Dukesha e Sussex-it ndau lajmin me ndjekësit e saj në Instagram, ku falënderoi ekipin, producentët dhe të gjithë bashkëpunëtorët që kontribuuan në realizimin e projektit.

“Urime ekipit të jashtëzakonshëm, producentëve dhe të gjithë bashkëpunëtorëve të ‘With Love, Meghan’. Jemi nominuar për një Emmy në kategorinë Outstanding Lifestyle Series”, shkroi Meghan.

Në këtë kategori, emisioni do të përballet me produksione të tjera si “A Different Breed”, “George to the Rescue”, “The Motherhood” dhe “The Wizard of Paws”. Fituesi do të shpallet në ceremoninë e 53-të të Daytime Emmy Awards, më 30 tetor.

“With Love, Meghan” u publikua në Netflix në mars të vitit 2025 dhe solli për publikun receta gatimi, këshilla për kopshtarinë, organizimin e eventeve dhe momente nga jeta e përditshme e Meghan në rezidencën e saj në Montecito, Kaliforni.

Edhe pse emisioni mori vëmendje të madhe, ai u shoqërua edhe me kritika, sidomos në Mbretërinë e Bashkuar, ku disa e cilësuan si një projekt të shkëputur nga realiteti.

Pavarësisht nominimit për Emmy, Netflix vendosi të mos e vazhdojë projektin me një sezon të tretë, pas raportimeve se sezoni i dytë nuk arriti të renditej mes programeve më të ndjekura të platformës.

Rita Ora dhe Taika Waititi ndezin tapetin e kuq/ Puthje pasionante dhe një paraqitje që…
Pas përfundimit të emisionit, Meghan u përqendrua te marka e saj e stilit të jetesës, As Ever, ndërsa bashkëpunimi me Netflix gjithashtu mori fund.

Megjithatë, platforma vlerësoi kontributin kreativ të Meghan dhe rolin e saj në lançimin e markës, ndërsa përfaqësuesit e As Ever bënë të ditur se kompania do të vijojë aktivitetin e saj në mënyrë të pavarur.

Meghan Markle dhe Princi Harry nënshkruan në vitin 2020 një marrëveshje shumëvjeçare me Netflix, pas largimit nga detyrat aktive si pjesëtarë të familjes mbretërore britanike.

The post Sukses për Meghan Markle/ Emisioni i saj nominohet për Emmy pavarësisht fundit në Netflix appeared first on Albeu.com.

Projekti ka kaluar filmin biografik të vitit 2018 për Freddie Mercury, “Bohemian Rhapsody”, duke iu afruar shifrës së 1 miliard dollarëve në të ardhura globale nga kinematë.

Kjo ndodh një muaj pasi filmi la pas në renditje edhe Elvis, ku rolin kryesor e luante Austin Butler, duke e zbritur atë në vendin e dytë.

Filmi Michael, në të cilin nipi i Mbretit të Popit, Jaafar Jackson, 29 vjeç, interpreton rolin kryesor, ka arkëtuar 911.9 milionë dollarë në mbarë botën që nga dalja në kinema më 24 prill, sipas Deadline.

Filmi biografik i vitit 2018 për Freddie Mercury, Bohemian Rhapsody, mbante më parë vendin e parë me 216.7 milionë dollarë të fituara në tregun amerikan dhe 910.8 milionë dollarë në mbarë botën, sipas Billboard.

Ky sukses vjen 17 vjet pas vdekjes së Michael Jackson, i cili u nda nga jeta në vitin 2009 në moshën 50-vjeçare.

The post “Michael” bëhet zyrtarisht filmi biografik me fitimet më të larta të të gjitha kohërave appeared first on Albeu.com.

Sipas Streep, edhe pse e kuptoi menjëherë potencialin e madh të projektit sapo lexoi skenarin, ajo vendosi fillimisht të thoshte “jo”. Aktorja tregoi se skenari ishte aq i mirë sa e bindi menjëherë se filmi do të kishte sukses të garantuar.
Megjithatë, ajo vendosi të testonte studion duke kërkuar një pagesë dy herë më të lartë se oferta fillestare. Sipas rrëfimit të saj, përgjigjja ishte e menjëhershme dhe pozitive, gjë që e bindi të pranonte rikthimin në rol.

Streep tha se në atë periudhë, në moshën 56-vjeçare, kishte menduar seriozisht të largohej nga aktrimi nëse projektet që i ofroheshin nuk do të ishin mjaftueshëm sfiduese dhe të vlefshme.

Roli i Miranda Priestly në filmin origjinal të vitit 2006 u kthye në një nga interpretimet më të paharrueshme të karrierës së saj, duke i sjellë një nominim për çmimin Oscar dhe duke shënuar një etapë të re profesionale.

Vazhdimi i filmit vjen rreth 20 vite pas suksesit të parë dhe shënon rikthimin e Streep në një film artistik pas pesë vitesh mungesë, duke rritur pritshmëritë e fansave në mbarë botën.

The post Meryl Streep zbulon: refuzova rolin në “The Devil Wears Prada 2” para se ta pranoja appeared first on Albeu.com.

Si po e përjeton ajo këtë rol të ri, si e sheh edicionin e pestë të “Big Brother VIP” dhe a ka ajo ndonjë banor të preferuar?

Çfarë mund të na thuash për filmin e ri “Loja e fundit”, ku personazhet do të jenë Kiara Pipo dhe Luiz Bejlli?

Prej vitesh jemi Kiara dhe Luiz dhe do jetë më e thjeshtë për publikun, që të qëndrojmë tek emrat tanë por me mbiemra të tjerë. Nuk ka të bëjë me historinë tonë të dashurisë, por mesazhi është pak a shumë i njejti. Kemi dhe një detaj tjetër. Do të jetë dhe Heidi tek një pjesë. Do ta shohim si aktore, ka dalë shumë bukur, do shihni një anë tjetër të saj.

Si u bëtë bashkë ju të dyja?

Kiara: Ka ardhur gradualisht. Heidi ka qenë e ftuar në “Portokalli”. Ka qenë një gjë që lindi shumë natyrshëm. Ka ngjitur pozitiviteti, energjia. Nëse dikush ka energji të mirë, e dua afër vetes. Heidi nuk ka fare kunja. Shoh shumë nga vetja ime tek Heidi.

Heidi: Nuk ka fare negativitet. Më pëlqen ajo qetësia.

Filmi del në shkurt, pse kjo zgjedhje?

Kemi dashur shumë ta nxjerrim në shkurt. Nuk ka gjë më të bukur që të kalosh muajin e dashurisë në kinema për të ndjekur një histori dashurie nga dy personazhe që i njeh publiku./TAR

The post Kiara Tito zbulon detaje të reja nga filmi i ri me Luizin appeared first on Albeu.com.

Aktorja ka një numër rolesh të shkëlqyera në karrierën e saj, por për shumicën dërrmuese të audiencës ajo do të jetë përgjithmonë e huaja zemërmirë që ndihmoi Kevin McCallister, në aventurën e tij të Krishtlindjeve.

Së bashku me “ushtrinë” e saj të pëllumbave, ajo e mori nën mbrojtje heroin e Macaulay Culkin në filmin e vitit 1992, ndërsa “Liquid Bandits” e ndiqnin atë nëpër rrugët e Nju Jorkut.

Në finale, ai e shpëton situatën duke hedhur fara në kokat e Harrit dhe Marvit, duke bërë që pëllumbat e Central Park të sulmojnë keqbërësit.

Megjithatë, siç e thekson vetë, “zonja me pëllumba”, meriton shumë më tepër respekt. Fricker ka dhënë performanca të shkëlqyera dhe ishte aktorja e parë irlandeze që fitoi një çmim Oscar.

Në vitin 1990, ajo u nderua me çmimin për Aktoren më të Mirë në Rolin Mbështetës për filmin “My Left Foot”, duke bërë histori.

Më pas ajo u shfaq në filma të tillë si “So I Married an Axe Murderer”, “Angels in the Outfield”, “A Time to Kill”, “Veronica Guerin”, “Inside I’m Dancing” dhe “Albert Nobbs”.

Pavarësisht karrierës së saj të shkëlqyer, aktorja zbuloi se pasi mbushi 70 vjeç, ofertat për punë pothuajse u zhdukën.

Në një intervistë me Times, ajo përshkroi ndjesinë e “padukshmërisë” që ndjeu kur hyri në dekadën e shtatë të jetës. “Nuk shkruajnë role për gra të moshuara”, tha ajo.

“Shekspiri shkroi, por shkrimtarët e rinj jo. Ka kaq shumë gra interesante me histori dhe përvoja”.

Madje ajo kujtoi një citat nga Richard Harris, i cili i kishte thënë se në moshën 70-vjeç bëhesh i padukshëm.

“Në ditëlindjen time mendova se ai kishte gabim. Një javë më vonë e kuptova saktësisht se çfarë donte të thoshte. Është e çuditshme. Duhet të bërtasësh që të të dëgjojnë. Nuk jam pa punë për ndonjë arsye tjetër. Thjesht nuk ka role”.

Sot, Fricker përballet me probleme serioze shëndetësore, të cilat, thotë ajo, e kanë detyruar të qëndrojë në shtrat.

Pa dhënë detaje, ajo pranon se jeton “çdo ditë me dhimbje” dhe ndihet vazhdimisht e rraskapitur. Në një intervistë të kohëve të fundit me Guardian, aktorja 80-vjeçare tha se i merrej fryma edhe kur flet.

“Nuk kam përjetuar kurrë një lodhje të tillë në jetën time. Ndihem e rraskapitur. Pyes veten nëse do të ngrihem përsëri. Është një vdekje e tmerrshme, vdes çdo ditë nga dhimbja. Ndoshta do të jetoj deri në 100 vjeç”, tha ajo me humor të hidhur.

Kur nuk mund të flejë, ajo gjen ngushëllim duke parë serialin “Real Housewives of Beverly Hills”, i cili, thotë ajo, e argëton më shumë se çdo gjë tjetër.

Pavarësisht faktit se emri i saj është identifikuar me një nga filmat më të dashur të Krishtlindjeve të të gjitha kohërave, ajo ka pranuar se nuk i do veçanërisht Krishtlindjet.

Në një intervistë të mëparshme me BBC Radio 1, ajo tha se të jetosh vetëm dhe në pleqëri mund të jetë një kohë e errët.

Ajo e fik telefonin, ul perdet, shikon programe të regjistruara paraprakisht dhe kalon kohë me qenin e saj.

“Është thjesht një lloj tjetër Krishtlindjesh”, shpjegoi ajo, duke shtuar se ajo që e gjen vërtet të vështirë nuk është aq shumë vetë festa, por nata e Vitit të Ri.

The post ”Zonja me pëllumba”/ Historia tragjike eaktorja që u identifikua me Krishtlindjet appeared first on Albeu.com.

Vetëm pak kohë pas publikimit të teaser-it, moderatorja ka njoftuar se është detyruar të marrë një vendim drastik: mbylljen e komenteve në postimet e saj.

Në një reagim zyrtar, ajo sqaroi se shkak për këtë u bënë “komentet e ulëta dhe fjalori i pisët” që vërshuan menjëherë në profilin e saj.

Kiara nuk e la me kaq, por vendosi të “demaskojë” publikisht atë që ajo e quan një sulm të orkestruar. Ajo publikoi disa ‘screenshot’-e të komenteve negative (si “keq keq”, “cringe”, “shfaqje e pakuptimtë”), të cilat vinin kryesisht nga profile pa foto ose me emra të huaj e të dyshimtë.

E revoltuar, ajo shkroi: “Janë disa grupe të organizuara që mundohen të prishin postimet, si nuk lodheni duke hap accounts, pse nuk shikoni punën tuaj?”

Në një përgjigje të ashpër ndaj këtyre sulmeve anonime, Kiara u shpreh: “Nuk e di kush ka më shumë energji këtu, unë që bëj punën time, apo adresat fake që krijohen çdo 5 minuta vetëm për të shkruar vrer. Imagjino të mos kesh as emër, as foto, as identitet, por të kesh mendim për çdo gjë.”

Ajo e mbylli reagimin e saj me një mesazh force, duke ndarë qartë pozicionin e saj nga ai i “urrejtësve” anonimë: “Flisni, shkruani, shpikni, unë prapë jam këtu me emër, me fytyrë dhe me jetë. Ju, vazhdoni me komentet. Unë vazhdoj me suksesin.”

The post Kiara Tito shpërthen ndaj sulmeve të organizuara, merr vendimin drastik për filmin appeared first on Albeu.com.

Lajmi është bërë publik përmes rrjeteve të tyre sociale, ku Luiz dhe Kiara ndanë një postim të shkurtër, por shumë domethënës: “Shkurt 2026 në kinema.” Ky konfirmim ka ngjallur menjëherë reagime të shumta, si nga fansat e çiftit, ashtu edhe nga ndjekës të filmit shqiptar që presin të shohin çfarë historie do të sjellin dy protagonistët.
Filmi, për të cilin çifti ka punuar prej kohësh në heshtje, besohet të jetë një ndër projektet më personale të tyre. Edhe pse detajet rreth skenarit, zhanrit apo kastës së aktorëve nuk janë zbuluar ende, burime pranë ekipit kanë sugjeruar se projekti përfshin elemente dramatike, romancë dhe momente të frymëzuara nga vetë eksperiencat e tyre të përbashkëta.

Ky është herën e parë që Luiz dhe Kiara sjellin një projekt artistik të përbashkët në formë filmi, duke e ngritur edhe më tej profilin e tyre si figurat publike që nuk ndalen së befasuari audiencën.

The post Filmi i Luiz Ejllit dhe Kiara Titos, konfirmohet data e publikimit në kinema appeared first on Albeu.com.

Në një postim emocionues në rrjetet sociale, Sweeney shprehu krenarinë e saj për këtë projekt dhe për ekipin që e krijoi atë. Ajo theksoi se ky film përfaqëson mbijetesën, guximin dhe shpresën dhe se ka ndihmuar në rritjen e ndërgjegjësimit për dhunën në familje. “Ky film është një nder i madh për mua. Jam krenare për këtë histori që treguam dhe për mundësinë për të përfaqësuar dikë si Christy Martin, një grua kaq e fortë dhe e qëndrueshme,” shkroi aktorja.

Sweeney beson se arti nuk është gjithmonë për shifra, por për ndikimin që lë tek të tjerët. Ajo e mbylli postimin duke falenderuar publikun për mbështetjen dhe duke shtuar se nëse filmi ka ndihmuar një grua të bëjë hapin e parë drejt sigurisë, atëherë ata e kanë arritur qëllimin e tyre.

“Christy” tregon historinë e boksieres Christy Martin, një gruaje që luftoi për t’u bërë një nga boksierët më të njohur në botë, duke sfiduar normat dhe presionet shoqërore.

The post Filmi i ri “Christy” pati performancë të dobët në kinema, reagon Sydney Sweeney! appeared first on Albeu.com.

Filmi i regjisorit David Michôd përfundoi xhirimet dhe vetëm shtatë javë më vonë, Sweeney duhej të ishte gati për dy projekte krejt të ndryshme: filmin “The Housemaid” dhe sezonin e tretë të “Euphoria”. “Duhej të isha shumë strikte me veten,” tregon 28-vjeçarja për People, duke kujtuar procesin e shpejtë të humbjes së peshës.

Gjatë përgatitjes për rolin, ajo konsumonte sasi të mëdha ushqimi, proteina dhe kreatinë, çka i shkaktonte fryrje. “Kur e ndërpreva gjithçka, muskujt filluan të bien shumë shpejt. Muskujt janë gjëja e parë që humbet para yndyrës, brenda dy javësh rashë dukshëm,” shpjegon ajo. Pjesën tjetër të peshës e humbi përmes një diete shumë të pastër dhe sasisë së madhe të kardios.

Sweeney e pranon se një transformim i tillë mund të mos përsëritet. “Ky mund të jetë rasti i vetëm që e sfidoj trupin tim kaq shumë për një rol,” thotë ajo, edhe pse falë metabolizmit të mirë dhe një jete aktive, i është dashur më pak kohë për të rikthyer formën.

“Christy” është tashmë në kinema, ndërsa “The Housemaid”, ku Sweeney luan krah Amanda Seyfried, pritet të shfaqet më 19 dhjetor.

The post Sydney Sweeney tregon transformimin ekstrem fizik për rolin në “Christy” appeared first on Albeu.com.

Filmi është xhiruar tërësisht në Kosovë, duke përfshirë lokacione si Trepça, Prishtina dhe Shpella e Gadimes, dhe është pjesë e një serie projektesh të producentëve kosovarë që jetojnë në SHBA, Fitim dhe Fahri Krasniqi, të cilët vazhdojnë të sjellin projekte ndërkombëtare në vendin tonë.

“The Sixth” është një film i zhanrit horror që kombinon elemente dramatike dhe thriller me lokacione natyrore dhe historike të Kosovës, duke ofruar një eksperiencë tërheqëse vizuale dhe emocionale për audiencën ndërkombëtare. Ky projekt tregon edhe mundësitë e jashtëzakonshme që vendi ynë ofron për produksione të mëdha dhe të profilit të lartë.

Producentët kosovarë po bashkëpunojnë ngushtë me ekipin ndërkombëtar për të garantuar një standard të lartë të produksionit dhe për të krijuar një film që të shërbejë si promovim i Kosovës në skenën globale të kinemasë.

Për të ndarë më shumë detaje rreth filmit dhe përvojës së xhirimeve, ekipi i filmit ka planifikuar një konferencë për media, që do të mbahet më 7 nëntor në Shpellën e Gadimes, në Lipjan. Në këtë ngjarje do të prezantohen regjisorët dhe producentët, si dhe do të diskutohen sfidat dhe eksperiencat gjatë xhirimeve në Kosovë.

Filmi “The Sixth” synon të vendosë Kosovën në hartën e kinemasë botërore, duke treguar se vendi jonë mund të jetë një destinacion ideal për produksione ndërkombëtare dhe projekte artistike me profil të lartë.

The post Filmi ndërkombëtar horror “The Sixth” xhirohet tërësisht në Kosovë, paralajmërohet konferencë për media te Shpella e Gadimës appeared first on Albeu.com.