Spanja dhe Argjentina mund të luajnë një tjetër finale brenda këtij viti, vetëm pak ditë pasi kombëtarja spanjolle triumfoi 1:0 pas vazhdimeve në finalen e Kupës së Botës 2026.

ESPN dhe gazetari argjentinas Martín Arévalo raportojnë se dy përfaqësueset pritet të përballen në Finalissima, duelin që vendos përballë kampionin e Evropës me kampionin e Amerikës së Jugut.

Katari shihet si favoriti për organizimin e kësaj ndeshjeje. Sipas raportimeve, vendi ka siguruar të drejtën e mikpritjes, ndërsa sfida pritet të luhet në stadiumin Lusail, ku Argjentina mposhti Francën dhe fitoi Kupën e Botës 2022.

Diskutimet për zhvillimin e Finalissimas janë riaktivizuar menjëherë pas finales së Botërorit. UEFA dhe CONMEBOL duket se kanë rinisur bisedimet për realizimin e përballjes.

Negociatat e mëparshme ishin bllokuar nga mospajtimet rreth vendit organizator. Madridi dhe Londra qenë përmendur si alternativa, kurse Katari fillimisht nuk ishte marrë në konsideratë për shkak të situatës gjeopolitike në Lindjen e Mesme.

Në rast se arrihet marrëveshja përfundimtare, Argjentina do të ketë rastin të kërkojë hakmarrjen sportive ndaj Spanjës në të njëjtin stadium ku, katër vjet më parë, ngriti trofeun e tretë të Kupës së Botës.

Raportimet bëjnë të ditur se takimi mund të caktohet brenda dritares zyrtare të FIFA-s, nga 9 deri më 17 nëntor. Konfirmimi i hollësive përfundimtare pritet të vijë gjatë javëve të ardhshme.

Pengesa kryesore për organizimin e Finalissimas mbetet kalendari ndërkombëtar. Në nëntor, Spanja duhet të zhvillojë dy ndeshjet e fundit të fazës së grupeve në Ligën e Kombeve. Argjentina, ndërkohë, e ka siguruar tashmë kualifikimin në Kupën e Botës 2030 dhe në program ka vetëm takime miqësore.

Nëse palët arrijnë të gjejnë një datë të përshtatshme, tifozët mund të ndjekin një tjetër përballje mes dy kampionëve kontinentalë, vetëm katër muaj pas finales spektakolare të Kupës së Botës në New Jersey.

The post Argjentina dhe Spanja mund të përballen sërish për trofe pas vetëm katër muajsh appeared first on Albeu.com.

Në orën 20:45, në Wembley, do të jetë një përballje shumë mbresëlënëse, ku dy ekipe shumë në formë do të përballen së bashku. Hera e fundit për Italinë në këtë stadium, ishte në finale pak a shumë një vit më parë, ku mposhtën Anglinë dhe për t’u shpallur kombëtarja më e mirë në Evropë.

Ndërsa nga ana tjetër, Argjentina është në një formë të jashtëzakonshme, pasi ka që në 3 korrik të vitit 2019 pa pësuar një humbje. Ekipi i Argjentinës ka 31 ndeshje pa pësuar një humbje.

Formacionet e mundshme:

Italia (4-3-3): Donnarumma, Di Lorenzo, Bonucci, Chiellini, Emerson Palmeiri, Pessina, Jorginho, Barella, Bernardeschi, Belotti, Insigne.

Argjentina (4-3-3): Martinez, Molina, Romero, Otamendi, Acuna, De Paul, Guido Rodriguez, Lo Celso, Messi, Lautaro, Di Maria./ h.ll/albeu.com

The post Formacionet e mundshme të finales Itali-Argjentinë, Bonucci-Chiellini për të ndalur Messi-Lautaro appeared first on Albeu.com.