Finalizim Archives - Albeu.com

Rama: Po finalizojmë krijimin e një shoqërie aksionere, për prodhimin e automjeteve

V K — Wed, 10 Jan 2024 14:24:23 +0000

Ditën e sotme, në konferencën për shtyp pas mbledhjes dy ditore të qeverisë në Lezhë, kryeministri Edi Rama, u shpreh se po finalizohet krijimi i një shoqërie aksionere, për prodhimin e automjeteve.

Gjithashtu, Rama u shpreh se ky projekt do t’i vijë në ndihmë ministrisë së Shëndetësisë asaj të Brendshme, Agjencisë Kombëtare të Transportit si dhe për eksport.

Rama: “Do t’i shërbejë kalimi në një nivel tjetër sistemi të transportit dhe do të mbulojë edhe një mision tjetër të transportit të mësuesve dhe fëmijëve. Dhe jemi në finalizim të krijimit të një shoqërie aksionere për prodhimin e automjeteve për nevojat e shteti dhe për eksport. Është një projekt shumë i bukur që do të na japë mundësinë të prodhojmë për nevojat e ministrisë së Shëndetësisë, ministrisë së Brendshme, Agjencisë Kombëtare të Transportit dhe patjetër edhe për eksport. Bazuar te eksperienca e një vajze shqiptare, që të gjithë e njihni dhe me të cilën po ndërtojmë këtë proces”.

The post Rama: Po finalizojmë krijimin e një shoqërie aksionere, për prodhimin e automjeteve appeared first on Albeu.com.

I vetmi qendërsulmues në skuadër, Real Madridi pranë finalizimit të rinovimit me Karim Benzema

E S — Wed, 21 Sep 2022 12:43:38 +0000

Sipas informacioneve të Todofichajes, Real Madrid është duke finalizuar rinovimin e Karim Benzemas. Reprezentuesi francez është bërë që nga largimi i Cristiano Ronaldos lideri i vërtetë i skuadrës dhe në moshën 34-vjeçare ai ka ende shumë për të dhënë.

Fillimisht ishte përfolur se bardhezinjtë e kishin ofruar deri në vitin 2024, por më në fund duket se lojtari ia ka arritur qëllimit për të rinovuar qëndrimin edhe për një sezon.

Në këtë mënyrë, Benzema do të sigurojë që të vazhdojë të mbajë veshur fanellen e bardhe të paktën deri sa të mbushë 36 vjeç dhe kërcënon të mbetet një lojtar kyç në skemat e Carlo Ancelottit .

Marrëveshjes i mungojnë vetëm disa detaje dhe ideja është që të zyrtarizohet para Kupës së Botës në Katar./albeu.com

The post I vetmi qendërsulmues në skuadër, Real Madridi pranë finalizimit të rinovimit me Karim Benzema appeared first on Albeu.com.

Rabiot – United, 2 milion euro mbajnë “peng” finalizimin e operacionit

E S — Thu, 18 Aug 2022 07:13:55 +0000

Diferenca mes ofertës së Manchester United dhe kërkesës së Adrien Rabiot është 2 milion euro.

Nëna e lojtarit njëkohësisht edhe agjentja e tij nuk është treguar fleksibël për finalizimin e kësaj marrëveshjeje dhe gjithashtu “Djatë e Kuq” duket kanë vendosur të mos bëjnë hapa para për të kënaqur dëshirën e mefushorit francez.

Qëllimi i Rabiot dhe rrethit të tij është ky operacion të mbyllet në kohë dhe të marrin atë që dëshirojnë, pa përfshirë kartonin.

Juventusi nga kjo dalje do të përfitonte rreth 20 milion euro./albeu.com

The post Rabiot – United, 2 milion euro mbajnë “peng” finalizimin e operacionit appeared first on Albeu.com.