Me të drejtë tifozët e Arsenal ëndërrojnë për një vit të suksesshëm, teksa të besuarit e tyre hodhën një tjetër hap të rëndësishëm, siguruan një biletë për në finalen e Carabao Cup.

Suksesi 3-2 ndaj Chelsea-t në transfertë në sfidën e parë, i jepte Arsenal një bonus të madh për ndeshjen e kthimit.

Të shtyrë dhe nga rezultati i derbit të parë, Chelsea ishte më superior, krijuan 14 raste, por goditën vetëm 2 herë kuadratin. “Topçinjtë” nuk qëndruan pasiv, por shfrytëzuan në maksimum detajet e këtij takimi.

Me Chelsea-n të hedhur përpara në kërkim të golit, Arsenal i kapi “mat” me një kundërsulm të shpejtë në minutën e 97-të, ku Kai Havertz finalizoi me shumë klas duke bërë që Arteta dhe pjesa tjetër e Arsenal të shpërthenin në festë për arritjen e finales së Carabao Cup, aty ku do të përballen me fituesin e çiftit Newcastle-Man.City.

Nuk e fshehu gëzimin për këtë sukses Mikel Arteta: “Jemi shumë të lumtur. Mendoj se në përgjithësi gjatë dy ndeshjeve e meritonim të kalonim më tej. Ishte një ndeshje e vështirë, ndaj një rivali të shkëlqyer, por arritëm ta mbyllnim në fund me atë gol të bukur nga Kai. Jemi në Wembley, kjo është thjesht magjike”, u shpreh Arteta.

The post Arsenal “fluturon” në finalen e Carabao Cup, “thyen” sërish Chelsea-n, Arteta: Është magjike, jemi në Wembley (VIDEO) appeared first on Albeu.com.

Beratasi gaboi një 11 metërsh në minutën e 21-të, teksa u korrigjua në fundin e pjesës së parë.

Dueli nisi me Nashville SC më kërkues. Duhej minuta e 17-të që Mukhtar të shënonte për Nashville, para se Myrto Uzuni në minutën e 21-të të gabonte penalltinë e fituar nga Austin FC.

Megjithatë, në fundin e pjesës së parë Uzuni e korrigjoi shënjestrën dhe shënoi me aksion pas pasimit të Sanchez.

Në pjesën e dytë, Surridge, gjeti edhe golin e dytë për Nashville me 11 metërsh, duke ‘vulosur’ suksesin për të tijtë.

Uzuni ishte ndër më të vlerësuarit për të tijtë, por Austin FC nuk mundi të prekte trofeun, duke i shkuar pranë. Nëntë gola ka shënuar këtë sezon Uzuni me fanellën e klubit amerikan.

The post Myrto Uzuni shënon në finalen e US Open Cup dhe gabon 11 metërshin (VIDEO) appeared first on Albeu.com.

Megjithëse do të marrë pjesë në një disiplinë me konkurrencë të jashtëzakonshme, atletja ka si objektiv të arrijë finalen, duke përsëritur rezultatin historik të tri viteve më parë në Tokio.

“Synimi im është fillimisht kalimi në finale, rezultat që e kam provuar në Tokio. Kam besim më të madh edhe në saj të rezultateve vitet e fundit. Nëse gjëra shkojnë mirë do synoj pozicion më të mirë. Nuk deklaroj asgjë që do marr këtë apo atë medalje”, u shpreh ish-kampionia e Europës për qëllimet e saj në “Paris 2024”.

The post Lojërat Olimpike/ Luiza Gega: Dua të arrij finalen appeared first on Albeu.com.

Gega zhvilloi një garë taktike, duke u renditur e teta në baterinë e saj me kohën 9:35.77, rezultat që i mundësoi kalimin në finalen që do të mbahet mbrëmjen e së dielës në orën 22:00, duke vijuar kështu të bëjë histori me paraqitjet e saj në evenimentet më prestigjioze të atletikës.

Kujtojmë që Luiza Gega, vjen në këtë aktivitet si kampione në fuqi e Europës dhe me rekord kompeticioni, pas asaj paraqitje fenomenale të dy viteve më parë në Mynih.

Gega gjithashtu, është e kualifikuar me normë edhe në Lojërat Olimpike që do të nisin muajin e ardhshëm në Paris.

Ndërkohë sot në Europian, konkurroi gjithashtu edhe Izmir Smajlaj në kualifikueset e garës në kërcim së gjati.

Ndonëse shënoi rezultatin e tij më të mirë sezonal, 7.78 metra, kampioni shkodran nuk arriti të shkonte në finale.

The post Luiza Gega kualifikohet për në finalen e madhe në Europianin e Atletikës appeared first on Albeu.com.