Armand Duka, presidenti i Federatës Shqiptare të Futbollit, ndodhet në “Trump Tower” në New York, ku do të luhet edhe finalja e madhe mes Spanjës dhe Argjentinës. Njëra prej dy përfaqësueseve do të sigurojë gjithashtu statusin më unik në botë.

Në një reagim të publikuar në profilin e tij, kreu i FSHF-së vlerësoi lart organizimin e turneut, i cili për herë të parë u zhvillua në tri vende të ndryshme: SHBA, Meksikë dhe Kanada.

“Një rrugëtim i jashtëzakonshëm, nga vizioni e deri te realizimi i këtij turneu që dëshmoi edhe njëherë një të vërtetë të madhe: Futbolli bashkon botën”, shkruan Duka.

Ai ka publikuar gjithashtu pamje nga takimi me kreun e Shtëpisë së Bardhë, si edhe nga konferenca ku foli presidenti i FIFA-s, Gianni Infantino.

The post Duka në New York pranë Trump dhe Infantino: Turneu ishte i jashtëzakonshëm dhe tregoi se futbolli bashkon botën appeared first on Albeu.com.

Nuk ishte parë kurrë një Kupë Bote me kaq shumë lojtarë-simbol që janë në garë deri në fund: Messi, Kane, Mbappe në pritje të Yamalit të vërtetë, ndoshta për ta shijuar pikërisht në finale.

Por jo vetëm kaq, nuk është parë kurrë më parë një finale mes skuadrës kampione të Evropës dhe asaj kampione të Amerikës së Jugut e njëkohësisht kampiones së botës në fuqi.

Një ndeshje që duhej të luhej në mars si ‘Finalissima’ dmth kampionët e Evropës kundër kampionëve të Amerikës së Jugit, që sido që të përfundoje është tashmë në histori.

Tani nuk është e lehtë të gjesh një favorite për këtë finale. Argjentina ka në anën e saj një lloj eksperience më shumë, ndërsa në anën tjetër është freskia e spanjollëve që kanë një moshë mesatare më të re në krahasim me kundërshtarët.

Spanja dhe Argjentina janë dy skuadra krejtësisht të ndryshme; Albiceleste mbështetet te njeriu-far, Lionel Messi dhe aftësia për të luftuar deri në fund e gjithë futbollistëve të tjerë, La Roja është një kooperativë e vërtetë ku çdo futbollist, titullar apo rezervë e di me saktësi se çfarë duhet të bëjë dhe kur duhet ta bëjë.

Messi do të luajë finalen e tretë si titulluar dhe ky përbën një rekord sepse i vetmi që ka luajtur 3 finale ka qenë Cafu,por braziliani nuk ka qenë titullar.

Për Luis De La Fuente është finalja e parë në një botëror(por ai ka fituar një Evropian), ndërsa për Scalonin është finalja e dytë radhazi dhe në rast fitoreje ai do të barazojë Vittorio Pozzo, i vetmi trajner kombëtareje që ka fituar dy botërorë radhazi me Italinë në vitet e largëta 1934 dhe 1938.

Spanja arriti në këtë pikë duke shfrytëzuar forcën e grupit. Shënuesi më i mirë i saj është Oyarzabal, por nuk është ai lojtari kyç i skuadrës. Deri tani, lojtari kryesor dhe shumë pak i reklamuar, ka qenë Rodri, organizatori i jashtëzakonshëm që ka bërë të gjithë të tjerët të luajnë mirë.

Por tani i takon vërtet Yamal. Duhet vërtet një ndeshje e jashtë zakonshme nga 19 vjeçari për t’u përballur me vendosmërinë e jashtëzakonshme të argjentinasve. E gjithë bota e pret, edhe pse Topi i Artë për këtë sezon duket se e ka një kandidat shumë të fortë që mund të ishte babai i Yamal, Lionel Messi.

The post Botërori 2026/ Drejt Spanjë-Argjentinë, finalja që nuk është parë ndonjëherë dhe që ka hyrë tashmë në histori appeared first on Albeu.com.

Sipas burimeve për “Prive by Liberta Spahiu”, programi pritet të mbyllet me të njëjtën formulë si sezonet e mëparshme, duke zgjatur rreth 80 e disa ditë në total.

Mesa duket, finalja e madhe nuk do të shkojë deri në korrik, por do të përfundojë më herët nga sa ishte parashikuar fillimisht.

Burimet bëjnë me dije se mesi i muajit qershor është periudha më e mundshme për natën finale, ndërsa datat që po qarkullojnë aktualisht janë 15 ose 19 qershori. Megjithatë, ende nuk ka një konfirmim zyrtar nga produksioni për datën përfundimtare të spektaklit.

Ky ndryshim duket se lidhet me nisjen e sezonit veror dhe interesin e madh që pritet të marrë FIFA World Cup, i cili tradicionalisht mbledh një audiencë të madhe para ekraneve.

The post “Ferma VIP” nuk do zgjasë 100 ditë? Çfarë po ndodh me finalen appeared first on Albeu.com.

Pas fitores, heroi i ndeshjes foli për “Amazon Prime”.

“Po më largoni nga festimet, o burrë. Është kaq bukur, mund ta shihni çfarë do të thonë për mua dhe çfarë do të thotë për tifozët. Është më e lehtë të thuhet sesa të bëhet. Është një ndeshje me presion të lartë që ka shumë rëndësi për të dyja palët. Gjithçka nisi që para ndeshjes atmosfera. Nuk kam parë kurrë diçka të tillë.

Ata na shtynë përpara dhe na sollën këtë moment në fund. Nuk ka asnjë mënyrë që të arrinim në këtë pikë pa pasur presion. Si mund të mos presësh që njerëzit të flasin për ty? Prandaj duhet ta izolojmë veten nga kjo. E bëmë detyrën. Është një histori e bukur dhe shpresoj që të përfundojë mirë”, tha heroi i ndeshjes.

The post Heroi i Arsenalit kundër Atletikos, Saka flet për finalen e Championsit: Histori e madhe, tani duam trofeun appeared first on Albeu.com.

Gjithashtu, Miri foli edhe për fituesen e këtij edicioni të pestë, Selin Bollati, ku u shpreh se i është bërë qejfi që banorja ka fituar çmimin e madh, duke shtuar se profecia e tij ka dalë, pasi këngëtari është shprehur në shtëpinë e BBVIP që, “po ta fitonte Selin, e kishte fituar edhe ai”.

Ndërkohë, ai ka shtuar se nuk është bërë pishman për rrugëtimin e tij në BBVIP dhe se ky edicion i ka marrë më të mirën, pasi sipas tij publiku ka njohur një anë tjetër të këngëtarit.

“Jo, nuk jam zhgënjyer se dikush do të fitonte, edhe më bëhet qejfi që u fitua nga ai personi që unë kam thënë që ne të dy do të shkonim në finale. Edhe po e fitove ti, e kam fituar edhe unë. E kam thënë që në ditën e dytë që do të thosha profecia ime doli. Unë jam mësuar me të tilla situata, se kam qenë edhe në kompeticione të tjera, por kësaj radhe ishte ndryshe, se isha vetëm dhe koha ishte e gjatë në Big Brother.

120 ditë sot të duken shumë pak, por atje brenda duken si 10 shekuj. Megjithatë, unë nuk jam i penduar për asgjë, unë kam bërë lojën time, kam treguar Mirin se si është në të vërtetë, me zemër të madhe. Edhe ndoshta është marrë për dobësi, ndoshta nuk ka funksionuar të jesh i mirë, por unë kam arritur një gjë: që publikun t’i tregoj se jam njeri me zemër të madhe.

Unë në Big Brother kam marrë atë që më ka munguar gjithë këto vite: që Miri të njihet nga publiku edhe më shumë dhe më afër, jo vetëm nga miqtë e mi”, tha Miri.

Videon e plotë mund ta ndiqni më poshtë:

The post Miri flet pas përfundimit të “Big Brother VIP 5”: Nuk jam pishman për asgjë, më bëhet qejfi që ka fituar ai personi që… (VIDEO) appeared first on Albeu.com.

Gjatë intervistës në Big Brother Radio, finalisti Mateo Borri, ka zbuluar planet e tij konkrete nëse do të arrijë të fitojë çmimin e madh, duke treguar se ka menduar çdo hap.

I pyetur se çfarë do të bënte me shumën, ai u përgjigj: Fillimisht do të paguaja një kredi, të blija një shtëpi, pastaj thashë të hapja një biznes timin. Ëndrrën time e kam thënë se çfarë biznesi dua të hap… 100 mijë euro nuk mjaftojnë, por rruga është e gjatë.

Mateo theksoi gjithashtu, ambicien dhe vendosmërinë e tij për të ndërtuar diçka më të madhe në të ardhmen: Unë jam ai njeri që hap sa më shumë dyer dhe sa më shumë të përballem, i përballoj të gjitha…

Megjithatë, për të, fitorja nuk matet vetëm me çmimin financiar, por edhe me mbështetjen e publikut: Të fitoja çmimin e madh… por fitorja akoma më e madhe është të jesh fituesi i publikut, do të ishte ëndërr me sy hapur…

Deklarata e tij ka prekur ndjekësit, duke reflektuar jo vetëm ambicie, por edhe një qasje të qartë për të ardhmen përtej spektaklit.

The post Çfarë do të bëjë në fiton “Big Brother VIP”? Mateo zbulon planet për 100 mijë eurot appeared first on Albeu.com.

Ata e mësuan finalen e këtij edicioni në një mënyrë krejtësisht tjetër, jashtë ambienteve të Big Brother.

Konkurrentët u shfaqën të emocionuar, derisa u ndezën edhe fishekzjarret për të festuar këtë moment të rëndësishëm të tyre.

Ndërkaq, nuk u bë e ditur akoma se sa finalistë do të jenë, katër apo pesë gjithsej.

Sido që të jetë, mbetet për t’u parë se si do të shkojnë këto ditë për ta, pasi kanë ngelur shumë pak.

Banorët janë në garë për çmimin e madh prej 200 mijë eurosh, edhe pse ka rënë për shkak të disa situatave që kanë ndodhur brenda.

The post Zbulohet data e finales së “Big Brother VIP Kosova 4” appeared first on Albeu.com.

Një ndikim shkatërrues për një lojtar i cili, pavarësisht moshës së tij, vazhdon të demonstrojë qartësi dhe cilësi të pazakontë.

Fitorja 3-1 në San Diego, konfirmoi rritjen e qëndrueshme të ekipit kanadez, i cili tani përballet me ndeshjen më emocionuese dhe të shumëpritur të sezonit, finalen kundër Inter Majemit të Lionel Mesit.

Ky duel vë përballë dy nga yjet më të ndritshëm të dekadës së fundit të futbollit kundër njëri-tjetrit, megjithëse në rrugë të kundërta në karrierat e tyre.

Në fund të ndeshjes, duke folur për Apple TV, Myler nuk e fshehu entuziazmin e tij për këtë moment historik: “Jam shumë i lumtur. Të jesh pjesë e kësaj aventure është thjesht e paabesueshme. Majemi ka një ekip vërtet të fortë. Do të jetë një finale fantastike. E doja. Pra, le të shkojmë! Mendoj se është fantastike për të gjithë”.

The post Finalja kundër Mesit për titullin e MLS-së/ Tomas Myler nuk fsheh entuziasmin: Do të jetë fantastike appeared first on Albeu.com.

Fituese në momentet e fundit u shpall kënga austriake, e cila parakaloi Izraelin me votat e publikut

Juria ndërkombëtare i dha këngës shqiptare 45 pikë, duke e renditur në vendin e 16-të.

Juria franceze ishte e vetmja që e vlerësoi maksimalisht këngën shqiptare.

Ndërkohë publiku nga e gjithë bota i dha këngës shqiptare 173 pikë, duke e çuar kështu në kuotën e 218 pikëve.

Dyshja përfaqësuese e vendin tonë u pa e emocionuar teksa brohoritjet nuk munguan në Bazel.

The post Austria triumfon në Eurovision 2025, Shqipëria paraqitje të shkëlqyer, ja ku u rendit appeared first on Albeu.com.

Ja gjithçka që duhet të dini para finales së madhe, që mbahet sonte në orën 21:00.

Eurovizioni është një konkurs ku interpretues nga vende të ndryshme të Evropës, dhe disa përtej saj, garojnë nën flamujt kombëtarë me synimin për t’u shpallur kampionë të kontinentit.

Mendojeni Eurovizionin si Olimpiadën e muzikës apo Kupën e Botës me këndim në vend të futbollit.

Është një festë e argëtimit dhe fuqisë unifikuese të muzikës, por gjithashtu edhe një vend ku politika dhe rivalitetet rajonale dalin në pah.

“Është ngjarja më e madhe kulturore e Evropës”, tha Dean Vuletiq, një ekspert i historisë së Eurovizionit për agjencinë e lajmeve AP.

“Ka vazhduar për pothuajse 70 vjet dhe njerëzit duan ta shohin, jo vetëm për spektaklin, shkëlqimin, efektet e skenës, kostumet e çmendura, por edhe sepse e shohin si një pasqyrim të frymës së kohës në Evropë”, përfundoi ai.

Kush është në finalen e Eurovizionit 2025?

Nga 37 vende që dërguan interpretime në Eurovizion, 11 u eliminuan nga votimi publik në gjysmëfinalet e së martës dhe së enjtes.

Gjashtë të tjera u kualifikuan automatikisht për në finale: nikoqirja Zvicra dhe “Pesëshja e Madhe” që kontribuon më shumë financiarisht në konkurs — Franca, Gjermania, Italia, Spanja dhe Mbretëria e Bashkuar.

26 vendet që konkurrojnë të shtunën, sipas rendit të interpretimit, janë: Norvegjia, Luksemburgu, Estonia, Izraeli, Lituania, Spanja, Ukraina, Mbretëria e Bashkuar, Austria, Islanda, Letonia, Holanda, Finlanda, Italia, Polonia, Gjermania, Greqia, Armenia, Zvicra, Malta, Portugalia, Danimarka, Suedia, Franca, San Marino dhe Shqipëria.

Favoritët, sipas bastvënësve, janë KAJ, që përfaqësojnë Suedinë me “Bara Bada Bastu”, një serenatë gazmore për saunën.

Këngëtari holandez Claude është gjithashtu shumë i vlerësuar me baladën shpirtërore “C’est La Vie”, si dhe përfaqësuesit e Shqipërisë, Shkodra Elektronike, me këngën “Zjerm”.

Favoritë të tjerë përfshijnë austriakun e trajnuar në mënyrë klasike JJ me këngën pop-operë “Wasted Love”, dhe izraeliten Yuval Raphael me himnin “New Day Will Rise.”

Çfarë muzike është ajo e Eurovizionit?

Eurovizioni ka një reputacion për europop-in me tekste pa kuptim — fitues të mëparshëm përfshijnë këngët “La, La, La” dhe “Boom Bang-a-Bang.”

Por, ky festival ka prodhuar edhe disa hite të qëndrueshme të muzikës pop. Dhe ndihmoi në ngritjen e yjeve si ABBA — fitues në 1974 me “Waterloo” — Celine Dion; performuesi drag austriak, Conchita Wurst; dhe grupi rok italian, Maneskin.

Finalistët e këtij viti variojnë nga rokistët emo lituanezë, Katarsis, te diva spanjolle e baladave të fuqishme, Melody, dhe rokistët progresivë ukrainas, Ziferblat.

Dikur besohej gjerësisht se këngët më të suksesshme të Eurovizionit ishin në anglisht, por kjo po ndryshon. Festivali i këtij viti përfshin këngë në një rekord prej 20 gjuhësh.

Vuletiq tha se shikuesit sot duan “më shumë autenticitet në prezantimet e Eurovizionit”.

“Ata nuk duan vetëm një këngë standarde pop në anglisht,” tha ai. “Ata duan gjithashtu të shohin diçka për kulturën e vendit që përfaqëson kënga”.

Pasi të gjitha këngët të jenë interpretuar në finale, fituesi zgjidhet përmes një kombinimi të ndërlikuar të votimeve me telefon dhe online nga mbarë bota dhe renditjeve nga juria e industrisë muzikore në secilin nga vendet e Eurovizionit. Ndërsa rezultatet shpallen, vendet ngjiten dhe zbresin në renditje dhe tensioni rritet.

Përfundimi me zero pikë konsiderohet një turp kombëtar.

A është Eurovizioni një zonë pa politikë?

Motoja e festivalit është “të bashkuar nga muzika”, por ndarjet politike pa dyshim që ndikojnë.

Rusisë iu ndalua garimi pas pushtimit të plotë të Ukrainës në vitin 2022, dhe që atëherë muzikantët ukrainas — përfshirë fituesin e vitit 2022, Kalush Orchestra — kanë garuar nën hijen e luftës në atdhe.

Konkursi i këtij viti është trazuar për të dytin vit radhazi nga mosmarrëveshjet rreth pjesëmarrjes së Izraelit.

Dhjetëra ish-pjesëmarrës, përfshirë Nemo-n, kanë kërkuar përjashtimin e Izraelit për shkak të sjelljes së vendit në luftën kundër Hamasit – grupit palestinez të shpallur organizatë terroriste nga SHBA-ja dhe BE-ja – në Gazë.

Protesta pro-palestineze dhe pro-izraelite janë mbajtur në Bazel, megjithëse në shkallë shumë më të vogla sesa në konkursin e vitit të kaluar në Suedi.

Një grusht protestuesish u përpoqën të ndërprisnin një provë të këngëtares izraelite Raphael të enjten me flamuj të mëdhenj dhe bilbila, por u nxorën nga arena. Organizatorët thonë se kanë shtuar masat e sigurisë para finales./rel

The post Eurovizioni/ Gjithçka duhet të dini për para finales së madhe, ja kur performon Shqipëria appeared first on Albeu.com.