësishme jo vetë që të mos aplikohen penalitete, por të evidentohen problemet dhe të mbështeten sipërmarrjet në përballimin e kostove për kualifikimin e stafit që do të aplikojë në platformën e faturave elektronike.

Adoptimi i programeve të reja kompjuterike, mirëmbajtja e sistemit, kostot dhe periudha e trajnimit të stafit brenda kompanisë, ashtu edhe vetë testimi i platformës së faturës elektronike, forcon bindjen tek sipërmarrja nevojën për shtyrjen e afateve ligjore për zbatimin e kësaj reforme, përtej vitit 2021”, thuhet në mendimin e Dhomës.

Drejtoria e tatimeve ka bërë të ditur se deri tani 22 mijë subjekte janë pajisur me certifikatë elektronike, që është hapi i parë për fillimin e procesit të fiskalizimit, pasi mundëson kryerjen e nënshkrimit elektronik. Bizneset ankohen ndërkohë dhe në vonesa në marrjen e certifikatës elektronike.

Nga 1 shtatori fillon dhe faza e tretë dhe e fundit e fiskalizimit për transaskionet në cash mes bizneseve dhe konsumatorëve, ku do të përfshihen gjithë bizneset e vogla, përveç ambulantëve. Zv.ministrja e financave Vasilika Vjero tha në Komisionin e Ekonomisë se janë më shumë se 100 mijë tatimpagues që do të hyjnë në procesin e fiskalizimit sipas afateve kohore të përcaktuar në ligj. Ajo shtoi se nuk do të ketë më shtyrje. “Nga 1 janari 2022 do të fillojë të funksionojë çdo gjë sipas legjislacionit, nuk do të jetë në fuqi heqja e gjobave”.

Ekspertët dhe kontabilistët shprehin shqetësimin se kur sistemi shfaqi probleme me funksiononim, a do të arrijë ai të përballojë ngarkesën, kur të përfshihen të gjitha subjektet në shtator?!/Monitor

The post Fiskalizimi, bizneset bëhen “lëmsh” me faturat; 100 mijë subjekte do përfshihen në faturimin elektronik appeared first on Albeu.com.

Administrata Tatimore llogarit në fazën e dytë përfshirjen e 51 mijë bizneseve.

Por, procesi rrezikon të dështojë që pa nisur mirë. Ritmi i pajisjes bizneseve me certifikatën elektronike, që është një nga elementët e domosdoshëm që siguron përdorimin e portalit të Faturës Elektronike dhe kryerjen e veprimeve me të, është i ulët.

Agjencia Kombëtare e Shoqërisë së Informacionit (AKSHI), që menaxhon aplikimin për certifikatë përmes platformës e-Albania, bëri të ditur për Monitor se deri dje (17.6.2021), janë pajisur me certifikatë elektronike për sistemin e fiskalizimit 18,115 biznese, ose vetëm 35% e totalit të subjekteve që pritet të përfshihen në fiskalizim nga 1 korriku.

Ekspertët: Ka vështirësi të shumta

Kur mbeten më pak se dy javë nga fillimi i zbatimit të fazës së dytë, edhe ekspertët kontabël ngrenë si shqetësim vështirësitë e shumta që do të hasen deri te pazbatueshmëria në tërësi e procesit. Për ta është e domosdoshme që nisja e fazës së dytë të shtyhet deri në fund të vitit dhe faza e fundit e fiskalizimit për transaksionet me para në dorë të zbatohet pas 5 vitesh. Edhe kompanitë e tregtimit të kasave dhe zgjedhjeve software rekomanduan shtyrje të afatit për fiskalizmin e faturave të biznesit të vogël, pasi për disa hallka të procesit është e domosdoshme t’i jepet më shumë kohë kësaj kategorie subjektesh.

Kontabilisti Sotiraq Dhamo tha për Monitor se nga konsultimet me tatimpaguesit rezultojnë shumë paqartësi për zbatimin e procesit. Z. Dhamo veçoi disa raste se kur bizneset do të gjenden në vështirësi për lëshimin e faturave elektronike, pasi mungon përcaktimi në legjislacion. Sipas tij me qëllim që procesi të mos dështojë dhe tatimpaguesit të mos dëmtohen është e domosdoshme që nisja e fazës së dytë të shtyhet deri 31 dhjetor 2021 dhe të bëhen rregullimet e nevojshme në legjislacion.

“Për shembull një problem që do të lindë është arkëtimi i pjesshëm i faturave. Si do të klasifikohen këto raste, si: arkëtim i mëvonshëm apo arkëtim me dorë. Për shitjet e mallit jashtë vendit (rastet e shitjes së mallit pa u zhdoganuar), në rast se një subjekt blen mall në një kompani të huaj dhe i duhet të transferojë shitjen në një tjetër klient që është jashtë vendit. Si duhet të veprojë në këtë rast subjekti? Po në rastin e shërbimeve ‘delivery’ si do të veprohet, pasi fatura bëhet në dyqan, ndërsa pagesa kryhet në momentin e dorëzimit të porosisë. Është e pamundur që nga motoristi apo transportuesi të lëshohet fatura në momentin e dorëzimit të porosisë”, nënvizon z. Dhamo.

Për bizneset e vogla, kontabilisti Sotiraq Dhamo sugjeron se duhet të gjendet një rrugë tjetër për t’i shpjeguar se si do të funksionojë lëshimi i faturave elektronike. “Administrata tatimore po zhvillon trajnime online, por biznesi i vogël e ka të pamundur të gjejë kohë për ndjekjen e tyre. Nga administrata tatimore duhet të gjendet një rrugë tjetër për të arritur te bizneset e vogla”.

Edhe audituesi ligjor Bujar Bendo e sheh si të parealizueshëm procesin e fiskalizimit, pasi jo vetëm bizneset, por edhe administrata tatimore, doganore, kompanitë e certifikuara për programet softëare dhe institucionet financiare nuk janë ende gati. Z. Bendo rekomandon që faza e parë duhet të zgjasë 36 muaj, ashtu siç ka ndodhur edhe në vendet e zhvilluara që kanë zbatuar para Shqipërisë fiskalizimin.

“Ne vend ekziston klima e një sistemi financiar jo të besueshëm, për shkak të pastrimit të parave. Për këtë arsye të gjithë përplasen në banka, pra çdo transaksion duhet të jetë bankar dhe transparent. Në banka ka dy alternative të ofrimit të shërbimit, online dhe me paraqitjen në sportele. Bizneset më tepër preferojnë që veprimet t’i bëjnë në sportele, pasi 90% e tyre nuk e njohin anën informatike për të përdorur teknologjinë. Kjo tregon se ambienti i biznesit, ende nuk është i përgatitur për zbatimin e këtij procesi. Edhe administrata tatimore, doganore dhe kompanitë e certifikuara nuk janë gati. Për këto arsye procesi nuk ka për t’u zbatuar tani, duhet të marrë më shumë kohë. Faza e para e procesit që parashikon fiskalizimin për transaksionet pa para në dorë mes enteve publike dhe sipërmarrjes duhet të zgjaste 36 muaj. Më pas të kalohej në fazën e dytë. Për të kaluar te faza e fundit, për transaksionet me para në dorë mes bizneseve dhe konsumatorit maksimumi duhet t’u lihej 5 vjet kohë zbatimit të dy fazave të para”.

Shtyrje të afatit të fiskalizimit për biznesin e vogël rekomandoi edhe drejtori i përgjithshëm i kompanisë A.E Distribution shpk, z. Bledar Balla. Përfaqësuesi i kompanisë A. E Distrubution të tregtimit të pajisjeve fiskale dhe zgjedhjeve software-ike, përmend 6 elementë të procesit, që nga marrja e certifikatës elektronike dhe deri te trajnimet që do të kërkonin më shumë afat për t’u realizuar.

“Nuk jemi kundër procesit të fiskalizimit, por do të duhej të ishte kryer një analizë më e mirëmenduar dhe periudha e tranzicionit të ishte më e gjatë, në mënyrë që të mos krijohet hapësirë për abuzime. Në legjislacion është parashikuar që nga 1 shtatori të nisë faza e fiskalizimit për bizneset e vogla, ne sugjerojmë se për këtë fashë procesi duhet të shtyhet”.

Procesi i lëshimit të faturave elektronike ose siç njihet ndryshe fiskalizmi nisi zbatimin nga 1 janari 2021. Para zbatimit të fazës së parë procesi është shtyrë katër herë. Sipas të dhënave të administratës tatimore nga 1 janari deri 6 qershor 2021 numri i tatimpaguesve të fiskalizuar në total është 4,581; fatura me para në dorë të lëshuara janë 2,097,080; fatura pa para në dorë të lëshuara janë 69,647; numri i vizitave informuese të realizuara në biznese në total është 25,274; numri i trajnimeve që kanë marrë bizneset të realizuara në total janë 24,091 dhe numri i trajnimeve që kanë marrë kontabilistët në total janë 3,143.

Faza e tretë nis në shtator për të gjithë

Faza e tretë fillon në 1 shtator dhe përfshin transaksionet me para në dorë nga tatimpaguesit, pavarësisht përgjegjësisë tatimore apo qarkullimit vjetor të realizuar.

Ndërsa faza e parë, për transaksionet me organet publike, që ka nisur nga 1 janari 2021, ishte më e kufizuar, faza e dytë që nis në korrik dhe e treta në shtator do të përfshijnë të gjitha subjekteve në vend, me përjashtim të ambulantëve dhe fermerëve (vlerësohet rreth 80 mijë në total)./ Dorina Azo-Monitor

The post Kontabilistët dhe audituesit kërkojnë shtyrjen e fiskalizimit, frika për një proces të pazbatueshëm, sidomos për biznesin e vogël appeared first on Albeu.com.

Grupi Suning, që ka edhe pronësinë e klubit milanez, ka firmosur më në fund marrëveshjen me fondin kalifornian Oaktree Capital Managment, që do të injektojë menjëherë 275 milionë euro në arkat e Interit.

Kjo shifër do të ndihmojë zikaltrit të shlyejnë të gjitha detyrimet e prapambetura, qofshin pagat e futbollistëve, apo pagesa ndaj të tretëve, teksa Oaktree ka marrë përsipër të ndihmojë klubin gjatë tre viteve të ardhshme, në përballimin e humbjeve të shkaktuara nga pandemia.

Nëpërmjet pagesës së kësaj shifre, fondi amerikan merr nën kontroll një pjesë prej rreth 29% të aksioneve të klubit zikaltër, teksa marrëveshja parashikon që nëse Suning nuk shlyen detyrimet për tre vite, atëherë Oaktree merr shumicën e aksioneve.

Pas arritjes së kësaj marrëveshjeje mjaft të rëndësishme për të ardhmen e klubit, tashmë pritet që Steven Zhang të ulet me Antonio Conten dhe drejtuesit zikaltër, për të rinovuar kontratën e trajnerit dhe për të planifikuar të ardhmen.

Ndonëse nuk parashikohen blerje të mëdha, synimi i zikaltërve është të ruajnë boshtin kryesor të skuadrës dhe të përforcohen me futbollistë me eksperiencë, që janë në skadencë kontrate, apo të rinj të talentuar, kartoni i të cilëve nuk kushton shumë.

The post Interi zgjidh problemet ekonomike, vijnë 275 milionë euro nga Oaktree appeared first on Albeu.com.

The post Interi shpreson, Icardi mund të kthehet në Serie A appeared first on Albeu.com.